Apocalipsis 1:11 - Li Santil hu

¹¹ Quixye cue: —Li cꞌaꞌru tincꞌutbesi cha̱cuu ta̱tzꞌi̱ba saꞌ jun li botbil hu ut ta̱takla riqꞌuineb li cuukub chꞌu̱taleb laj pa̱banel li cuanqueb saꞌ xcue̱nt Asia. Takla riqꞌuineb li cuanqueb Éfeso, Esmirna, ut Pérgamo. Ut ta̱takla ajcuiꞌ riqꞌuineb li cuanqueb Tiatira, Sardis, Filadelfia ut Laodicea, chan.

Q'eqchi Bible

¹¹ “Tz'iib'a sa' hu li yookat chi rilb'al, ut taqla rik'ineb' li wuqub' chi Iklees: aran Éfeso, Esmirna, Pérgamo, Tiatira, Sardes, Filadelfia ut Laodicea”.

Apocalipsis 1:11 ပူးပေါင်းရင်းမြစ်များ

Apocalipsis 3:1

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Sardis ut ta̱ye re: Li cuan li Santil Musikꞌej riqꞌuin ut li cuan li cuukub chi chahim saꞌ rukꞌ naxye e̱re chi joꞌcaꞌin: La̱in ninnau chanru nak cuanquex. Eb li tenamit nequeꞌxye nak la̱ex tzꞌakal aj pa̱banelex. Abanan moco ya̱l ta. La̱in ninnau nak incꞌaꞌ nequexpa̱ban chi tzꞌakal. Chanchan camenakex.

Apocalipsis 1:4

La̱in laj Juan. Yo̱quin chi tzꞌi̱bac e̱riqꞌuin la̱ex li cuukub chꞌu̱talex chi aj pa̱banel li cuanquex aran Asia. Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Dios li ac cuan chak saꞌ xticlajic, li cuan anakcuan, ut li cua̱nk chi junelic, ut li naxqꞌue li Santil Musikꞌej li cuan cuiꞌ lix lokꞌlaj cꞌojariba̱l li Ka̱cuaꞌ.

Habacuc 2:2

Li Ka̱cuaꞌ quichakꞌoc ut quixye cue: —Tzꞌi̱ba chiru jun pere̱lak tzꞌalam cheꞌ li cꞌaꞌru tincꞌutbesi cha̱cuu. Tzꞌi̱ba chi tzꞌakal re ru re nak li ani ta̱ilok re ta̱xic saꞌ junpa̱t xyebal resil li cꞌaꞌru ta̱ril.

Jeremías 30:2

—Aꞌan aꞌin li a̱tin li quixye li Ka̱cuaꞌ, lix Dioseb laj Israel. Tzꞌi̱ba saꞌ jun li hu chixjunil li xinye a̱cue.

Apocalipsis 3:14

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Laodicea ut ta̱ye re: Li ani naxcꞌabaꞌin “Amén”, li junelic ti̱c xchꞌo̱l chixyebal li ya̱l, li ac cuan chak nak quiyi̱ba̱c chak li ruchichꞌochꞌ ut chixjunil li cꞌaꞌak re ru cuan, naxye e̱re chi joꞌcaꞌin:

Apocalipsis 3:7

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Filadelfia, ut ta̱ye re: Li ti̱c xchꞌo̱l ut li tzꞌakal Dios, aꞌan cuan xcuanquilal joꞌ li cuanquil li quiqꞌueheꞌ re laj David junxil. Li oqueba̱l li tixte aꞌan, ma̱ ani naru ta̱tzꞌapok re; ut li oqueba̱l li tixtzꞌap aꞌan, ma̱ ani naru ta̱tehok re.

Apocalipsis 2:18

Ut quixye ajcuiꞌ cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Tiatira ut ta̱ye re: Li Cꞌajolbej, li nalemtzꞌun xnakꞌ ru chanchan xam ut li rok chanchan li cha̱bil chꞌi̱chꞌ bronce li nalemtzꞌun, naxye e̱re chi joꞌcaꞌin:

Apocalipsis 2:12

Ut quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb laj pa̱banel li cuanqueb Pérgamo ut ta̱ye re: Li cuan xchꞌi̱chꞌ caꞌ pacꞌal xkꞌesnal naxye e̱re chi joꞌcaꞌin:

Apocalipsis 2:8

Ut quixye cuiꞌchic cue: —Tzꞌi̱ban riqꞌuin lix takl li Dios, li na-iloc reheb li jun chꞌu̱tal chi aj pa̱banel li cuanqueb Esmirna. Ut ta̱ye re: Li ac cuan chak saꞌ xticlajic ut cua̱nk ajcuiꞌ toj saꞌ rosoꞌjic, li quicam ut quicuacli cuiꞌchic chi yoꞌyo saꞌ xya̱nkeb li camenak, naxye e̱re chi joꞌcaꞌin:

Efesios 1:1

La̱in laj Pablo. La̱in x-apóstol li Jesucristo xban nak joꞌcan quiraj li Dios. Yo̱quin chixtzꞌi̱banquil li hu aꞌin e̱riqꞌuin la̱ex laj pa̱banel li cuanquex Éfeso. Yo̱quin chi tzꞌi̱bac e̱riqꞌuin che̱junilex la̱ex li nequeqꞌue e̱chꞌo̱l chixpa̱banquil li Jesucristo.

