Amós 9:14 - Li Santil hu

¹⁴ Ut tincꞌameb cuiꞌchic lin tenamit Israel saꞌ lix naꞌajeb. Ut teꞌxyi̱b cuiꞌchic lix tenamiteb li qui-osoꞌ ut aran teꞌcua̱nk. Teꞌa̱uk cuiꞌchic uvas ut teꞌrucꞌ lix yaꞌal. Teꞌrau cuiꞌchic li racui̱mk ut teꞌxtzaca li ru li naxqꞌue.

Q'eqchi Bible

¹⁴ Toja' naq tink'ameb' chaq wi' chik lintenamit Israel sa' li xna'ajeb'. Te'xyiib' wi' chik eb' li tenamit li ke'juk'mank, ut aran te'wanq; te'awq uub' ut te'uk'aq b'iin; te'awq ut te'xtzeka li ru.

Amós 9:14 ပူးပေါင်းရင်းမြစ်များ

Isaías 61:4

Teꞌxyi̱b cuiꞌchic li tenamit li ac jucꞌbil junxil. Teꞌxcuaclesiheb li cab li queꞌpoꞌi najter. Ut teꞌxcuaclesi cuiꞌchic li tenamit li quilajeꞌtꞌaneꞌ najter.

Jeremías 30:3

Ta̱cuulak xkꞌehil nak la̱in tinqꞌueheb cuiꞌchic chi sukꞌi̱c saꞌ lix naꞌajeb lin tenamit li cuanqueb chi pre̱xil. Tinqꞌueheb chi sukꞌi̱c saꞌ li naꞌajej li quinqꞌue reheb lix xeꞌto̱nil yucuaꞌeb re nak teꞌcua̱nk aran, chan li Dios.

Jeremías 30:18

Ut quixye cuiꞌchic li Ka̱cuaꞌ: —La̱in tincꞌameb cuiꞌchic lin tenamit saꞌ li naꞌajej li quinqꞌue re laj Jacob. Tincuil xtokꞌoba̱l ru lix tenamiteb. Ta̱yi̱ba̱k cuiꞌchic li tenamit saꞌ xbe̱n li quipoꞌeꞌ najter. Ut li palacio ta̱xakaba̱k cuiꞌchic saꞌ lix naꞌaj joꞌ nak quicuan junxil.

Ezequiel 28:26

Ut aran teꞌcua̱nk laj Israel chi ma̱cꞌaꞌak xcꞌaꞌuxeb. Teꞌcablak cuiꞌchic ut teꞌrau lix uvas. Ut ma̱ ani chic ta̱chꞌiꞌchꞌiꞌi̱nk reheb xban nak la̱in tinqꞌueheb chixtojbal lix ma̱queb chixjunileb li tenamit li cuanqueb chixjun sutam li queꞌrahobtesin reheb lin tenamit. Ut eb aꞌan teꞌxqꞌue retal nak la̱in li Ka̱cuaꞌ lix Dioseb.—

Jeremías 31:28

Chanru nak xebinqꞌue saꞌ raylal ut xeꞌcuisi saꞌ lix naꞌajeb, ut xinrahobtesiheb ut xebinsach, joꞌcan ajcuiꞌ nak tebincuaclesi cuiꞌchic ut tintenkꞌaheb chixyi̱banquil lix tenamiteb re nak teꞌcua̱nk aran.

Isaías 65:21

Teꞌxyi̱b li rochocheb ut aran teꞌcua̱nk. Teꞌa̱uk ut teꞌxtzaca li ru li racui̱mkeb.

Salmos 53:6

Riqꞌuin ta li Dios li cuan Sión chicha̱lk lix colbaleb laj Israel. Li Ka̱cuaꞌ Dios taxak chicolok reheb li ralal xcꞌajol saꞌ rukꞌeb li nequeꞌnumta saꞌ xbe̱neb. Cheꞌsahokꞌ taxak xchꞌo̱leb laj Israel, li ralal xcꞌajol laj Jacob nak li Dios tixcꞌameb cuiꞌchic saꞌ xtenamiteb.

