Apocalipsis 10:4 - Li Santil hu

⁴ Oc raj cue chixtzꞌi̱banquil retalil li cꞌaꞌru queꞌxye li chanchan cuukub chi ca̱k. Abanan quicuabi jun quia̱tinac saꞌ choxa ut quixye cue: —Ma̱tzꞌi̱ba li cꞌaꞌru xeꞌxye li cuukub chi xya̱b cux chanchan ca̱k. Li cꞌaꞌru xacuabi ma̱ bar ta̱ye resil. Xocxo̱k ban saꞌ a̱chꞌo̱l, chan.

Q'eqchi Bible

⁴ Naq kiraqe'k xyaab' eb' li wuqub' chi kaaq, kin'ok raj chi tz'iib'ak, ab'an kiwab'i jun xyaab' kuxej sa' choxa yo chi xyeeb'al: “Tz'ap rik'in tz'apleb' li b'arwan xe'xye li wuqub' chi kaaq ut maatz'iib'a a'an”.

Apocalipsis 10:4 ပူးပေါင်းရင်းမြစ်များ

Daniel 12:4

Abanan la̱at, Daniel, cꞌu̱la saꞌ a̱chꞌo̱l li cꞌaꞌru xacuil saꞌ li visión. Ta̱bot ru li hu li yo̱cat xtzꞌi̱banquil ut ta̱qꞌue li sello chiru re nak ma̱ ani ta̱ilok re toj ta̱cuulak xkꞌehil li rosoꞌjiqueb li cutan. Ut nabaleb li tenamit teꞌcha̱lk teꞌxic yalak bar re nak teꞌxtau xtzꞌakob lix naꞌlebeb, chan cue li ángel.

Daniel 8:26

Lix ya̱lal li xcꞌutbesi̱c cha̱cuu chirix li cꞌaꞌru ta̱cꞌulma̱nk chiru li oxib chihab riqꞌuin media, aꞌan tzꞌakal ya̱l. Ut la̱at ta̱cꞌu̱la saꞌ a̱chꞌo̱l ut ma̱ ani aj e ta̱serakꞌi xban nak toj mokon ta̱cꞌulma̱nk, chan cue li ángel.

Daniel 12:9

Quichakꞌoc ut quixye cue: —Ayu, at Daniel, xban nak ac xinye a̱cue nak anakcuan incꞌaꞌ ta̱tauma̱nk ru chixjunil li cꞌaꞌak re ru aꞌin. Toj saꞌ rosoꞌjiqueb li cutan ta̱tauma̱nk ru.

Apocalipsis 22:10

Ut quixye ajcuiꞌ cue li ángel: —Ma̱muk chiruheb li tenamit lix ya̱lal li tzꞌi̱banbil saꞌ li hu aꞌin. Ma̱muk chiruheb li cꞌaꞌru ta̱cꞌulma̱nk xban nak cuulac re xkꞌehil nak ta̱cꞌulma̱nk li cꞌaꞌru tzꞌi̱banbil saꞌ li hu aꞌin.

Deuteronomio 29:29

Cuan li naꞌleb li incꞌaꞌ quixcꞌutbesi chiku li Ka̱cuaꞌ xban nak aꞌan re li Ka̱cuaꞌ li kaDios. Abanan li cꞌaꞌru quixcꞌutbesi chiku, aꞌan ke la̱o ut reheb li kalal kacꞌajol li teꞌcua̱nk mokon re nak takaba̱nu li cꞌaꞌru naxye saꞌ li chakꞌrab aꞌin.

Apocalipsis 1:11

Quixye cue: —Li cꞌaꞌru tincꞌutbesi cha̱cuu ta̱tzꞌi̱ba saꞌ jun li botbil hu ut ta̱takla riqꞌuineb li cuukub chꞌu̱taleb laj pa̱banel li cuanqueb saꞌ xcue̱nt Asia. Takla riqꞌuineb li cuanqueb Éfeso, Esmirna, ut Pérgamo. Ut ta̱takla ajcuiꞌ riqꞌuineb li cuanqueb Tiatira, Sardis, Filadelfia ut Laodicea, chan.

Isaías 29:11

Che̱ru la̱ex, li visión chanchan li a̱tin tzꞌi̱banbil saꞌ junak hu tzꞌaptzꞌo chi us. Cui te̱qꞌue li hu re junak naxnau iloc ru hu ut te̱ye re nak ta̱ril xsaꞌ che̱ru, li jun aꞌan tixye e̱re: “Incꞌaꞌ naru xban nak tzꞌaptzꞌo li hu”.

Isaías 8:16

Abanan, ex intzolom, chexoc saꞌ e̱chꞌo̱l li a̱tin aꞌin ut cheba̱nuhak li chakꞌrab aꞌin li quixqꞌue cue li Ka̱cuaꞌ.

Isaías 8:1

Li Ka̱cuaꞌ quixye cue: —Chap jun pere̱lak li tzꞌalam cheꞌ nim ru ut chiru aꞌan ta̱tzꞌi̱ba chi tzꞌakal re ru li a̱tin aꞌin: Maher-salal-hasbaz.

Apocalipsis 1:19

Tzꞌi̱ba retalil li cꞌaꞌru yo̱cat chirilbal xban nak aꞌan retalil li yo̱ chi cꞌulma̱nc anakcuan ut li ta̱cꞌulma̱nk mokon.

Apocalipsis 10:8

Ut li jun li quia̱tinac cuiqꞌuin saꞌ choxa, quixye cuiꞌchic cue: —Ayu. Cꞌul li hu li teto, li cuan saꞌ rukꞌ li ángel, li xakxo saꞌ xbe̱n li palau ut saꞌ xbe̱n li ruchichꞌochꞌ.—