Apocalipsis 1:17 - Li Santil hu

¹⁷ Nak quicuil ru quintꞌaneꞌ chi rok. Chanchan camenak quincana. Ut aꞌan quixqꞌue lix nim ukꞌ saꞌ inbe̱n ut quixye cue: —Matxucuac. La̱in li ac cuanquin chak saꞌ xticlajic li ruchichꞌochꞌ ut cua̱nkin chi junelic kꞌe cutan.

Q'eqchi Bible

¹⁷ Naq kiwil a'an, kint'ane'k chi hupu chi roq, chanchanin kamenaq kinkanaak, ut a'an kixk'e li xnim uq' sa' inb'een, yo chi xyeeb'al we: “Matxiwak. Laa'in li xb'een ut li rosob'l,

Apocalipsis 1:17 ပူးပေါင်းရင်းမြစ်များ

Isaías 44:6

Li Ka̱cuaꞌ li nimajcual Dios, lix Reyeb laj Israel ut laj Colol reheb naxye chi joꞌcaꞌin: —La̱in ac cuanquin ajcuiꞌ chak nak toj ma̱jiꞌ nayi̱ba̱c li ruchichꞌochꞌ. Ut cua̱nkin ajcuiꞌ saꞌ rosoꞌjic. Ma̱cꞌaꞌ junak chic dios chicuu la̱in. Caꞌaj cuiꞌ la̱in.

Apocalipsis 22:13

La̱in li Alfa ut li Omega. La̱in ac cuanquin chak saꞌ xticlajic li ruchichꞌochꞌ ut cua̱nkin ajcuiꞌ saꞌ rosoꞌjic.—

Isaías 41:4

¿Ani li quiba̱nun re chixjunil aꞌin? ¿Ani li ya̱l re saꞌ xbe̱n li ruchichꞌochꞌ chalen saꞌ xticlajic? La̱in li Ka̱cuaꞌ. Ac cuanquin chak saꞌ xticlajic ut cua̱nkin ajcuiꞌ toj saꞌ rosoꞌjic. La̱in li Dios quinba̱nun re chixjunil.

Isaías 48:12

La̱ex laj Israel, li ralal xcꞌajol laj Jacob, cherahihak li oc cue chixyebal. La̱in li Ka̱cuaꞌ. La̱in cuanquin saꞌ xticlajic ut cua̱nkin ajcuiꞌ toj saꞌ rosoꞌjic.

Apocalipsis 2:8

Ut quixye cuiꞌchic cue: —Tzꞌi̱ban riqꞌuin lix takl li Dios, li na-iloc reheb li jun chꞌu̱tal chi aj pa̱banel li cuanqueb Esmirna. Ut ta̱ye re: Li ac cuan chak saꞌ xticlajic ut cua̱nk ajcuiꞌ toj saꞌ rosoꞌjic, li quicam ut quicuacli cuiꞌchic chi yoꞌyo saꞌ xya̱nkeb li camenak, naxye e̱re chi joꞌcaꞌin:

Ezequiel 1:28

Nalemtzꞌun lix lokꞌal li Dios nak quicuil. Chanchan li xo̱quikꞌab li naxqꞌue rib saꞌ li chok nak yo̱ li hab. Nak quicuil lix lokꞌal li Dios, quincut cuib saꞌ chꞌochꞌ ut quicuabi xya̱b xcux nak qui-oc chi a̱tinac.

Apocalipsis 1:8

Quixye li Ka̱cuaꞌ Dios: —La̱in quinyoꞌobtesin re chixjunil ut la̱in tinsachok re chixjunil. La̱in li Alfa ut li Omega. Ut kꞌaxal nim incuanquil, chan li nimajcual Dios.

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

Daniel 10:15

Nak quixye cue eb li a̱tin aꞌin, ti̱c quinxulub cuib ut mem quincana.

Apocalipsis 1:11

Quixye cue: —Li cꞌaꞌru tincꞌutbesi cha̱cuu ta̱tzꞌi̱ba saꞌ jun li botbil hu ut ta̱takla riqꞌuineb li cuukub chꞌu̱taleb laj pa̱banel li cuanqueb saꞌ xcue̱nt Asia. Takla riqꞌuineb li cuanqueb Éfeso, Esmirna, ut Pérgamo. Ut ta̱takla ajcuiꞌ riqꞌuineb li cuanqueb Tiatira, Sardis, Filadelfia ut Laodicea, chan.

San Mateo 28:4

Ut eb li yo̱queb chi cꞌacꞌale̱nc re li mukleba̱l nequeꞌsicsot xban xxiuheb chirilbal li quicꞌulman. Chanchan camenak queꞌcana.

Daniel 10:12

Ut li cui̱nk quixye cue: —At Daniel, matxucuac xban nak chalen nak xaqꞌue a̱chꞌo̱l chixtaubal ru li yo̱ chi cꞌulma̱nc ut xacubsi a̱cuib chiru la̱ Dios, aꞌan quirabi la̱ tij. Joꞌcan nak xinchal a̱cuiqꞌuin chixchꞌolobanquil lix ya̱lal cha̱cuu.

Éxodo 20:20

Laj Moisés quixye reheb: —Mexxucuac. Li Dios xchal chi xyalbal le̱ pa̱ba̱l. Usan cui te̱xucua ru li Dios ut incꞌaꞌ chic texma̱cobk, chan.

Éxodo 14:13

Laj Moisés quixye reheb: —Mexxucuac. Cacuubresihomak ban e̱chꞌo̱l. Ho̱n nequeril chanru nak tocolekꞌ xban li Ka̱cuaꞌ Dios. Eb laj Egipto li yo̱quex chi rilbal anakcuan ma̱ jun cua chic te̱ril ruheb.

Génesis 15:1

Chanchan matqꞌuec yo̱ laj Abram nak li Dios quixcꞌutbesi rib chiru saꞌ visión. Li Dios quixye re: —Matxucuac, Abram, xban nak la̱in tin-ilok a̱cue. Kꞌaxal numtajenak la̱ kꞌajca̱munquil tinqꞌue, chan li Dios.

San Juan 21:20

Laj Pedro quixsukꞌisi rib ut quiril lix tzolom li Jesús, li raro xban, yo̱ chi xic chirixeb. Aꞌan lix tzolom li quipatzꞌoc re li Jesús nak yo̱queb chi cuaꞌac, “¿Ani ta̱kꞌaxtesi̱nk a̱cue, at Ka̱cuaꞌ?”

San Juan 13:23

Jun reheb lix tzolom, li raro xban, cꞌojcꞌo chixcꞌatk.

Habacuc 3:16

Nak quicuil li cꞌaꞌru talajcꞌulma̱nk, cꞌajoꞌ nak quiyotꞌeꞌ inchꞌo̱l. Incꞌaꞌ chic quiru quina̱tinac. Nequeꞌsicsot li cuok xban inxiu ut ma̱cꞌaꞌ chic inmetzꞌe̱u quincana. Abanan tincuoybeni li cutan nak ta̱cꞌulma̱nk li raylal aꞌan. Ma̱cꞌaꞌ incꞌaꞌux xban nak ninnau nak li Ka̱cuaꞌ tixsach ruheb li xicꞌ nequeꞌiloc ke.

Éxodo 3:6

Ut li Dios quixye ajcuiꞌ: —La̱in lix Dios la̱ xeꞌto̱nil yucuaꞌ. La̱in lix Dios laj Abraham, laj Isaac ut laj Jacob, chan. Laj Moisés quixucuac chirilbal li Dios ut quixmuk li ru.

San Mateo 14:27

Aꞌut li Jesús ticto quira̱tinaheb ut quixye reheb: —Mexxucuac. La̱in li yo̱quex chicuilbal. Cacuubresihomak e̱chꞌo̱l, chan reheb.

San Mateo 28:5

Ut nak queꞌcuulac li ixk, li ángel quixye reheb: —Mexxucuac la̱ex. La̱in ninnau nak yo̱quex chixsicꞌbal li Jesús li quicam chiru cruz.

Apocalipsis 1:4

La̱in laj Juan. Yo̱quin chi tzꞌi̱bac e̱riqꞌuin la̱ex li cuukub chꞌu̱talex chi aj pa̱banel li cuanquex aran Asia. Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Dios li ac cuan chak saꞌ xticlajic, li cuan anakcuan, ut li cua̱nk chi junelic, ut li naxqꞌue li Santil Musikꞌej li cuan cuiꞌ lix lokꞌlaj cꞌojariba̱l li Ka̱cuaꞌ.

Salmos 139:5

La̱at junelic cuancat cuiqꞌuin. Cuancat chicuix ut cuancat chicuu ut cuan la̱ cuukꞌ saꞌ inbe̱n.

Lamentaciones 3:57

Saꞌ li cutan nak quintzꞌa̱ma intenkꞌanquil a̱cue, la̱at caye cue: Matxucuac.