Apocalipsis 13:15 - Li Santil hu

¹⁵ Ut li xcab xul quiqꞌueheꞌ xcuanquil re nak tixqꞌue xmusikꞌ lix jalam u̱ch li xbe̱n joskꞌ aj xul re ta̱a̱tinak ut tixqꞌue chi ca̱mc li ani incꞌaꞌ ta̱qꞌuehok xlokꞌal.

Q'eqchi Bible

¹⁵ Kik'ehe'k xwankil chi xk'eeb'al xyu'am li xjalam u li josq' aj xul re naq taa'aatinaq ut tixk'eheb' chi kamk jo'k'ihaleb' li ink'a' te'loq'oninq re li xul.

Apocalipsis 13:15 ပူးပေါင်းရင်းမြစ်များ

Apocalipsis 20:4

Ut quicuileb li cꞌojariba̱l li queꞌcꞌojla cuiꞌ li queꞌqꞌueheꞌ xcuanquil chi rakoc a̱tin. Queꞌcuil li queꞌcamsi̱c xban nak queꞌxchꞌolob resil li Jesús ut xban nak queꞌxchꞌolob ra̱tin li Dios. Incꞌaꞌ queꞌxlokꞌoni li joskꞌ aj xul chi moco lix jalam u̱ch. Ut incꞌaꞌ quiqꞌueheꞌ retalil li xul saꞌ xpe̱quemeb chi moco chi rukꞌeb. Queꞌcuacli cuiꞌchic chi yoꞌyo ut queꞌcuan xcuanquil rochbeneb li Cristo chiru jun mil (1,000) chihab.

Apocalipsis 19:20

Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.

Apocalipsis 16:2

Co̱ li xbe̱n ángel ut quixhoy li cuan saꞌ lix secꞌ saꞌ xbe̱n li ruchichꞌochꞌ. Ut quichal jun yajel saꞌ xbe̱neb chixjunileb li queꞌxcꞌul xnumbril lix cꞌabaꞌ li joskꞌ aj xul joꞌqueb ajcuiꞌ li queꞌxlokꞌoni lix jalam u̱ch. Queꞌxoxoꞌ rixeb ut kꞌaxal ra queꞌxcꞌul xban li yajel.

Apocalipsis 18:20

Chisahokꞌ saꞌ e̱chꞌo̱l la̱ex li cuanquex saꞌ choxa. La̱ex laj pa̱banel, la̱ex profeta ut la̱ex apóstol, chisahokꞌ taxak saꞌ e̱chꞌo̱l xban nak li Dios xrakoc a̱tin saꞌ xbe̱neb saꞌ e̱cꞌabaꞌ la̱ex, chan li yo̱ chak chi a̱tinac saꞌ choxa.

Apocalipsis 17:6

Ut quicuil li ixk chanchan ta̱cala̱k xban xquiqꞌueleb li ralal xcꞌajol li Dios li queꞌcamsi̱c xban. Ut queꞌcamsi̱c ajcuiꞌ nabaleb li cristian li queꞌxchꞌolob resil li Cristo. Nak quicuil aꞌan, sachso inchꞌo̱l quincana.

Apocalipsis 14:11

Junelic kꞌe cutan yo̱keb chi cꞌuluc raylal li nequeꞌxlokꞌoni li joskꞌ aj xul malaj ut lix jalam u̱ch, li queꞌxcꞌul li retalil lix cꞌabaꞌ saꞌ xpe̱quemeb malaj chi rukꞌeb. Chi kꞌek chi cutan yo̱keb chi cꞌuluc raylal, chan.

Apocalipsis 14:9

Ut quicuil li rox ángel, yo̱ chixta̱kenquil li cuib chic. Li jun aꞌin yo̱ chixyebal chi cau xya̱b xcux: —Li ani tixlokꞌoni li joskꞌ aj xul malaj ut lix jalam u̱ch, ut tixcꞌul li retalil saꞌ xpe̱quem malaj chi rukꞌ,

Apocalipsis 13:14

Quixbalakꞌiheb li cuanqueb saꞌ ruchichꞌochꞌ riqꞌuin li sachba chꞌo̱lej li quiqꞌueheꞌ re xba̱nunquil chiru li joskꞌ aj xul. Ut quixye reheb li cuanqueb saꞌ ruchichꞌochꞌ nak teꞌxyi̱b jun xjalam u̱ch li joskꞌ aj xul li quiyoqꞌueꞌ riqꞌuin chꞌi̱chꞌ ut quiqꞌuira.

Daniel 7:25

Aꞌan tixmajecua li nimajcual Dios ut tixrahobtesiheb ajcuiꞌ li ralal xcꞌajol li Dios. Tixcꞌoxla xjalbal eb li chakꞌrab ut tixcꞌoxla xjalbal li cꞌaynakeb xba̱nunquil li tenamit. Ut oxib chihab riqꞌuin media teꞌcua̱nk li ralal xcꞌajol li Dios rubel xcuanquil aꞌan.

Apocalipsis 18:24

Saꞌ ajcuiꞌ li tenamit aꞌan queꞌcamsi̱c li ralal xcꞌajol li Dios ut eb li profeta. Li tenamit aꞌan quicꞌamoc be chiruheb li tenamit saꞌ ruchichꞌochꞌ chixcamsinquileb laj pa̱banel yalak bar.

Apocalipsis 17:17

Li Dios quiqꞌuehoc re saꞌ xchꞌo̱leb li rey nak joꞌcan teꞌxba̱nu. Joꞌcan nak junajakeb lix cꞌaꞌux chixqꞌuebal lix cuanquileb re li joskꞌ aj xul re nak ta̱takla̱nk toj ta̱tzꞌaklok ru li quixye li Dios.

