Apocalipsis 14:13 - Li Santil hu

¹³ Ut quicuabi jun yo̱ chi a̱tinac saꞌ choxa ut quixye cue: —Tzꞌi̱ba li a̱tin aꞌin: Chalen anakcuan us xak reheb li nequeꞌcam, li ac xeꞌxpa̱b li Ka̱cuaꞌ. Ya̱l. Us xak reheb, chan li Santil Musikꞌej, xban nak teꞌhila̱nk chixba̱nunquil li cha̱bil cꞌanjel li ac xeꞌxba̱nu ut teꞌxcꞌul xkꞌajca̱munquil.—

Q'eqchi Bible

¹³ Chirix chik a'an kiwab'i jun xyaab' kuxej yo chi xyeeb'al sa' choxa: “Tz'iib'a: «Chalen anaqwan us xaq reheb' li kamenaq neke'kamk rik'in li Qaawa'»”. “Yaal -chan li Musiq'ej-, hilaanqeb' rik'in li xk'anjeleb', xb'aan naq li xb'aanuhomeb' neke'ochb'eenink reheb'”.

Apocalipsis 14:13 ပူးပေါင်းရင်းမြစ်များ

Apocalipsis 20:6

Us xak reheb li teꞌtzꞌako̱nk saꞌ li xbe̱n cuaclijiqueb li camenak chi yoꞌyo. Aꞌaneb li ralal xcꞌajol li Dios. Ut lix cab li ca̱mc, ma̱cꞌaꞌak chic xcuanquil saꞌ xbe̱neb. Aꞌanakeb chic li teꞌcꞌanjelak chiru li Dios ut chiru li Cristo chokꞌ aj tij. Ut teꞌcua̱nk xcuanquileb rochben li Cristo chiru jun mil chihab.

1 Ts 5:10

Aꞌan quicam saꞌ kacꞌabaꞌ re nak usta yoꞌyo̱co usta ac camenako chic nak ta̱cꞌulu̱nk, ta̱cua̱nk kayuꞌam chi junelic kochben aꞌan.

1 Ts 4:16

Ut nak ta̱cubek chak li Ka̱cuaꞌ Jesucristo saꞌ choxa, tixjap re chi takla̱nc. Li xbe̱nil ángel tixjap re chi bokoc, ut ta̱ya̱basi̱k xtrompeta li Dios. Ut li teꞌcuacli̱k xbe̱n cua, aꞌaneb li ac camenakeb, li queꞌpa̱ban re li Cristo.

1 Corintios 15:58

Joꞌcan ut ex inherma̱n, raro̱quex inban, cauhak taxak e̱chꞌo̱l saꞌ le̱ pa̱ba̱l. Michꞌinan le̱ chꞌo̱l. Cheqꞌuehak ban e̱chꞌo̱l chi cꞌanjelac chiru li Ka̱cuaꞌ. Ut chenauhak nak li joꞌ qꞌuial te̱ba̱nu saꞌ xcꞌabaꞌ li Ka̱cuaꞌ cuan rajbal.

Apocalipsis 19:9

Ut li ángel quixye cue: —Tzꞌi̱ba retalil aꞌin: Us xak reheb li bokbileb chixninkꞌeinquil lix sumlajic li Jun li chanchan carner.— Ut quixye ajcuiꞌ cue: —Aꞌin ra̱tin li Dios ut tzꞌakal ya̱l, chan.

Apocalipsis 21:5

Li cꞌojcꞌo saꞌ li cꞌojariba̱l quixye: —La̱in tinacꞌobresi chixjunil li cꞌaꞌak re ru.— Ut quixye ajcuiꞌ: —Tzꞌi̱ba retalil aꞌin xban nak li a̱tin aꞌin tzꞌakal ya̱l ut us xpa̱banquil.—

Apocalipsis 6:11

Queꞌqꞌueheꞌ xsaki akꞌeb. Ut queꞌyeheꞌ reheb nak teꞌhila̱nk ut teꞌroybeni jarubak cutan chic toj ta̱tzꞌaklok xqꞌuialeb li rech aj cꞌanjelil li toj teꞌcamsi̱k joꞌ nak queꞌcamsi̱c eb aꞌan.

