Apocalipsis 1:5 - Li Santil hu

⁵ Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Jesucristo li ti̱c xchꞌo̱l chixyebal li ya̱l. Li Jesucristo aꞌan li xbe̱n li quicuacli chi yoꞌyo saꞌ xya̱nkeb li camenak. Aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Aꞌan quirahoc ke ut aꞌan qui-isin re li kama̱c nak quihoyeꞌ lix quiqꞌuel nak quicam saꞌ kacꞌabaꞌ.

Q'eqchi Bible

⁵ ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

Apocalipsis 1:5 ပူးပေါင်းရင်းမြစ်များ

Salmos 89:27

La̱in tinqꞌue xlokꞌal aꞌan joꞌ nak naqꞌueheꞌ xlokꞌal junak xbe̱n alalbej ut aꞌan nimak xcuanquil chiruheb chixjunileb li rey li cuanqueb saꞌ ruchichꞌochꞌ.

Hebreos 9:14

Cui lix quiqꞌuel li xul naru naxsach lix paltileb, kꞌaxal nim cuiꞌchic xcuanquil lix quiqꞌuel li Jesucristo xban nak aꞌan narisi li kama̱c. Li Santil Musikꞌej quixtenkꞌa li Jesucristo nak quixmayeja rib chiru li Dios re xtojbal rix li kama̱c. Li Jesucristo tzꞌakal cha̱bil. Ma̱cꞌaꞌ xma̱c ut lix quiqꞌuel narisi li kama̱c li nacꞌamoc chak re li ca̱mc saꞌ kabe̱n. Naxsakobresi li kacꞌaꞌux re nak caꞌaj cuiꞌ chiru li yoꞌyo̱quil Dios tocꞌanjelak.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

Apocalipsis 17:14

Eb li rey teꞌpletik riqꞌuin li Jun li chanchan carner. Abanan aꞌan ta̱numta̱k saꞌ xbe̱neb xban nak aꞌan li Ka̱cuaꞌ, li kꞌaxal nim xcuanquil saꞌ xbe̱n chixjunil. Ut aꞌan li tzꞌakal rey li nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Ut li sicꞌbileb ru, li ti̱queb xchꞌo̱l chixta̱kenquil, teꞌnumta̱k ajcuiꞌ saꞌ xbe̱neb li rey, rochbeneb li Jun li chanchan carner.—

Colosenses 1:18

Ut aꞌan ajcuiꞌ najolomin ke la̱o aj pa̱banel ut junajo chic riqꞌuin li Cristo. Aꞌan li naqꞌuehoc re li kayuꞌam. Aꞌan li xbe̱n quicuacli cuiꞌchic chi yoꞌyo saꞌ xya̱nkeb li camenak ut aꞌan li kꞌaxal nim xcuanquil saꞌ xbe̱n chixjunil.

1 Pedro 1:19

Colbilex ban riqꞌuin xlokꞌlaj quiqꞌuel li Cristo. Li Cristo, aꞌan li quixmayeja rib chiru li Dios Acuabej joꞌ jun li carner namayeja̱c chi ma̱cꞌaꞌ re̱cꞌ ut chi ma̱cꞌaꞌ xpaltil.

Hechos 26:23

Queꞌxye nak tento ta̱camsi̱k li Cristo, laj Colonel li yechiꞌinbil xban li Dios, abanan aꞌan li xbe̱n li ta̱cuacli̱k cuiꞌchic chi yoꞌyo saꞌ xya̱nkeb li camenak ut tixchꞌolob xya̱lal li evangelio reheb laj judío joꞌqueb ajcuiꞌ li ma̱cuaꞌeb aj judío, chan laj Pablo.

Apocalipsis 19:16

Tzꞌi̱banbil xcꞌabaꞌ chiru li rakꞌ ut chiru li raꞌ. Aꞌan aꞌin lix cꞌabaꞌ: Li Rey li kꞌaxal nim xcuanquil saꞌ xbe̱neb chixjunileb li rey. Li Ka̱cuaꞌ, li kꞌaxal nim xcuanquil saꞌ xbe̱neb chixjunileb li nequeꞌtaklan.

1 Juan 4:10

Li tzꞌakal rahoc, aꞌan aꞌin: ma̱cuaꞌo la̱o xorahoc re li Dios. Aꞌan ban quirahoc ke la̱o xban nak quixtakla chak li Ralal chi ca̱mc re xtojbal rix li kama̱c.