Isaías 30:8

Li Ka̱cuaꞌ quixye cue nak tintzꞌi̱ba retalil saꞌ jun li hu chanru lix naꞌlebeb laj Israel. Li hu aꞌan cua̱nk junelic ut aꞌanak retalil chanru lix naꞌlebeb.

Apocalipsis 21:5

Li cꞌojcꞌo saꞌ li cꞌojariba̱l quixye: —La̱in tinacꞌobresi chixjunil li cꞌaꞌak re ru.— Ut quixye ajcuiꞌ: —Tzꞌi̱ba retalil aꞌin xban nak li a̱tin aꞌin tzꞌakal ya̱l ut us xpa̱banquil.—

Apocalipsis 19:9

Ut li ángel quixye cue: —Tzꞌi̱ba retalil aꞌin: Us xak reheb li bokbileb chixninkꞌeinquil lix sumlajic li Jun li chanchan carner.— Ut quixye ajcuiꞌ cue: —Aꞌin ra̱tin li Dios ut tzꞌakal ya̱l, chan.

Apocalipsis 14:13

Ut quicuabi jun yo̱ chi a̱tinac saꞌ choxa ut quixye cue: —Tzꞌi̱ba li a̱tin aꞌin: Chalen anakcuan us xak reheb li nequeꞌcam, li ac xeꞌxpa̱b li Ka̱cuaꞌ. Ya̱l. Us xak reheb, chan li Santil Musikꞌej, xban nak teꞌhila̱nk chixba̱nunquil li cha̱bil cꞌanjel li ac xeꞌxba̱nu ut teꞌxcꞌul xkꞌajca̱munquil.—

Apocalipsis 10:4

Oc raj cue chixtzꞌi̱banquil retalil li cꞌaꞌru queꞌxye li chanchan cuukub chi ca̱k. Abanan quicuabi jun quia̱tinac saꞌ choxa ut quixye cue: —Ma̱tzꞌi̱ba li cꞌaꞌru xeꞌxye li cuukub chi xya̱b cux chanchan ca̱k. Li cꞌaꞌru xacuabi ma̱ bar ta̱ye resil. Xocxo̱k ban saꞌ a̱chꞌo̱l, chan.

Apocalipsis 1:19

Tzꞌi̱ba retalil li cꞌaꞌru yo̱cat chirilbal xban nak aꞌan retalil li yo̱ chi cꞌulma̱nc anakcuan ut li ta̱cꞌulma̱nk mokon.

Apocalipsis 1:8

Quixye li Ka̱cuaꞌ Dios: —La̱in quinyoꞌobtesin re chixjunil ut la̱in tinsachok re chixjunil. La̱in li Alfa ut li Omega. Ut kꞌaxal nim incuanquil, chan li nimajcual Dios.

1 Timoteo 1:3

Nacuaj nak tatcana̱k aran Éfeso joꞌ quintzꞌa̱ma cha̱cuu nak co̱in Macedonia. Tatcana̱k aran re nak ta̱kꞌuseb li yo̱queb chi balakꞌi̱nc saꞌ xya̱nkeb laj pa̱banel. Ta̱ye reheb nak teꞌxcanab xcꞌutbal li incꞌaꞌ ya̱l.

Deuteronomio 31:19

Chatzꞌi̱ba biꞌ li bich aꞌin ut ta̱cꞌut chiruheb laj Israel re nak aꞌaneb teꞌxbicha. Li bich aꞌin tixchꞌolob xya̱lal chiruheb nak incꞌaꞌ us queꞌxba̱nu.

Apocalipsis 1:17

Nak quicuil ru quintꞌaneꞌ chi rok. Chanchan camenak quincana. Ut aꞌan quixqꞌue lix nim ukꞌ saꞌ inbe̱n ut quixye cue: —Matxucuac. La̱in li ac cuanquin chak saꞌ xticlajic li ruchichꞌochꞌ ut cua̱nkin chi junelic kꞌe cutan.

Apocalipsis 1:2

Ut aꞌan quixye resil chixjunil li quicꞌutbesi̱c chiru. Aꞌan aꞌin li quixye li Dios joꞌ quicꞌutbesi̱c chiru laj Juan xban li Jesucristo.

1 Corintios 16:8

Abanan toj tinnumsi li ninkꞌe Pentecostés arin Éfeso tojoꞌnak tinxic e̱riqꞌuin.

