Amós 9:13 - Li Santil hu

¹³ Li Ka̱cuaꞌ naxye chi joꞌcaꞌin: —Ta̱cuulak xkꞌehil nak li acui̱mk tixqꞌue chi nabal li ru. Ma̱jiꞌak ajcuiꞌ nequeꞌrakeꞌ chi kꞌoloc nak teꞌoc cuiꞌchic chi a̱uc. Ut toj ma̱jiꞌak ajcuiꞌ nequeꞌrakeꞌ chixyatzꞌbal li ru li uvas nak teꞌoc cuiꞌchic chi a̱uc. Ut li uvas li cuanqueb yalak bar saꞌ eb li tzu̱l teꞌu̱chi̱nk chi us ut nabal li xyaꞌal ta̱e̱lk.

Q'eqchi Bible

¹³ “Taawulaq xkutankil naq toj yooq li xokok triiw ut taa'uxq ajwi' li k'alek; ut naq toj maji' naraqe'k li yatz'ok uub', taatiklaaq rawb'al li triiw. Jo'aq li nima' naq taa'elq li b'iin sa'eb' li tzuul ut sa'eb' li b'ool.

Amós 9:13 ပူးပေါင်းရင်းမြစ်များ

Joel 3:18

Saꞌ eb li cutan aꞌan cha̱bilak chic li chꞌochꞌ. Ta̱e̱lk chi nabal li ru li racui̱mkeb laj Judá. Lix qꞌuial lix vino ut lix leche chanchanak chic lix qꞌuial li haꞌ li na-el saꞌ eb li tzu̱l. Ut nabal li haꞌ ta̱cua̱nk saꞌ eb li rok haꞌ saꞌ li naꞌajej Judá. Saꞌ lin santil templo ta̱e̱lk chak li yuꞌam haꞌ re tixtꞌakresi chixjunil li ru takꞌa Sitim.

San Juan 4:35

La̱ex nequeye, “Toj ta̱numekꞌ ca̱hib po chic tojoꞌnak to-oc chi kꞌoloc”, chanquex. Abanan la̱in ninye e̱re us xtiquibanquil anakcuan. Ilomak li qꞌuila tenamit. Chanchaneb li acui̱mk li ac xkꞌanoꞌ. Tento nak ta̱chꞌoloba̱k lix ya̱lal chiruheb.

Isaías 55:13

Chokꞌ re̱kaj li qꞌuix ta̱yoꞌla̱k li ciprés. Ut chokꞌ re̱kaj li cuara qꞌuix ta̱yoꞌla̱k li cuau̱t. Riqꞌuin aꞌan ta̱cꞌutu̱nk nak kꞌaxal nim xcuanquil li Ka̱cuaꞌ. Ut li retalil aꞌin ma̱ jokꞌe ta̱sachma̱nk. Ta̱cua̱nk ban chi junelic.

Levítico 26:5

Nabal li ru li trigo tixqꞌue. Toj yo̱kex ajcuiꞌ chixsicꞌbal nak ta̱cuulak xkꞌehil xsicꞌbal ru li uvas. Ut nabal ru li uvas tixqꞌue. Toj ma̱ji ajcuiꞌ nequechoy xsicꞌbal ru li uvas nak ta̱cuulak xkꞌehil li a̱uc. Textzaca̱nk chi us toj retal ta̱cꞌojla̱k e̱chꞌo̱l. Sahak saꞌ le̱ chꞌo̱l ut cua̱nkex saꞌ xya̱lal saꞌ le̱ naꞌaj.

Ezequiel 36:35

Ut teꞌxye, “Li naꞌajej aꞌin poꞌbil nak queꞌcuan ut ma̱cꞌaꞌ cuan chi saꞌ. Abanan anakcuan cha̱bil chic. Chanchan li naꞌajej Edén. Eb li tenamit poꞌbil nak queꞌcuan ut ma̱cꞌaꞌ cristian. Abanan cauresinbil chic li tenamit ut nabal li cristian cuanqueb.”

Joel 3:20

Ta̱nima̱nk cuiꞌchic li tenamit Jerusalén ut ta̱cana̱k chokꞌ nimla tenamit chi junelic. Ut eb laj Judá teꞌcua̱nk cuiꞌchic saꞌ lix naꞌajeb ut ma̱ ani chic ta̱isi̱nk reheb.

Salmos 97:5

Eb li tzu̱l nequeꞌhaꞌoꞌ chiru li Ka̱cuaꞌ, laj e̱chal re chixjunil li ruchichꞌochꞌ. Chanchan nak nahaꞌoꞌ li cera.

Jueces 5:5

At Ka̱cuaꞌ, xban nak nim a̱cuanquil, eb li tzu̱l quilajeꞌecꞌan saꞌ xnaꞌaj. Li tzu̱l Sinaí qui-ecꞌan saꞌ xnaꞌaj xban la̱ cuanquil la̱at, at kaDios la̱o aj Israel.

Amós 9:5

Li Ka̱cuaꞌ, li nimajcual Dios, aꞌan li na-ecꞌasin re li ruchichꞌochꞌ ut nahaꞌoꞌ. Ut chixjunileb li tenamit teꞌya̱bak xban xrahil xchꞌo̱leb. Nak teꞌsachekꞌ chanchan nak nasachoc li nimaꞌ Nilo li cuan Egipto nak nabutꞌin.

Génesis 49:11

La̱at, Judá, kꞌaxal cuiꞌchic ta̱nabalokꞌ la̱ biomal la̱at, joꞌ ajcuiꞌ reheb la̱ cualal a̱cꞌajol. Xban aꞌan naru te̱bacꞌ le̱ bu̱r saꞌ junak xto̱nal li quiꞌil kꞌe̱n uvas xcꞌabaꞌ. Te̱bacꞌ ajcuiꞌ li ral le̱ bu̱r saꞌ lix to̱nal li uvas li kꞌaxal cha̱bil. Xban nak numtajenak le̱ biomal, naru te̱puchꞌ le̱ tꞌicr saꞌ li vino ut naru te̱puchꞌ le̱ rakꞌ saꞌ xyaꞌal li uvas.

Isaías 16:10

Incꞌaꞌ chic teꞌsahokꞌ saꞌ xchꞌo̱leb nak yo̱keb chixsicꞌbal ru li racui̱mkeb. Ma̱ ani chic ta̱bicha̱nk saꞌ xnaꞌajeb li uvas. Ma̱ ani chic ta̱yatzꞌok uvas saꞌ li yatzꞌleb. Ma̱ ani chic na-ecꞌan xban nak la̱in xcuisi lix sahil xchꞌo̱leb.

Ezequiel 28:26

Ut aran teꞌcua̱nk laj Israel chi ma̱cꞌaꞌak xcꞌaꞌuxeb. Teꞌcablak cuiꞌchic ut teꞌrau lix uvas. Ut ma̱ ani chic ta̱chꞌiꞌchꞌiꞌi̱nk reheb xban nak la̱in tinqꞌueheb chixtojbal lix ma̱queb chixjunileb li tenamit li cuanqueb chixjun sutam li queꞌrahobtesin reheb lin tenamit. Ut eb aꞌan teꞌxqꞌue retal nak la̱in li Ka̱cuaꞌ lix Dioseb.—

Joel 2:24

Nak tixqꞌue ru li acui̱mk, kꞌaxal cuiꞌchic nabal tixqꞌue. Teꞌnujak li naꞌajej bar nequeꞌrisi cuiꞌ li rix li trigo. Ut teꞌnujak ajcuiꞌ li naꞌajej bar nequeꞌxyatzꞌ cuiꞌ li uvas ut li olivo.