Apocalipsis 1:7 - Li Santil hu

⁷ Qꞌuehomak retal. Aꞌan ta̱cha̱lk chak saꞌ li chok ut chixjunileb teꞌilok re. Teꞌril ajcuiꞌ eb li queꞌcamsin re. Chixjunileb li cuanqueb saꞌ ruchichꞌochꞌ teꞌyotꞌekꞌ xchꞌo̱l ut teꞌya̱bak xban li raylal li teꞌxcꞌul. Joꞌcan taxak chicꞌulma̱nk.

Q'eqchi Bible

⁷ K'ehomaq reetal, we' chaq rochb'eeneb' li choql: chixjunil li xsa' uhej taa'iloq re, te'ril ajwi' eb' li ke'xeq'ok re; sa' xk'ab'a' a'an huyhutqeb' chixjunil li xteepaleb' li ruuchich'och'. Yaal ut jo'kan taak'ulmanq.

Apocalipsis 1:7 ပူးပေါင်းရင်းမြစ်များ

San Mateo 24:30

Tojoꞌnak ta̱cꞌutu̱nk saꞌ choxa li cuetalil la̱in li Cꞌajolbej. Ut teꞌyotꞌekꞌ ut teꞌya̱bak chixjunileb li cuanqueb saꞌ ruchichꞌochꞌ. Ut teꞌril cuu la̱in li Cꞌajolbej nak yo̱kin chak chi cha̱lc saꞌ li chok riqꞌuin lix nimal incuanquil ut inlokꞌal.

Zacarías 12:10

—Ut la̱in tinjal xnaꞌlebeb li ralal xcꞌajol laj David joꞌqueb ajcuiꞌ chixjunileb li cuanqueb Jerusalén. Cha̱bilakeb chic ut junelic teꞌtijok. Ut nak teꞌril nak queꞌxnumsi li chꞌi̱chꞌ saꞌ lin tibel, teꞌyotꞌekꞌ xchꞌo̱leb ut teꞌya̱bak. Chanchanakeb li nequeꞌya̱bac chirix xcamic li ralal li jun ajcuiꞌ chiruheb. Malaj ut chanchanakeb li nequeꞌya̱bac chirix xcamic li xbe̱n alalbej.

Daniel 7:13

Ut saꞌ ajcuiꞌ li kꞌojyi̱n aꞌan quicuil saꞌ lin matcꞌ nak yo̱ chak chi cha̱lc saꞌ li chok li Cꞌajolbej. Ut quijiloc riqꞌuin li Ti̱xil Cui̱nk li cuan chi junelic.

San Juan 19:37

Ut tzꞌi̱banbil ajcuiꞌ saꞌ li Santil Hu: Eb aꞌan teꞌril li ani quihopeꞌ chi chꞌi̱chꞌ. (Zac. 12:10)

San Marcos 14:62

Ut li Jesús quixye: —La̱in. Ut saꞌ jun cutan tine̱ril la̱in li Cꞌajolbej nak cꞌojcꞌo̱kin saꞌ xnim ukꞌ li nimajcual Dios ut te̱ril ajcuiꞌ nak yo̱kin chak chi cha̱lc saꞌ li chok saꞌ choxa, chan.

San Lucas 21:27

Chirix aꞌan te̱ril nak la̱in li Cꞌajolbej yo̱kin chak chi cha̱lc saꞌ choxa riqꞌuin lix nimal incuanquilal ut inlokꞌal.

1 Ts 4:17

Acaꞌ chic la̱o li toj yoꞌyo̱ko tosapu̱k takecꞌ saꞌ li chok kochbenakeb aꞌan re xcꞌulbal li Ka̱cuaꞌ Jesucristo saꞌ ikꞌ. Ut cua̱nko junelic riqꞌuin li Ka̱cuaꞌ Jesucristo.

1 Ts 1:10

Ut yo̱queb ajcuiꞌ xserakꞌinquil chanru nak yo̱quex chiroybeninquil nak ta̱cha̱lk chak toj saꞌ choxa li Jesucristo li Ralal li Dios, li quicuaclesi̱c cuiꞌchic chi yoꞌyo saꞌ xya̱nkeb li camenak xban li Dios ut aꞌan li ta̱colok ke chiru li rakba a̱tin li ta̱cha̱lk saꞌ kabe̱n.

San Marcos 13:26

Nak acak x-ecꞌan ru li choxa, teꞌril cuu la̱in li Cꞌajolbej nak yo̱kin chak chi cha̱lc saꞌ li chok riqꞌuin lix nimal incuanquil ut lin lokꞌal.

San Judas 1:14

Laj Enoc, aꞌan lix cuukil chak chirix laj Adán. Quia̱tinac chirixeb li cui̱nk aꞌin joꞌ quicꞌuteꞌ chiru xban li Dios. Laj Enoc quixye: —Abihomak, chan. —Tol-e̱lk li Ka̱cuaꞌ rochben li qꞌuila okꞌob chi ángel.

San Mateo 26:64

Ut li Jesús quixye re: —Ya̱l li xaye la̱at. Ut tinye ajcuiꞌ e̱re nak chalen anakcuan tine̱ril la̱in li Cꞌajolbej nak cꞌojcꞌo̱kin saꞌ xnim ukꞌ li nimajcual Dios ut tine̱ril ajcuiꞌ nak yo̱kin chak chi cha̱lc cuiꞌchic saꞌ li chok saꞌ choxa, chan.

Apocalipsis 22:20

Li Jesús li nachꞌoloban xya̱lal li cꞌaꞌak re ru aꞌin naxye: —Relic chi ya̱l chi se̱b tincha̱lk.— Joꞌcan taxak. Cha̱lkat, at Ka̱cuaꞌ Jesús.

Salmos 22:16

Li incꞌaꞌ useb xnaꞌleb li yo̱queb chixba̱nunquil raylal cue, chanchaneb jun chꞌu̱tal chi joskꞌ aj tzꞌiꞌ teꞌraj tiꞌoc. Xeꞌxhop li cuok ut xeꞌxhop li cuukꞌ.

1 Juan 3:2

Ex inherma̱n, anakcuan la̱o ralal xcꞌajol li Dios. Abanan ma̱jiꞌ nakanau joꞌ qꞌuial chic li usilal takacꞌul mokon. Caꞌaj cuiꞌ nakanau nak tol-e̱lk li Jesucristo, chanchanako chic aꞌan xban nak takil ru chi tzꞌakal.

Salmos 97:2

Li Ka̱cuaꞌ quixcꞌutbesi rib saꞌ li chok kꞌojyi̱n ru. Li Ka̱cuaꞌ narakoc a̱tin saꞌ xya̱lal ut nataklan saꞌ ti̱quilal.

Hebreos 10:29

Numtajenak cuiꞌchic ra teꞌxcꞌul li nequeꞌtzꞌekta̱nan re li Ralal li Dios ut nequeꞌxsach xcuanquil lix quiqꞌuel xban nak riqꞌuin xquiqꞌuel li Jesucristo xakabanbil xcuanquil li acꞌ contrato ut santobresinbilo la̱o. Numtajenak cuiꞌchic ra teꞌxcꞌul li nequeꞌxmajecua li Santil Musikꞌej li naqꞌuehoc ke li rusilal li Dios.

Li xHu LAJ JOB 33:26

Ta̱tijok chiru li Dios ut li Dios ta̱rabi li cꞌaꞌru tixtzꞌa̱ma. Chi sa saꞌ xchꞌo̱l tixlokꞌoni cuiꞌchic li Dios ut ta̱cua̱nk cuiꞌchic chi sum a̱tin riqꞌuin.

Isaías 19:1

Aꞌan aꞌin li resil li cꞌaꞌru tixcꞌul li tenamit Egipto. Li Ka̱cuaꞌ ta̱cha̱lk Egipto saꞌ junpa̱t saꞌ jun li chok. Li Dios tixqꞌueheb chi ecꞌa̱nc saꞌ xnaꞌajeb lix dioseb laj Egipto. Cꞌajoꞌ nak ta̱oc xxiuheb laj Egipto.

