Amós 9:7 - Li Santil hu

⁷ Joꞌcaꞌin naxye li Ka̱cuaꞌ reheb laj Israel: —Chicuu la̱in, la̱ex juntakꞌe̱tex riqꞌuineb laj Etiopía. ¿Ma ma̱cuaꞌ ta biꞌ la̱in quin-isin chak e̱re aran Egipto? Ut, ¿ma ma̱cuaꞌ ta biꞌ la̱in quin-isin reheb laj filisteo saꞌ li naꞌajej Creta ut eb laj arameo saꞌ li naꞌajej Kir? chan li Ka̱cuaꞌ Dios.

Q'eqchi Bible

⁷ Jo'ka'in kixye li Qaawa': “Ex aj Israel, chiwu laa'in juntaq'eetex rik'ineb' laj Etiopía ut rik'ineb' chixjunileb' li tenamit. Jo' naq kexwisi chaq Ejiipt, jo'kan ajwi' naq kiwisiheb' laj Filistea aran Kreta ut eb' laj Aram kiwisiheb' chaq Kir.

Amós 9:7 ပူးပေါင်းရင်းမြစ်များ

Jeremías 47:4

Xcuulac xkꞌehil nak ta̱sachekꞌ ruheb laj filisteo. Teꞌsachekꞌ ruheb li teꞌraj xtenkꞌanquileb laj Tiro ut laj Sidón. Li Ka̱cuaꞌ oc re chixsachbal ruheb laj filisteo, li joꞌ qꞌuial incꞌaꞌ queꞌsacheꞌ ru aran Caftor chire li palau.

2 Reyes 16:9

Lix reyeb laj Asiria quixba̱nu li cꞌaꞌru quiraj li rey Acaz. Quipletic riqꞌuineb laj Siria ut quire̱chani li tenamit Damasco. Quixcamsi li rey Rezín ut quixchapeb li cuanqueb Damasco ut quixcꞌameb chi pre̱xil toj saꞌ li tenamit Kir.

Deuteronomio 2:23

Ut eb laj Caftor queꞌxsach ruheb laj aveo li queꞌcuan saꞌ li naꞌajej nacuulac toj Gaza. Ut eb laj caftoreo queꞌcana chi cua̱nc saꞌ lix naꞌajeb.)

Amós 2:10

La̱in xin-isin chak e̱re aran Egipto ut caꞌcꞌa̱l (40) chihab xexinberesi saꞌ li chaki chꞌochꞌ. Ut la̱in xinqꞌuehoc e̱re lix naꞌajeb laj amorreo.

Amós 1:5

Tintꞌaneb li oqueba̱l re li tzꞌac li sutsu cuiꞌ li tenamit Damasco ut tinsacheb li cuanqueb saꞌ li ru takꞌa Avén ut tinsacheb ajcuiꞌ li nequeꞌtaklan aran Bet-edén. Ut li tenamit cuanqueb Siria teꞌcꞌamekꞌ chi pre̱xil toj saꞌ li tenamit Kir, chan li Ka̱cuaꞌ.

Oseas 12:13

Li Ka̱cuaꞌ riqꞌuin profeta quirisiheb chak laj Israel aran Egipto. Ut riqꞌuin profeta, quixberesiheb.

Jeremías 13:23

Junak cui̱nk li kꞌek xtibel incꞌaꞌ naru ta̱sakokꞌ xtibel, chi moco naru ta̱jala̱k rix li chꞌohix. Joꞌcan ajcuiꞌ la̱ex. Incꞌaꞌ naru te̱ba̱nu li us xban nak ac cꞌaynakex chixba̱nunquil li ma̱usilal.

Isaías 22:6

Eb li soldados teꞌcha̱lk toj Elam chirix cacua̱y. Cua̱nk chak saꞌ rukꞌeb lix tzimaj. Ut eb li soldados li teꞌcha̱lk toj Kir cua̱nk chak saꞌ rukꞌeb lix chꞌi̱chꞌ re xcolbal re xchꞌo̱leb.

Isaías 20:4

Lix reyeb laj Asiria ta̱numta̱k saꞌ xbe̱neb laj Egipto ut eb laj Etiopía. Tixchapeb li tenamit ut tixcꞌameb chi pre̱xil. Joꞌ ni̱nk joꞌ cocꞌ teꞌxic chi ma̱cꞌaꞌ xa̱b chi rok ut chi ma̱cꞌaꞌeb rakꞌ. Cꞌajoꞌ nak teꞌxuta̱na̱k eb laj Egipto nak teꞌxic chi tꞌustꞌu̱queb.

Éxodo 12:51

Ut saꞌ li cutan aꞌan li Ka̱cuaꞌ Dios quilajrisiheb chak laj Israel saꞌ li tenamit Egipto. Nequeꞌtzololnac nak queꞌel laj Israel chi junju̱nk chꞌu̱tal aran Egipto.

Isaías 43:3

La̱in li Ka̱cuaꞌ le̱ Dios. La̱in le̱ santil Dios la̱ex aj Israel. La̱in laj Colol e̱re. La̱in xinkꞌaxtesiheb laj Egipto chokꞌ e̱ru̱chil la̱ex ut xinqꞌueheb laj Etiopía ut laj Seba chokꞌ e̱re̱kaj.

2 Crónicas 14:9

Laj Zera lix reyeb laj Etiopía queꞌco̱eb toj saꞌ li tenamit Maresa chi pletic riqꞌuin laj Asa. Cuanqueb jun millón lix soldado ut oxib ciento lix carruaje re pletic.

2 Crónicas 14:12

Ut li Dios quixtenkꞌaheb li rey Asa joꞌ eb ajcuiꞌ laj Judá chi numta̱c saꞌ xbe̱neb laj Etiopía toj retal queꞌe̱lelic.