Apocalipsis 14:11 - Li Santil hu

¹¹ Junelic kꞌe cutan yo̱keb chi cꞌuluc raylal li nequeꞌxlokꞌoni li joskꞌ aj xul malaj ut lix jalam u̱ch, li queꞌxcꞌul li retalil lix cꞌabaꞌ saꞌ xpe̱quemeb malaj chi rukꞌeb. Chi kꞌek chi cutan yo̱keb chi cꞌuluc raylal, chan.

Q'eqchi Bible

¹¹ Li xsib'el li xrahilaleb' taataqe'q chi junelik q'e kutan ut maak'a'aq hilank chi q'eq chi kutan cho'q reheb' li te'loq'oninq re li josq' aj xul ut li xjalam u jo'wi' cho'q reheb' li te'xk'ul li reetalil li xk'ab'a'”.

Apocalipsis 14:11 ပူးပေါင်းရင်းမြစ်များ

Apocalipsis 19:3

Ut queꞌxye cuiꞌchic: Aleluya, lokꞌoninbil taxak li Dios. Lix sibel li tenamit aꞌan ta̱takekꞌ chi junelic kꞌe cutan nak yo̱k chi cꞌatc.

Isaías 34:10

Ut incꞌaꞌ chic ta̱chupk lix xamlel. Yo̱k xxamlel chi kꞌek chi cutan. Junelic yo̱k xsibel. Ta̱cana̱k chi ma̱cꞌaꞌ chic na-oc cuiꞌ. Ut ma̱ ani chic ta̱numekꞌ aran.

Apocalipsis 20:10

Ut laj tza li quibalakꞌin reheb ta̱cutekꞌ saꞌ xxamlel li azufre li chanchan nimla palau li cuanqueb cuiꞌ li joskꞌ aj xul ut li profeta aj balakꞌ. Ut aran teꞌrahobtesi̱k chi kꞌek chi cutan chi junelic kꞌe cutan.

San Mateo 25:46

Ut eb aꞌan teꞌxic saꞌ li tojba ma̱c chi junelic. Abanan li ti̱queb xchꞌo̱l cua̱nkeb xyuꞌam chi junelic.—

San Mateo 25:41

Tojoꞌnak la̱in li Rey tinye reheb li cuanqueb saꞌ lin tzꞌe: “Elenkex chicuu. Tzꞌekta̱nanbilex saꞌ li xam li ma̱ jokꞌe ta̱chupk cꞌu̱banbil chak chokꞌ re laj tza ut reheb ajcuiꞌ lix ángel.

Apocalipsis 18:18

Ut queꞌxjap re nak queꞌril nak yo̱ chi cꞌatc li tenamit ut queꞌxye: —Ma̱ jun chic tenamit juntakꞌe̱t riqꞌuin li tenamit aꞌin nak quicuan, chanqueb.

Apocalipsis 14:9

Ut quicuil li rox ángel, yo̱ chixta̱kenquil li cuib chic. Li jun aꞌin yo̱ chixyebal chi cau xya̱b xcux: —Li ani tixlokꞌoni li joskꞌ aj xul malaj ut lix jalam u̱ch, ut tixcꞌul li retalil saꞌ xpe̱quem malaj chi rukꞌ,

Isaías 33:14

Eb li nequeꞌxba̱nu li ma̱usilal li cuanqueb Sión cꞌajoꞌ nak nequeꞌxucuac. Nequeꞌsicsot xbaneb xxiu ut nequeꞌxye: —¿Ani ta biꞌ ta̱ru̱k ta̱colekꞌ chiru li xam li lochlo chi junelic? ¿Ani ta biꞌ ta̱ru̱k ta̱colekꞌ chiru li Ka̱cuaꞌ nak ta̱rakok a̱tin saꞌ kabe̱n? chanqueb.

Génesis 19:28

Laj Abraham qui-iloc saꞌ li naꞌajej li queꞌcuan cuiꞌ li tenamit Sodoma ut Gomorra. Ut aran quiril nak ma̱ caꞌchꞌin li sib nakꞌujujnac chi takecꞌ. Chanchan jun nimla horno li yo̱ xxamlel.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

Apocalipsis 7:12

Ut queꞌxye: Lokꞌoninbil taxak li kaDios. Chinima̱k taxak ru. Chiqꞌuehekꞌ taxak xlokꞌal xban nak numtajenak xcuanquil, xnaꞌleb ut xcacuilal. Xcꞌulub nak tobantioxi̱nk chiru chi junelic kꞌe cutan. Joꞌcan taxak.

Hebreos 1:8

Aban li Dios quixye re li Cꞌajolbej: La̱ nimajcual cuanquilal, at Dios, xakxo̱k chi junelic kꞌe cutan. Junelic saꞌ ti̱quilal nacattaklan.

Salmos 145:1

At inDios, junelic tinqꞌue a̱lokꞌal. At inRey, junelic tinnima a̱cuu.