Ezequiel 39:25

Li nimajcual Dios quixye: —Abanan anakcuan la̱in tincuuxta̱na cuiꞌchic ruheb laj Israel li ralal xcꞌajol laj Jacob, li joꞌ qꞌuial incꞌaꞌ queꞌcamsi̱c. La̱in teꞌcuisi chi pre̱xil re nak ta̱qꞌuehekꞌ xlokꞌal lin santil cꞌabaꞌ.

Ezequiel 16:53

Li Ka̱cuaꞌ quixye ajcuiꞌ reheb laj Jerusalén: La̱in tinqꞌue cuiꞌchic lix biomaleb laj Sodoma ut eb laj Samaria joꞌ eb ajcuiꞌ lix coꞌ. Ut chirix aꞌan tinqꞌue cuiꞌchic la̱ biomal la̱at.

Jeremías 31:23

Li Ka̱cuaꞌ lix Dioseb laj Israel quixye: —La̱in tebincꞌam cuiꞌchic laj Israel saꞌ lix naꞌajeb aran Judá. Nak cua̱nkeb saꞌ lix tenamiteb, teꞌxye, “Li Ka̱cuaꞌ taxak chi-osobtesi̱nk re lix santil tzu̱l li cuan Jerusalén, li santil naꞌajej li nacuan cuiꞌ”.

Sofonías 1:13

Ta̱makꞌekꞌ chiruheb chixjunil li cꞌaꞌru cuan reheb. Ut li rochocheb teꞌsachekꞌ chiruheb. Teꞌxyi̱b li rochocheb abanan incꞌaꞌ teꞌcua̱nk chi saꞌ. Teꞌa̱uk uvas, abanan incꞌaꞌ teꞌxyal li xyaꞌal li ru.

Amós 5:11

Querahobtesiheb li nebaꞌ ut querelkꞌa li ruheb lix trigo. Joꞌcan nak incꞌaꞌ texcua̱nk saꞌ le̱ rochoch li xeyi̱b chi cha̱bil riqꞌuin pec. Ut incꞌaꞌ chic te̱rucꞌ li vino yi̱banbil riqꞌuin li ru li cha̱bil uvas li xerau.

Salmos 107:37

Queꞌrau li acui̱mk saꞌ li cꞌaleba̱l ut queꞌrau li uvas. Ut nabal li ruheb li racui̱mk li queꞌxxoc.

Isaías 60:4

Qꞌuehomak retal li cꞌaꞌru yo̱ chi cꞌulma̱nc. Eb le̱ tenamit yo̱queb chixchꞌutubanquileb rib re nak teꞌxic cuiꞌchic saꞌ xtenamiteb. Eb le̱ ralal e̱cꞌajol yo̱queb chi cha̱lc saꞌ najtil tenamit.

Jeremías 12:15

Abanan nak ac xcuisiheb saꞌ lin naꞌaj, la̱in tincuil cuiꞌchic xtokꞌoba̱l ruheb. Tintaklaheb cuiꞌchic chi cua̱nc chi xjunju̱nkaleb saꞌ lix tenamiteb.

Jeremías 23:8

Teꞌxpatzꞌ ban li naꞌajej li cuan saꞌ li norte ut eb li naꞌajej li queꞌjeqꞌui̱c cuiꞌ ruheb nak teꞌxba̱nu li juramento saꞌ incꞌabaꞌ la̱in. Ut eb laj Israel teꞌcua̱nk cuiꞌchic saꞌ lix naꞌajeb, chan li Dios.

Jeremías 24:6

La̱in tin-ilok reheb ut tincꞌameb cuiꞌchic chak arin saꞌ lix naꞌajeb. Tintenkꞌaheb ut incꞌaꞌ tinsacheb. Tebinqꞌue cuiꞌchic saꞌ lix naꞌajeb ut incꞌaꞌ chic tincuisiheb.

Jeremías 31:5

Te̱rau cuiꞌchic le̱ uvas saꞌ eb li tzu̱l li cuanqueb Samaria. Eb laj acuinel teꞌa̱uk ut teꞌxyal xsahil li ru li racui̱mkeb.

Jeremías 32:15

Ba̱nu chi joꞌcan xban nak li Ka̱cuaꞌ li nimajcual Dios, lix Dioseb laj Israel naxye chi joꞌcaꞌin: Ta̱cuulak xkꞌehil nak ta̱lokꞌma̱nk cuiꞌchic li ochoch, li cꞌaleba̱l ut lix naꞌaj li acui̱mk uvas saꞌ li naꞌajej aꞌin, chan.

Jeremías 32:37

Relic chi ya̱l la̱in tinchꞌutubeb lin tenamit saꞌ chixjunil li naꞌajej li xinjeqꞌuiheb cuiꞌ nak yo̱ injoskꞌil saꞌ xbe̱neb. Quinjeqꞌuiheb xban nak kꞌaxal quinumta lin joskꞌil saꞌ xbe̱neb. La̱in tincꞌameb cuiꞌchic saꞌ li naꞌajej aꞌin ut tinqꞌueheb chi cua̱nc saꞌ tuktu̱quil usilal.

Jeremías 33:7

Tebinsukꞌisi cuiꞌchic saꞌ lix tenamiteb laj Judá li queꞌcꞌameꞌ chi pre̱xil joꞌ eb ajcuiꞌ laj Israel. Tebinqꞌue cuiꞌchic chi cua̱nc saꞌ lix tenamiteb joꞌ nak queꞌcuan junxil.

Ezequiel 37:21

Ut ta̱ye reheb nak la̱in li nimajcual Dios tincuisiheb chak chixjunileb laj Israel saꞌ eb li jalan tenamit li cuanqueb cuiꞌ chak. Tinchꞌutubeb ut tincꞌameb cuiꞌchic saꞌ lix tenamiteb.

Jeremías 16:15

Teꞌxpatzꞌ ban li naꞌajej li cuan saꞌ li norte ut eb li naꞌajej li queꞌjeqꞌui̱c cuiꞌ ruheb nak teꞌxba̱nu li juramento saꞌ incꞌabaꞌ la̱in. Relic chi ya̱l la̱in tinqꞌueheb cuiꞌchic chi sukꞌi̱c saꞌ li naꞌajej li quinqꞌue reheb lix xeꞌto̱nil yucuaꞌ.

Jeremías 29:14

Nak tine̱sicꞌ tine̱tau. La̱in texinqꞌue chi sukꞌi̱c saꞌ le̱ naꞌaj. La̱in texinchꞌutub saꞌ chixjunileb li naꞌajej li xinjeqꞌui cuiꞌ e̱ru. Texcuisi chak saꞌ li naꞌajej li xexcꞌameꞌ cuiꞌ, chan li Ka̱cuaꞌ.

Jeremías 33:11

Ta̱abima̱nk cuiꞌchic xya̱b xcuxeb li yo̱queb chixjapbal reheb xban xsahil xchꞌo̱leb. Ta̱abima̱nk nak yo̱keb chi sahokꞌ saꞌ xchꞌo̱leb li yo̱queb chi ninkꞌei̱c saꞌ li sumla̱c. Ta̱abi̱k ajcuiꞌ xya̱b xcuxeb nak yo̱keb chixlokꞌoninquil li Dios ut nequeꞌxye: Lokꞌoninbil taxak li Ka̱cuaꞌ li nimajcual Dios xban nak aꞌan cha̱bil ut kꞌaxal nim li ruxta̱n saꞌ kabe̱n junelic. Ta̱abi̱k ajcuiꞌ xya̱b xcuxeb nak yo̱keb chixcꞌambal lix mayejeb re bantioxi̱nc saꞌ lix templo li Ka̱cuaꞌ. Tebinqꞌue cuiꞌchic chi sukꞌi̱c saꞌ lix naꞌajeb eb li queꞌcꞌameꞌ chi pre̱xil ut teꞌcua̱nk cuiꞌchic joꞌ nak queꞌcuan junxil.

Sofonías 2:7

Ut li joꞌ qꞌuial chic li teꞌcolekꞌ saꞌ li naꞌajej Judá, aꞌaneb chic teꞌe̱chani̱nk re lix naꞌajeb laj Ascalón ut aran chic teꞌcua̱nk. Chiru li kꞌojyi̱n teꞌcua̱rk saꞌ li rochocheb laj Ascalón xban nak li Ka̱cuaꞌ lix Dioseb tixtenkꞌaheb ut ta̱rosobtesiheb cuiꞌchic.