Amós 8:11 - Li Santil hu

¹¹ Ut quixye ajcuiꞌ li Ka̱cuaꞌ Dios: —Ta̱cuulak xkꞌehil nak la̱in tintakla li cueꞌej saꞌ le̱ tenamit. Textzꞌoca̱k ut ta̱chakik e̱re. Abanan ma̱cuaꞌ le̱ cua le̱ rucꞌa li textzꞌoca̱k cuiꞌ. Li cua̱tin ban, aꞌan li te̱raj ru rabinquil.

Q'eqchi Bible

¹¹ Relik chi yaal naq taawulaq xkutankil naq tintaqla chaq li tz'okaak sa' li ruuchich'och', ab'anan maawa' chirix leewa leeruk'a', textz'okaaq b'an chirix rab'inkil raatin li Qaawa'.

Amós 8:11 ပူးပေါင်းရင်းမြစ်များ

Salmos 74:9

Ma̱cꞌaꞌ chic junak retalil nacꞌutu̱c re chiku xban nak ma̱cꞌaꞌ chic junak profeta. Ut ma̱ ani nayehoc ke joꞌ najtil chic takacꞌul li raylal aꞌin.

1 Samuel 3:1

Laj Samuel yo̱ chi cꞌanjelac chiru li Dios saꞌ xsa̱jilal ut laj Elí naxcꞌut chiru chanru tixba̱nu. Saꞌ eb li cutan aꞌan li Ka̱cuaꞌ incꞌaꞌ quira̱tinaheb li tenamit rajlal, ut moco junelic ta quixcꞌut li visión chiruheb.

2 Crónicas 15:3

Najt queꞌcuan laj Israel chi incꞌaꞌ yo̱queb chixlokꞌoninquil li tzꞌakal Dios. Ma̱cꞌaꞌeb laj tij chixcꞌutbal lix ya̱lal chiruheb ut ma̱cꞌaꞌ lix chakꞌrab li Dios riqꞌuineb.

1 Samuel 28:6

Laj Saúl quixpatzꞌ re li Dios cꞌaꞌru tixba̱nu. Abanan li Dios incꞌaꞌ chic quixsume chi moco saꞌ xmatcꞌ, chi moco riqꞌuin li Urim, chi moco xbaneb li profetas.

Ezequiel 7:26

Ta̱numta̱k li raylal saꞌ e̱be̱n. Rajlal yo̱kex chirabinquil resil li raylal li ta̱cha̱lk saꞌ e̱be̱n. Te̱tzꞌa̱ma chiruheb li profeta nak teꞌxye e̱re li cꞌaꞌru ta̱cꞌulma̱nk, abanan incꞌaꞌ teꞌxba̱nu. Eb laj tij ma̱cꞌaꞌ chic cꞌaꞌru teꞌxcꞌut che̱ru, chi moco eb laj qꞌuehol naꞌleb ta̱ru̱k teꞌxchꞌolob xya̱lal che̱ru.

San Mateo 9:36

Ut nak quirileb li qꞌuila tenamit, quixtokꞌobaheb ru xban nak tacuajenakeb ut raheb saꞌ xchꞌo̱l. Chanchaneb li carner li ma̱cꞌaꞌ aj ilol reheb.

Miqueas 3:6

Joꞌcan ut naxye li Ka̱cuaꞌ reheb li profeta: —Ta̱cuulak xkꞌehil nak incꞌaꞌ chic ta̱ru̱k te̱ye ra̱tin profeta chi moco ta̱ru̱k chic texkꞌehi̱nk. Ta̱cuulak xkꞌehil nak incꞌaꞌ chic tincꞌutbesi che̱ru cꞌaꞌru ta̱cꞌulma̱nk. Ta̱kꞌojyi̱nokꞌ ru le̱ naꞌleb ut incꞌaꞌ chic texyehok ra̱tin profeta xban nak xebalakꞌi lin tenamit, chan li Ka̱cuaꞌ.

1 Samuel 28:15

Laj Samuel quixye re laj Saúl: —¿Cꞌaꞌut nak yo̱cat chinchꞌiꞌchꞌiꞌinquil? ¿Cꞌaꞌut nak xina̱bok arin? chan. Laj Saúl quixye: —Cꞌajoꞌ li raylal yo̱quin chixcꞌulbal. Eb laj filisteo yo̱queb chi pletic cuiqꞌuin. Ut li Dios xinixtzꞌekta̱na. Incꞌaꞌ chic naxsume lin tij, chi moco saꞌ inmatcꞌ, chi moco xbaneb li profetas. Joꞌcan nak xatinbok re nak ta̱ye cue cꞌaꞌru tinba̱nu, chan laj Saúl.

Isaías 5:6

Tintzