Apocalipsis 13:8 - Li Santil hu

⁸ Ut chixjunileb li cuanqueb saꞌ ruchichꞌochꞌ teꞌxlokꞌoni ru li joskꞌ aj xul aꞌan. Teꞌxlokꞌoni li xul chixjunileb li incꞌaꞌ tzꞌi̱banbileb xcꞌabaꞌ saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, li cuan riqꞌuin li Jun li chanchan carner, li ac xakabanbil chak re camsi̱c saꞌ xticlajic li ruchichꞌochꞌ.

Q'eqchi Bible

⁸ Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.

Apocalipsis 13:8 ပူးပေါင်းရင်းမြစ်များ

Efesios 1:4

Nak toj ma̱jiꞌ naxyi̱b chak li ruchichꞌochꞌ li Dios, ac sicꞌbil chak ku xban saꞌ xcꞌabaꞌ li Jesucristo, re nak ti̱cak li kayuꞌam ut ma̱cꞌaꞌak chic kama̱c.

San Mateo 25:34

Ut la̱in li Rey tinye reheb li cuanqueb saꞌ lin nim: “Osobtesinbilex xban lin Yucuaꞌ. E̱chanihomak li nimajcual cuanquilal cauresinbil chokꞌ e̱re chalen chak saꞌ xticlajic li ruchichꞌochꞌ.

Apocalipsis 17:8

Li joskꞌ aj xul li xacuil, aꞌan li quicuan, ut anakcuan ma̱ ani chic. Abanan ta̱e̱lk cuiꞌchic chak saꞌ li chamal jul ut ta̱sachekꞌ ru chi junaj cua. Ut li joꞌ qꞌuialeb li incꞌaꞌ tzꞌi̱banbileb xcꞌabaꞌeb chalen saꞌ xticlajic li ruchichꞌochꞌ saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, eb aꞌan ta̱sachk xchꞌo̱leb chirilbal li joskꞌ aj xul li quicuan chak junxil ut ma̱ ani chic anakcuan. Abanan ta̱cha̱lk cuiꞌchic.

Apocalipsis 3:5

Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, aꞌan ta̱tikiba̱k riqꞌuin saki akꞌej. Ut la̱in incꞌaꞌ tinsach lix cꞌabaꞌ saꞌ li hu tzꞌi̱banbil cuiꞌ xcꞌabaꞌeb li cuanqueb xyuꞌam chi junelic. Ut chiru lin Yucuaꞌ ut chiruheb ajcuiꞌ lix ángel, la̱in tinye nak aꞌan cualal incꞌajol.

Tito 1:2

Ninchꞌolob lix ya̱lal aꞌin chiruheb re nak teꞌpa̱ba̱nk ut teꞌxyoꞌoni li junelic yuꞌam. Najter kꞌe cutan li Dios quixyechiꞌi chak li junelic yuꞌam. Li Dios incꞌaꞌ naticꞌtiꞌic.

Apocalipsis 21:27

Li ani cuanqueb xma̱c incꞌaꞌ ta̱ru̱k teꞌoc aran. Eb li nequeꞌxba̱nu ma̱usilal chi moco li nequeꞌticꞌtiꞌic, teꞌoc saꞌ li tenamit aꞌan. Li ani teꞌoc aran, caꞌaj cuiꞌ li tzꞌi̱banbileb xcꞌabaꞌ saꞌ lix hu li Jun li chanchan carner, li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic.

Apocalipsis 5:12

Queꞌxye chi cau xya̱b xcux: Li Jun li chanchan carner li quicamsi̱c, aꞌan xcꞌulub nak ta̱qꞌuehekꞌ xlokꞌal xban nak numtajenak xcuanquil, xbiomal, xnaꞌleb, ut xcacuilal. Ut xcꞌulub nak ta̱qꞌuehekꞌ xlokꞌal, ta̱nima̱k ru ut ta̱lokꞌoni̱k.

San Juan 1:29

Joꞌ cuulajak chic laj Juan quiril li Jesús yo̱ chak chi cha̱lc riqꞌuin ut quixye: —Ilomak. Cueꞌ chak li Cristo, li taklanbil chak xban li Dios. Chanchan jun li carner. Ta̱camsi̱k re xtojbal rix lix ma̱queb li cuanqueb saꞌ ruchichꞌochꞌ.

Daniel 12:1

Ut quixye ajcuiꞌ li ángel re laj Daniel: —Saꞌ eb li cutan aꞌan ta̱cha̱lk li ángel Miguel li na-iloc reheb la̱ tenamit Israel. Nabal li raylal ta̱cꞌulma̱nk saꞌ eb li cutan aꞌan. Ma̱ jun cua quicꞌulman chi joꞌcan chalen chak saꞌ xticlajic li ruchichꞌochꞌ toj chalen anakcuan. Abanan lix tenamit li Dios teꞌcolekꞌ, li joꞌ qꞌuialeb tzꞌi̱banbil xcꞌabaꞌeb saꞌ li hu.

San Lucas 10:20

Misahoꞌ saꞌ e̱chꞌo̱l xban nak cuan e̱cuanquil saꞌ xbe̱neb li ma̱us aj musikꞌej. Chisahokꞌ ban e̱chꞌo̱l xban nak tzꞌi̱banbilak le̱ cꞌabaꞌ saꞌ choxa, chan.