San Juan 18:37

Laj Pilato quixye re: —La̱at rey chi joꞌcanan.— Li Jesús quixye re: —Ya̱l li xaye nak la̱in rey. Aꞌan aj e nak quinchal chi yoꞌla̱c arin saꞌ ruchichꞌochꞌ re xchꞌolobanquil lix ya̱lal. Ut chixjunileb li nequeꞌraj xnaubal lix ya̱lal, nequeꞌrabi li cꞌaꞌru ninye, chan.

Apocalipsis 3:14

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Laodicea ut ta̱ye re: Li ani naxcꞌabaꞌin “Amén”, li junelic ti̱c xchꞌo̱l chixyebal li ya̱l, li ac cuan chak nak quiyi̱ba̱c chak li ruchichꞌochꞌ ut chixjunil li cꞌaꞌak re ru cuan, naxye e̱re chi joꞌcaꞌin:

Apocalipsis 7:14

Ut la̱in quinchakꞌoc ut quinye re: —Ka̱cuaꞌ, la̱at nacatnaꞌoc re.— Ut aꞌan quixye cue: —Aꞌaneb aꞌin li xeꞌcuyuc chak xnumsinquil li nimla raylal xeꞌxcꞌul. Aꞌaneb li cuybil sachbil lix ma̱queb xban nak quihoyeꞌ xquiqꞌuel li Jun li chanchan carner nak quicam saꞌ xcꞌabaꞌeb.

San Mateo 28:18

Li Jesús quinachꞌoc riqꞌuineb ut quixye reheb: —Chixjunil li cuanquil qꞌuebil cue xban li Dios, joꞌ saꞌ choxa joꞌ saꞌ ruchichꞌochꞌ.

Salmos 72:11

Chixjunileb li rey teꞌxcuikꞌib ribeb chiru ut teꞌcꞌanjelak chiru chixjunileb li tenamit.

1 Timoteo 6:15

Nak tixtau xkꞌehil li Dios tixcꞌutbesi cuiꞌchic chiku li Jesucristo. Li Dios, aꞌan kꞌaxal lokꞌ ut junaj ajcuiꞌ. Aꞌan li Rey li kꞌaxal nim xcuanquil saꞌ xbe̱neb chixjunileb li rey li cuanqueb saꞌ ruchichꞌochꞌ. Ut aꞌan ajcuiꞌ li Ka̱cuaꞌ li kꞌaxal nim xcuanquil saꞌ xbe̱neb chixjunileb li cuanqueb xcuanquil.

Efesios 2:4

Abanan kꞌaxal nim li ruxta̱n li Dios saꞌ kabe̱n xban nak kꞌaxal nocoxra.

Efesios 5:2

Cherahak e̱rib chi ribil e̱rib joꞌ nak coxra la̱o li Cristo ut quixmayeja rib chiru li cruz re kacolbal. Ut li Dios quisahoꞌ xchꞌo̱l riqꞌuin xban nak chanchan li sununquil ban chiru.

Hechos 20:28

Joꞌcan nak ilomak e̱rib chi us la̱ex ut ilomakeb laj pa̱banel li xeꞌqꞌueheꞌ cheril xban li Santil Musikꞌej, li quixlokꞌeb riqꞌuin lix lokꞌlaj quiqꞌuel. Cherilak laj pa̱banel joꞌ nak naril chi us lix carner li pastor.

Daniel 7:14

Quiqꞌueheꞌ xcuanquilal ut xlokꞌal ut quiqꞌueheꞌ xcuanquil chi takla̱nc re nak chixjunileb li tenamit teꞌcꞌanjelak chiru aꞌ yal chanru li ra̱tinoba̱leb. Ut lix lokꞌal ut lix cuanquilal li jun aꞌan incꞌaꞌ ta̱osokꞌ. Cua̱nk ban chi junelic.

Gálatas 2:20

Li Jesucristo quicam chiru li cruz ut chanchan nak quinqꞌueheꞌ ajcuiꞌ la̱in cuochben. Ma̱cuaꞌ chic la̱in li yoꞌyo̱quin. Aꞌ chic li Cristo cuan cuiqꞌuin. Ut acꞌ chic lin yuꞌam xban nak xinpa̱b li Jesucristo li Ralal li Dios li quirahoc cue ut quixkꞌaxtesi rib chi ca̱mc saꞌ incꞌabaꞌ.

