Amós 9:8 - Li Santil hu

⁸ La̱in yo̱quin chirilbal li ma̱usilal li yo̱queb chixba̱nunquil lin tenamit. La̱in tinsach ruheb saꞌ li ruchichꞌochꞌ. Abanan incꞌaꞌ tinsacheb chixjunileb li ralal xcꞌajol laj Jacob.

Q'eqchi Bible

⁸ “Laa'in li Qaawa' junelik wank li wilob'aal sa' xb'een li awab'ejihom a'in. Jo'kan naq tinsacheb' ru laj maak a'in sa' ruuchich'och'; ab'an ink'a' tinsach chi junajwa eb' li ralal xk'ajol laj Jakob -chan li Qaawa' Yos-.

Amós 9:8 ပူးပေါင်းရင်းမြစ်များ

Jeremías 30:11

La̱in cua̱nkin e̱riqꞌuin ut la̱in tincolok e̱re. Usta tinsacheb ru chi junaj cua li tenamit li xexinjeqꞌui cuiꞌ, abanan la̱in incꞌaꞌ tinsach e̱ru chi junaj cua. La̱in tinkꞌusuk e̱re, abanan tinba̱nu saꞌ ti̱quilal. Incꞌaꞌ texincanab chi incꞌaꞌ te̱toj rix le̱ ma̱c.

Amós 9:4

Ut cui ta teꞌchapekꞌ ut teꞌcꞌamekꞌ xbaneb li xicꞌ nequeꞌiloc reheb, tintakla xcamsinquileb riqꞌuin chꞌi̱chꞌ. La̱in tebinsach ut incꞌaꞌ tincoleb, chan li Ka̱cuaꞌ.

Jeremías 44:27

La̱in tinba̱nu̱nk re nak incꞌaꞌ us tex-e̱lk. Ta̱sachekꞌ e̱ru. Eb laj judío li cuanqueb Egipto teꞌca̱mk. Teꞌcamsi̱k riqꞌuin chꞌi̱chꞌ saꞌ li ple̱t malaj ut xban cueꞌej.

Jeremías 5:10

Cha̱lkeb li xicꞌ nequeꞌiloc re lin tenamit ut cheꞌxsachak ru lin tenamit li chanchan li acui̱mk uvas. Abanan incꞌaꞌ teꞌxsach ru chi junaj cua. Caꞌaj cuiꞌ li incꞌaꞌ useb xnaꞌleb teꞌrisiheb saꞌ xya̱nkeb xban nak eb aꞌan ma̱cuaꞌ cueheb.

Joel 2:32

Abanan chixjunileb li nequeꞌya̱ban re lix cꞌabaꞌ li Ka̱cuaꞌ teꞌcolekꞌ. Saꞌ li tzu̱l Sión aran Jerusalén ta̱cua̱nk li colba-ib joꞌ yechiꞌinbil xban li Ka̱cuaꞌ. Ut li joꞌ qꞌuialeb chic li ralal xcꞌajol laj Israel li queꞌcana teꞌcolekꞌ.

Oseas 1:6

Ut lix Gomer quicuan jun chic lix cꞌulaꞌal, chꞌina xkaꞌal. Ut li Ka̱cuaꞌ quixye re laj Oseas: —Qꞌue Lo-ruhama chokꞌ xcꞌabaꞌ. (Li cꞌabaꞌej aꞌan naraj naxye: Incꞌaꞌ naraheꞌ.) Qꞌue aꞌan chokꞌ xcꞌabaꞌ xban nak la̱in incꞌaꞌ chic teꞌcuil xtokꞌoba̱l ruheb laj Israel ut incꞌaꞌ chic tebincꞌoxla chi junaj cua.

Proverbios 15:3

Li Ka̱cuaꞌ cuan yalak bar ut yo̱ chixqꞌuebal retal li cꞌaꞌru yo̱queb li cha̱bileb xnaꞌleb joꞌ ajcuiꞌ li incꞌaꞌ useb xnaꞌleb.

Proverbios 5:21

Li Ka̱cuaꞌ yo̱ chirilbal chanru lix naꞌleb li junju̱nk. Ut junelic yo̱ chixqꞌuebal retal cꞌaꞌru nequeꞌxba̱nu.

1 Reyes 13:34

Aꞌan aꞌin li ma̱c li quixba̱nu laj Jeroboam. Joꞌcan nak qui-isi̱c chokꞌ rey chi junaj cua ut queꞌcam chixjunileb li ralal xcꞌajol.