1 Corintios 15:32

Ut cui incꞌaꞌ teꞌcuacli̱k chi yoꞌyo li camenak, ¿cꞌaꞌ raj ru tinra nak tincꞌul li raylal arin Éfeso? Chanchan nak yo̱quin chi pletic riqꞌuineb li joskꞌ aj xul nak cuanquin arin saꞌ xya̱nkeb li tenamit. Ma̱cꞌaꞌ raj rajbal aꞌan cui incꞌaꞌ takacꞌul kakꞌajca̱munquil chirix li kacamic. Kꞌaxal us raj cui takaba̱nu joꞌ li incꞌaꞌ nequeꞌxpa̱b nak teꞌcuacli̱k chi yoꞌyo li camenak li nequeꞌxye cuaꞌako, ucꞌako xban nak cuulaj caꞌbej nococam.

Hechos 20:17

Nak toj cuan Mileto quixtakla chak xbokbaleb li nequeꞌcꞌamoc be saꞌ xya̱nkeb laj pa̱banel aran Éfeso re teꞌxic riqꞌuin.

Hechos 18:24

Quicuulac Éfeso jun li cui̱nk aj judío, aj Apolos xcꞌabaꞌ. Alejandría xtenamit. Kꞌaxal naxnau a̱tinac chi cha̱bil ut naxnau chi us li tzꞌi̱banbil saꞌ li Santil Hu.

Hechos 16:14

Jun reheb li ixk aꞌan xLidia xcꞌabaꞌ. Tiatira xtenamit. Aꞌan nacꞌayin cha̱bil tꞌicr. Naxpa̱b li Dios ut yo̱ chi abi̱nc xban nak li Dios quixcꞌut chiru nak tixqꞌue retal li yo̱ chixyebal laj Pablo.

Colosenses 2:1

Nacuaj nak te̱nau nak junelic ninqꞌue inchꞌo̱l chi tijoc che̱rix la̱ex joꞌcan ajcuiꞌ chirixeb laj pa̱banel li cuanqueb aran Laodicea. Nintijoc chirixeb chixjunileb laj pa̱banel, li ac nequeꞌxnau cuu, joꞌ ajcuiꞌ li incꞌaꞌ nequeꞌxnau cuu.

Apocalipsis 1:20

Lix ya̱lal li cuukub chi chahim li xacuil saꞌ lin nim ukꞌ, aꞌan li retalileb li cuukub lix takl li Dios li nequeꞌiloc reheb li cuukub chꞌu̱tal chi aj pa̱banel. Ut lix ya̱lal li cuukub chi candelero, aꞌan retalileb li cuukub chꞌu̱tal chi aj pa̱banel.

Apocalipsis 2:1

Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Éfeso ut ta̱ye re chi joꞌcaꞌin: —Li cuan cuukub chi chahim saꞌ xnim ukꞌ, li yo̱ chi be̱c saꞌ xya̱nkeb li cuukub chi candelero yo̱ chixyebal e̱re chi joꞌcaꞌin:

Apocalipsis 2:24

Ma̱cꞌaꞌ tinye e̱re re e̱kꞌusbal la̱ex aj Tiatira li joꞌ qꞌuialex incꞌaꞌ xetzol e̱rib riqꞌuin li tijleb li nequeꞌxchꞌolob eb aꞌan, xban nak aꞌan xma̱us aj naꞌleb laj tza.

Apocalipsis 3:4

La̱in ninnau nak aran Sardis toj cuanqueb cuib oxib saꞌ e̱ya̱nk li ti̱c xchꞌo̱leb. Incꞌaꞌ xeꞌxtzꞌajni ribeb riqꞌuin xba̱nunquil li ma̱usilal. La̱in tinye reheb nak xcꞌulubeb cua̱nc cuiqꞌuin chi tikto̱queb riqꞌuin saki akꞌej xban nak ti̱c xchꞌo̱leb.

Apocalipsis 22:10

Ut quixye ajcuiꞌ cue li ángel: —Ma̱muk chiruheb li tenamit lix ya̱lal li tzꞌi̱banbil saꞌ li hu aꞌin. Ma̱muk chiruheb li cꞌaꞌru ta̱cꞌulma̱nk xban nak cuulac re xkꞌehil nak ta̱cꞌulma̱nk li cꞌaꞌru tzꞌi̱banbil saꞌ li hu aꞌin.

Apocalipsis 22:16

Ut li Jesús quixye: —La̱in xintakla lin ángel a̱cuiqꞌuin re nak ta̱chꞌolob lix ya̱lal aꞌin reheb laj pa̱banel. La̱in li chanchanin xtux li cheꞌ. Quinyoꞌla saꞌ xya̱nkeb li ralal xcꞌajol li rey David. La̱in chanchanin li cak chahim li nalemtzꞌun chak toj ekꞌela, chan li Jesús.