Apocalipsis 13:2 - Li Santil hu

² Li joskꞌ aj xul li quicuil, aꞌan chanchan hix. Eb li rok chanchan rok li xul oso. Ut li ruch re chanchan ruch re li cakcoj. Ut li dragón quixqꞌue lix cacuilal ut lix cꞌojariba̱l re li joskꞌ aj xul. Ut quixqꞌue ajcuiꞌ xcuanquil.

Q'eqchi Bible

² Li josq' aj xul kiwil chanchan junaq hix, eb' li roq chanchan roq li tz'uqtz'un ut li xxolol kama' xxolol li kaqkoj. Ut kik'ehe'k re xb'aan li nimla k'anti' li xkawilal, li xk'ojarib'aal ut li xnimal xwankil.

Apocalipsis 13:2 ပူးပေါင်းရင်းမြစ်များ

Apocalipsis 20:2

Quixchap li dragón. Aꞌan li cꞌantiꞌ li ac cuan ajcuiꞌ chak najter. Aꞌan laj tza. Satanás nayeman re. Nak quixchap, quixbacꞌ ut quixcanab chi bacꞌbo chiru jun mil chihab.

Apocalipsis 17:12

Ut li laje̱b chi xucub li xacuil, aꞌan retalileb li laje̱b chi rey li teꞌcua̱nk. Teꞌxcꞌul xcuanquileb chi cua̱nc chokꞌ rey, rochbeneb li joskꞌ aj xul li cak rix. Abanan incꞌaꞌ najt ta̱cua̱nk xcuanquil eb aꞌan.

Apocalipsis 12:9

Quicuteꞌ saꞌ ruchichꞌochꞌ xban li Dios li joskꞌ aj dragón. Li dragón, aꞌan li cꞌantiꞌ li ac cuan ajcuiꞌ chak najter. Aꞌan laj tza li nabalakꞌin reheb li cuanqueb saꞌ ruchichꞌochꞌ. Satanás nayeman re. Quicuteꞌ saꞌ ruchichꞌochꞌ laj tza ut queꞌcuteꞌ ajcuiꞌ li ángel li queꞌta̱ken re.

1 Pedro 5:8

Chicua̱nk e̱naꞌleb re xcolbal e̱rib chiru laj tza xban nak laj tza yo̱ chixsicꞌbal ani ta̱ra̱le. Laj tza aꞌan chanchan li cakcoj ca̱mc re xban xtzꞌocajic ut yo̱ chixsutinquil rib yalak bar re xsicꞌbal ani tixcamsi re tixtiu.

Apocalipsis 19:20

Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.

Apocalipsis 13:4

Ut queꞌxqꞌue xlokꞌal li dragón xban nak quixqꞌue xcuanquil li joskꞌ aj xul. Ut queꞌxlokꞌoni ajcuiꞌ li joskꞌ aj xul ut queꞌxye: —¿Ani ta cuiꞌ cuan xcuanquil joꞌ li joskꞌ aj xul aꞌin? Ma̱ ani tixcuy pletic riqꞌuin aꞌan xban nak quiqꞌueheꞌ xcuanquil xban li dragón, chanqueb.

Apocalipsis 12:15

Ut li cꞌantiꞌ quixxaꞌcua haꞌ chirix li ixk. Ut li quixxaꞌcua chanchan jun nimaꞌ re nak ta̱cꞌamekꞌ xban li rok li nimaꞌ li ixk.

Apocalipsis 12:13

Ut li joskꞌ aj dragón quixqꞌue retal nak quicuteꞌ saꞌ ruchichꞌochꞌ. Qui-oc xta̱kenquil li ixk li quiyoꞌla jun xcꞌulaꞌal te̱lom.

Apocalipsis 16:10

Ut li roꞌ ángel quixhoy li cuan saꞌ lix secꞌ saꞌ xbe̱n lix cꞌojariba̱l li joskꞌ aj xul. Ut chixjunileb li cuanqueb rubel xcuanquil queꞌcana saꞌ kꞌojyi̱n. Chixjunileb yo̱queb chixtiubal li ruꞌuj rakꞌeb xban li raylal yo̱queb chixcꞌulbal.

Amós 5:19

Chanchanakex li nae̱lelic chiru li cakcoj ut nak yo̱ chi e̱lelic naxcꞌul li joskꞌ aj xul oso xcꞌabaꞌ. Chanchanakex li cui̱nk li nasukꞌi saꞌ rochoch ut nak naxqꞌue li rukꞌ chiru li tzꞌac natiꞌeꞌ xban cꞌantiꞌ.

Jeremías 13:23

Junak cui̱nk li kꞌek xtibel incꞌaꞌ naru ta̱sakokꞌ xtibel, chi moco naru ta̱jala̱k rix li chꞌohix. Joꞌcan ajcuiꞌ la̱ex. Incꞌaꞌ naru te̱ba̱nu li us xban nak ac cꞌaynakex chixba̱nunquil li ma̱usilal.

