Apocalipsis 11:2 - Li Santil hu

² Abanan ma̱bis li neba̱l li cuan chiru lix templo li Dios xban nak aꞌan kꞌaxtesinbil reheb li ma̱cuaꞌeb aj judío. Eb aꞌan teꞌxmux ru li santil tenamit chiru oxib chihab riqꞌuin media (42 po).

Q'eqchi Bible

² Ab'anan li neb'aal li wank chirix, kanab', maab'is xb'aan naq q'axtesinb'il reheb' li maak'a'eb' xpaab'aal, ut eb' a'an te'xyeq'i li Santil Tenamit chiru wiib' roxk'aal po.

Apocalipsis 11:2 ပူးပေါင်းရင်းမြစ်များ

Apocalipsis 12:6

Li ixk quie̱lelic ut co̱ saꞌ li chaki chꞌochꞌ bar ma̱cꞌaꞌ cuan saꞌ li naꞌajej ac cauresinbil chokꞌ re xban li Dios. Ut aran ta̱chꞌolani̱k xban li Dios chiru oxib chihab riqꞌuin cuakib po (1,260 cutan).

San Lucas 21:24

Cuan li teꞌcamsi̱k riqꞌuin chꞌi̱chꞌ ut cuan li teꞌchapekꞌ ut teꞌcꞌamekꞌ chi pre̱xil saꞌ eb li jalan tenamit. Ut li tenamit Jerusalén ta̱cana̱k rubel xcuanquileb li ma̱cuaꞌeb aj judío toj ta̱cuulak xkꞌehil nak li Dios ta̱risiheb lix cuanquileb li ma̱cuaꞌeb aj judío, chan li Jesús.

Daniel 7:25

Aꞌan tixmajecua li nimajcual Dios ut tixrahobtesiheb ajcuiꞌ li ralal xcꞌajol li Dios. Tixcꞌoxla xjalbal eb li chakꞌrab ut tixcꞌoxla xjalbal li cꞌaynakeb xba̱nunquil li tenamit. Ut oxib chihab riqꞌuin media teꞌcua̱nk li ralal xcꞌajol li Dios rubel xcuanquil aꞌan.

Apocalipsis 11:3

La̱in tintaklaheb cuib aj cꞌanjel chicuu. Cua̱nk rakꞌeb chirix kꞌes ru retalil li rahil chꞌo̱lej. Eb aꞌan teꞌxye cuesilal chiru oxib chihab riqꞌuin cuakib po.—

Daniel 12:7

Ut li jun li lino rakꞌ, li cuan saꞌ xbe̱n li haꞌ, quixtaksi li rukꞌ xcabichal ut quicuabi nak quixpatzꞌ xcꞌabaꞌ li Dios li cuan chi junelic kꞌe cutan ut quixye nak li sachba chꞌo̱lej aꞌin ta̱cꞌulma̱nk chiru oxib chihab riqꞌuin media. Nak acak xsacheꞌ xcuanquileb lix tenamit li Dios, ta̱rakekꞌ xcꞌulbal chixjunil aꞌin, chan.

Apocalipsis 21:2

Ut quicuil nak yo̱ chak chi cubec saꞌ choxa cuan cuiꞌ li Dios li santil tenamit, li Acꞌ Jerusalén. Cꞌajoꞌ xchꞌinaꞌusal. Chanchan jun li ixakilbej tikibanbil chi cha̱bil xban nak oc re chi sumla̱c.

Isaías 52:1

Chi-ajk e̱ru la̱ex li cuanquex Sión. Cacuubresihomak e̱chꞌo̱l. Qꞌuehomak le̱ cha̱bil akꞌ che̱rix xban nak eb li incꞌaꞌ useb xnaꞌleb li ma̱jiꞌ nequeꞌxcꞌul li circuncisión, incꞌaꞌ chic teꞌoc saꞌ li santil tenamit Jerusalén.

Apocalipsis 22:19

Ut cui ani ta̱risi junak reheb li a̱tin li tzꞌi̱banbil saꞌ li hu aꞌin, ta̱isi̱k lix cꞌabaꞌ xban li Dios saꞌ li hu li tzꞌi̱banbil cuiꞌ lix cꞌabaꞌeb li cuanqueb xyuꞌam chi junelic. Aꞌan incꞌaꞌ ta̱oc saꞌ li santil tenamit, chi moco ta̱cua̱nk lix yuꞌam chi junelic joꞌ tzꞌi̱banbil retalil saꞌ li hu aꞌin.

San Mateo 27:53

Ut mokon chic nak li Jesús ac xcuacli cuiꞌchic chi yoꞌyo, queꞌel chak saꞌ lix mukleba̱l ut queꞌoc saꞌ li santil tenamit Jerusalén ut nabal chi aj u queꞌxcꞌutbesi cuiꞌ ribeb.

San Mateo 5:13

La̱ex aj pa̱banel chanchanex li atzꞌam li nacꞌanjelac arin saꞌ ruchichꞌochꞌ. Cui ta li atzꞌam ta̱sachk xquiꞌal, ¿cꞌaꞌ ta raj chic ru ta̱oc cuiꞌ? Ma̱cꞌaꞌ chic ta̱oc cuiꞌ. Yal re tzꞌekecꞌ aj chic ut re yekꞌi̱c.

San Mateo 4:5

Tojoꞌnak quicꞌameꞌ xban laj tza saꞌ li santil tenamit Jerusalén; ut coxxakaba̱k toj takecꞌ saꞌ xbe̱n li rochoch li Dios.

Daniel 8:10

Ut kꞌaxal cuiꞌchic quiniman xcuanquil toj retal quipletic riqꞌuineb li ralal xcꞌajol li Dios ut quixsacheb laj cꞌamol be chiruheb.