2 Corintios 5:8

La̱in ninye nak cau kachꞌo̱l riqꞌuin li Dios. Nakaj raj ca̱mc ut xcanabanquil li katzꞌejcual aꞌin re nak naru toxic saꞌ choxa chi cua̱nc riqꞌuin li Ka̱cuaꞌ Jesucristo.

Apocalipsis 16:17

Ut lix cuuk ángel quixhoy saꞌ ikꞌ li cuan saꞌ lix secꞌ. Ut quicuabi jun yo̱ chak chi a̱tinac saꞌ lix templo li Dios. Chi cau xya̱b xcux quixye: —Riqꞌuin aꞌin ta̱tzꞌaklok ru li rakba a̱tin saꞌ xbe̱n li ruchichꞌochꞌ.—

Isaías 35:10

Eb li colbileb xban li Ka̱cuaꞌ sahak saꞌ xchꞌo̱leb nak teꞌsukꞌi̱k Sión. Junelic sahak saꞌ xchꞌo̱leb ut yo̱keb chi bicha̱nc. Incꞌaꞌ chic teꞌrahokꞌ saꞌ xchꞌo̱leb chi moco teꞌya̱bak chic xban raylal.

Salmos 19:11

At inDios, la̱ chakꞌrab naxqꞌue innaꞌleb, la̱in laj cꞌanjel cha̱cuu, ut kꞌaxal lokꞌ chokꞌ cue xpa̱banquil.

Salmos 85:13

Li ti̱quilal li naxba̱nu li Ka̱cuaꞌ, aꞌan tixcꞌut chiku chanru nak tocua̱nk saꞌ ti̱quilal.

1 Ts 4:14

La̱o nakapa̱b nak li Jesús quicam ut quicuacli cuiꞌchic chi yoꞌyo. Ut nakapa̱b ajcuiꞌ nak li joꞌ qꞌuialeb queꞌpa̱ban re li Cristo, li Dios tixcuaclesiheb cuiꞌchic chi yoꞌyo saꞌ xya̱nkeb li camenak ut tixcꞌameb chak rochben nak ta̱cha̱lk cuiꞌchic li Jesucristo.

1 Corintios 15:18

Cui ta joꞌcan, eb li queꞌxpa̱b li Cristo li queꞌcam sachenakeb raj ajcuiꞌ xban lix ma̱queb.

Romanos 14:8

Nak yoꞌyo̱co nakaqꞌue xlokꞌal li Ka̱cuaꞌ Dios riqꞌuin li kayuꞌam. Ut nak nococam, nakaqꞌue ajcuiꞌ xlokꞌal riqꞌuin li kacamic. Joꞌcan ut cui yoꞌyo̱co ut cui nococam aꞌ yal re li Dios saꞌ kabe̱n xban nak aꞌan chic laj e̱chal ke.

San Lucas 16:9

Cuan li nequeꞌxba̱nu li incꞌaꞌ us riqꞌuin lix biomal. Abanan, la̱in ninye e̱re, cheba̱nu usilal reheb le̱ ras e̱ri̱tzꞌin riqꞌuin le̱ biomal saꞌ ruchichꞌochꞌ. Ut nak ta̱lajk ta̱osokꞌ le̱ biomal, texcꞌulekꞌ saꞌ li naꞌajej li ma̱cꞌaꞌ rosoꞌjic.

San Mateo 3:17

Ut qui-abi̱c xya̱b xcux li Dios toj saꞌ choxa nak quixye: —Aꞌan aꞌin li cualal raro inban. Nasahoꞌ inchꞌo̱l riqꞌuin, chan.

Apocalipsis 11:19

Ut quicuil nak quiteheꞌ lix templo li Dios cuan saꞌ choxa. Ut quicꞌutun li Lokꞌlaj Ca̱x li cuan cuiꞌ li contrato saꞌ lix templo li Dios. Nareploc li rakꞌ ca̱k ut nabal li choki̱nc. Quicuan jun li hi̱c ut nabal li sakbach quitꞌaneꞌ nak quicuil.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

Apocalipsis 10:4

Oc raj cue chixtzꞌi̱banquil retalil li cꞌaꞌru queꞌxye li chanchan cuukub chi ca̱k. Abanan quicuabi jun quia̱tinac saꞌ choxa ut quixye cue: —Ma̱tzꞌi̱ba li cꞌaꞌru xeꞌxye li cuukub chi xya̱b cux chanchan ca̱k. Li cꞌaꞌru xacuabi ma̱ bar ta̱ye resil. Xocxo̱k ban saꞌ a̱chꞌo̱l, chan.

