Amós 9:9 - Li Santil hu

⁹ Tincanabeb laj Israel chi chapecꞌ xbaneb li jalan xtenamit. Chanchan nak nachikꞌeꞌ li ru li trigo saꞌ li naꞌajej li natzꞌilman cuiꞌ ut ma̱ jun li ru cha̱bil natzꞌekeꞌ saꞌ chꞌochꞌ.

Q'eqchi Bible

⁹ Tink'eheb' chi poqleek laj Israel xb'aaneb' li k'iila tenamit, jo' na'uxk re li triiw sa' li chiq'leb'aal, chi maajun t'orol li ru nat'ane'k chiru ch'och'.

Amós 9:9 ပူးပေါင်းရင်းမြစ်များ

San Lucas 22:31

Ut quixye li Ka̱cuaꞌ: —At Simón, laj tza ac xpatzꞌ xlese̱ns re nak tixyal rix le̱ pa̱ba̱l joꞌ nak nachikꞌeꞌ ru li trigo re risinquil li rix.

Deuteronomio 28:64

Li Ka̱cuaꞌ tixchaꞌchaꞌi e̱ru yalak bar saꞌ ruchichꞌochꞌ. Ut saꞌ eb li naꞌajej aꞌan te̱lokꞌoni li jalanil dios li yi̱banbil riqꞌuin cheꞌ ut pec, chi moco la̱ex chi moco le̱ xeꞌto̱nil yucuaꞌ queꞌxlokꞌoniheb junxil.

Isaías 30:28

Nak namusikꞌac li Ka̱cuaꞌ, aꞌan chanchan jun li nimaꞌ li yo̱ chi butꞌi̱nc ut lix chamal nacuulac toj saꞌ xcuxeb li cristian ut naxsach chixjunil. Li Ka̱cuaꞌ tixtzꞌil rix li nequeꞌxba̱nu li xni̱nkal ru tenamit ut tixram xbeheb li yo̱queb chixba̱nunquil li ma̱usilal. Chanchan nak naqꞌueheꞌ li chꞌi̱chꞌ saꞌ re li cacua̱y.

Levítico 26:33

La̱in tinjeqꞌui e̱ru saꞌ xya̱nkeb li xni̱nkal ru tenamit. Ut tebinqꞌue li xicꞌ nequeꞌiloc e̱re che̱ra̱linanquil riqꞌuin chꞌi̱chꞌ. Tinsach ru le̱ naꞌaj ut juqꞌuinbilakeb chic le̱ tenamit.

Jeremías 31:36

Cui li sakꞌe ut eb li chahim ut li po ma̱cꞌaꞌakeb chic, ma̱cꞌaꞌakeb ajcuiꞌ chic lin tenamit Israel.

Jeremías 46:28

Mexxucuac la̱ex li ralal xcꞌajol laj Jacob laj cꞌanjel chicuu. La̱in tincua̱nk e̱riqꞌuin. La̱in tinsach ruheb chixjunileb li xni̱nkal ru tenamit li texinjeqꞌui cuiꞌ, abanan la̱in incꞌaꞌ texinsach chi junaj cua. Tento nak texinqꞌue chixtojbal e̱ma̱c, abanan saꞌ ti̱quilal tinba̱nu, chan li Ka̱cuaꞌ.

Jeremías 49:36

Tebinqꞌue chi cha̱lc saꞌ xca̱ pacꞌalil li ruchichꞌochꞌ eb li teꞌcha̱lk chi pletic riqꞌuineb laj Elam ut teꞌjeqꞌui̱k ruheb saꞌ chixjunil li ruchichꞌochꞌ. Ut ma̱ jun li xni̱nkal tenamit incꞌaꞌ ta teꞌcuulak eb laj Elam chixcolbal cuiꞌ ribeb.

Ezequiel 5:10

Eb li yucuaꞌbej teꞌxtiu li ralal xcꞌajoleb. Ut eb li alal cꞌajolbej teꞌxtiu lix yucuaꞌeb. La̱in tinrakok a̱tin saꞌ e̱be̱n. Tinjeqꞌui ruheb saꞌ jalan tenamit li joꞌ qꞌuial teꞌcana̱k. Chanchan cutbileb saꞌ ikꞌ tinba̱nu reheb.

Ezequiel 5:12

Jun jachal le̱ tenamit teꞌca̱mk xban caki yajel ut cueꞌej. Ut li jun jachal chic teꞌcamsi̱k chi chꞌi̱chꞌ chirix le̱ tenamit. Ut li jun jachal chic tebinjeqꞌui ru saꞌ jalan tenamit. Chanchan cutbileb saꞌ ikꞌ tinba̱nu reheb nak tincua̱linaheb chi chꞌi̱chꞌ.

Ezequiel 20:38

La̱in tincuisiheb saꞌ e̱ya̱nk li incꞌaꞌ nequeꞌraj abi̱nc chicuu, li nequeꞌxkꞌetkꞌeti ribeb ut nequeꞌxba̱nu li ma̱usilal. Tincuisiheb saꞌ eb li naꞌajej li cuanqueb cuiꞌ anakcuan. Abanan incꞌaꞌ tincanabeb chi oc saꞌ le̱ naꞌaj la̱ex aj Israel. Riqꞌuin aꞌan te̱qꞌue retal nak la̱in li Ka̱cuaꞌ.

Ezequiel 36:19

La̱in quinjeqꞌuiheb ru saꞌ eb li xni̱nkal ru tenamit. Quinrakoc a̱tin saꞌ xbe̱neb aꞌ yal chanru lix yehom xba̱nuhomeb.

Isaías 27:12

Saꞌ li cutan aꞌan li Ka̱cuaꞌ tixchꞌutubeb lix tenamit. Naticla chak cuan cuiꞌ li nimaꞌ Éufrates. Nacuulac toj saꞌ lix nuba̱leb laj Egipto. Li junju̱nk chi aj Israel teꞌchꞌutuba̱k joꞌ nak naxocman ru li trigo.

Isaías 28:28

Nequeꞌxten li ru li trigo, abanan moco cau ta nequeꞌxten re nak incꞌaꞌ ta̱puqꞌuekꞌ. Nequeꞌxnumsi ban li carre̱t saꞌ xbe̱n chi timil re risinquil li rix.

Ezequiel 39:28

Ut eb lin tenamit teꞌxqꞌue retal nak la̱in li Ka̱cuaꞌ lix Dioseb. Teꞌxqꞌue retal xban nak la̱in quincanaban reheb chi cꞌamecꞌ chi pre̱xil saꞌ jalan tenamit. Abanan anakcuan tebinchꞌutub cuiꞌchic ruheb ut tebinqꞌue cuiꞌchic chi cua̱nc saꞌ lix tenamiteb. Ma̱ jun reheb ta̱cana̱k saꞌ li naꞌajej li cuanqueb cuiꞌ chi pre̱xil.