Apocalipsis 1:18 - Li Santil hu

¹⁸ La̱in yoꞌyo̱quin. La̱in quincam, abanan yoꞌyo̱quin chic chi junelic kꞌe cutan. La̱in cuan incuanquil saꞌ xbe̱n li ca̱mc. Ut la̱in ajcuiꞌ yal cue saꞌ xbe̱n li naꞌajej li nequeꞌxic cuiꞌ li camenak.

Q'eqchi Bible

¹⁸ laa'in li Yo'yo. Kinkamk, ab'anan chak'e reetal, yo'yookin anaqwan chi junelik q'e kutan, ut wank wik'in li xlaawil li kamk ut li xna'ajeb' li kamenaq.

Apocalipsis 1:18 ပူးပေါင်းရင်းမြစ်များ

Romanos 6:9

La̱o nakanau nak li Jesucristo quicuacli cuiꞌchic chi yoꞌyo saꞌ xya̱nkeb li camenak. Li Cristo incꞌaꞌ chic ta̱ca̱mk xban nak ma̱cꞌaꞌ chic xcuanquil li ca̱mc saꞌ xbe̱n.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

Salmos 68:20

Li kaDios, aꞌan aj Colol ke ut aꞌan ta̱colok ke re nak incꞌaꞌ tocamsi̱k xbaneb li xicꞌ nequeꞌiloc re li Dios.

Apocalipsis 3:7

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Filadelfia, ut ta̱ye re: Li ti̱c xchꞌo̱l ut li tzꞌakal Dios, aꞌan cuan xcuanquilal joꞌ li cuanquil li quiqꞌueheꞌ re laj David junxil. Li oqueba̱l li tixte aꞌan, ma̱ ani naru ta̱tzꞌapok re; ut li oqueba̱l li tixtzꞌap aꞌan, ma̱ ani naru ta̱tehok re.

Isaías 22:22

Tinqꞌue li i̱k saꞌ xbe̱n re nak aꞌan chic ta̱ilok re li rochocheb li ralal xcꞌajol li rey David. Li oqueba̱l li tixte aꞌan, ma̱ ani naru ta̱tzꞌapok re. Ut li oqueba̱l li tixtzꞌap aꞌan, ma̱ ani naru ta̱tehok re.

Hebreos 12:2

Kaqꞌuehak kachꞌo̱l chixta̱kenquil li Jesucristo laj cꞌamol be chiku. Aꞌan naqꞌuehoc re li kapa̱ba̱l ut naxtzꞌakobresi ru. Usta xuta̱nal li ca̱mc quixcꞌul chiru li cruz, abanan incꞌaꞌ quixqꞌue saꞌ xchꞌo̱l. Ut quixcuy li raylal saꞌ kacꞌabaꞌ la̱o xban nak lix sahilal xchꞌo̱l quiqꞌueheꞌ re mokon. Ut anakcuan cuan saꞌ choxa saꞌ xnim ukꞌ li Dios.

San Mateo 16:19

Ut la̱in tinqꞌue a̱cuanquil saꞌ xbe̱neb li ani teꞌpa̱ba̱nk cue. Ut chixjunil li cꞌaꞌru ta̱cꞌu̱b ru saꞌ xya̱lal saꞌ ruchichꞌochꞌ, li Dios tixcꞌu̱b ajcuiꞌ ru saꞌ choxa. Li cꞌaꞌru ta̱ye us arin saꞌ ruchichꞌochꞌ, li Dios tixye ajcuiꞌ nak us. Ut li cꞌaꞌru ta̱ye incꞌaꞌ us, li Dios tixye ajcuiꞌ nak incꞌaꞌ us.—

Apocalipsis 20:14

Ut quisacheꞌ xcuanquil li ca̱mc, ut quisacheꞌ ajcuiꞌ li naꞌajej li nequeꞌxic cuiꞌ li camenak. Queꞌcuteꞌ saꞌ li xam li chanchan palau. Li xam aꞌan, aꞌan li xcab ca̱mc.

Hebreos 1:3

Li Ralal li Dios, aꞌan nacutanobresin re lix lokꞌal li Acuabej Dios. Ut aꞌan ajcuiꞌ nacꞌutuc chiku chanru lix naꞌleb. Li Ralal li Dios, aꞌan nacu̱tun re li ruchichꞌochꞌ riqꞌuin lix cuanquilal li ra̱tin xban nak aꞌan yal re saꞌ xbe̱n li ruchichꞌochꞌ. Ut nak ac xmayeja rib re risinquil li kama̱c, li Ralal li Dios co̱ saꞌ choxa ut quicꞌojla saꞌ xnim ukꞌ li Dios Acuabej, li kꞌaxal nim xcuanquil.