Salmos 10:16

Caꞌaj cuiꞌ la̱at, at Ka̱cuaꞌ, kꞌaxal nim a̱cuanquil. La̱at li Rey chi junelic. Eb li tenamit li incꞌaꞌ nequeꞌpa̱ban a̱cue, teꞌsachekꞌ ruheb.

Éxodo 15:18

Acuabej Dios, la̱at ta̱takla̱nk saꞌ kabe̱n riqꞌuin xnimal la̱ cuanquilal chi junelic kꞌe cutan.

Apocalipsis 22:5

Aran ma̱cꞌaꞌak chic kꞌojyi̱n. Joꞌcan nak incꞌaꞌ chic ta̱cꞌanjelak reheb li sakꞌe chi moco li candil. Li Ka̱cuaꞌ Dios, aꞌan chic li ta̱cutanobresi̱nk reheb. Ut teꞌcua̱nk aran chi kꞌaxal sa saꞌ xchꞌo̱leb. Chanchanakeb chic rey.

Apocalipsis 13:12

Li xul aꞌan cuan xcuanquil joꞌ li joskꞌ aj xul li quiyoqꞌueꞌ jun xjolom ut quicam raj abanan quiqꞌuira. Ut chiru ajcuiꞌ aꞌan naxmin ruheb chixjunileb li cuanqueb saꞌ ruchichꞌochꞌ re nak teꞌxlokꞌoni li joskꞌ aj xul.

San Mateo 11:28

Joꞌcan ut cha̱lkex cuiqꞌuin che̱junilex li lublu̱quex ut li tacuajenakex ut la̱in texinqꞌue chi hila̱nc.

Joel 2:30

Ut sachba chꞌo̱lej tincꞌutbesi che̱ru chiru choxa joꞌ ajcuiꞌ saꞌ ruchichꞌochꞌ ut te̱ril li quicꞌ, li xam ut li sib chanchan li chok.

Isaías 57:20

Abanan eb li incꞌaꞌ useb xnaꞌleb incꞌaꞌ teꞌcua̱nk chi tuktu xchꞌo̱leb. Chanchanakeb li palau li yo̱ chi ecꞌa̱nc ru. Nasasoꞌ ru ut incꞌaꞌ natukla ru.

Deuteronomio 28:65

Incꞌaꞌ texcua̱nk saꞌ tuktu̱quil usilal saꞌ eb li jalan tenamit. Ma̱cꞌaꞌak chic le̱ naꞌaj. Li Ka̱cuaꞌ ta̱ba̱nu̱nk re nak xiu xiu cua̱nkex ut incꞌaꞌ chic sahak saꞌ e̱chꞌo̱l. Ta̱chꞌina̱nk le̱ chꞌo̱l xban li raylal li tixqꞌue saꞌ e̱be̱n li Ka̱cuaꞌ.

Isaías 34:8

xban nak aꞌan li cutan nak li Ka̱cuaꞌ tixqꞌue re̱kaj reheb laj Edom li raylal queꞌxba̱nu reheb laj Israel. Aꞌan li chihab nak teꞌxcꞌul re̱kaj li ma̱usilal queꞌxba̱nu.

Daniel 3:6

Ut li ani incꞌaꞌ tixcuikꞌib rib chixlokꞌoninquil li jalam u̱ch, li jun aꞌan ta̱chapekꞌ ut saꞌ ajcuiꞌ li ho̱nal aꞌan ta̱cutekꞌ saꞌ li horno li kꞌaxal tik xxamlel, chan.

Apocalipsis 13:15

Ut li xcab xul quiqꞌueheꞌ xcuanquil re nak tixqꞌue xmusikꞌ lix jalam u̱ch li xbe̱n joskꞌ aj xul re ta̱a̱tinak ut tixqꞌue chi ca̱mc li ani incꞌaꞌ ta̱qꞌuehok xlokꞌal.

Apocalipsis 13:17

Cui ma̱cꞌaꞌ li retalileb saꞌ xnim ukꞌ malaj saꞌ xpe̱quemeb, incꞌaꞌ ta̱ru̱k teꞌlokꞌok chi moco ta̱ru̱k teꞌcꞌayi̱nk. Li retalil li teꞌqꞌuehekꞌ, aꞌan xcꞌabaꞌ li joskꞌ aj xul. Lix cꞌabaꞌ aꞌan, aꞌan ajcuiꞌ jun li número.

Apocalipsis 18:9

Eb li rey li cuanqueb saꞌ ruchichꞌochꞌ li queꞌcuulac aran Babilonia chixba̱nunquil li ma̱usilal rochbeneb ut queꞌsahoꞌ saꞌ xchꞌo̱leb riqꞌuineb, ta̱rahokꞌ saꞌ xchꞌo̱leb chirilbal nak yo̱k chi sachecꞌ ru li tenamit. Teꞌya̱bak xban xrahil xchꞌo̱leb nak teꞌril xsibel li tenamit nak yo̱k chi cꞌatc.