Zacarías 13:1

Saꞌ eb li cutan aꞌan, ta̱yoꞌla̱k jun li Yuꞌam Haꞌ. Ut li Haꞌ aꞌan ta̱chꞌajok re lix ma̱queb ut lix ma̱usilaleb li ralal xcꞌajol laj David joꞌqueb ajcuiꞌ li cuanqueb Jerusalén.

Isaías 55:4

La̱in xinxakaban re aꞌan chi cꞌamoc be chiruheb ut chi takla̱nc saꞌ xbe̱neb li tenamit ut chixcꞌutbal li cua̱tin chiruheb.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

1 Timoteo 6:13

Saꞌ xcꞌabaꞌ li Dios li naqꞌuehoc yuꞌam, la̱in nintzꞌa̱ma cha̱cuu nak ta̱ba̱nu la̱ taklanquil. Ut nintzꞌa̱ma ajcuiꞌ cha̱cuu saꞌ xcꞌabaꞌ li Jesucristo li quichꞌoloban xya̱lal chi ma̱cꞌaꞌ xxiu chiru laj Poncio Pilato.

1 Corintios 6:11

Usta cuanqueb junju̱nk saꞌ e̱ya̱nk joꞌcan queꞌxba̱nu chak, abanan anakcuan cuybil sachbil chic lix ma̱queb. Santobresinbileb chic ut ti̱cobresinbileb chic lix chꞌo̱l saꞌ xcꞌabaꞌ li Ka̱cuaꞌ Jesucristo ut xban li Santil Musikꞌej.

San Juan 15:9

La̱in nequexinra la̱ex joꞌ nak ninxra lin Yucuaꞌ la̱in. Chexcua̱nk cuiqꞌuin re nak texinra chi junelic.

San Juan 13:1

Ac cuulajak naticla li ninkꞌe Pascua. Li Jesús ac naxnau nak cuulac re xkꞌehil lix camic re nak ta̱xic cuiꞌchic riqꞌuin lix Yucuaꞌ saꞌ choxa. Junelic naxraheb li ralal xcꞌajol li teꞌcana̱k saꞌ ruchichꞌochꞌ ut nak ac ca̱mc re quixcꞌutbesi chi tzꞌakal lix rahom chiruheb.

Deuteronomio 7:8

Quixsicꞌ ban e̱ru xban nak nequexra ut xban nak quiraj xba̱nunquil li quixyechiꞌi reheb le̱ xeꞌto̱nil yucuaꞌ nak texrisi Egipto. Joꞌcan nak quexrisi riqꞌuin xcuanquil saꞌ li naꞌajej li quexcuan cuiꞌ chokꞌ rahobtesinbil mo̱s rubel xcuanquil laj faraón.

Romanos 8:37

Aban li Jesucristo nocoxra ut nocoxtenkꞌa chixcuybal ut chixnumsinquil chixjunil li raylal nakacꞌul.

San Juan 13:34

Jun li acꞌ chakꞌrab tinqꞌue e̱re anakcuan nak cherahak e̱rib che̱ribil e̱rib. Joꞌ nak nequexinra la̱in, joꞌcan ajcuiꞌ nak te̱ra e̱rib la̱ex che̱ribil e̱rib.

San Juan 3:32

Ut li cꞌaꞌru quiril ut quirabi, aꞌan li naxchꞌolob xya̱lal. Abanan moco qꞌuiheb ta li nequeꞌpa̱ban re li cꞌaꞌru naxye.

San Juan 3:11

Relic chi ya̱l ninye e̱re: La̱o nocoa̱tinac chirix li nakanau. Ut nakachꞌolob resil li cꞌaꞌru nakil. Abanan la̱ex incꞌaꞌ nequecꞌu̱luban li cꞌaꞌru nakachꞌolob xya̱lal che̱ru.

Deuteronomio 23:5

Abanan, li Ka̱cuaꞌ le̱ Dios incꞌaꞌ quirabi li cꞌaꞌru quixye laj Balaam. Quixsukꞌisi ban chokꞌ usilal li ma̱usilal li quixtzꞌa̱ma saꞌ e̱be̱n xban nak li Ka̱cuaꞌ le̱ Dios kꞌaxal nequexra.