Filipenses 4:3

Joꞌcan nak nintzꞌa̱ma chiru nak tixtenkꞌaheb li ixk aꞌin. Cau xeꞌcꞌanjelac chintenkꞌanquil xyebal resil li colba-ib. Joꞌcan ajcuiꞌ xba̱nu laj Clemente ut chixjunileb li cuech aj cꞌanjelil. Eb aꞌan tzꞌi̱banbil xcꞌabaꞌeb xban li Dios saꞌ li hu tzꞌi̱banbil cuiꞌ xcꞌabaꞌeb chixjunileb li colbileb.

Éxodo 32:32

Ut anakcuan tintzꞌa̱ma cha̱cuu, ba̱nu usilal, chacuy lix ma̱queb. Cui incꞌaꞌ naru ta̱cuy lix ma̱queb, ba̱nu usilal ta̱cuisi lin cꞌabaꞌ saꞌ la̱ hu li tzꞌi̱banbil cuiꞌ xcꞌabaꞌeb li ti̱queb xchꞌo̱l, chan.

Isaías 4:3

Ta̱cuulak xkꞌehil nak li joꞌ qꞌuialeb li tzꞌi̱banbileb xcꞌabaꞌ saꞌ li tenamit Jerusalén, li incꞌaꞌ queꞌsacheꞌ ruheb, teꞌyehekꞌ “Santil Tenamit” reheb. Sión nayeman ajcuiꞌ re li tenamit Jerusalén.

Apocalipsis 3:20

Chanchan nak cuanquin chire li oqueba̱l nak yo̱quin che̱bokbal. Li ani ta̱abi̱nk re li cua̱tin ut tinixpa̱b, la̱in tincua̱nk riqꞌuin ut tocua̱nk chi sum a̱tin.

Apocalipsis 3:10

La̱ex xecuy xba̱nunquil li xinye e̱re ut incꞌaꞌ xchꞌinan e̱chꞌo̱l saꞌ le̱ pa̱ba̱l. Joꞌcan nak la̱in tincolok e̱re saꞌ xkꞌehil nak ta̱cha̱lk li raylal saꞌ xbe̱neb chixjunileb li cuanqueb saꞌ ruchichꞌochꞌ.

Apocalipsis 12:15

Ut li cꞌantiꞌ quixxaꞌcua haꞌ chirix li ixk. Ut li quixxaꞌcua chanchan jun nimaꞌ re nak ta̱cꞌamekꞌ xban li rok li nimaꞌ li ixk.

Génesis 22:7

Junpa̱t na chic nak laj Isaac quixye re laj Abraham: —At inyucuaꞌ, chan. —¿Cꞌaꞌru ta̱cuaj, at cualal? chan laj Abraham. Laj Isaac quixye re: —Cuan li siꞌ ut cuan ajcuiꞌ li ru xam. Ut li carner li takacꞌat chokꞌ re li kamayej, ¿bar cuan? chan.

Salmos 69:28

Chacuisiheb ta lix cꞌabaꞌeb saꞌ li Hu re li Yuꞌam. Ut ma̱qꞌue taxak lix cꞌabaꞌeb saꞌ xya̱nkeb lix cꞌabaꞌeb li ti̱queb xchꞌo̱l.

Apocalipsis 5:13

Ut quicuabi ajcuiꞌ nak queꞌa̱tinac chixjunil li cꞌaꞌak re ru quiyoꞌobtesi̱c xban li Dios, joꞌ li cuanqueb saꞌ choxa, joꞌ li cuanqueb saꞌ ruchichꞌochꞌ, joꞌ ajcuiꞌ li cuanqueb saꞌ li palau, joꞌqueb ajcuiꞌ li cuanqueb saꞌ xnaꞌajeb li camenak. Chixjunileb li queꞌyoꞌobtesi̱c xban li Dios queꞌxye: Aꞌ taxak li Dios li cꞌojcꞌo saꞌ xcꞌojariba̱l joꞌ ajcuiꞌ li Jun li chanchan carner, chilokꞌoni̱k ut chiqꞌuehekꞌ xlokꞌal. Chiqꞌuehekꞌ xcuanquil ut chinima̱k ru chi junelic kꞌe cutan.

Apocalipsis 6:1

Ut quicuil nak li Jun li chanchan carner quixte li xbe̱n sello. Ut quicuabi nak quia̱tinac jun reheb li ca̱hib li chanchaneb ángel, li yoꞌyo̱queb. Chanchan nak na-ecꞌan li ca̱k nak quia̱tinac chi cau xya̱b xcux. Quixye: —¡Quim! Chola̱cuil aꞌin, chan.

Apocalipsis 13:12

Li xul aꞌan cuan xcuanquil joꞌ li joskꞌ aj xul li quiyoqꞌueꞌ jun xjolom ut quicam raj abanan quiqꞌuira. Ut chiru ajcuiꞌ aꞌan naxmin ruheb chixjunileb li cuanqueb saꞌ ruchichꞌochꞌ re nak teꞌxlokꞌoni li joskꞌ aj xul.