Amós 8:13 - Li Santil hu

¹³ Saꞌ eb li cutan aꞌan, eb li tukꞌ ixk joꞌqueb ajcuiꞌ li chꞌajom teꞌsachk xnaꞌleb ut teꞌtꞌanekꞌ xban chaki el.

Q'eqchi Bible

¹³ Sa' li kutan a'an, eb' li xchaq'alil ru tuq'ixq ut eb' li saaj winq jwal kaweb' rib' te'lub'je'q xb'aan li chaqi'eel.

Amós 8:13 ပူးပေါင်းရင်းမြစ်များ

Oseas 2:3

Cui incꞌaꞌ tixcanab, la̱in tinmakꞌ chiru chixjunil li cꞌaꞌru cuan re. Chanchan tꞌustꞌu tincanab joꞌ nak quiyoꞌla. Chanchanak chic jun li chaki chꞌochꞌ ma̱cꞌaꞌ na-el chiru ut ta̱ca̱mk xban chaki el.

Lamentaciones 2:21

Eb li camenak nequeꞌtꞌanaxin saꞌ eb li be, joꞌ cocꞌal, joꞌ ti̱xeb. Eb li sa̱j cui̱nk ut eb li tukꞌ ixk xelajeꞌcamsi̱c. Xban a̱joskꞌil, at Ka̱cuaꞌ, cacanabeb chi camsi̱c ut incꞌaꞌ cacuil xtokꞌoba̱l ruheb.

Lamentaciones 1:18

Li Ka̱cuaꞌ quirakoc a̱tin saꞌ kabe̱n saꞌ ti̱quilal. La̱o xkakꞌet li ra̱tin. Che̱junilex la̱ex, qꞌuehomak retal li raylal li yo̱co chixcꞌulbal. Chixjunileb li toj sa̱jeb queꞌchapeꞌ ut queꞌcꞌameꞌ chi najt, joꞌ cui̱nk, joꞌ ixk.

Zacarías 9:17

Cꞌajoꞌ lix rahom ut li rusilal li Dios saꞌ xbe̱neb lix tenamit. Nabalak li ru li trigo ut lix yaꞌal li uvas ta̱cua̱nk. Sahak saꞌ xchꞌo̱leb li sa̱j cui̱nk ut li sa̱j ixk.

Lamentaciones 2:10

Eb li nequeꞌcꞌamoc be chiruheb li cuanqueb Sión, chunchu̱queb chic saꞌ chꞌochꞌ. Incꞌaꞌ nequeꞌa̱tinac. Queꞌxqꞌue li poks saꞌ xjolomeb ut queꞌxqꞌue li kꞌes ru tꞌicr chirixeb retalil lix rahil xchꞌo̱leb. Ut eb li tukꞌ ixk nequeꞌxxulub lix jolomeb xban xrahil xchꞌo̱leb.

Jeremías 48:18

La̱ex li cuanquex saꞌ li tenamit Dibón, cubsihomak e̱rib ut chunlankex saꞌ li poks xban nak cha̱lc re laj sachonel, li yo̱ chak chi pletic riqꞌuineb laj Moab ut yo̱ chixjuqꞌuinquil li cab li nequeꞌxcol cuiꞌ ribeb.

Isaías 40:30

Usta toj sa̱jeb, nequeꞌlub. Ut li cauheb rib nalaj lix metzꞌe̱uheb ut nequeꞌtꞌaneꞌ.

Salmos 63:1

At Ka̱cuaꞌ, la̱at lin Dios. Chi anchal inchꞌo̱l nacuaj cua̱nc a̱cuiqꞌuin. Chanchanin li chaki chꞌochꞌ ta̱raj ru li haꞌ. Ta̱chakik re li cua̱m re a̱sicꞌbal, at inDios.

Deuteronomio 32:25

Telajeꞌcamsi̱k riqꞌuin chꞌi̱chꞌ li cuanqueb saꞌ be. Ut cꞌajoꞌ nak teꞌxucuak saꞌ li rochocheb. Telajeꞌca̱mk li sa̱jeb, joꞌ chꞌajom, joꞌ xkaꞌal. Telajeꞌca̱mk li cꞌulaꞌal ut li ac ti̱xeb.

Isaías 9:17

Joꞌcan nak incꞌaꞌ quixtokꞌoba ruheb li sa̱j cui̱nk li Ka̱cuaꞌ, chi moco quiril xtokꞌoba̱l ruheb li nebaꞌ ut eb li xma̱lcaꞌan. Chixjunileb li tenamit incꞌaꞌ useb xnaꞌlebeb. Incꞌaꞌ nequeꞌxqꞌue xcuanquil li Ka̱cuaꞌ. Junes ma̱usilal nequeꞌxye. Joꞌcan nak li Dios toj ma̱jiꞌ nanumeꞌ xjoskꞌil saꞌ xbe̱neb. Toj tixqꞌue chixtojbal xma̱queb li tenamit.

Oseas 2:5

xban nak eb aꞌan ralal xcꞌajol li ixk li incꞌaꞌ naxuta̱nac xba̱nunquil li ma̱usilal. Li ixk aꞌan quixye: —La̱in tinxic riqꞌuineb li cui̱nk li nequeꞌqꞌuehoc cue lin cua cuucꞌa, li nequeꞌqꞌuehoc cue li cha̱bil tꞌicr lana ut lino joꞌ ajcuiꞌ li vino ut li aceite olivo, chan.