Ezequiel 42:20

Quixbis li nuba̱l saꞌ xca̱ pacꞌalil. Cuib ciento metro riqꞌuin laje̱b roxcꞌa̱l metro xnajtil rok. Ut cuib ciento metro riqꞌuin laje̱b roxcꞌa̱l metro xnajtil ru. Li santil templo sutsu saꞌ tzꞌac re xrambal li santobresinbil riqꞌuin li incꞌaꞌ santobresinbil.

Apocalipsis 11:11

Ut quicuil ajcuiꞌ nak ac xnumeꞌ li oxib cutan riqꞌuin jun cuaꞌleb, queꞌyoꞌobtesi̱c cuiꞌchic li cuib chi cui̱nk xban li Dios ut queꞌxakli cuiꞌchic chi yoꞌyo chiruheb li tenamit. Ut cꞌajoꞌ nak qui-oc xxiuheb li queꞌiloc reheb.

Hebreos 10:29

Numtajenak cuiꞌchic ra teꞌxcꞌul li nequeꞌtzꞌekta̱nan re li Ralal li Dios ut nequeꞌxsach xcuanquil lix quiqꞌuel xban nak riqꞌuin xquiqꞌuel li Jesucristo xakabanbil xcuanquil li acꞌ contrato ut santobresinbilo la̱o. Numtajenak cuiꞌchic ra teꞌxcꞌul li nequeꞌxmajecua li Santil Musikꞌej li naqꞌuehoc ke li rusilal li Dios.

Daniel 7:19

Ut la̱in toj quicuaj xnaubal cꞌaꞌru xya̱lal li xca̱ xul, li kꞌaxal jalan chiruheb li oxib chic. Kꞌaxal xiu xiu rilbal. Cuan ruch re hierro ut li rixiꞌij bronce. Ut quixtꞌupi li quixchap ut quixcꞌux ut li joꞌ qꞌuial incꞌaꞌ quixchoy xtiubal quixyekꞌi saꞌ rok.

Lamentaciones 1:10

Eb li xicꞌ nequeꞌiloc reheb laj Jerusalén queꞌxcꞌam chokꞌ reheb chixjunil lix biomal li tenamit Jerusalén. Eb laj Jerusalén queꞌril nak queꞌoc saꞌ li lokꞌlaj templo bar caye nak incꞌaꞌ naru teꞌoc li ma̱cuaꞌeb aj judío.

Isaías 48:2

Abanan nequenimobresi e̱rib ut nequeye nak li Santil Tenamit, aꞌan le̱ tenamit la̱ex. Ut nequeye nak cau e̱chꞌo̱l riqꞌuin lix Dioseb laj Israel, li Ka̱cuaꞌ li nimajcual Dios xcꞌabaꞌ.

Salmos 79:1

At inDios, eb li tenamit li incꞌaꞌ nequeꞌxqꞌue a̱lokꞌal, xeꞌoc chak saꞌ li katenamit li caqꞌue ke ut xeꞌxmux ru la̱ santil templo. Ut queꞌxpoꞌ li tenamit Jerusalén.

Números 14:34

Chiru caꞌcꞌa̱l chihab yo̱kex chi be̱c saꞌ li chaki chꞌochꞌ re xtojbal rix le̱ ma̱c. Jun chihab te̱toj cuiꞌ rix li ju̱nk cutan nak quexcuulac chak xqꞌuebal retal li naꞌajej. La̱ex te̱qꞌue retal nak li ani nakꞌetoc re li cua̱tin, tento nak tixtoj rix lix ma̱c.

Isaías 5:5

Anakcuan chine̱rabi. Tinye e̱re cꞌaꞌru tinba̱nu riqꞌuin li cuacui̱mk. Tincuisi li corral li xinyi̱b re nak ta̱osokꞌ. Tintꞌan li tzꞌac re nak ta̱yekꞌi̱k ut ta̱sachekꞌ.

Ezequiel 4:6

Nak ac xrakeꞌ li cutan nak yocyo̱cat saꞌ xbe̱n la̱ tzꞌe, tatyocla̱k cuiꞌchic saꞌ xbe̱n la̱ nim chiru caꞌcꞌa̱l cutan. Li raylal li ta̱cꞌul, aꞌan retalil li raylal li teꞌxcꞌul eb laj Judá chiru caꞌcꞌa̱l chihab xban xma̱usilaleb. Li jun cutan, aꞌan retalil li jun chihab.

Daniel 8:13

Ut quicuabi jun li santil ángel yo̱ chi a̱tinac. Ut li jun chic quixpatzꞌ re: —¿Joꞌ najtil ta̱cꞌulma̱nk aꞌin li quicꞌutbesi̱c saꞌ li visión? ¿Jarub cutan chic teꞌxba̱nu li ma̱usilal chokꞌ re̱kaj lix mayejeb saꞌ li templo? ¿Joꞌ najtil chic teꞌxyekꞌi lix templo li Ka̱cuaꞌ joꞌqueb ajcuiꞌ li ralal xcꞌajol?—

Daniel 8:14

Li ángel quichakꞌoc ut quixye: —Toj ta̱numekꞌ li oxib chihab riqꞌuin media, tojoꞌnak ta̱santobresi̱k cuiꞌchic li templo, chan.

Apocalipsis 21:10

Riqꞌuin xcuanquil li Santil Musikꞌej, xinixcꞌam saꞌ xbe̱n jun li nimla tzu̱l najt xteram ut quixcꞌut chicuu li santil tenamit Jerusalén, yo̱ chak chi cubec saꞌ choxa riqꞌuin li Dios.