Amós 9:1 - Li Santil hu

¹ Laj Amós quixye: —Chanchan matqꞌuenbil quinba̱nu nak quicuil li Ka̱cuaꞌ xakxo chiru li artal. Quixye cue: —Ta̱jucꞌ li templo. Ta̱cuecꞌasi li rokechal toj retal ta̱tꞌanekꞌ saꞌ xbe̱neb li tenamit. Ut eb li incꞌaꞌ teꞌca̱mk, la̱in tinqꞌuehok reheb chi camsi̱c riqꞌuin chꞌi̱chꞌ saꞌ li ple̱t re nak ma̱ ani chic ta̱colekꞌ.

Q'eqchi Bible

¹ Kiwil li Qaawa' xaqxo chi xk'atq li artal ut kixye we: “Chiq'chiq'iheb' li xjolom li oqech toj reetal te'eek'anje'q li oqech. Chaputz'iheb' toj reetal te'naq sa' xb'eeneb' li poyanam. Ut eb' li te'kole'q aran, tink'eheb' chi kamk chi q'esnal ch'iich': us ta raj te'eleliq, maajun taakole'q.

Amós 9:1 ပူးပေါင်းရင်းမြစ်များ

Salmos 68:21

Relic chi ya̱l li Ka̱cuaꞌ tixsacheb ru li xicꞌ nequeꞌiloc re. Tixsacheb chi junaj cua xban nak incꞌaꞌ nequeꞌxcanab ma̱cobc.

Apocalipsis 1:17

Nak quicuil ru quintꞌaneꞌ chi rok. Chanchan camenak quincana. Ut aꞌan quixqꞌue lix nim ukꞌ saꞌ inbe̱n ut quixye cue: —Matxucuac. La̱in li ac cuanquin chak saꞌ xticlajic li ruchichꞌochꞌ ut cua̱nkin chi junelic kꞌe cutan.

San Juan 1:18

Ma̱ ani qui-iloc ru li Dios. Caꞌaj cuiꞌ li Dios Cꞌajolbej, aꞌan tzꞌakal li cuan chi sum a̱tin riqꞌuin li Dios Acuabej. Ut aꞌan li quicꞌutbesin chiku chanru li Dios.

Habacuc 3:13

La̱at catchal chixcolbaleb la̱ tenamit ut chixcolbaleb li ac sicꞌbil ruheb a̱ban. Ut casach ru li nacꞌamoc be saꞌ xya̱nkeb li incꞌaꞌ useb xnaꞌleb. Ut casacheb ru chixjunileb li nequeꞌta̱ken re. Chanchan nak najuqꞌueꞌ jun li cab nak casach chixjunil.

Amós 3:14

Nak ta̱cuulak xkꞌehil la̱in tebinqꞌue laj Israel chixtojbal rix lix ma̱queb. Ut tinsacheb ajcuiꞌ lix artal aran Bet-el. Tinjor lix xucub li cuanqueb saꞌ li artal ut teꞌtꞌanekꞌ chi chꞌochꞌ.

Isaías 6:1

Saꞌ li chihab nak quicam li rey Uzías, chanchan matqꞌuenbil quinba̱nu nak quixcꞌutbesi rib li Ka̱cuaꞌ chicuu. Quicuil nak cꞌojcꞌo saꞌ xbe̱n jun cꞌojariba̱l saꞌ jun naꞌajej najt xteram ut ma̱ cꞌajoꞌ xchakꞌal ru. Ut quinujac li rochoch li Dios riqꞌuin li rakꞌ.

San Juan 1:32

Laj Juan quixchꞌolob xya̱lal li cꞌaꞌru quiril. Quixye: —Quicuil nak li Santil Musikꞌej quicube chak saꞌ choxa. Chanchan jun li paloma nak quicube ut quihilan saꞌ xbe̱n li Jesús.

