Apocalipsis 1:1 - Li Santil hu

¹ Li tzꞌi̱banbil saꞌ li hu aꞌin quicꞌutbesi̱c chiru li Jesucristo xban li Dios. Quixcꞌutbesi chiru li Jesucristo re nak aꞌan chic ta̱cꞌutbesi̱nk re chiruheb laj pa̱banel li cꞌaꞌru ta̱cꞌulma̱nk chi se̱b. Joꞌcan nak li Jesucristo quixtakla lix ángel chixcꞌutbesinquil aꞌin chiru laj Juan laj cꞌanjel chiru.

Q'eqchi Bible

¹ A'an a'in li kik'utb'esiik chiru li Jesukriist xb'aan li Yos re naq tixk'ut, chiruheb' laj k'anjel chiru, chixjunil li taak'ulmanq chi seeb'. Li Jesukriist kixtaqla chaq li x'ánjel re xk'eeb'al chixnaw laj Jwan li xmoos;

Apocalipsis 1:1 ပူးပေါင်းရင်းမြစ်များ

Apocalipsis 22:16

Ut li Jesús quixye: —La̱in xintakla lin ángel a̱cuiqꞌuin re nak ta̱chꞌolob lix ya̱lal aꞌin reheb laj pa̱banel. La̱in li chanchanin xtux li cheꞌ. Quinyoꞌla saꞌ xya̱nkeb li ralal xcꞌajol li rey David. La̱in chanchanin li cak chahim li nalemtzꞌun chak toj ekꞌela, chan li Jesús.

Apocalipsis 22:6

Ut li ángel quixye cue: —Eb li a̱tin aꞌin tzꞌakal ya̱l ut us xpa̱banquil. Li Ka̱cuaꞌ Dios li nacꞌutbesin chiruheb lix profeta cꞌaꞌru teꞌxye, aꞌan xtakla chak lix ángel chixcꞌutbal chiruheb laj cꞌanjel li cꞌaꞌru ta̱cꞌulma̱nk chi se̱b.—

Gálatas 1:12

Ma̱cuaꞌ yal riqꞌuin junak cui̱nk quicuabi, chi moco riqꞌuin ta junak cui̱nk quintzol cuib. Aꞌ ban li Ka̱cuaꞌ Jesucristo, aꞌan li quicꞌutbesin re chicuu.

Amós 3:7

Li Ka̱cuaꞌ incꞌaꞌ tixqꞌue chak li raylal saꞌ xbe̱neb li tenamit chi incꞌaꞌ ta tixye xbe̱n cua reheb lix profeta re nak teꞌxye resil.

Efesios 3:3

Li Dios, aꞌan quicꞌutuc re chicuu li naꞌleb aꞌan, li mukmu nak quicuan chak junxil. Ac xintzꞌi̱ba caꞌchꞌin resil e̱re chirix li naꞌleb aꞌin.

Apocalipsis 1:19

Tzꞌi̱ba retalil li cꞌaꞌru yo̱cat chirilbal xban nak aꞌan retalil li yo̱ chi cꞌulma̱nc anakcuan ut li ta̱cꞌulma̱nk mokon.

Daniel 9:23

Chalen nak xatiquib tzꞌa̱ma̱nc chiru li Dios, aꞌan xrabi la̱ tij ut tixba̱nu li cꞌaꞌru xatzꞌa̱ma. Joꞌcan nak xinixtakla chak a̱cuiqꞌuin chixyebal a̱cue lix ya̱lal. La̱at raro̱cat xban li Dios. Chacuabi li tinye a̱cue re nak ta̱tau ru lix ya̱lal li quicꞌutbesi̱c cha̱cuu xban li Ka̱cuaꞌ.

Apocalipsis 1:9

La̱in laj Juan, le̱ rech aj pa̱banelil. La̱in xintzꞌakon ajcuiꞌ riqꞌuin xcuybal li raylal saꞌ xcꞌabaꞌ li Jesucristo e̱rochben la̱ex li sicꞌbil e̱ru xban li Ka̱cuaꞌ. La̱in cuanquin arin saꞌ li naꞌajej Patmos li sutsu riqꞌuin haꞌ xban nak xinchꞌolob xya̱lal li ra̱tin li Dios ut xinye resil li Jesucristo.

