Apocalipsis 11:6 - Li Santil hu

⁶ Eb li cuib chi cui̱nk aꞌin qꞌuebileb xcuanquil chixba̱nunquil re nak incꞌaꞌ tixqꞌue li hab chiruheb li cutan nak yo̱keb chixyebal li cꞌaꞌru ta̱cꞌulma̱nk. Ut cuanqueb xcuanquil re xsukꞌisinquil li haꞌ chokꞌ quicꞌ ut cuanqueb ajcuiꞌ xcuanquil re xrahobtesinquileb li cuanqueb saꞌ ruchichꞌochꞌ riqꞌuin chixjunil li raylal aꞌ yal jarub sut teꞌraj xba̱nunquil.

Q'eqchi Bible

⁶ Eb' a'in wankeb' xwankil chi xtz'apb'al li choxa re naq ink'a' tixk'e li hab' sa'eb' li kutan yooqeb' wi' chi aatinak jo' propeet; wankeb' ajwi' xwankil chi xsutq'isinkil li ha' cho'q kik' jo'wi' re xrahob'tesinkil li ruuchich'och' rik'in chixjunil li rahilal jar wa te'raj xb'aanunkil.

Apocalipsis 11:6 ပူးပေါင်းရင်းမြစ်များ

San Lucas 4:25

Relic chi ya̱l nak nabaleb li xma̱lcaꞌan saꞌ li tenamit Israel nak quicuan laj Elías chokꞌ profeta. Saꞌ eb li cutan aꞌan incꞌaꞌ quixqꞌue hab chiru oxib chihab riqꞌuin cuakib po. Ut cꞌajoꞌ li cueꞌej quicuan saꞌ li tenamit aꞌan.

1 Reyes 17:1

Quicuan jun li profeta aj Elías xcꞌabaꞌ. Lix tenamit, aꞌan Tisbe li cuan saꞌ xcue̱nt Galaad. Laj Elías quixye re li rey Acab: —Saꞌ xcꞌabaꞌ li Ka̱cuaꞌ, lix Dioseb laj Israel li nincꞌanjelac chiru, la̱in ninye a̱cue nak chiru cuib oxib chihab incꞌaꞌ chic tixqꞌue li hab toj tinye la̱in, chan.

1 Samuel 4:8

¿Ani ta̱ru̱k ta̱colok ke chiruheb lix dioseb li ni̱nkeb xcuanquil? Eb li dios aꞌan, aꞌan eb li queꞌtaklan re nabal li raylal saꞌ xbe̱neb laj Egipto saꞌ li chaki chꞌochꞌ ut queꞌxsach ruheb.

Apocalipsis 8:8

Ut li xcab ángel quixya̱basi lix trompeta. Chanchan jun li nimla tzu̱l yo̱ chi cꞌatc ut quicuteꞌ saꞌ li palau. Caꞌchꞌin chic ma̱ jun jachal li palau quisukꞌi chokꞌ quicꞌ.

Apocalipsis 11:3

La̱in tintaklaheb cuib aj cꞌanjel chicuu. Cua̱nk rakꞌeb chirix kꞌes ru retalil li rahil chꞌo̱lej. Eb aꞌan teꞌxye cuesilal chiru oxib chihab riqꞌuin cuakib po.—

Apocalipsis 16:3

Ut li xcab ángel quixhoy li cuan saꞌ lix secꞌ saꞌ xbe̱n li palau. Ut li haꞌ quisukꞌi chokꞌ quicꞌ. Chanchan xquiqꞌuel jun camenak. Ut quilajeꞌcam chixjunileb li cuanqueb saꞌ li palau.

Apocalipsis 16:4

Li rox ángel quixhoy li cuan saꞌ lix secꞌ saꞌ xbe̱neb li nimaꞌ ut saꞌ xbe̱neb li yuꞌam haꞌ. Ut li haꞌ quisukꞌi chokꞌ quicꞌ.