Apocalipsis 11:12 - Li Santil hu

¹² Ut li cuib chi cui̱nk queꞌrabi jun yo̱ chi a̱tinac saꞌ choxa. Chi cau xya̱b xcux quixye reheb: —Takenkex chak arin, chan. Ut queꞌtakeꞌ saꞌ choxa saꞌ jun li chok chiruheb li xicꞌ nequeꞌiloc reheb.

Q'eqchi Bible

¹² Toja' naq kiwab'i jun xyaab' kuxej, kaw yo chi xyeeb'al sa' choxa: “Taqenqex chaq arin”. Ut ke'taqe'k sa' choxa sa' li choql, chiruheb' li xik' neke'ilok reheb'.

Apocalipsis 11:12 ပူးပေါင်းရင်းမြစ်များ

Apocalipsis 4:1

Ut chirix aꞌan quicuil jun chic li visión. Quicuil jun li oqueba̱l teto saꞌ choxa. Ut quicuabi cuiꞌchic li xya̱b li cux li quicuabi xbe̱n cua, chanchan xya̱b jun li trompeta nak yo̱ chi a̱tinac, ut quixye cue: —Taken chak arin ut tincꞌutbesi cha̱cuu li cꞌaꞌak re ru ta̱cꞌulma̱nk mokon, chan.

Hechos 1:9

Nak quirakeꞌ xyebal chixjunil aꞌin quicꞌameꞌ saꞌ choxa li Jesús xban li Dios. Yo̱queb chirilbal nak quichal jun li chok ut quimukun saꞌ li chok. Ut incꞌaꞌ chic queꞌril ru.

2 Reyes 2:11

Yo̱queb chi xic ut yo̱queb chi a̱tinac chi ribileb rib. Saꞌ junpa̱t quichal jun li carruaje chanchan xam ut quelonbil xbaneb li cacua̱y chanchaneb xam. Li carruaje quinumeꞌ saꞌ xyiheb ut laj Elías quicꞌameꞌ saꞌ choxa saꞌ jun li ikꞌ yo̱ chixsutinquil rib.

1 Ts 4:17

Acaꞌ chic la̱o li toj yoꞌyo̱ko tosapu̱k takecꞌ saꞌ li chok kochbenakeb aꞌan re xcꞌulbal li Ka̱cuaꞌ Jesucristo saꞌ ikꞌ. Ut cua̱nko junelic riqꞌuin li Ka̱cuaꞌ Jesucristo.

Apocalipsis 12:5

Quiyoꞌla lix cꞌulaꞌal li ixk chꞌina te̱lom. Ut aꞌan chic ta̱takla̱nk saꞌ xbe̱neb li cuanqueb saꞌ ruchichꞌochꞌ. Chanchan riqꞌuin li xukꞌ chꞌi̱chꞌ ta̱takla̱nk saꞌ xbe̱neb xban nak aꞌanak chic li yal re saꞌ xbe̱neb. Li cꞌulaꞌal quisapu̱c ut quicꞌameꞌ riqꞌuin li Dios bar cꞌojcꞌo cuiꞌ saꞌ lix lokꞌlaj cꞌojariba̱l.

Apocalipsis 3:21

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l, la̱in tinqꞌue chi cꞌojla̱c chincꞌatk saꞌ lin cꞌojariba̱l joꞌ nak cꞌojcꞌo̱quin chixcꞌatk lin Yucuaꞌ saꞌ lix cꞌojariba̱l xban nak xincuy xnumsinquil li raylal.

San Lucas 16:23

Nak ac cuan saꞌ xbalba, yo̱ chixcꞌulbal li raylal aran. Qui-iloc takecꞌ ut quiril laj Abraham ut laj Lázaro cuan chixcꞌatk.

Isaías 60:8

¿Aniheb li yo̱queb chi xic saꞌ junpa̱t Jerusalén li chanchan chok? Chanchaneb li mucuy li yo̱queb chi xic saꞌ eb lix soc.