Nahum 1:3

Li Ka̱cuaꞌ kꞌaxal nim xcuanquil ut kꞌaxal nim xcuyum. Ut naxqꞌue chixtojbal xma̱c li ani cuan xma̱c. Li Ka̱cuaꞌ kꞌaxal nim xcuanquil saꞌ xbe̱n li ca̱k-sut-ikꞌ ut li chok. Kꞌaxal nim xcuanquil chixba̱nunquil li cꞌaꞌru naraj aꞌan.

San Juan 19:34

Jun li soldado quixhop xcꞌatk xsaꞌ riqꞌuin lix chꞌi̱chꞌ ut saꞌ junpa̱t qui-el li quicꞌ ut qui-el ajcuiꞌ li haꞌ.

Números 24:17

La̱in quicuil saꞌ visión li cꞌaꞌru ta̱cꞌulma̱nk saꞌ xya̱nkeb laj Israel saꞌ eb li cutan teꞌcha̱lk. Ta̱cua̱nk jun li rey saꞌ xya̱nkeb li ralal xcꞌajol laj Jacob. Chanchanak jun li chahim. Ta̱numta̱k saꞌ xbe̱neb li ralal xcꞌajol laj Moab ut tixsach ruheb li ralal xcꞌajol laj Set.

Salmos 68:1

Nak naxcꞌutbesi lix cuanquil li Dios chiruheb li xicꞌ nequeꞌiloc re, nequeꞌxchaꞌchaꞌi ribeb yalak bar nak nequeꞌe̱lelic chiru.

Jueces 5:31

Joꞌcaꞌin taxak nak cheꞌosokꞌ chixjunileb li xicꞌ nequeꞌiloc a̱cue, at Ka̱cuaꞌ. Ut eb li nequeꞌrahoc a̱cue, chanchanakeb taxak li sakꞌe nak nalemtzꞌun cuaꞌleb, chanqueb saꞌ lix bich. Nak ac xnumeꞌ li ple̱t aꞌin, li tenamit Israel queꞌcuan saꞌ usilal chiru caꞌcꞌa̱l chihab.

Apocalipsis 22:4

Eb aꞌan junelic yo̱keb chirilbal ru ut tzꞌi̱banbilak lix cꞌabaꞌ saꞌ xpe̱quemeb.

Hebreos 6:6

Cuan li ac xeꞌtzꞌakon riqꞌuin li rusilal li Dios ut nequeꞌxtzꞌekta̱na chirix xchꞌo̱l. Chanchan nak yo̱queb cuiꞌchic chixqꞌuebal chiru cruz li Jesucristo, li Ralal li Dios. Yo̱queb chixqꞌuebal chi hobecꞌ ut chi seꞌe̱c xbaneb li tenamit. Eb aꞌan incꞌaꞌ chic naru teꞌyotꞌekꞌ xchꞌo̱l ut incꞌaꞌ chic teꞌxjal xcꞌaꞌux xban nak yo̱queb chixtzꞌekta̱nanquil li Jesucristo.

Zacarías 12:11

Saꞌ eb li cutan aꞌan ta̱cua̱nk jun nimla rahil chꞌo̱lej saꞌ li tenamit Jerusalén, joꞌ quicꞌulman saꞌ li naꞌajej Hadad-rimón, li cuan saꞌ li ru takꞌa Meguido.

San Mateo 16:27

La̱in li Cꞌajolbej tincha̱lk riqꞌuin xnimal xlokꞌal lin Yucuaꞌ cuochbeneb lix ángel. Tojoꞌnak tinqꞌue lix kꞌajca̱munquil chi xjunju̱nkaleb joꞌ chanru lix yehom xba̱nuhom.

San Mateo 16:28

Relic chi ya̱l tinye e̱re nak cuanqueb arin saꞌ e̱ya̱nk li incꞌaꞌ teꞌca̱mk toj tineꞌril chi cha̱lc la̱in li Cꞌajolbej riqꞌuin incuanquilal, chan li Jesús.

San Mateo 25:31

Nak tincha̱lk la̱in li Cꞌajolbej riqꞌuin xnimal inlokꞌal cuochbenakeb chak chixjunileb li ángel, tojoꞌnak toxincꞌojla̱k saꞌ lin cꞌojariba̱l retalil xnimal incuanquil chi rakoc a̱tin.