Apocalipsis 11:4 - Li Santil hu

⁴ Chiru li Ka̱cuaꞌ li cuib chi cui̱nk aꞌin chanchanakeb li cuib chi cheꞌ olivo ut chanchanakeb li cuib chi candelero li cuanqueb chiru li Dios, laj e̱chal re li ruchichꞌochꞌ. (Zac. 4:3, 11, 14)

Q'eqchi Bible

⁴ A'aneb' a'in li wiib' xche'el olivo ut li wiib' xna'aj kanteel li xaqxookeb' chiru li xQaawa' li ruuchich'och'.

Apocalipsis 11:4 ပူးပေါင်းရင်းမြစ်များ

Jeremías 11:16

Junxil la̱in xebinjuntakꞌe̱ta riqꞌuin jun li cheꞌ olivo li nau̱chin chi nabal. Abanan xban nak incꞌaꞌ useb xnaꞌleb la̱in tinsach ruheb. Chanchan nak natokeꞌ rukꞌ li cheꞌ xban li ca̱k-sut-ikꞌ ut nacꞌateꞌ.

Salmos 52:8

Abanan la̱in chanchanin jun li cheꞌ olivo li rax rax ru li cuan chire rochoch li Dios. La̱in tincꞌojob inchꞌo̱l chi junelic riqꞌuin li Dios li na-uxta̱nan cuu.

Isaías 54:5

La̱in li Ka̱cuaꞌ li quinyoꞌobtesin e̱re. Chanchanakin le̱ be̱lom. “Nimajcual Dios” incꞌabaꞌ. La̱in li Ka̱cuaꞌ lix santil Dios laj Israel. La̱in tincolok e̱re. La̱in li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ.

Apocalipsis 1:20

Lix ya̱lal li cuukub chi chahim li xacuil saꞌ lin nim ukꞌ, aꞌan li retalileb li cuukub lix takl li Dios li nequeꞌiloc reheb li cuukub chꞌu̱tal chi aj pa̱banel. Ut lix ya̱lal li cuukub chi candelero, aꞌan retalileb li cuukub chꞌu̱tal chi aj pa̱banel.

Romanos 11:17

Texinjuntakꞌe̱ta riqꞌuin li cheꞌ olivo. Eb laj judío chanchan li cha̱bil cheꞌ aubil ut chꞌolaninbil chi us. Aban cuan li rukꞌ qui-isi̱c ut aꞌan retalil eb laj judío li queꞌtzꞌekta̱nan re li Cristo. Ut la̱ex li ma̱cuaꞌex aj judío chanchanex li rukꞌ li cheꞌ li moco aubil ta. Yal xjunes quimok chak. Ut anakcuan yo̱quex chi tzꞌako̱nc riqꞌuin li usilal li quiyechiꞌi̱c re laj Abraham xban li Dios.

San Lucas 11:33

—Ma̱ ani tixloch junak candil ut tixqꞌue ta chi mukmu malaj ut tixqꞌue rubel chacach. Naxqꞌue ban saꞌ junak naꞌajej najt xteram re nak cua̱nkeb saꞌ cutan li ani teꞌoc saꞌ li cab.

Éxodo 8:22

Aban incꞌaꞌ tintakla li raxya̱t saꞌ li naꞌajej Gosén bar cuanqueb cuiꞌ lin tenamit. Aran incꞌaꞌ teꞌchꞌiꞌchꞌiꞌi̱nk li raxya̱t. Riqꞌuin aꞌan te̱nau nak la̱in li Ka̱cuaꞌ Dios ut cuan incuanquil saꞌ xbe̱n li ruchichꞌochꞌ.

Miqueas 4:13

Li Ka̱cuaꞌ tixye reheb lix tenamit: —La̱ex aj Jerusalén, ayukex. La̱ex chic texnumta̱k saꞌ xbe̱neb li xicꞌ nequeꞌiloc e̱re. La̱in tinqꞌuehok e̱cacuilal. Chanchanakex li joskꞌ aj cuacax. Chanchan cua̱nk le̱ xucub hierro. Ut le̱ rok chanchanak bronce. Texnumta̱k saꞌ xbe̱neb nabal chi tenamit. Ut li cꞌaꞌru te̱re̱chani te̱kꞌaxtesi cue. Lix biomaleb te̱mayeja chicuu. La̱in li Ka̱cuaꞌ li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ, chan li Ka̱cuaꞌ.

1 Reyes 17:1

Quicuan jun li profeta aj Elías xcꞌabaꞌ. Lix tenamit, aꞌan Tisbe li cuan saꞌ xcue̱nt Galaad. Laj Elías quixye re li rey Acab: —Saꞌ xcꞌabaꞌ li Ka̱cuaꞌ, lix Dioseb laj Israel li nincꞌanjelac chiru, la̱in ninye a̱cue nak chiru cuib oxib chihab incꞌaꞌ chic tixqꞌue li hab toj tinye la̱in, chan.

Deuteronomio 10:8

Saꞌ eb li cutan aꞌan li Ka̱cuaꞌ quixxakabeb li ralal xcꞌajol laj Leví chi cꞌanjelac chiru li Ka̱cuaꞌ ut chixpakonquil li Lokꞌlaj Ca̱x li cuan cuiꞌ lix contrato li Ka̱cuaꞌ, ut chixtzꞌa̱manquil li rosobtesinquileb li tenamit. Ut joꞌcan queꞌxba̱nu toj chalen anakcuan.

San Lucas 21:36

Joꞌcan ut yoꞌon cua̱nkex ut junelic chextijok re nak cauhak e̱chꞌo̱l chixcuybal xnumsinquil li raylal li ta̱cha̱lk saꞌ e̱be̱n, ut re nak ta̱ru̱k texcuulak cuiqꞌuin la̱in li Cꞌajolbej, chan li Jesús.