Apocalipsis 14:10 - Li Santil hu

¹⁰ aꞌan tixcꞌul nabal li raylal nak li Dios ta̱rakok a̱tin saꞌ xbe̱neb riqꞌuin xjoskꞌil. Chiruheb li santil ángel ut chiru li Jun li chanchan carner ta̱rahobtesi̱k riqꞌuin azufre yo̱ xxamlel nak ta̱qꞌuehekꞌ chixtojbal rix lix ma̱c.

Q'eqchi Bible

¹⁰ taachalq tojb'amaak sa' xb'een. Tento taaruk' xb'iinul xjosq'il li Yos, li ak k'eeb'il, chi maak'a' xyu, sa' li xsek'ul li xjosq'il. Ut taarahob'tesiiq rik'in xam ut asuupr, chiruheb' li santil ánjel ut chiru li Karneer.

Apocalipsis 14:10 ပူးပေါင်းရင်းမြစ်များ

Isaías 51:17

Chi-ajk e̱ru la̱ex aj Jerusalén ut cheqꞌuehak retal. La̱ex xecꞌul li raylal xban li ma̱c xeba̱nu nak xeqꞌue xjoskꞌil li Dios. Chanchan nak xerucꞌ xsaꞌ li secꞌ toj retal xechoy ut chanchan nak xexcaltesi̱c xban.

Apocalipsis 16:19

Li tenamit li kꞌaxal nim xcuanquil quijacheꞌ. Oxib jachal qui-el. Ut eb li jun chꞌol chic tenamit quilajeꞌtꞌaneꞌ. Ut quijulticoꞌ re li Dios li ma̱c queꞌxba̱nu li tenamit Babilonia. Joꞌcan nak quixqꞌueheb chixtojbal rix lix ma̱queb chi tzꞌakal xban nak yo̱ xjoskꞌil saꞌ xbe̱neb.

Salmos 75:8

Ta̱cuulak xkꞌehil nak li Dios ta̱rakok a̱tin saꞌ xbe̱neb li incꞌaꞌ useb xnaꞌleb. Chanchan nak cuan jun secꞌ li cꞌahil vino saꞌ rukꞌ ut tixhoy ut teꞌrucꞌ toj retal teꞌxchoy. Joꞌcan tixba̱nu li Dios nak ta̱rakok a̱tin saꞌ xbe̱neb toj retal teꞌrecꞌa xrahil li tojba ma̱c li tixqꞌue saꞌ xbe̱neb.

Salmos 11:6

Li Dios tixtakla nabal li raylal saꞌ xbe̱neb li incꞌaꞌ useb xnaꞌleb. Cꞌatbilakeb riqꞌuin xam ut azufre nak teꞌosokꞌ.

Apocalipsis 20:10

Ut laj tza li quibalakꞌin reheb ta̱cutekꞌ saꞌ xxamlel li azufre li chanchan nimla palau li cuanqueb cuiꞌ li joskꞌ aj xul ut li profeta aj balakꞌ. Ut aran teꞌrahobtesi̱k chi kꞌek chi cutan chi junelic kꞌe cutan.

Apocalipsis 19:20

Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.

Apocalipsis 18:6

Cheꞌqꞌuehekꞌ chixtoj li joꞌ qꞌuial li raylal xeꞌxba̱nu reheb li jalaneb xtenamit. Chiqꞌuehekꞌ re̱kaj li queꞌxba̱nu reheb. Caꞌ sut xqꞌuial li raylal ta̱ba̱nu̱k reheb chiru li queꞌxba̱nu eb aꞌan.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

San Mateo 25:41

Tojoꞌnak la̱in li Rey tinye reheb li cuanqueb saꞌ lin tzꞌe: “Elenkex chicuu. Tzꞌekta̱nanbilex saꞌ li xam li ma̱ jokꞌe ta̱chupk cꞌu̱banbil chak chokꞌ re laj tza ut reheb ajcuiꞌ lix ángel.

Li xHu LAJ JOB 21:20

Tento nak eb aꞌan teꞌcꞌuluk re lix tojbal rix lix ma̱queb. Tento nak li nimajcual Dios tixcꞌutbesi lix joskꞌil chiruheb.