Sofonías 2:14

Lix naꞌajeb laj Asiria ta̱cana̱k chokꞌ xnaꞌajeb li xul xban nak juqꞌuinbil chic chixjunil li naꞌajej aꞌan. Tꞌantꞌo̱keb aj chic chi cutanquil li chacalteꞌ, lix cheꞌel li rochocheb. Teꞌcua̱nk cuacax aran joꞌqueb ajcuiꞌ li xul li cuanqueb saꞌ qꞌuicheꞌ. Saꞌ xbe̱n li oqueba̱l teꞌcua̱rk li soꞌsol ut eb li cuarom. Ut ta̱abi̱k nak tixjap re saꞌ li ventana.

Ezequiel 10:4

Lix lokꞌal li Ka̱cuaꞌ qui-el saꞌ xbe̱neb li querubines ut co̱ saꞌ li oqueba̱l re li templo. Ut li templo quinujac riqꞌuin li chok. Ut li neba̱l cꞌajoꞌ nak quilemtzꞌun xban xlokꞌal li Ka̱cuaꞌ.

Ezequiel 9:2

Ut quicuil nak queꞌchal cuakibeb li cui̱nk cuan chak lix chꞌi̱chꞌeb re camsi̱nc saꞌ rukꞌeb. Eb aꞌan queꞌoc saꞌ li oqueba̱l li cuan saꞌ li norte. Saꞌ xya̱nkeb li cuakib chi cui̱nk quichal jun chic li cui̱nk lino li rakꞌ. Saꞌ xcꞌa̱mal xsaꞌ quixcꞌam chak li cꞌaꞌru ta̱cꞌanjelak re tzꞌi̱bac. Ut nak ac xeꞌoc, coxeꞌxakli̱k chiru li artal yi̱banbil riqꞌuin bronce.

Ezequiel 1:28

Nalemtzꞌun lix lokꞌal li Dios nak quicuil. Chanchan li xo̱quikꞌab li naxqꞌue rib saꞌ li chok nak yo̱ li hab. Nak quicuil lix lokꞌal li Dios, quincut cuib saꞌ chꞌochꞌ ut quicuabi xya̱b xcux nak qui-oc chi a̱tinac.

Jeremías 48:44

Li ani ta̱e̱lelik xban xxiu ta̱tꞌanekꞌ saꞌ jul. Ut li ani ta̱e̱lk saꞌ li jul ta̱chapekꞌ saꞌ li raꞌal, xban nak la̱in tintakla li raylal saꞌ xbe̱neb laj Moab re nak teꞌxtoj rix lix ma̱queb, chan li Ka̱cuaꞌ.

Isaías 30:16

La̱ex xeye: —La̱o toe̱lelik chirixeb li cacua̱y, chanquex. Joꞌcan nak tex-e̱lelik. Xeye: —La̱o toxic chirix cacua̱y li kꞌaxal cau nequeꞌa̱linac, chanquex. Abanan eb li yo̱keb che̱ra̱linanquil kꞌaxal cuiꞌchic cau teꞌa̱linak che̱ru la̱ex.

2 Crónicas 18:18

Li profeta Micaías quixye ajcuiꞌ: —Qꞌuehomak retal li cꞌaꞌru quixcꞌutbesi chicuu li Ka̱cuaꞌ. Xcuil li Ka̱cuaꞌ cꞌojcꞌo saꞌ lix cꞌojariba̱l saꞌ choxa. Ut chixjunileb lix ángel xakxo̱queb chixcꞌatk. Cuanqueb saꞌ lix nim ukꞌ ut cuanqueb saꞌ lix tzꞌe.

Hechos 26:13

Chacuabi at rey, li yo̱quin xyebal. Cuaꞌleb re cutan nak quinixsut jun li chanchan xam saꞌ be. Li xam aꞌan quichal chak saꞌ choxa. Nalemtzꞌun. Naxkꞌax ru nak nalemtzꞌun ru li sakꞌe. Quinixsut la̱in ut queꞌsuteꞌ ajcuiꞌ li yo̱queb chi xic chicuix.