San Juan 3:32

Ut li cꞌaꞌru quiril ut quirabi, aꞌan li naxchꞌolob xya̱lal. Abanan moco qꞌuiheb ta li nequeꞌpa̱ban re li cꞌaꞌru naxye.

Daniel 9:21

Toj yo̱quin ajcuiꞌ chi tijoc nak quicuil li ángel Gabriel li quixcꞌutbesi rib chicuu junxil saꞌ li visión. Yo̱ chak chi rupupic ut saꞌ a̱nil quicuulac cuiqꞌuin saꞌ x-o̱ril li mayejac li naba̱numan ecuu.

San Juan 15:15

La̱ex ma̱cuaꞌakex chic yal aj cꞌanjel xban nak junak laj cꞌanjel incꞌaꞌ naxnau cꞌaꞌru yo̱ lix patrón. Abanan la̱in xinye e̱re chixjunil li naxye cue lin Yucuaꞌ. Aꞌan naxcꞌut nak raro̱quex inban.

Daniel 8:16

Ut quicuabi jun xya̱b cux jun pacꞌal li nimaꞌ Ulai chanchan xya̱b xcux cui̱nk. Quixjap re chixyebal: —At Gabriel, ye re aꞌan cꞌaꞌru xya̱lal li visión li xril, chan.

Salmos 25:14

Li Ka̱cuaꞌ nacuan chi sum a̱tin riqꞌuineb li nequeꞌxxucua ru ut naxcꞌut chiruheb cꞌaꞌru lix ya̱lal li contrato li quixba̱nu riqꞌuineb.

Apocalipsis 4:1

Ut chirix aꞌan quicuil jun chic li visión. Quicuil jun li oqueba̱l teto saꞌ choxa. Ut quicuabi cuiꞌchic li xya̱b li cux li quicuabi xbe̱n cua, chanchan xya̱b jun li trompeta nak yo̱ chi a̱tinac, ut quixye cue: —Taken chak arin ut tincꞌutbesi cha̱cuu li cꞌaꞌak re ru ta̱cꞌulma̱nk mokon, chan.

San Juan 12:49

Li cꞌaꞌru yo̱quin chixyebal, aꞌan tzꞌakal ya̱l xban nak moco injunes ta yo̱quin chi a̱tinac. Li Yucuaꞌbej li quitaklan chak cue, aꞌan li nayehoc cue cꞌaꞌru tinye.

San Juan 8:26

Nabal li cꞌaꞌak re ru naru tinye raj e̱re re xrakbal a̱tin saꞌ e̱be̱n. Li ani quitaklan chak cue, aꞌan ti̱c xchꞌo̱l ut naxye li ya̱l. Li cꞌaꞌru xcꞌut chicuu li quitaklan chak cue, aꞌan li ninye e̱re la̱ex li cuanquex saꞌ ruchichꞌochꞌ, chan.

Apocalipsis 21:2

Ut quicuil nak yo̱ chak chi cubec saꞌ choxa cuan cuiꞌ li Dios li santil tenamit, li Acꞌ Jerusalén. Cꞌajoꞌ xchꞌinaꞌusal. Chanchan jun li ixakilbej tikibanbil chi cha̱bil xban nak oc re chi sumla̱c.

Romanos 16:25

Chikalokꞌonihak taxak li Ka̱cuaꞌ Dios, li cuan xcuanquil re xqꞌuebal xcacuilal kachꞌo̱l saꞌ li kapa̱ba̱l. Ninchꞌolob xya̱lal che̱ru chirix li colba-ib saꞌ xcꞌabaꞌ li Jesucristo. Najter kꞌe cutan mukmu chak lix ya̱lal chiku; aban anakcuan cꞌutbesinbil chic lix ya̱lal chiku.

San Juan 17:8

La̱in xinye reheb li cꞌaꞌru xaye cue ut xeꞌxcꞌul li cua̱tin. Xeꞌxqꞌue retal nak relic chi ya̱l a̱cuiqꞌuin xinchal chak ut xeꞌxpa̱b nak la̱at xattaklan chak cue.