Deuteronomio 29:23

Ma̱cꞌaꞌ chic ta̱e̱lk saꞌ eb le̱ cꞌaleba̱l. Junes azufre ut atzꞌam ta̱cua̱nk saꞌ le̱ chꞌochꞌ. Incꞌaꞌ ta̱e̱lk li acui̱mk chi moco li rax pim. Le̱ naꞌaj chanchanak chic li tenamit Sodoma ut Gomorra ut eb li tenamit Adma ut Zeboim, li queꞌsacheꞌ xban li Ka̱cuaꞌ nak yo̱ xjoskꞌil saꞌ xbe̱neb.

Génesis 19:24

Li Ka̱cuaꞌ Dios toj saꞌ choxa quixtakla chak li xam ut li azufre saꞌ xbe̱neb li tenamit Sodoma ut Gomorra.

San Judas 1:7

Joꞌcan ajcuiꞌ queꞌxcꞌul li tenamit Sodoma ut Gomorra joꞌqueb ajcuiꞌ li tenamit cuanqueb chixcꞌatk. Juntakꞌe̱teb lix naꞌlebeb riqꞌuineb li ángel li queꞌma̱cob. Queꞌmuxuc caxa̱r ut queꞌma̱cob ajcuiꞌ riqꞌuin rech cui̱nkilal ut riqꞌuin rech ixkilal. Queꞌxkꞌaxtesi rib chixba̱nunquil chixjunil li ma̱usilal. Lix cꞌatic eb li tenamit aꞌan, aꞌan re xcꞌutbesinquil chiku nak cuan xtojbal rix li ma̱c. Aꞌan li ta̱cꞌulma̱nk mokon saꞌ li xam li ta̱cua̱nk chi junelic.

Isaías 30:33

Ac junxil cauresinbil chak li naꞌajej Tofet li ta̱cꞌatekꞌ cuiꞌ lix reyeb laj Asiria. Li naꞌajej aꞌan nim ru ut cꞌajoꞌ xchamal. Nabal li siꞌ ac tusbil saꞌ li naꞌajej aꞌan. Li Ka̱cuaꞌ nak ta̱musikꞌak tixloch xxamlel ut tixcꞌat riqꞌuin azufre.

Apocalipsis 18:3

Xsacheꞌ xcuanquil xban nak numtajenak li ma̱c nequeꞌxba̱nu. Chixjunileb li rey li cuanqueb saꞌ ruchichꞌochꞌ nequeꞌcuulac Babilonia chixba̱nunquil li ma̱usilal riqꞌuineb. Chanchan calajenakeb xban li ma̱usilal yo̱queb chixba̱nunquil. Ut eb laj cꞌay queꞌbiomoꞌ aran xban nak nabal li cꞌaꞌak re ru queꞌxcꞌayi chi terto xtzꞌak, chan.

Habacuc 2:16

Cuulac re xkꞌehil nak ta̱isi̱k le̱ lokꞌal ut ta̱cꞌutekꞌ e̱xuta̱n. Chanru xeba̱nu la̱ex, joꞌcan ajcuiꞌ ta̱uxk e̱re xban li Ka̱cuaꞌ. Chanchan ajcuiꞌ texcala̱k nak ta̱makꞌekꞌ che̱ru chixjunil li cꞌaꞌru e̱re. Ut chanchan tꞌustꞌu texcana̱k xban nak ma̱cꞌaꞌak chic cꞌaꞌru e̱re.

Ezequiel 20:48

Ut chixjunileb li cristian teꞌxqꞌue retal nak la̱in li Ka̱cuaꞌ quinlochoc re ut ma̱ ani ta̱ru̱k ta̱chupuk re, chan.

Jeremías 25:27

Ut li Ka̱cuaꞌ quixye cue: —La̱at ta̱ye reheb: Joꞌcaꞌin quixye li Ka̱cuaꞌ li nimajcual Dios, lix Dioseb laj Israel. Cꞌulumak li raylal. Chanchan nak tex-ucꞌak toj texcala̱k ut texxaꞌcuak ut textꞌanekꞌ. Ut incꞌaꞌ chic texcuacli̱k xban li ple̱t li tintakla saꞌ e̱be̱n.

Isaías 34:9

Eb li nimaꞌ li cuanqueb saꞌ li naꞌajej Edom ta̱sukꞌi̱k xkꞌol cheꞌ. Ut li poks ta̱sukꞌi̱k azufre. Chixjunil li tenamit ta̱lochk xxamlel.

Isaías 29:9

La̱ex aj Jerusalén, cana̱kex saꞌ le̱ to̱ntil naꞌleb. Chanchanakex li mutzꞌ ut chanchanakex li calajenak usta incꞌaꞌ tex-ucꞌak vino. Taclo̱kex usta incꞌaꞌ yo̱kex chi cala̱c.

San Mateo 26:39

Ut quibe̱c chic caꞌchꞌin li Jesús ut quixhupub rib saꞌ chꞌochꞌ ut quitijoc. Ut quixye: —At inYucuaꞌ, cui ta naxqꞌue rib, incꞌaꞌ raj tincꞌul li raylal aꞌin. Abanan chi-uxma̱nk li cꞌaꞌru nacacuaj la̱at ut ma̱cuaꞌ li nacuaj la̱in.—

San Mateo 20:22

Ut li Jesús quixye re: —Incꞌaꞌ nequenau xya̱lal li cꞌaꞌru yo̱quex chixtzꞌa̱manquil. ¿Ma te̱cuy xcꞌulbal li raylal li oc cue chixcꞌulbal la̱in? ¿Ma te̱cuy xnumsinquil li rahobtesi̱c li tincꞌul la̱in?— Eb aꞌan queꞌxye: —Takacuy, chanqueb.

Lamentaciones 4:21

Chexseꞌek ut chisahokꞌ saꞌ le̱ chꞌo̱l la̱ex li cuanquex Edom ut la̱ex li cuanquex aran Uz. Chisahokꞌ saꞌ e̱chꞌo̱l anakcuan nak toj naru xba̱nunquil xban nak ta̱cuulak xkꞌehil nak te̱recꞌa xcꞌahil li raylal te̱cꞌul la̱ex. Chanchan texcala̱k ut chanchan tꞌustꞌu texcana̱k nak ta̱cꞌutekꞌ le̱ xuta̱n.

Jeremías 51:57

Aꞌin li naxye li Ka̱cuaꞌ: —La̱in tinqꞌueheb chi cala̱c li nequeꞌtenkꞌan re li rey ut eb li cuanqueb xnaꞌleb joꞌ eb ajcuiꞌ li nequeꞌtaklan saꞌ xbe̱neb li soldados ut eb li cuanqueb saꞌ xcuanquil, joꞌ eb ajcuiꞌ li soldados. Teꞌcua̱rk chi junaj cua ut incꞌaꞌ chic teꞌajk ruheb, chan li Rey li “nimajcual Dios” xcꞌabaꞌ.

Jeremías 49:12

Li Ka̱cuaꞌ quixye chi joꞌcaꞌin: —Cui eb li ma̱cꞌaꞌeb xma̱c queꞌqꞌueheꞌ chixcꞌulbal li raylal, ¿ma tojaꞌ ta chic la̱ex incꞌaꞌ texqꞌuehekꞌ chixtojbal rix le̱ ma̱c? Tento nak la̱ex te̱toj rix le̱ ma̱c.

Salmos 91:8

Yal ta̱cuil chanru nak teꞌqꞌuehekꞌ chixtojbal rix lix ma̱usilal li incꞌaꞌ useb xnaꞌleb.

Salmos 60:3

Cꞌajoꞌ li raylal xaqꞌue saꞌ kabe̱n. Chanchan nak xoa̱qꞌue chi ucꞌac vino. Chanchan tocala̱k xocana xban li raylal li xaqꞌue saꞌ kabe̱n.

Salmos 37:34

Cauhak e̱chꞌo̱l riqꞌuin li Ka̱cuaꞌ ut chexpa̱ba̱nk chiru. Ut aꞌan tixqꞌue e̱lokꞌal nak tixqꞌue le̱ naꞌaj li yechiꞌinbil e̱re xban. Ut te̱ril ajcuiꞌ nak teꞌsachekꞌ li incꞌaꞌ useb xnaꞌleb.

Li xHu LAJ JOB 18:15

Teꞌxqꞌue azufre saꞌ li rochoch ut teꞌxcꞌat.

Salmos 73:10

Joꞌcan nak eb li tenamit nequeꞌxqꞌue xlokꞌal ut nequeꞌxcꞌoxla nak us nequeꞌxba̱nu.

Salmos 52:6

Nak teꞌril li ti̱queb xchꞌo̱l li cꞌaꞌru tixba̱nu li Dios, teꞌxxucua ru ut teꞌxseꞌe li incꞌaꞌ useb xnaꞌleb.

Ezequiel 38:22

Tebinqꞌue chi camsi̱c ut tinqꞌue li caki yajel saꞌ xbe̱n laj Gog ut saꞌ xbe̱neb lix qꞌuila soldado ut saꞌ xbe̱neb chixjunileb li yo̱keb chi oque̱nc chirix. Kꞌaxal cau li hab ta̱cha̱lk saꞌ xbe̱neb. Ta̱tꞌanekꞌ li sakbach saꞌ xbe̱neb rochben xam ut azufre.

San Marcos 8:38

Li ani ta̱xuta̱na̱k chiruheb li tenamit aj ma̱c inban la̱in malaj ut xban li cua̱tin, la̱in li Alalbej tinxuta̱na̱k ajcuiꞌ xbaneb nak tincha̱lk chak riqꞌuin xnimal xlokꞌal lin Yucuaꞌ cuochbeneb li santil ángel.—

Hechos 10:22

Eb aꞌan queꞌxye: —Laj Cornelio li capitán xtaklan chak ke. Aꞌan jun cui̱nk ti̱c xchꞌo̱l ut naxxucua ru li Dios. Chixjunileb laj judío nequeꞌxqꞌue saꞌ xnakꞌ ruheb. Jun x-ángel li Dios quixcꞌutbesi rib chiru ut quixye re nak tatxbok saꞌ rochoch re nak ta̱ru̱k ta̱rabi li cꞌaꞌru ta̱ye re, chanqueb re.

2 Ts 1:7

Abanan la̱ex li yo̱quex chixcꞌulbal raylal, li Dios texqꞌue chi hila̱nc kochben la̱o ut incꞌaꞌ chic takacꞌul raylal. Aꞌin ta̱cꞌulma̱nk nak li Ka̱cuaꞌ Jesucristo tixcꞌutbesi chak rib nak ta̱cha̱lk toj saꞌ choxa. Ta̱cha̱lk rochbenakeb chak lix ángel li cuanqueb xcuanquil.

Apocalipsis 15:7

Ut jun reheb li ca̱hib li yoꞌyo̱queb li chanchaneb ángel, quixqꞌue reheb li cuukub chi ángel li cuukub chi secꞌ oro nujenak riqꞌuin xjoskꞌil li Dios, li yoꞌyo chi junelic kꞌe cutan.

Apocalipsis 19:15

Li Ti̱c Xchꞌo̱l cuan jun li kꞌesnal chꞌi̱chꞌ saꞌ re, re xsachbal xcuanquileb li xni̱nkal ru tenamit. Cau ta̱takla̱nk saꞌ xbe̱neb. Chanchan riqꞌuin jun xukꞌ chꞌi̱chꞌ tixtaklaheb. Chanchan nak nayatzꞌeꞌ li ru li uvas nak ta̱rakok a̱tin saꞌ xbe̱neb riqꞌuin xjoskꞌil li Dios.

Apocalipsis 20:14

Ut quisacheꞌ xcuanquil li ca̱mc, ut quisacheꞌ ajcuiꞌ li naꞌajej li nequeꞌxic cuiꞌ li camenak. Queꞌcuteꞌ saꞌ li xam li chanchan palau. Li xam aꞌan, aꞌan li xcab ca̱mc.

San Marcos 9:44

Aran incꞌaꞌ teꞌca̱mk li motzoꞌ chi moco li xam ta̱chupk.