Apocalipsis 2:1

Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Éfeso ut ta̱ye re chi joꞌcaꞌin: —Li cuan cuukub chi chahim saꞌ xnim ukꞌ, li yo̱ chi be̱c saꞌ xya̱nkeb li cuukub chi candelero yo̱ chixyebal e̱re chi joꞌcaꞌin:

Filipenses 2:17

Cui tincamsi̱k xban nak xexintenkꞌa saꞌ le̱ pa̱ba̱l, ma̱cꞌaꞌ naxye. Ta̱sahokꞌ saꞌ inchꞌo̱l nak textzꞌako̱nk la̱ex riqꞌuin li sahil chꞌo̱lejil li tincꞌul la̱in.

San Lucas 16:25

Ut laj Abraham quixye re: “At cuas cui̱tzꞌin, julticak a̱cue nak toj yoꞌyo̱cat saꞌ ruchichꞌochꞌ nabal a̱biomal ut kꞌaxal sa nak xatcuan. Ut laj Lázaro cꞌajoꞌ li raylal quixcꞌul. Anakcuan cꞌojobanbil xchꞌo̱l laj Lázaro arin ut la̱at kꞌaxal ra cuancat.

Apocalipsis 1:11

Quixye cue: —Li cꞌaꞌru tincꞌutbesi cha̱cuu ta̱tzꞌi̱ba saꞌ jun li botbil hu ut ta̱takla riqꞌuineb li cuukub chꞌu̱taleb laj pa̱banel li cuanqueb saꞌ xcue̱nt Asia. Takla riqꞌuineb li cuanqueb Éfeso, Esmirna, ut Pérgamo. Ut ta̱takla ajcuiꞌ riqꞌuineb li cuanqueb Tiatira, Sardis, Filadelfia ut Laodicea, chan.

Daniel 12:13

Ut la̱at, at Daniel, ti̱cak taxak la̱ yuꞌam toj saꞌ rosoꞌjic. Tatca̱mk abanan tatcuacli̱k cuiꞌchic ut ta̱cꞌul la̱ kꞌajca̱munquil saꞌ rosoꞌjiqueb li cutan, chan cue li xakxo saꞌ xbe̱n li haꞌ.

1 Corintios 15:20

Abanan relic chi ya̱l nak li Cristo quicuaclesi̱c cuiꞌchic chi yoꞌyo saꞌ xya̱nkeb li camenak. Aꞌan li xbe̱n li quicuacli chi yoꞌyo chiruheb chixjunileb li teꞌcuaclesi̱k cuiꞌchic chi yoꞌyo.

1 Timoteo 5:24

Ma̱xakab junak aj cꞌamol be chi junpa̱t chi cꞌanjelac xban nak cuanqueb li cui̱nk nacꞌutun cꞌaꞌru lix ma̱queb ut cuan li rakba a̱tin saꞌ xbe̱neb. Ut cuanqueb cuiꞌchic toj mokon nacꞌutun cꞌaꞌru lix ma̱queb.

1 Timoteo 5:25

Ut cuan ajcuiꞌ li nequeꞌba̱nun re li cha̱bilal. Cuan nak nacꞌutun li cha̱bilal nequeꞌxba̱nu ut cuan nak incꞌaꞌ nacꞌutun. Abanan, toj mokon chic ta̱cꞌutu̱nk li us nequeꞌxba̱nu.

Apocalipsis 2:7

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue lix yuꞌam chi junelic. Ut aꞌan ta̱cua̱nk riqꞌuin li Dios chi junelic saꞌ lix santil naꞌaj, chan li Cꞌajolbej reheb laj Éfeso.

Apocalipsis 22:17

Li Santil Musikꞌej ut li ixakilbej nequeꞌxye: —Cha̱lkex.— Li ani ta̱abi̱nk re li a̱tin aꞌin, chixyehak ajcuiꞌ —cha̱lkex.— Li ani ta̱raj rucꞌbal li haꞌ, li retalil li junelic yuꞌam, chicha̱lk chi ucꞌac chi ma̱tan.