Amós 8:12 - Li Santil hu

¹² Nak eb li tenamit teꞌraj rabinquil li cua̱tin, teꞌxbeni ribeb yalak bar chixsicꞌbal. Teꞌxic chire li palau Mar Muerto ut teꞌxsicꞌ toj retal teꞌcuulak chire li palau Mediterráneo. Teꞌxic saꞌ li norte ut teꞌxic saꞌ li este, abanan incꞌaꞌ teꞌxtau li cua̱tin.

Q'eqchi Bible

¹² Toja' naq eb' li poyanam te'xb'eeni rib' chi xsik'b'al li raatin li Qaawa' chalen chire li palaw jun toj chire li jun chik; te'elq sa' xjayal releb'l iq' toj sa' li na'elk wi' chaq li saq'e, ab'an ink'a' te'ruhanq chi xtawb'al.

Amós 8:12 ပူးပေါင်းရင်းမြစ်များ

San Mateo 12:30

Li ani incꞌaꞌ na-oquen chicuix, aꞌan xicꞌ niquinril. Ut ani incꞌaꞌ naxococ cuochben, aꞌan paji̱nc naxba̱nu.

Daniel 12:4

Abanan la̱at, Daniel, cꞌu̱la saꞌ a̱chꞌo̱l li cꞌaꞌru xacuil saꞌ li visión. Ta̱bot ru li hu li yo̱cat xtzꞌi̱banquil ut ta̱qꞌue li sello chiru re nak ma̱ ani ta̱ilok re toj ta̱cuulak xkꞌehil li rosoꞌjiqueb li cutan. Ut nabaleb li tenamit teꞌcha̱lk teꞌxic yalak bar re nak teꞌxtau xtzꞌakob lix naꞌlebeb, chan cue li ángel.

Proverbios 14:6

Li ani incꞌaꞌ naxtau xya̱lal naxsicꞌ lix naꞌleb, abanan incꞌaꞌ naxtau. Li ani se̱b xchꞌo̱l moco chꞌaꞌaj ta chokꞌ re xtaubal xnaꞌleb.

Ezequiel 20:31

Chalen anakcuan nequemux e̱rib riqꞌuin xlokꞌoninquileb li jalanil dios ut nequeqꞌue le̱ cocꞌal chokꞌ cꞌatbil mayej. Ut chirix aꞌan nequexchal chixsicꞌbal e̱naꞌleb cuiqꞌuin. La̱in li yoꞌyo̱quil Dios ninye e̱re nak la̱in incꞌaꞌ tinsume li cꞌaꞌru nequepatzꞌ.

Ezequiel 20:3

—At ralal cui̱nk, tat-a̱tinak riqꞌuineb li cui̱nk aꞌin li nequeꞌcꞌamoc be saꞌ xya̱nkeb laj Israel ut ta̱ye reheb: Aꞌan aꞌin li naxye li nimajcual Dios. ¿Ma xexchal chixpatzꞌbal e̱naꞌleb cuiqꞌuin? La̱in li yoꞌyo̱quil Dios ninye e̱re nak la̱in incꞌaꞌ tinsume li cꞌaꞌru xexchal chixpatzꞌbal cue.

1 Samuel 3:1

Laj Samuel yo̱ chi cꞌanjelac chiru li Dios saꞌ xsa̱jilal ut laj Elí naxcꞌut chiru chanru tixba̱nu. Saꞌ eb li cutan aꞌan li Ka̱cuaꞌ incꞌaꞌ quira̱tinaheb li tenamit rajlal, ut moco junelic ta quixcꞌut li visión chiruheb.

Proverbios 29:18

Cui incꞌaꞌ nayeheꞌ re li tenamit cꞌaꞌru naraj li Dios, incꞌaꞌ nequeꞌcuan saꞌ tuktu̱quilal. Us xak reheb li tenamit li nequeꞌxba̱nu li cꞌaꞌru naxye saꞌ lix chakꞌrab li Dios.

Proverbios 1:28

Saꞌ li cutan aꞌan tine̱ya̱ba raj chic. Abanan la̱in incꞌaꞌ texinsume. Tine̱sicꞌ raj chic, abanan incꞌaꞌ tine̱tau,

Oseas 5:6

Eb laj Israel nequeꞌxcꞌam li cuacax joꞌ ajcuiꞌ lix carner re nak teꞌxmayeja chicuu. Abanan ma̱cꞌaꞌ rajbal nak nequeꞌmayejac chicuu xban nak la̱in xintzꞌekta̱naheb.