Jeremías 51:17

Abanan eb li cui̱nk ma̱cꞌaꞌ nequeꞌoc cuiꞌ ut ma̱cꞌaꞌ xnaꞌlebeb. Chixjunileb li nequeꞌyi̱ban re li yi̱banbil dios xuta̱nal nequeꞌel. Ma̱cꞌaꞌ nequeꞌoc cuiꞌ li jalanil dios li nequeꞌxyi̱b. Moco yoꞌyo̱queb ta.

Jeremías 10:14

To̱nteb chixjunileb li cui̱nk ut ma̱cꞌaꞌeb xnaꞌleb. Chixjunileb laj tꞌenol chꞌi̱chꞌ nacꞌuteꞌ xxuta̱neb xban li dios li queꞌxyi̱b. Ma̱cꞌaꞌ na-oc cuiꞌ li jalanil dios li nequeꞌxyi̱b xban nak moco yoꞌyo̱queb ta.

Jeremías 10:5

Xakxo̱queb saꞌ xnaꞌaj. Chanchaneb li cheꞌ palmera. Incꞌaꞌ naru nequeꞌa̱tinac. Tento xpakonquileb xban nak incꞌaꞌ naru nequeꞌbe̱c. Mexxucuac chiruheb xban nak incꞌaꞌ nequeꞌxba̱nu li us, chi moco li incꞌaꞌ us, xban nak ma̱cꞌaꞌeb xcuanquil.—

Salmos 115:5

Eb li dios aꞌan cuanqueb xtzꞌu̱mal re, aban incꞌaꞌ nequeꞌa̱tinac. Ut cuanqueb xnakꞌ ru, aban incꞌaꞌ naru nequeꞌiloc.

Génesis 2:7

Li Ka̱cuaꞌ Dios quixyi̱b li cui̱nk. Quixpacꞌ riqꞌuin chꞌochꞌ ut quirapu saꞌ li ruꞌuj re nak tixqꞌue lix musikꞌ. Ut cuan chic xyuꞌam li cui̱nk.

Apocalipsis 17:14

Eb li rey teꞌpletik riqꞌuin li Jun li chanchan carner. Abanan aꞌan ta̱numta̱k saꞌ xbe̱neb xban nak aꞌan li Ka̱cuaꞌ, li kꞌaxal nim xcuanquil saꞌ xbe̱n chixjunil. Ut aꞌan li tzꞌakal rey li nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Ut li sicꞌbileb ru, li ti̱queb xchꞌo̱l chixta̱kenquil, teꞌnumta̱k ajcuiꞌ saꞌ xbe̱neb li rey, rochbeneb li Jun li chanchan carner.—

Apocalipsis 16:5

Ut quicuabi nak li ángel li nataklan saꞌ xbe̱n li haꞌ quia̱tinac ut quixye: At Ka̱cuaꞌ, la̱at ti̱c a̱chꞌo̱l chi rakoc a̱tin chi joꞌcaꞌin. La̱at ac cuancat chak saꞌ xticlajic ut la̱at cuancat anakcuan. La̱at santo. Joꞌcan nak xatrakoc a̱tin saꞌ xya̱lal saꞌ xbe̱neb li incꞌaꞌ useb xnaꞌleb.

Santiago 2:26

Junak tzꞌejcualej ma̱cꞌaꞌ chic xmusikꞌ, ma̱cꞌaꞌ na-oc cuiꞌ xban nak camenak chic. Joꞌcan ajcuiꞌ li kapa̱ba̱l. Cui incꞌaꞌ nakaba̱nu li us, ma̱cꞌaꞌ na-oc cuiꞌ.

Habacuc 2:19

Ra xchal saꞌ e̱be̱n la̱ex li nequeye re junak cheꞌ, “Cuaclin ut choa̱tenkꞌa”, malaj ut junak pec incꞌaꞌ naa̱tinac. ¿Ma ta̱ru̱k ta biꞌ tixqꞌue e̱naꞌleb? Usta yi̱banbil riqꞌuin oro ut plata, aꞌan ma̱cꞌaꞌ xmusikꞌ re texsume.

Daniel 7:20

Ut quinpatzꞌ ajcuiꞌ re cꞌaꞌru xya̱lal li laje̱b chi xucub li cuanqueb saꞌ xjolom. Ut quinpatzꞌ re chirix li xucub li caꞌchꞌin li qui-el chak mokon ut queꞌtꞌaneꞌ li oxib chiru. Li xucub aꞌan cuan xnakꞌ ru ut cuan xtzꞌu̱mal re ut yo̱ chixnimobresinquil rib riqꞌuin li naxye. Nacꞌutun chiru nak aꞌan nim xcuanquil chiruheb li jun chꞌol chic.

Apocalipsis 13:1

Ut li dragón quixakli chire li palau ut quicuil nak qui-el chak saꞌ li palau jun chic chanchan joskꞌ aj xul cuan cuukub xjolom ut laje̱b lix xucub. Ut saꞌ li laje̱b chi xucub cuan junju̱nk lix corona. Ut tzꞌi̱banbil saꞌ eb lix jolom jun li cꞌabaꞌej re xmajecuanquil li Ka̱cuaꞌ.

Apocalipsis 13:12

Li xul aꞌan cuan xcuanquil joꞌ li joskꞌ aj xul li quiyoqꞌueꞌ jun xjolom ut quicam raj abanan quiqꞌuira. Ut chiru ajcuiꞌ aꞌan naxmin ruheb chixjunileb li cuanqueb saꞌ ruchichꞌochꞌ re nak teꞌxlokꞌoni li joskꞌ aj xul.