Apocalipsis 10:6 - Li Santil hu

⁶ ut quixba̱nu li juramento saꞌ xcꞌabaꞌ li Jun li yoꞌyo chi junelic, li quiyoꞌobtesin re li choxa joꞌ ajcuiꞌ li ruchichꞌochꞌ ut chixjunil li cuan chiru, joꞌ ajcuiꞌ li palau ut chixjunil li cuan chi saꞌ. Quixye nak ac xcuulac xkꞌehil. Incꞌaꞌ chic ta̱ba̱yk.

Q'eqchi Bible

⁶ ut kixye jurament sa' xk'ab'a' li Yos, li yo'yo chi junelik q'e kutan, a' li kiyoob'tesink re li choxa ut chixjunil li wank chisa', li ruuchich'och' rochb'een chixjunil li wank chisa', li palaw rochb'een chixjunil li wank chisa'. Kixye chi jo'ka'in: “Maak'a' chik b'ayk!

Apocalipsis 10:6 ပူးပေါင်းရင်းမြစ်များ

Apocalipsis 4:11

Ut queꞌxye re: At Ka̱cuaꞌ, at kaDios, a̱cꞌulub nak takaqꞌue a̱lokꞌal. A̱cꞌulub nak ta̱nima̱k a̱cuu ut ta̱qꞌuehekꞌ a̱cuanquil xban nak la̱at catyi̱ban re chixjunil li cꞌaꞌru cuan. Xban nak joꞌcan xacuaj la̱at, joꞌcan nak xayoꞌobtesiheb li cꞌaꞌru cuanqueb.

Apocalipsis 16:17

Ut lix cuuk ángel quixhoy saꞌ ikꞌ li cuan saꞌ lix secꞌ. Ut quicuabi jun yo̱ chak chi a̱tinac saꞌ lix templo li Dios. Chi cau xya̱b xcux quixye: —Riqꞌuin aꞌin ta̱tzꞌaklok ru li rakba a̱tin saꞌ xbe̱n li ruchichꞌochꞌ.—

Apocalipsis 4:9

Rajlal nequeꞌxqꞌue xlokꞌal ut nequeꞌxnima ru ut nequeꞌxbantioxi chiru li nimajcual Dios, li yoꞌyo chi junelic kꞌe cutan, li cꞌojcꞌo saꞌ lix lokꞌlaj cꞌojariba̱l.

Génesis 14:22

Abanan laj Abram quichakꞌoc ut quixye re: —Ac xinba̱nu jun li juramento riqꞌuin li Ka̱cuaꞌ Dios, li quiyi̱ban re li ruchichꞌochꞌ joꞌ ajcuiꞌ li choxa.

Éxodo 6:8

La̱in texincꞌam saꞌ li naꞌajej li quinyechiꞌi reheb laj Abraham, laj Isaac ut laj Jacob. Relic chi ya̱l te̱re̱chani li naꞌajej saꞌ incꞌabaꞌ la̱in. La̱in li nimajcual Dios li nacoloc e̱re, chan li Dios.

Éxodo 20:11

Chiru cuakib cutan li Ka̱cuaꞌ Dios quixyi̱b li choxa, li ruchichꞌochꞌ ut li palau. Quilajxyi̱b chixjunil li cꞌaꞌak re ru cuan saꞌ ruchichꞌochꞌ joꞌ ajcuiꞌ saꞌ choxa. Ut saꞌ xcuuk li cutan quihilan. Joꞌcan nak li Ka̱cuaꞌ Dios quirosobtesi li hiloba̱l cutan ut quixsantobresi.

Números 14:30

Relic chi ya̱l nak ma̱ jun e̱re la̱ex tex-oc saꞌ li naꞌajej quinyechiꞌi e̱re riqꞌuin juramento. Caꞌaj cuiꞌ eb laj Caleb li ralal laj Jefone ut laj Josué li ralal laj Nun naru teꞌoc.

Ezequiel 20:5

Ta̱ye reheb nak la̱in li Ka̱cuaꞌ quintaksi li cuukꞌ ut quinba̱nu li juramento saꞌ li cutan nak quinsicꞌ ruheb chokꞌ intenamit laj Israel li ralal xcꞌajol laj Jacob. Ut quincꞌutbesi cuib chiruheb nak cuanqueb Egipto. Quintaksi li cuukꞌ ut quinye reheb: La̱inak li Ka̱cuaꞌ le̱ Dios.

Daniel 12:7

Ut li jun li lino rakꞌ, li cuan saꞌ xbe̱n li haꞌ, quixtaksi li rukꞌ xcabichal ut quicuabi nak quixpatzꞌ xcꞌabaꞌ li Dios li cuan chi junelic kꞌe cutan ut quixye nak li sachba chꞌo̱lej aꞌin ta̱cꞌulma̱nk chiru oxib chihab riqꞌuin media. Nak acak xsacheꞌ xcuanquileb lix tenamit li Dios, ta̱rakekꞌ xcꞌulbal chixjunil aꞌin, chan.

Apocalipsis 1:18

La̱in yoꞌyo̱quin. La̱in quincam, abanan yoꞌyo̱quin chic chi junelic kꞌe cutan. La̱in cuan incuanquil saꞌ xbe̱n li ca̱mc. Ut la̱in ajcuiꞌ yal cue saꞌ xbe̱n li naꞌajej li nequeꞌxic cuiꞌ li camenak.

Apocalipsis 4:10

Eb li chanchaneb ángel yo̱queb chi lokꞌoni̱nc, ut li ca̱hib xcaꞌcꞌa̱l chi aj cꞌamol be nequeꞌxcuikꞌib ribeb chiru li Ka̱cuaꞌ Dios, li cꞌojcꞌo saꞌ lix cꞌojariba̱l ut queꞌxlokꞌoni xban nak yoꞌyo chi junelic kꞌe cutan ut queꞌxqꞌue lix corona chiru lix cꞌojariba̱l re xqꞌuebal xlokꞌal.

Apocalipsis 6:11

Queꞌqꞌueheꞌ xsaki akꞌeb. Ut queꞌyeheꞌ reheb nak teꞌhila̱nk ut teꞌroybeni jarubak cutan chic toj ta̱tzꞌaklok xqꞌuialeb li rech aj cꞌanjelil li toj teꞌcamsi̱k joꞌ nak queꞌcamsi̱c eb aꞌan.

Apocalipsis 12:12

Joꞌcan nak chisahokꞌ taxak saꞌ e̱chꞌo̱l la̱ex li cuanquex saꞌ choxa. Abanan li cuanqueb saꞌ ruchichꞌochꞌ ut saꞌ li palau tokꞌobeb ru xban nak laj tza quicuteꞌ saꞌ ruchichꞌochꞌ chi cua̱nc riqꞌuineb. Cꞌajoꞌ lix joskꞌil xban nak naxnau nak cuulac re xkꞌehil nak ta̱sachekꞌ ru, chan.

Apocalipsis 21:6

Ut quixye cue: —Xtzꞌakloc ru chixjunil. La̱in li Alfa ut li Omega. La̱in tinqꞌue chi ma̱tan li yuꞌam chi junelic re li ani ta̱raj joꞌ nak ta̱qꞌuehekꞌ chi ucꞌac li ani ta̱chakik re.