Isaías 40:31

Aꞌut eb li nequeꞌyoꞌonin riqꞌuin li Ka̱cuaꞌ teꞌqꞌuehekꞌ lix metzꞌe̱u. Cua̱nkeb xmetzꞌe̱u joꞌ xmetzꞌe̱u li tꞌiu li naxicꞌan chi najt ut incꞌaꞌ nalub. Teꞌa̱linak ut incꞌaꞌ teꞌlubk; teꞌbe̱k ut incꞌaꞌ teꞌtacua̱k. Incꞌaꞌ teꞌchꞌina̱nk xchꞌo̱l xban nak li Ka̱cuaꞌ cua̱nk riqꞌuineb.

2 Reyes 2:5

Eb li profeta li cuanqueb Jericó queꞌel chak chixcꞌulbal laj Eliseo ut queꞌxye re: —¿Ma nacanau nak chiru li cutan aꞌin li Ka̱cuaꞌ ta̱risi cha̱cuu laj tzolol a̱cue? chanqueb. Ut laj Eliseo quixye reheb: —Ninnau, abanan canabomak a̱tinac, chan.

2 Reyes 2:1

Quicuulac xkꞌehil nak laj Elías ta̱cꞌamekꞌ saꞌ choxa xban li Dios saꞌ li ikꞌ li naxsuti rib. Laj Elías rochben laj Eliseo queꞌel chak saꞌ li tenamit Gilgal.

Malaquías 3:18

Toj aran te̱qꞌue retal li ani quixba̱nu li us ut li ani incꞌaꞌ quixba̱nu li us. Te̱qꞌue retal lix jalanil riqꞌuineb li ani queꞌcꞌanjelac chicuu ut li ani incꞌaꞌ queꞌcꞌanjelac chicuu, chan li Ka̱cuaꞌ.

Isaías 14:13

La̱at cacꞌoxla nak kꞌaxal nim a̱cuanquil. Caye saꞌ a̱chꞌo̱l: —Tintakekꞌ toj saꞌ choxa ut tinqꞌue lin cꞌojariba̱l saꞌ xbe̱neb li chahim li quixyi̱b li Dios. Tincꞌojla̱k saꞌ li tzu̱l li nacana saꞌ li norte bar nequeꞌxchꞌutub cuiꞌ ribeb chixlokꞌoninquil lix dioseb.

Salmos 112:10

Eb li incꞌaꞌ useb xnaꞌleb nequeꞌxqꞌue retal nak osobtesinbil li cha̱bil xnaꞌleb. Nequeꞌjoskꞌoꞌ xban. Xicꞌ chic nequeꞌril ut nequeꞌraj xba̱nunquil ma̱usilal re. Abanan incꞌaꞌ teꞌru̱k.

Salmos 86:17

Chacꞌutbesi taxak junak li retalil la̱ cuusilal, at Ka̱cuaꞌ, re nak teꞌxqꞌue retal li xicꞌ nequeꞌiloc cue. Xuta̱nal teꞌe̱lk nak teꞌxqꞌue retal nak la̱at xattenkꞌan cue ut xacꞌojob inchꞌo̱l.

Salmos 24:3

¿Ani ta̱ru̱k ta̱cua̱nk saꞌ li tzu̱l Sión? Ut, ¿ani ta̱ru̱k ta̱cua̱nk riqꞌuin li Dios saꞌ lix santil naꞌaj?

Salmos 15:1

At Ka̱cuaꞌ, ¿ani ta̱ru̱k ta̱cua̱nk saꞌ la̱ santil naꞌaj? ¿Ani ta̱ru̱k ta̱cua̱nk chi sum a̱tin a̱cuiqꞌuin?

2 Reyes 2:7

Laje̱b roxcꞌa̱l li profeta queꞌco̱eb chirixeb toj saꞌ li nimaꞌ Jordán. Laj Elías ut laj Eliseo queꞌxakli chire li nimaꞌ ut eb li profeta queꞌxakli ajcuiꞌ nachꞌ chiruheb.

Éxodo 14:25

Ut eb li carruaje queꞌxtiquib tꞌilc. Chꞌaꞌaj chic nak yo̱queb chi xic. Eb laj Egipto queꞌxucuac ut queꞌxye chi ribileb rib: —Us tosukꞌi̱k. Us toe̱lelik chiruheb laj Israel. Li Ka̱cuaꞌ Dios yo̱ xtenkꞌanquileb aꞌan ut la̱o aj Egipto xicꞌ yo̱ chikilbal, chanqueb.