Apocalipsis 13:7 - Li Santil hu

⁷ Quiqꞌueheꞌ xcuanquil chi pletic riqꞌuineb li ralal xcꞌajol li Dios ut quinumta saꞌ xbe̱neb. Quiqꞌueheꞌ xcuanquil saꞌ xbe̱neb chixjunileb, aꞌ yal ani xte̱paleb lix xeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Q'eqchi Bible

⁷ Kik'ehe'k xwankil chi yalok rik'ineb' li sant ut xq'axb'al ruheb', jo' ajwi' kik'ehe'k xwankil sa' xb'een chixjunileb' li xteepal ut li xtenamit li ruuchich'och', yalaq chanru neke'ilok ut neke'aatinak.

Apocalipsis 13:7 ပူးပေါင်းရင်းမြစ်များ

Daniel 7:21

Ut li xucub aꞌin yo̱ chixpletinquil li ralal xcꞌajol li Dios nak quicuil ut yo̱ chi numta̱c saꞌ xbe̱neb.

Apocalipsis 11:7

Nak acak xeꞌrakeꞌ xyebal resilal li cꞌaꞌru ta̱cꞌulma̱nk, jun li chanchan joskꞌ aj xul ta̱e̱lk chak saꞌ li chamal jul ut ta̱pletik riqꞌuineb aꞌan. Ta̱numta̱k saꞌ xbe̱neb toj retal tixcamsiheb.

Apocalipsis 12:17

Cꞌajoꞌ nak quijoskꞌoꞌ li dragón saꞌ xbe̱n li ixk. Co̱ chi pletic riqꞌuineb li ralal xcꞌajol, li joꞌ qꞌuial chic queꞌcana. Aꞌaneb li nequeꞌba̱nun re lix chakꞌrab li Dios ut nequeꞌpa̱ban re lix ya̱lal li quixchꞌolob li Jesucristo.

Daniel 7:25

Aꞌan tixmajecua li nimajcual Dios ut tixrahobtesiheb ajcuiꞌ li ralal xcꞌajol li Dios. Tixcꞌoxla xjalbal eb li chakꞌrab ut tixcꞌoxla xjalbal li cꞌaynakeb xba̱nunquil li tenamit. Ut oxib chihab riqꞌuin media teꞌcua̱nk li ralal xcꞌajol li Dios rubel xcuanquil aꞌan.

Daniel 12:1

Ut quixye ajcuiꞌ li ángel re laj Daniel: —Saꞌ eb li cutan aꞌan ta̱cha̱lk li ángel Miguel li na-iloc reheb la̱ tenamit Israel. Nabal li raylal ta̱cꞌulma̱nk saꞌ eb li cutan aꞌan. Ma̱ jun cua quicꞌulman chi joꞌcan chalen chak saꞌ xticlajic li ruchichꞌochꞌ toj chalen anakcuan. Abanan lix tenamit li Dios teꞌcolekꞌ, li joꞌ qꞌuialeb tzꞌi̱banbil xcꞌabaꞌeb saꞌ li hu.

Apocalipsis 17:15

Quixye cue li ángel: —Li haꞌ li xacuil li chunchu cuiꞌ li ixk, aꞌan retalileb li xni̱nkal ru tenamit, aꞌ yal ani xte̱paleb xxeꞌto̱nil yucuaꞌeb, ut aꞌ yal chanru li ra̱tinoba̱leb.

Apocalipsis 11:18

Cꞌajoꞌ nak queꞌjoskꞌoꞌ li tenamit li xicꞌ nequeꞌiloc a̱cue. Abanan xcuulac xkꞌehil nak ta̱cꞌut la̱ joskꞌil chiruheb. Xcuulac xkꞌehil nak tatrakok a̱tin saꞌ xbe̱neb li camenak. Ut ta̱qꞌueheb xkꞌajca̱munquileb laj cꞌanjel cha̱cuu li queꞌyehoc resil li cꞌaꞌru ta̱cꞌulma̱nk. Ut ta̱qꞌueheb ajcuiꞌ xkꞌajca̱munquileb laj pa̱banel li queꞌqꞌuehoc a̱lokꞌal, usta cuanqueb xcuanquil usta ma̱cꞌaꞌ. Ut la̱at ta̱sach ruheb li queꞌba̱nun raylal reheb li cuanqueb saꞌ ruchichꞌochꞌ, chanqueb.