Apocalipsis 8:3

Quichal jun chic li ángel ut quixakli chiru li artal yi̱banbil riqꞌuin oro. Cuan chak saꞌ rukꞌ jun xnaꞌaj li incienso yi̱banbil riqꞌuin oro. Quiqꞌueheꞌ nabal li incienso re, re tixcꞌat saꞌ li artal li cuan chiru li cꞌojariba̱l, re nak cuotz ta̱cuulak toj riqꞌuin li Ka̱cuaꞌ rochben lix tijeb laj pa̱banel.

Salmos 68:22

Li Ka̱cuaꞌ quixye: —La̱in texcuisi saꞌ li naꞌajej Basán ut texinnumsi saꞌ li palau li kꞌaxal cham ut texincꞌam cuiꞌchic saꞌ le̱ naꞌaj.

Jeremías 11:11

Joꞌcan nak la̱in tinqꞌue li raylal saꞌ xbe̱neb ut incꞌaꞌ chic ta̱ru̱k teꞌxcol ribeb chiru. Usta nequeꞌya̱bac chixtzꞌa̱manquil xtenkꞌanquileb, abanan la̱in incꞌaꞌ tincuabi lix tijeb.

Jeremías 42:16

Usta la̱ex texxic toj aran, abanan li ple̱t ut li cueꞌej li kꞌaxal nequexucua ru toxeꞌxtau aran ut texca̱mk.

Ezequiel 15:7

La̱in tinqꞌueheb chixtojbal rix lix ma̱queb. Xeꞌcoleꞌ jun sut chiru li xam. Abanan riqꞌuin xam ajcuiꞌ teꞌosokꞌ. Nak la̱in tinqꞌueheb chixtojbal lix ma̱queb, la̱ex te̱qꞌue retal nak la̱in li Ka̱cuaꞌ.

Amós 7:17

La̱ cuixakil ta̱yumbe̱tak saꞌ li tenamit ut eb la̱ cualal a̱cꞌajol teꞌcamsi̱k saꞌ li ple̱t. La̱ chꞌochꞌ ta̱jeqꞌui̱k reheb jalan. Ut la̱at toxatca̱mk saꞌ jalan tenamit saꞌ xya̱nkeb li incꞌaꞌ nequeꞌxcꞌoxla li Dios. Ut la̱ex aj Israel texchapekꞌ ut texcꞌamekꞌ chi najt saꞌ jalan tenamit, chan.

Sofonías 1:12

Chanchan tinloch inxam ut tinsiqꞌuiheb saꞌ li kꞌojyi̱n nak tinsiqꞌuiheb yalak bar saꞌ li tenamit Jerusalén li incꞌaꞌ useb xnaꞌleb. Tinsiqꞌuiheb toj retal tinsacheb ru. Tinqꞌueheb chixtojbal xma̱queb li cꞌojcꞌo̱queb xchꞌo̱l, li chanchaneb li vino li tuktu ru. Eb aꞌan nequeꞌxye saꞌ xchꞌo̱leb nak li Ka̱cuaꞌ ma̱cꞌaꞌ naxba̱nu, chi moco li us, chi moco li incꞌaꞌ us, chanqueb.

Josué 10:18

Laj Josué quixye reheb li soldado: —Te̱tolcꞌosi ni̱nki pec re te̱tzꞌap li oqueba̱l re li ochoch pec ut te̱qꞌue aj cꞌacꞌalehom re li ochoch pec.

Amós 7:9

Eb li naꞌajej li cuanqueb saꞌ li tzu̱l bar nequeꞌlokꞌonin cuiꞌ li ralal xcꞌajol laj Isaac teꞌsachekꞌ ut eb li cab bar nequeꞌlokꞌonin cuiꞌ li ralal xcꞌajol laj Israel teꞌlajeꞌjuqꞌuekꞌ. Ut tincanabeb chi sachecꞌ riqꞌuin chꞌi̱chꞌ li rey Jeroboam rochbeneb li ralal xcꞌajol, chan li Ka̱cuaꞌ.