Daniel 2:2

Joꞌcan nak quixbok chixjunileb laj kꞌe ut eb laj qꞌuehol naꞌleb, joꞌqueb ajcuiꞌ li nequeꞌtzoloc chirix li chahim ut eb laj Caldea re nak teꞌxye re cꞌaꞌru naxye lix matcꞌ. Ut queꞌcuulac riqꞌuin li rey.

Salmos 51:2

Chacuisiheb taxak lin ma̱usilal ut chati̱cobresi taxak lin chꞌo̱l re nak ma̱cꞌaꞌak chic inma̱c.

Proverbios 14:5

Li ani cha̱bil naxye li ya̱l chirix li ras ri̱tzꞌin. Abanan li incꞌaꞌ cha̱bil incꞌaꞌ naxye li ya̱l. Naxye ban li ticꞌtiꞌ.

San Mateo 20:28

La̱in li Cꞌajolbej. Abanan incꞌaꞌ xinchal re nak teꞌxcꞌanjela cuu. Xinchal ban re tincꞌanjelak chiruheb chixjunil ut re xqꞌuebal lin yuꞌam re xtojbal rix lix ma̱queb chixjunileb.—

San Juan 3:16

Li Dios cꞌajoꞌ nak quixraheb li cuanqueb saꞌ ruchichꞌochꞌ nak quixqꞌue li Ralal junaj chi ribil re nak chixjunileb li ani teꞌpa̱ba̱nk re incꞌaꞌ teꞌsachk. Ta̱cua̱nk ban xyuꞌameb chi junelic.

Romanos 3:25

Li Dios quixtakla chak li Ka̱cuaꞌ Jesucristo chi ca̱mc re xcuybal xma̱queb li teꞌpa̱ba̱nk re. Riqꞌuin li quixba̱nu quicꞌutun lix ti̱quilal xchꞌo̱l li Dios. Xban lix nimal xcuyum, incꞌaꞌ quixqꞌue saꞌ xchꞌo̱l lix ma̱queb li tenamit li queꞌma̱cob chak junxil.

Hebreos 10:29

Numtajenak cuiꞌchic ra teꞌxcꞌul li nequeꞌtzꞌekta̱nan re li Ralal li Dios ut nequeꞌxsach xcuanquil lix quiqꞌuel xban nak riqꞌuin xquiqꞌuel li Jesucristo xakabanbil xcuanquil li acꞌ contrato ut santobresinbilo la̱o. Numtajenak cuiꞌchic ra teꞌxcꞌul li nequeꞌxmajecua li Santil Musikꞌej li naqꞌuehoc ke li rusilal li Dios.

Apocalipsis 2:13

La̱in ninnau chanru nak cuanquex. La̱in ninnau nak cuan xcuanquil laj tza saꞌ li tenamit li cuanquex cuiꞌ. Abanan la̱ex toj yo̱quex chinlokꞌoninquil. Incꞌaꞌ xecanab inpa̱banquil usta quicamsi̱c laj Antipas xban nak quixye cuesilal aran saꞌ le̱ tenamit li cuan rubel xcuanquil laj tza.

Apocalipsis 11:3

La̱in tintaklaheb cuib aj cꞌanjel chicuu. Cua̱nk rakꞌeb chirix kꞌes ru retalil li rahil chꞌo̱lej. Eb aꞌan teꞌxye cuesilal chiru oxib chihab riqꞌuin cuakib po.—

Apocalipsis 19:11

Ut teto li choxa nak quicuil. Quicuil jun li cacua̱y sak rix. Ut lix cꞌabaꞌ li cꞌojcꞌo chirix li cacua̱y, aꞌan “Tzꞌakal Dios” ut “Ti̱c Xchꞌo̱l”, xban nak aꞌan saꞌ ti̱quilal ta̱rakok a̱tin ut saꞌ ti̱quilal ta̱pletik.

Levítico 13:58

Cui tixpuchꞌ li tꞌicr aꞌan malaj ut li tzꞌu̱m ut ta̱e̱lk li moꞌ chiru, tento cuiꞌchic xpuchꞌbal xcaꞌ sut re nak ta̱e̱lk chi junaj cua li moꞌ chiru.

Deuteronomio 18:2

Ma̱cꞌaꞌ teꞌxcꞌul rochbeneb li ras ri̱tzꞌin xban nak lix ma̱taneb aꞌan, aꞌan li cꞌanjelac chiru li Ka̱cuaꞌ.