Amós 8:5 - Li Santil hu

⁵ Nequeye chiribil e̱rib: —¿Jokꞌe ta̱numekꞌ lix ninkꞌeinquil li acꞌ po re nak ta̱ru̱k tocꞌayi̱nk trigo? Ut, ¿jokꞌe ta̱numekꞌ li hiloba̱l cutan re nak takate li rochochil li trigo li xocxo cuiꞌ ut takatiquib cuiꞌchic cꞌayi̱nc? Takaterkꞌusi xtzꞌak li trigo ut takajeb lix bisbal ut incꞌaꞌ tzꞌakal li bisleb takaqꞌue, chanquex.

Q'eqchi Bible

⁵ Laa'ex nekeye: “Jo'q'e taaraqe'q xninq'ehinkil li ak' po re tooruuq xk'ayinkil li triiw? Jo'q'e taanume'q li hilaal kutan re xk'ayinkil li ixim chi terto xtz'aq, ut tqak'os xb'isul li b'isleb'?

Amós 8:5 ပူးပေါင်းရင်းမြစ်များ

Oseas 12:7

Eb li ralal xcꞌajol laj Efraín chanchaneb laj cꞌay incꞌaꞌ tzꞌakal nequeꞌbisoc. Junes balakꞌic nacuulac chiruheb.

Levítico 19:36

Junelic texbisok chi tzꞌakal. La̱in li Ka̱cuaꞌ le̱ Dios. La̱in quin-isin chak e̱re saꞌ li naꞌajej Egipto.

Isaías 1:13

Me̱cꞌam chak chic le̱ mayej li ma̱cꞌaꞌ na-oc cuiꞌ. Incꞌaꞌ chic nacuaj rutzꞌbal li pom. Xintitzꞌ xban. La̱ex nequeninkꞌei li xyoꞌlajic li po ut li hiloba̱l cutan. Abanan incꞌaꞌ chic nacuaj rilbal le̱ ninkꞌe xban nak junes ma̱usilal nequeba̱nu.

Proverbios 20:23

Li bisleb incꞌaꞌ tzꞌakal moco us ta. Li Ka̱cuaꞌ xicꞌ naril nak junak incꞌaꞌ tzꞌakal nabisoc.

Proverbios 16:11

Li ani nabisoc chi tzꞌakal re ru, aꞌan naxba̱nu joꞌ naraj li Ka̱cuaꞌ. Ut li Ka̱cuaꞌ naraj nak li cristian teꞌbisok chi tzꞌakal re ru.

Proverbios 11:1

Li Ka̱cuaꞌ sa xchꞌo̱l riqꞌuin li ani nabisoc chi tzꞌakal. Abanan xicꞌ narileb li ani incꞌaꞌ nequeꞌbisoc chi tzꞌakal.

2 Reyes 4:23

Lix be̱lom quixpatzꞌ re: —¿Cꞌaꞌut nak tatxic riqꞌuin li profeta anakcuan? Anakcuan moco toj xyoꞌla li po chi moco hiloba̱l cutan, chan. Li rixakil quixye re: —Matcꞌoxlac chirix aꞌan, chan.

Números 10:10

Teꞌya̱basi̱k li trompetas saꞌ eb li cutan nak sahak saꞌ e̱chꞌo̱l ut nak nequexninkꞌei̱c saꞌ xkꞌehil ut re li xyoꞌlajic li po. Teꞌya̱basi̱k li trompeta nak nequeqꞌue le̱ cꞌatbil mayej ut eb li mayej re xcꞌambal e̱rib saꞌ usilal cuiqꞌuin. Ut la̱in li Ka̱cuaꞌ texjulticokꞌ cue. La̱in li Ka̱cuaꞌ le̱ Dios, chan.

Isaías 58:13

Qꞌuehomak xlokꞌal li hiloba̱l cutan ut incꞌaꞌ te̱ba̱nu li cꞌaꞌru nequeraj e̱junes saꞌ lin santil cutan. Aꞌinak jun cutan re sahil chꞌo̱lejil ut kꞌaxal lokꞌ. Cheqꞌuehak xlokꞌal ut me̱mux ru. Me̱ba̱nu li cꞌaꞌru nequeraj la̱ex ut mex-a̱tinac chi ma̱cꞌaꞌ rajbal.

Colosenses 2:16

Michꞌinan e̱chꞌo̱l cui ani nacuechꞌin e̱re riqꞌuin li cꞌaꞌru nequetzaca ut li cꞌaꞌru nequerucꞌ. Chi moco ta̱chꞌina̱nk e̱chꞌo̱l cui ani nacuechꞌin e̱re xban nak incꞌaꞌ nequeninkꞌei lix ninkꞌeheb. Cuan li nequeꞌxninkꞌei lix yoꞌlajic li po ut li hiloba̱l cutan.

Malaquías 1:13

La̱ex nequeye, “Xotitzꞌ chi mayejac chiru li Ka̱cuaꞌ.” La̱ex niquine̱tzꞌekta̱na. Nequecꞌam chak li xul li elkꞌanbil malaj ut li ye̱k rok, malaj ut li xul yaj ut nequemayeja saꞌ lin artal. ¿Ma tincꞌul ta biꞌ chi sa saꞌ inchꞌo̱l li mayej aꞌan?

Éxodo 31:13

—Ta̱ye aꞌin reheb laj Israel, “Che-oxlokꞌi li hiloba̱l cutan ut cheba̱nu li cꞌaꞌru xinye e̱re. Cui la̱ex te̱ba̱nu li cꞌaꞌru xinye e̱re, aꞌan ta̱cꞌanjelak chokꞌ retalil chicuu joꞌ ajcuiꞌ che̱ru la̱ex nak la̱in li Ka̱cuaꞌ Dios ut la̱ex sicꞌbil e̱ru inban. Ta̱cꞌanjelak ajcuiꞌ chokꞌ retalil chiruheb le̱ ralal e̱cꞌajol.

1 Samuel 20:5

Laj David quixye re: —Cuulaj nequeꞌxninkꞌei li xyoꞌlajic li po ut la̱in cꞌaynakin chi cꞌojla̱c saꞌ li me̱x cuochben la̱ yucuaꞌ. Abanan ta̱qꞌue inlese̱ns re nak la̱in tinmuk cuib saꞌ li cꞌaleba̱l toj saꞌ li ecuu saꞌ rox li cutan.

Zacarías 5:6

Ut la̱in quinye: —¿Cꞌaꞌru aꞌan, at Ka̱cuaꞌ?— Ut aꞌan quixye cue: —Li yo̱cat chirilbal, aꞌan jun nimla chacach re bisoc trigo. Li chacach aꞌin, aꞌan retalil lix ma̱queb chixjunileb li cuanqueb saꞌ ruchichꞌochꞌ, chan li ángel.

Zacarías 5:8

Ut li ángel quixye cue: —Li ixk aꞌin, aꞌan retalil li ma̱usilal, chan. Ut li ángel quixtiquisi li ixk chi saꞌ li chacach ut quixtzꞌap cuiꞌchic li re riqꞌuin li chꞌi̱chꞌ.

Oseas 12:8

Eb li ralal xcꞌajol laj Efraín nequeꞌxye: —Chi ya̱l nak xobiomoꞌ. Xkatau kabiomal chokꞌ ke. Ma̱ ani ta̱yehok ke nak incꞌaꞌ us xkaba̱nu. Ma̱ ani ta̱yehok ke nak ma̱c xkaba̱nu riqꞌuin li kacꞌanjel, chanqueb.