Deuteronomio 6:15

Xban nak li Ka̱cuaꞌ le̱ Dios li cuan e̱riqꞌuin najoskꞌoꞌ nak te̱lokꞌoni li jalanil dios. Naru najoskꞌoꞌ saꞌ e̱be̱n ut ma̱re tixsach e̱ru chi junaj cua.

Deuteronomio 4:31

Li Ka̱cuaꞌ incꞌaꞌ textzꞌekta̱na chi moco tixsach e̱ru xban nak aꞌan junelic jultic re li contrato li quixba̱nu riqꞌuineb le̱ xeꞌto̱nil yucuaꞌ.

Génesis 7:4

Saꞌ cuukub cutan tintakla chak li hab. Ut chiru caꞌcꞌa̱l cutan ut caꞌcꞌa̱l kꞌojyi̱n yo̱k li hab. Chixjunil li cꞌaꞌak re ru quinyoꞌobtesi saꞌ ruchichꞌochꞌ tinsach ruheb, chan li Dios.

Génesis 6:7

Li Ka̱cuaꞌ Dios quixye: —Tebinqꞌue chi osocꞌ li cristian li quinyoꞌobtesiheb, joꞌ ajcuiꞌ chixjunileb li xul li nequeꞌbe̱c ut teꞌosokꞌ li nequeꞌxjucuqui ribeb, joꞌ ajcuiꞌ li nequeꞌrupupic saꞌ choxa. Cꞌajoꞌ nak nayotꞌeꞌ inchꞌo̱l xbaneb. Incꞌaꞌ raj xebinyoꞌobtesi, chan li Dios.

Jeremías 46:28

Mexxucuac la̱ex li ralal xcꞌajol laj Jacob laj cꞌanjel chicuu. La̱in tincua̱nk e̱riqꞌuin. La̱in tinsach ruheb chixjunileb li xni̱nkal ru tenamit li texinjeqꞌui cuiꞌ, abanan la̱in incꞌaꞌ texinsach chi junaj cua. Tento nak texinqꞌue chixtojbal e̱ma̱c, abanan saꞌ ti̱quilal tinba̱nu, chan li Ka̱cuaꞌ.

Amós 3:12

Ut quixye ajcuiꞌ li Ka̱cuaꞌ: —Nak junak laj ilol xul tixyal xmakꞌbal lix carner saꞌ re li cakcoj, ma̱re caꞌaj cuiꞌ li rok cuib tixcol malaj ut jun pedasak xxic. Joꞌcan ajcuiꞌ te̱cꞌul la̱ex aj Israel. Moco qꞌuihex ta li texcolekꞌ saꞌ li naꞌajej Samaria. Anakcuan nequexhilan saꞌ li cha̱bil chꞌa̱t aran Damasco. Abanan ta̱cha̱lk raylal saꞌ e̱be̱n.

Amós 7:17

La̱ cuixakil ta̱yumbe̱tak saꞌ li tenamit ut eb la̱ cualal a̱cꞌajol teꞌcamsi̱k saꞌ li ple̱t. La̱ chꞌochꞌ ta̱jeqꞌui̱k reheb jalan. Ut la̱at toxatca̱mk saꞌ jalan tenamit saꞌ xya̱nkeb li incꞌaꞌ nequeꞌxcꞌoxla li Dios. Ut la̱ex aj Israel texchapekꞌ ut texcꞌamekꞌ chi najt saꞌ jalan tenamit, chan.

Amós 9:10

Teꞌcamsi̱k riqꞌuin chꞌi̱chꞌ chixjunileb laj ma̱c saꞌ xya̱nkeb lin tenamit Israel. Teꞌcamsi̱k li nequeꞌxye chi joꞌcaꞌin: Ma̱cꞌaꞌ takacꞌul la̱o, chi moco toloxtau li raylal toj arin, chanqueb.

Oseas 1:4

Ut li Ka̱cuaꞌ quixye re laj Oseas: —Qꞌue aj Jezreel chokꞌ xcꞌabaꞌ li cꞌulaꞌal aꞌin xban nak chi se̱b tinqꞌue chixtojbal xma̱c li ralal xcꞌajol laj Jehú xban li camsi̱nc queꞌxba̱nu aran Jezreel. Tinsacheb xcuanquileb li ralal xcꞌajol ut incꞌaꞌ chic teꞌtakla̱nk saꞌ xbe̱neb laj Israel.