Apocalipsis 14:2 - Li Santil hu

² Ut quicuabi jun yo̱ chi a̱tinac saꞌ choxa chanchan xya̱b lix cau ok li nimaꞌ. Chanchan nak namok li ca̱k. Ut chanchan xya̱beb li arpa nak yo̱queb xchꞌeꞌbal.

Q'eqchi Bible

² Ut kiwab'i jun xyaab' kuxej sa' choxa, jo' xyaab' k'iila ha', jo' naq namoqk jun li kawil kaaq; li xyaab' kuxej kiwab'i chanchan xyaab' xkuxeb' laj aarp naq yo li aarpik.

Apocalipsis 14:2 ပူးပေါင်းရင်းမြစ်များ

Apocalipsis 5:8

Nak quixchap li botbil hu, li ca̱hib li chanchaneb ángel ut li ca̱hib xcaꞌcꞌa̱l li cꞌojcꞌo̱queb aran queꞌxcuikꞌib ribeb chiru li Jun li chanchan carner. Cuanqueb x-arpa chi xju̱nkaleb ut cuanqueb xsecꞌ yi̱banbil riqꞌuin oro ut cuan li sununquil ban chi saꞌ retalil lix tijeb li ralal xcꞌajol li Dios.

Apocalipsis 1:15

Li rok nalemtzꞌun chanchan li cha̱bil chꞌi̱chꞌ bronce ut cakjorin chanchan li kꞌan chꞌi̱chꞌ nak cuan saꞌ xam. Nak naa̱tinac chanchan xya̱b lix cau ok li palau.

Apocalipsis 15:2

Ut quicuil jun li palau chanchan lem yo̱ xxamlel. Ut chire aꞌan xakxo̱queb li ac queꞌxcuy xco̱loninquil li raylal ut cuanqueb lix arpa li Dios riqꞌuineb. Incꞌaꞌ queꞌxqꞌue xcuanquil li joskꞌ aj xul chi moco lix jalam u̱ch, chi moco queꞌxcꞌul lix numbril lix cꞌabaꞌ. Incꞌaꞌ queꞌxqꞌue rib chi balakꞌi̱c xban li xul.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

Ezequiel 43:2

Ut quicuil lix lokꞌal li Ka̱cuaꞌ lix Dioseb laj Israel li yo̱ chak chi cha̱lc saꞌ li este. Quicuabi jun li choki̱nc chanchan nak na-ecꞌan li nimaꞌ. Ut li ruchichꞌochꞌ quisakenoꞌ xban lix lokꞌal li Dios.

Salmos 33:2

Chexbicha̱nk chiru li Ka̱cuaꞌ riqꞌuin li arpa. Chebicha lix lokꞌal riqꞌuin li cuajb salterio xcꞌabaꞌ.

2 Samuel 6:5

Laj David ut chixjunileb laj Israel yo̱queb chi xajoc ut yo̱queb chi bicha̱nc chi anchaleb xchꞌo̱l re xqꞌuebal xlokꞌal li Ka̱cuaꞌ ut yo̱queb chi cuajbac. Cuanqueb x-arpa, cuanqueb xsalterios, cuanqueb xtambor, ut cuanqueb xxo̱lb ut yo̱queb ajcuiꞌ chixtꞌochbal li sursu̱quil chꞌi̱chꞌ.

Éxodo 19:16

Saꞌ rox li cutan toj ekꞌela, natenloc li ca̱k ut nareploc li rakꞌ ca̱k. Quicuan jun chok kꞌaxal moymo ru saꞌ xbe̱n li tzu̱l. Chixjunileb li tenamit queꞌrabi xya̱b li trompeta chi cau ut nequeꞌsicsot xbaneb xxiu.

Apocalipsis 18:22

Incꞌaꞌ chic ta̱abi̱k saꞌ li tenamit aꞌan lix ya̱b li cuajb chi moco lix ya̱b li arpa, chi moco li xya̱b li xo̱lb ut li trompeta. Ut incꞌaꞌ chic teꞌcua̱nk saꞌ li tenamit aꞌan li nequeꞌxnau trabajic chi us riqꞌuin li cꞌaꞌak re ru, ut incꞌaꞌ chic ta̱abi̱k xya̱b junak molino saꞌ li tenamit aꞌan.

Apocalipsis 11:12

Ut li cuib chi cui̱nk queꞌrabi jun yo̱ chi a̱tinac saꞌ choxa. Chi cau xya̱b xcux quixye reheb: —Takenkex chak arin, chan. Ut queꞌtakeꞌ saꞌ choxa saꞌ jun li chok chiruheb li xicꞌ nequeꞌiloc reheb.

Apocalipsis 6:1

Ut quicuil nak li Jun li chanchan carner quixte li xbe̱n sello. Ut quicuabi nak quia̱tinac jun reheb li ca̱hib li chanchaneb ángel, li yoꞌyo̱queb. Chanchan nak na-ecꞌan li ca̱k nak quia̱tinac chi cau xya̱b xcux. Quixye: —¡Quim! Chola̱cuil aꞌin, chan.