Jeremías 5:6

Joꞌcan nak eb laj Jerusalén teꞌxcꞌul li raylal xbaneb li xicꞌ nequeꞌiloc reheb. Li cakcoj li cuanqueb saꞌ qꞌuicheꞌ teꞌcha̱lk chixcamsinquileb. Laj xoj li cuanqueb saꞌ li chaki chꞌochꞌ teꞌxpedasiheb. Li hix tixbeni rib saꞌ lix tenamiteb. Cui nequeꞌel saꞌ be teꞌchapekꞌ ut teꞌpedasi̱k xbaneb li hix. Joꞌcan teꞌxcꞌul xban nak xnumta lix ma̱queb. Qꞌuila sut xeꞌxtzꞌekta̱na li Ka̱cuaꞌ.

Isaías 5:29

Nak teꞌxjap reheb li soldado chanchan nak nequeꞌxjap re li cakcoj malaj ut li ral li cakcoj nak oc re chixchapbal lix tib ut ma̱ ani ta̱makꞌok chiru.

Proverbios 28:15

Nak junak li acuabej incꞌaꞌ us xnaꞌleb ta̱oc chi takla̱nc saꞌ xbe̱neb li tenamit nebaꞌ, aꞌan chanchan li cakcoj xban nak joskꞌ. Malaj ut chanchan li oso li ta̱tzꞌoca̱k.

Proverbios 17:12

Kꞌaxal us nak ta̱cꞌul jun li oso yo̱ xjoskꞌil li qui-elkꞌa̱c li ral, chiru nak ta̱chꞌic a̱cuib riqꞌuin jun li incꞌaꞌ naxnau xya̱lal xban nak kꞌaxal ra cuiꞌchic ta̱cꞌul.

Salmos 22:21

China̱col chiruheb li xicꞌ nequeꞌiloc cue. Eb aꞌan chanchaneb li cakcoj. China̱col chiruheb aꞌan xban nak chanchaneb li joskꞌ aj toro teꞌraj inxekꞌbal.

2 Reyes 2:24

Li profeta Eliseo quixsukꞌisi rib ut quirileb. Ut saꞌ xcꞌabaꞌ li Ka̱cuaꞌ Dios quixtzꞌa̱ma ma̱usilal saꞌ xbe̱neb. Ut cuib li joskꞌ aj xul oso xcꞌabaꞌ queꞌel saꞌ li qꞌuicheꞌ ut queꞌxcamsiheb cuib roxcꞌa̱l li sa̱j al. Pedasinbil queꞌxba̱nu reheb.

Habacuc 1:8

Kꞌaxal se̱bakeb lix cacua̱yeb chiruheb li hix. Tzꞌakalakeb aj camsinel chiru laj xoj li nequeꞌbe̱c chiru kꞌojyi̱n. Kꞌaxal cuiꞌchic teꞌta̱mk li nequeꞌxic chirix cacua̱y chi camsi̱nc. Chi najt teꞌcha̱lk chak chirix cacua̱y li teꞌcha̱lk chi pletic. Nak teꞌxic saꞌ a̱nil chi pletic, chanchanakeb li cꞌuch nak naxic chi junpa̱t chixchapbal lix tib.

Amós 3:12

Ut quixye ajcuiꞌ li Ka̱cuaꞌ: —Nak junak laj ilol xul tixyal xmakꞌbal lix carner saꞌ re li cakcoj, ma̱re caꞌaj cuiꞌ li rok cuib tixcol malaj ut jun pedasak xxic. Joꞌcan ajcuiꞌ te̱cꞌul la̱ex aj Israel. Moco qꞌuihex ta li texcolekꞌ saꞌ li naꞌajej Samaria. Anakcuan nequexhilan saꞌ li cha̱bil chꞌa̱t aran Damasco. Abanan ta̱cha̱lk raylal saꞌ e̱be̱n.

Oseas 11:10

Chanchanakin li cakcoj nak tinjap cue chiruheb li xicꞌ nequeꞌiloc reheb li cualal incꞌajol. Sicsotkeb xbaneb xxiu li cualal incꞌajol nak teꞌcha̱lk cuiqꞌuin saꞌ li oeste li na-oc cuiꞌ li sakꞌe.

2 Timoteo 4:17

Abanan li Ka̱cuaꞌ quitenkꞌan cue ut quixqꞌue xcacuilal inchꞌo̱l re xjulticanquil chi tzꞌakal resil li colba-ib re nak chixjunileb li ma̱cuaꞌeb aj judío teꞌrabi resil li evangelio. Joꞌcan nak quincoleꞌ saꞌ rukꞌ li cakcoj.

Apocalipsis 2:13

La̱in ninnau chanru nak cuanquex. La̱in ninnau nak cuan xcuanquil laj tza saꞌ li tenamit li cuanquex cuiꞌ. Abanan la̱ex toj yo̱quex chinlokꞌoninquil. Incꞌaꞌ xecanab inpa̱banquil usta quicamsi̱c laj Antipas xban nak quixye cuesilal aran saꞌ le̱ tenamit li cuan rubel xcuanquil laj tza.

Apocalipsis 13:12

Li xul aꞌan cuan xcuanquil joꞌ li joskꞌ aj xul li quiyoqꞌueꞌ jun xjolom ut quicam raj abanan quiqꞌuira. Ut chiru ajcuiꞌ aꞌan naxmin ruheb chixjunileb li cuanqueb saꞌ ruchichꞌochꞌ re nak teꞌxlokꞌoni li joskꞌ aj xul.