Gálatas 2:20

Li Jesucristo quicam chiru li cruz ut chanchan nak quinqꞌueheꞌ ajcuiꞌ la̱in cuochben. Ma̱cuaꞌ chic la̱in li yoꞌyo̱quin. Aꞌ chic li Cristo cuan cuiqꞌuin. Ut acꞌ chic lin yuꞌam xban nak xinpa̱b li Jesucristo li Ralal li Dios li quirahoc cue ut quixkꞌaxtesi rib chi ca̱mc saꞌ incꞌabaꞌ.

Apocalipsis 4:9

Rajlal nequeꞌxqꞌue xlokꞌal ut nequeꞌxnima ru ut nequeꞌxbantioxi chiru li nimajcual Dios, li yoꞌyo chi junelic kꞌe cutan, li cꞌojcꞌo saꞌ lix lokꞌlaj cꞌojariba̱l.

Hebreos 7:16

Li Jesucristo incꞌaꞌ quixakaba̱c chokꞌ aj tij joꞌ quixye li chakꞌrab. Xakabanbil ban chokꞌ aj tij xban nak nim xcuanquil ut yoꞌyo chi junelic.

2 Corintios 13:4

Cubenak xcuanquil li Cristo nak quicamsi̱c chiru li cruz. Abanan quicuaclesi̱c cuiꞌchic saꞌ xya̱nkeb li camenak chi yoꞌyo xban xcuanquil li Dios. Joꞌ nak quixcubsi xcuanquil li Cristo, joꞌcan ajcuiꞌ takacubsi kacuanquil la̱o. Abanan yoꞌyo̱co xban xcuanquil li Dios ut qꞌuebil ke li kacuanquil xban li Dios re xkꞌusbaleb li nequeꞌxba̱nu li incꞌaꞌ us.

Li xHu LAJ JOB 19:25

La̱in ninnau nak li nacoloc cue yoꞌyo. Ut ninnau nak aꞌan ta̱a̱tinak chicuix re incolbal arin saꞌ ruchichꞌochꞌ.

Apocalipsis 9:1

Ut li roꞌ ángel quixya̱basi lix trompeta ut quicuil nak jun li chahim quitꞌaneꞌ chak saꞌ choxa ut quinak saꞌ ruchichꞌochꞌ. Ut quiqꞌueheꞌ re li chahim lix lacuil li chamal jul nak quicuil.

San Juan 14:19

Cuulac re xkꞌehil nak incꞌaꞌ chic teꞌril cuu li incꞌaꞌ nequeꞌpa̱ban cue. Abanan la̱ex te̱ril cuu. Ut xban nak yoꞌyo̱kin la̱in, yoꞌyo̱kex ajcuiꞌ la̱ex.

Colosenses 3:3

Lix ma̱usilal li ruchichꞌochꞌ ma̱cꞌaꞌ chic xcuanquil saꞌ e̱be̱n. Chanchan camenakex chiru. Ac colbilex chic chiru li ma̱usilal xban nak junajex chic riqꞌuin li Cristo, ut li Cristo junaj riqꞌuin li Dios.

Salmos 18:46

Yoꞌyo li Ka̱cuaꞌ. Lokꞌoninbil taxak ru li Ka̱cuaꞌ. Aꞌan chanchan jun nimla sako̱nac bar nincol cuiꞌ cuib. Chinima̱k taxak xlokꞌal li Ka̱cuaꞌ laj Colol cue.

Apocalipsis 5:14

Ut li ca̱hib li yoꞌyo̱queb li chanchaneb ángel, yo̱queb chixyebal: —Joꞌcan taxak.— Ut eb li ca̱hib xcaꞌcꞌa̱l li cꞌojcꞌo̱queb aran queꞌxcuikꞌib ribeb ut queꞌxlokꞌoni li yoꞌyo chi junelic kꞌe cutan.

1 Samuel 2:6

Li nimajcual Dios, aꞌan li ya̱l re saꞌ xbe̱n chixjunil. Li ani naraj naxqꞌue xyuꞌam ut li ani naraj narisi xyuꞌam. Cui ani naraj tixcuaclesiheb cuiꞌchic chi yoꞌyo, ut cui aꞌan naraj tixcanabeb chi camenak.

