Apocalipsis 1:15 - Li Santil hu

¹⁵ Li rok nalemtzꞌun chanchan li cha̱bil chꞌi̱chꞌ bronce ut cakjorin chanchan li kꞌan chꞌi̱chꞌ nak cuan saꞌ xam. Nak naa̱tinac chanchan xya̱b lix cau ok li palau.

Q'eqchi Bible

¹⁵ eb' li roq kama'eb' li chaab'il q'anch'iich' chaab'ilob'resinb'il sa' xam, ut li xyaab' xkux jo' xyaab' li k'iila ha'.

Apocalipsis 1:15 ပူးပေါင်းရင်းမြစ်များ

Ezequiel 43:2

Ut quicuil lix lokꞌal li Ka̱cuaꞌ lix Dioseb laj Israel li yo̱ chak chi cha̱lc saꞌ li este. Quicuabi jun li choki̱nc chanchan nak na-ecꞌan li nimaꞌ. Ut li ruchichꞌochꞌ quisakenoꞌ xban lix lokꞌal li Dios.

Daniel 10:6

Lix tibel nalemtzꞌun joꞌ jun li terto̱quil pec ut li ru chanchan li rakꞌ ca̱k ut li xnakꞌ ru chanchan li xam. Li rok rukꞌ nalemtzꞌun joꞌ li kꞌan chꞌi̱chꞌ bronce ut nak quia̱tinac, kꞌaxal cau lix ya̱b xcux chanchan qꞌuila tenamit nak quicuabi.

Apocalipsis 14:2

Ut quicuabi jun yo̱ chi a̱tinac saꞌ choxa chanchan xya̱b lix cau ok li nimaꞌ. Chanchan nak namok li ca̱k. Ut chanchan xya̱beb li arpa nak yo̱queb xchꞌeꞌbal.

Apocalipsis 19:6

Ut quicuabi cuiꞌchic xya̱b xcuxeb nabaleb li cuanqueb saꞌ choxa. Chanchan xya̱b lix cau ok li palau ut chanchan nak namok li ca̱k. Queꞌxye: Aleluya. Li Ka̱cuaꞌ li nimajcual Dios, aꞌan cuan saꞌ xcuanquil.

Apocalipsis 2:18

Ut quixye ajcuiꞌ cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Tiatira ut ta̱ye re: Li Cꞌajolbej, li nalemtzꞌun xnakꞌ ru chanchan xam ut li rok chanchan li cha̱bil chꞌi̱chꞌ bronce li nalemtzꞌun, naxye e̱re chi joꞌcaꞌin:

Salmos 93:4

Abanan la̱at cuancat saꞌ choxa ut kꞌaxal nim la̱ cuanquil chiruheb lix cau ok li nimaꞌ ut li palau.

Ezequiel 1:7

Ut lix tzelequeb ti̱queb ut li rokeb chanchan rokeb li cuacax ut nalemtzꞌun joꞌ li kꞌan chꞌi̱chꞌ bronce.

Ezequiel 40:3

Li Ka̱cuaꞌ quinixcꞌam chi nachꞌ ut quicuil jun li cui̱nk nalemtzꞌun joꞌ li kꞌan chꞌi̱chꞌ bronce. Xakxo chire li oqueba̱l. Cuan saꞌ rukꞌ jun li cheꞌ re bisoc ut jun li cꞌa̱m lino re bisoc.

Isaías 17:13

Nak teꞌcha̱lk li tenamit chi pletic chanchanakeb lix cau ok li haꞌ. Abanan nak li Dios tixkꞌuseb, teꞌe̱lelik ut teꞌxic chi najt yalak bar. Chanchanakeb lix mokoj ixim li nacꞌameꞌ xban ikꞌ saꞌ eb li tzu̱l. Chanchanakeb li poks li nacꞌameꞌ xban ikꞌ li naxsuti rib.

Ezequiel 1:24

Ut quicuabi lix ya̱b lix xiqꞌueb nak yo̱queb chi be̱c chanchan nak na-ecꞌan xya̱b rok li haꞌ, malaj ut chanchan xya̱b xcux li nimajcual Dios, malaj ut chanchan xya̱beb li qꞌuila tenamit, malaj ut chanchan xya̱b li jun tu̱b chi soldados. Ut nak nequeꞌxakli, nequeꞌxcubsi lix xiqꞌueb.

Apocalipsis 10:1

Quicuil nak quichal jun chic li ángel cau rib. Yo̱ chak chi cubec saꞌ choxa sutsu saꞌ chok. Ut lix jolom sutsu xban jun li xo̱quikꞌab. Li riloba̱l nalemtzꞌun joꞌ li sakꞌe ut li rok chanchan jun okech yo̱ xxamlel.