San Juan 19:11

Li Jesús quixye re: —Ma̱cꞌaꞌ raj a̱cuanquil saꞌ inbe̱n cui ta incꞌaꞌ qꞌuebil a̱cue xban li Dios. Ut li jun li xkꞌaxtesin cue saꞌ a̱cuukꞌ re nak tatrakok a̱tin saꞌ inbe̱n, aꞌan kꞌaxal cuiꞌchic nim xma̱c cha̱cuu la̱at, chan.

Apocalipsis 10:11

Quixye cue: —Tenebanbil saꞌ a̱be̱n la̱at xyebal resil li cꞌaꞌru ta̱cꞌulma̱nk. Toj ta̱ye cuiꞌchic resil cꞌaꞌru teꞌxcꞌul eb li tenamit, joꞌ ajcuiꞌ li xni̱nkal ru tenamit joꞌ ajcuiꞌ lix reyeb. Ta̱ye ajcuiꞌ resil li cꞌaꞌru teꞌxcꞌul saꞌ eb li tenamit li jalan jala̱nk ra̱tinoba̱leb.—

Apocalipsis 5:9

Queꞌxbicha jun li acꞌ bich ut queꞌxye: A̱cꞌulub xchapbal li botbil hu ut xtebal li sello xban nak la̱at catcamsi̱c. Riqꞌuin la̱ quiqꞌuel xalokꞌeb nabal re nak teꞌoc chokꞌ ralal xcꞌajol li Dios. Yalak ani xacoleb aꞌ yal ani xte̱paleb xxeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

San Lucas 4:6

Laj tza quixye re li Jesús: —Tinkꞌaxtesi saꞌ a̱cuukꞌ li xni̱nkal ru tenamit aꞌan ut lix lokꞌal. Eb li tenamit aꞌan kꞌaxtesinbileb saꞌ cuukꞌ la̱in ut naru ninqꞌue re li ani tincuaj la̱in.

Éxodo 9:16

Abanan la̱in incꞌaꞌ xinqꞌue li yajel aꞌan saꞌ e̱be̱n xban nak xcuaj xcꞌutbal lin cuanquil che̱ru. Ut re ajcuiꞌ nak te̱ye cuesilal saꞌ ruchichꞌochꞌ.

Jeremías 25:9

Joꞌcan nak la̱in tinbokeb chixjunileb li xni̱nkal ru tenamit li cuanqueb saꞌ li norte. Ta̱cha̱lk ajcuiꞌ rochbeneb laj Nabucodonosor lix reyeb laj Babilonia, li ta̱cꞌanjelak chicuu. La̱in tintaklaheb chi numta̱c saꞌ xbe̱neb li cuanqueb saꞌ li naꞌajej aꞌin, joꞌ eb ajcuiꞌ li tenamit li cuanqueb chi xjun sutam re nak tinsach ruheb chi junelic. Xiu xiu rilbal teꞌcana̱k ut teꞌseꞌe̱k.

Isaías 37:26

¿Ma incꞌaꞌ ta biꞌ nacanau nak la̱in li Ka̱cuaꞌ? La̱in quincꞌoxlan re chixjunil li ta̱cꞌulma̱nk. Najter kꞌe cutan la̱in quincꞌu̱b chak ru chanru ta̱uxma̱nk. Ut anakcuan la̱in xatincanab chixsachbal ruheb li tenamit li cauheb rib chi pletic. Tu̱btu aj chic xacanabeb nak xapoꞌeb.

Isaías 10:15

¿Ma naru ta biꞌ tixnimobresi rib li ma̱l chiru li ani nachꞌeꞌoc re? ¿Ma naru ta biꞌ tixkꞌetkꞌeti rib li seruch chiru li ani nachꞌeꞌoc re? ¿Ma naru ta biꞌ ta̱cuaclesi̱k junak cui̱nk xban li xukꞌ? Ut, ¿ma naru ta biꞌ nak li cheꞌ tixtakla junak li cui̱nk?