Li xHu LAJ JOB 38:17

¿Ma nacanau bar cuan lix puertil lix naꞌajeb li camenak? Ut, ¿ma ac xatcuulac chak saꞌ lix naꞌajeb?

San Mateo 11:23

Ut la̱ex aj Capernaum, cꞌajoꞌ nak nequenimobresi e̱rib. ¿Ma nequecꞌoxla nak ta̱taksi̱k le̱ cuanquil toj saꞌ choxa? Ta̱cubsi̱k ban le̱ cuanquil toj saꞌ xnaꞌajeb li camenak. Cui ta riqꞌuineb laj Sodoma quilaj-uxman eb li milagro li x-uxman e̱riqꞌuin la̱ex, toj cuanqueb raj saꞌ li cutan anakcuan.

San Lucas 24:5

Cꞌajoꞌ nak queꞌxucuac li ixk. Queꞌxxulub li riloba̱l. Ut eb li cui̱nk queꞌxye reheb: —¿Cꞌaꞌut nak nequesicꞌ li yoꞌyo saꞌ xya̱nkeb li camenak?

San Juan 11:25

Ut li Jesús quixye re: —La̱in li nincuaclesin reheb li camenak chi yoꞌyo. La̱in li ninqꞌuehoc junelic yuꞌam. Li ani napa̱ban cue la̱in ta̱cua̱nk xyuꞌam chi junelic usta nacam.

Apocalipsis 2:8

Ut quixye cuiꞌchic cue: —Tzꞌi̱ban riqꞌuin lix takl li Dios, li na-iloc reheb li jun chꞌu̱tal chi aj pa̱banel li cuanqueb Esmirna. Ut ta̱ye re: Li ac cuan chak saꞌ xticlajic ut cua̱nk ajcuiꞌ toj saꞌ rosoꞌjic, li quicam ut quicuacli cuiꞌchic chi yoꞌyo saꞌ xya̱nkeb li camenak, naxye e̱re chi joꞌcaꞌin:

Apocalipsis 6:8

Quicuil jun li cacua̱y kꞌan rix. Ut li cuan chirix li cacua̱y, aꞌan Ca̱mc xcꞌabaꞌ. Ut li yo̱ chi ta̱ke̱nc re, aꞌan Xnaꞌaj Camenak xcꞌabaꞌ xban nak aꞌan li ta̱cꞌuluk reheb li teꞌca̱mk. Li cuan chirix li cacua̱y quiqꞌueheꞌ xcuanquil chixcamsinquil nabaleb saꞌ ruchichꞌochꞌ. Jun jachal saꞌ xya̱nkeb li ca̱hib jachal (1/4) chi cristian li cuanqueb saꞌ ruchichꞌochꞌ teꞌca̱mk. Cuan teꞌcamsi̱k riqꞌuin chꞌi̱chꞌ. Cuan teꞌca̱mk xban cueꞌej. Cuan teꞌca̱mk xban yajel ut cuan ajcuiꞌ li teꞌcamsi̱k xban li joskꞌ aj xul.

Apocalipsis 10:6

ut quixba̱nu li juramento saꞌ xcꞌabaꞌ li Jun li yoꞌyo chi junelic, li quiyoꞌobtesin re li choxa joꞌ ajcuiꞌ li ruchichꞌochꞌ ut chixjunil li cuan chiru, joꞌ ajcuiꞌ li palau ut chixjunil li cuan chi saꞌ. Quixye nak ac xcuulac xkꞌehil. Incꞌaꞌ chic ta̱ba̱yk.

Apocalipsis 15:7

Ut jun reheb li ca̱hib li yoꞌyo̱queb li chanchaneb ángel, quixqꞌue reheb li cuukub chi ángel li cuukub chi secꞌ oro nujenak riqꞌuin xjoskꞌil li Dios, li yoꞌyo chi junelic kꞌe cutan.

Apocalipsis 20:13

Chixjunileb li camenak cuanqueb aran, joꞌ eb li queꞌcam saꞌ haꞌ joꞌqueb ajcuiꞌ li queꞌmukeꞌ. Quirakeꞌ a̱tin saꞌ xbe̱neb chixjunileb aꞌ yal chanru lix yehom xba̱nuhomeb.