Apocalipsis 1:10

Saꞌ li cutan nak nakachꞌutub kib chixlokꞌoninquil li Ka̱cuaꞌ, riqꞌuin xcuanquil li Santil Musikꞌej, li Dios quixcꞌutbesi jun li visión chicuu. Quicuabi jun xya̱b cux chicuix. Chanchan xya̱b jun li trompeta yo̱ chi ecꞌa̱nc.

Salmos 93:4

Abanan la̱at cuancat saꞌ choxa ut kꞌaxal nim la̱ cuanquil chiruheb lix cau ok li nimaꞌ ut li palau.

Salmos 92:3

Takaqꞌue a̱lokꞌal riqꞌuin li cuajb chi chꞌinaꞌus. Takaqꞌue a̱lokꞌal riqꞌuin li arpa ut riqꞌuin li salterio.

Salmos 57:8

Chi-ajk cuu toj ekꞌela re tinqꞌue xlokꞌal li Dios riqꞌuin lin cuajb. Tinlokꞌoni li Dios riqꞌuin lin arpa.

Apocalipsis 8:7

Li xbe̱n ángel quixya̱basi lix trompeta. Ut quicuteꞌ saꞌ ruchichꞌochꞌ sakbach ut xam junajinbil riqꞌuin quicꞌ. Caꞌchꞌin chic ma̱ jun jachal (1/3) li ruchichꞌochꞌ quicꞌat. Ut queꞌcꞌat ajcuiꞌ li cheꞌ. Caꞌchꞌin chic ma̱ jun jachal li cheꞌ queꞌcꞌat ut quicꞌat chixjunil li rax pim.

Zacarías 9:14

Li Ka̱cuaꞌ ta̱cꞌamok be chiruheb lix tenamit nak teꞌxic chi pletic. Chanchanak rakꞌ ca̱k nak tixcut lix flecha. Li Ka̱cuaꞌ Dios tixya̱basi lix trompeta. Chanchanak li cacuil ikꞌ li nachal saꞌ li sur nak ta̱xic chi pletic.

Isaías 17:13

Nak teꞌcha̱lk li tenamit chi pletic chanchanakeb lix cau ok li haꞌ. Abanan nak li Dios tixkꞌuseb, teꞌe̱lelik ut teꞌxic chi najt yalak bar. Chanchanakeb lix mokoj ixim li nacꞌameꞌ xban ikꞌ saꞌ eb li tzu̱l. Chanchanakeb li poks li nacꞌameꞌ xban ikꞌ li naxsuti rib.

Salmos 149:3

Cheꞌxqꞌuehak taxak xlokꞌal li Ka̱cuaꞌ riqꞌuin lix arpa ut riqꞌuin lix pandero. Cheꞌxajok re xqꞌuebal xlokꞌal lix cꞌabaꞌ.

Salmos 98:5

Bichankex chiru li Ka̱cuaꞌ riqꞌuin li arpa. Bichankex riqꞌuin le̱ cuajb re xlokꞌoninquil li Ka̱cuaꞌ.

Éxodo 20:18

Eb laj Israel queꞌrabi nak natenloc li ca̱k ut queꞌril nak nareploc. Queꞌrabi xya̱b li trompeta ut queꞌril nak nabukuknac li sib. Chixjunileb nequeꞌsicsot xbaneb xxiu ut queꞌjiloc chirixeb saꞌ junpa̱t.

Salmos 147:7

Chexbicha̱nk chiru li Ka̱cuaꞌ re xqꞌuebal xlokꞌal. Chexbicha̱nk riqꞌuin li arpa re xlokꞌoninquil li Dios.

Salmos 43:4

Nak tincuulak saꞌ la̱ artal, at inDios, aran tatinlokꞌoni. At inDios, la̱at nacatqꞌuehoc xsahil inchꞌo̱l. Tinbicha̱nk riqꞌuin li arpa re xqꞌuebal a̱lokꞌal, at inDios.

1 Corintios 13:1

Cui ta la̱in qꞌuebil inma̱tan xban li Dios chi a̱tinac saꞌ ra̱tinoba̱leb li cui̱nk ut cui ta cuan inma̱tan chi a̱tinac saꞌ ra̱tinoba̱leb li ángel, abanan cui incꞌaꞌ ninraheb li cuas cui̱tzꞌin, la̱in chanchanin li chꞌi̱chꞌ natamba̱c xya̱b ut chanchanin li campana natzintzot xya̱b chi ma̱cꞌaꞌ rajbal.

2 Crónicas 20:28

Nak queꞌcuulac Jerusalén, queꞌoc saꞌ lix templo li Ka̱cuaꞌ ut yo̱queb chixchꞌeꞌbaleb li arpa ut li salterio ut yo̱queb chixya̱basinquil lix trompeta.