Apocalipsis 13:4 - Li Santil hu

⁴ Ut queꞌxqꞌue xlokꞌal li dragón xban nak quixqꞌue xcuanquil li joskꞌ aj xul. Ut queꞌxlokꞌoni ajcuiꞌ li joskꞌ aj xul ut queꞌxye: —¿Ani ta cuiꞌ cuan xcuanquil joꞌ li joskꞌ aj xul aꞌin? Ma̱ ani tixcuy pletic riqꞌuin aꞌan xban nak quiqꞌueheꞌ xcuanquil xban li dragón, chanqueb.

Q'eqchi Bible

⁴ ut ke'xloq'oni li nimla k'anti', xb'aan naq kixk'e xwankil li josq' aj xul. Ke'xloq'oni ajwi' li josq' aj xul, yookeb' chi xyeeb'al: “Ani tawi' chanchan li josq' aj xul? Ani tawi' taaruhanq chi yalok rik'in?”.

Apocalipsis 13:4 ပူးပေါင်းရင်းမြစ်များ

Apocalipsis 13:2

Li joskꞌ aj xul li quicuil, aꞌan chanchan hix. Eb li rok chanchan rok li xul oso. Ut li ruch re chanchan ruch re li cakcoj. Ut li dragón quixqꞌue lix cacuilal ut lix cꞌojariba̱l re li joskꞌ aj xul. Ut quixqꞌue ajcuiꞌ xcuanquil.

Apocalipsis 18:18

Ut queꞌxjap re nak queꞌril nak yo̱ chi cꞌatc li tenamit ut queꞌxye: —Ma̱ jun chic tenamit juntakꞌe̱t riqꞌuin li tenamit aꞌin nak quicuan, chanqueb.

Apocalipsis 13:15

Ut li xcab xul quiqꞌueheꞌ xcuanquil re nak tixqꞌue xmusikꞌ lix jalam u̱ch li xbe̱n joskꞌ aj xul re ta̱a̱tinak ut tixqꞌue chi ca̱mc li ani incꞌaꞌ ta̱qꞌuehok xlokꞌal.

Apocalipsis 12:3

Ut jun chic sachba chꞌo̱lej quicꞌutbesi̱c chicuu saꞌ choxa. Quicuil jun nimla joskꞌ aj xul cak rix dragón xcꞌabaꞌ. Cuan cuukub lix jolom ut laje̱b lix xucub. Ut saꞌ eb lix jolom cuukub cuan junju̱nk lix corona.

2 Ts 2:4

Aꞌan tixqꞌue xcuanquil xjunes rib ut xicꞌ ta̱ril yalak cꞌaꞌ chi diosil ut li cꞌaꞌak re ru nalokꞌoniman saꞌ ruchichꞌochꞌ. Tixnimobresi rib saꞌ xbe̱n chixjunil toj retal nak ta̱cꞌojla̱k saꞌ rochoch li Dios ut aꞌan chic tixqꞌue rib chokꞌ dios.

Éxodo 15:11

Ma̱cꞌaꞌ chic junak dios joꞌ la̱at, at Ka̱cuaꞌ. Ma̱ ani chic junak cuan xti̱quilal joꞌ la̱ ti̱quilal la̱at. Ma̱ ani chic junak nim xcuanquil joꞌ la̱ nimajcual cuanquilal la̱at. Ma̱ ani chic junak naru ta̱ba̱nu̱nk re li sachba chꞌo̱lej xaba̱nu la̱at.

Apocalipsis 17:14

Eb li rey teꞌpletik riqꞌuin li Jun li chanchan carner. Abanan aꞌan ta̱numta̱k saꞌ xbe̱neb xban nak aꞌan li Ka̱cuaꞌ, li kꞌaxal nim xcuanquil saꞌ xbe̱n chixjunil. Ut aꞌan li tzꞌakal rey li nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Ut li sicꞌbileb ru, li ti̱queb xchꞌo̱l chixta̱kenquil, teꞌnumta̱k ajcuiꞌ saꞌ xbe̱neb li rey, rochbeneb li Jun li chanchan carner.—

Apocalipsis 9:20

Ut li joꞌ qꞌuial chic li cristian li incꞌaꞌ queꞌcamsi̱c xban li raylal aꞌan incꞌaꞌ ajcuiꞌ queꞌyotꞌeꞌ xchꞌo̱leb ut incꞌaꞌ queꞌxcanab xba̱nunquil li ma̱usilal. Incꞌaꞌ queꞌxcanab xlokꞌoninquil li ma̱us aj musikꞌej chi moco queꞌxcanab xlokꞌoninquileb li jalanil dios yi̱banbil riqꞌuin oro, plata, kꞌan chꞌi̱chꞌ bronce joꞌ ajcuiꞌ riqꞌuin pec ut cheꞌ. Incꞌaꞌ queꞌxcanab xlokꞌoninquileb li yi̱banbil dios aꞌin, li incꞌaꞌ nequeꞌiloc, chi moco nequeꞌabin, chi moco nequeꞌbe̱c.

2 Corintios 4:4

Incꞌaꞌ nequeꞌxtau ru xban nak laj tza naramoc re lix ya̱lal chiruheb li incꞌaꞌ nequeꞌpa̱ban. Naxba̱nu aꞌan re nak incꞌaꞌ teꞌxtau ru lix ya̱lal li colba-ib li nacꞌutuc chiku lix lokꞌal li Cristo, ut lix lokꞌal li Dios.

1 Samuel 17:24

Nak eb laj Israel queꞌril laj Goliat, quichal xxiuheb ut queꞌe̱lelic chiru.

Deuteronomio 9:2

Ut ni̱nkeb ajcuiꞌ li cristian ut kꞌaxal cauheb rib. Ac e̱rabiom resil nak ma̱ ani naru naxcol rib chiruheb li ralal xcꞌajol laj Anac, li nimla cui̱nk.

Isaías 46:5

¿Ani aj iqꞌuin tine̱juntakꞌe̱ta? ¿Ma naru ta biꞌ tine̱juntakꞌe̱ta riqꞌuin junak chic? Ma̱ ani aj iqꞌuin naru niquine̱juntakꞌe̱ta.

Apocalipsis 12:4

Ut riqꞌuin lix ye yo̱ chixquelonquil nabal li chahim chiru choxa. Caꞌchꞌin chic ma̱ yijach li chahim li yo̱ chixquelonquil. Ut quixcut saꞌ ruchichꞌochꞌ li chahim. Li nimla joskꞌ aj xul quixakli chiru li ixk li oc re chi qꞌuira̱c re nak tixnukꞌ li cꞌulaꞌal nak ta̱yoꞌla̱k.

Apocalipsis 13:11

Ut chirix aꞌan quicuil jun chic li joskꞌ aj xul qui-el chak saꞌ chꞌochꞌ. Cuan cuib lix cocꞌ xucub chanchan lix xucub li carner. Ut naa̱tinac joꞌ naa̱tinac li dragón.