Tito 1:1

La̱in laj Pablo. Yo̱quin chi tzꞌi̱bac a̱cuiqꞌuin, at Tito. Nincꞌanjelac chiru li Dios ut la̱in x-apóstol li Jesucristo. Xakabanbilin xban li Jesucristo re xtenkꞌanquileb li sicꞌbileb ru xban li Dios re nak tzꞌakalak re ru lix pa̱ba̱leb. Ut xakabanbilin re xtenkꞌanquileb re nak teꞌxtau ru chi tzꞌakal lix ya̱lal li colba-ib ut ta̱ti̱cobresi̱k lix chꞌo̱leb.

Apocalipsis 5:7

Li Jun li chanchan carner quichal ut quixchap li botbil hu li cuan saꞌ xnim ukꞌ li cꞌojcꞌo saꞌ li lokꞌlaj cꞌojariba̱l.

Apocalipsis 17:1

Ut jun reheb li cuukub chi ángel, li cuanqueb li cuukub chi secꞌ riqꞌuineb, quixye cue: —Quim arin. Tincꞌut cha̱cuu jun li ixk li naxcꞌayi rib chunchu saꞌ xbe̱n li haꞌ retalil li nimal tenamit Babilonia li cuan xcuanquil saꞌ xbe̱neb nabal chi tenamit. Tincꞌut cha̱cuu li tojba ma̱c li xchal saꞌ xbe̱n li tenamit aꞌan xban li ma̱usilal nequeꞌxba̱nu.

Apocalipsis 19:9

Ut li ángel quixye cue: —Tzꞌi̱ba retalil aꞌin: Us xak reheb li bokbileb chixninkꞌeinquil lix sumlajic li Jun li chanchan carner.— Ut quixye ajcuiꞌ cue: —Aꞌin ra̱tin li Dios ut tzꞌakal ya̱l, chan.

Apocalipsis 19:10

La̱in quincuikꞌib cuib chiru chixlokꞌoninquil. Ut aꞌan quixye cue: —Ma̱ba̱nu aꞌan. La̱in yal aj cꞌanjelin chiru li Dios joꞌ la̱at, ut joꞌ eb ajcuiꞌ la̱ cuech aj pa̱banelil, li nequeꞌxpa̱b lix ya̱lal li quixchꞌolob li Jesús. Li Dios, aꞌan li ta̱lokꞌoni, chan cue, xban nak li quixchꞌolob li Jesús, aꞌan ajcuiꞌ li musikꞌanbil reheb li profeta.—

Apocalipsis 21:9

Quichal jun reheb li cuukub chi ángel li queꞌcuan li cuukub chi secꞌ riqꞌuineb, li cuan cuiꞌ li cuukub chi raylal li queꞌxcꞌul saꞌ rosoꞌjic, ut quixye cue: —Quim. Tincꞌut cha̱cuu li ixk li ta̱sumla̱k cuiꞌ li Jun li chanchan carner, chan.

Apocalipsis 22:1

Ut li ángel quixcꞌut chicuu li nimaꞌ li naqꞌuehoc yuꞌam chi junelic. Li haꞌ sak sak ru. Chanchan lem. Na-el chak cuan cuiꞌ lix lokꞌlaj cꞌojariba̱l li Dios ut li Jun li chanchan carner.

Apocalipsis 22:8

La̱in laj Juan li quin-abin ut quin-iloc re chixjunil li cꞌaꞌak re ru aꞌin. Nak acak xcuabi ut nak acak xcuil, quincuikꞌib cuib chiru li ángel li quicꞌutuc chicuu chixjunil li cꞌaꞌak re ru aꞌin re raj xlokꞌoninquil.

Apocalipsis 22:9

Abanan li ángel quixye cue: —Ma̱ba̱nu chi joꞌcan. Mina̱lokꞌoni. La̱in yal aj cꞌanjelin joꞌ la̱at, joꞌeb ajcuiꞌ li profeta la̱ cuech aj pa̱banelil, joꞌqueb ajcuiꞌ li nequeꞌpa̱ban re li a̱tin li tzꞌi̱banbil saꞌ li hu aꞌin. Aꞌ li Dios, aꞌan li ta̱lokꞌoni ru, chan.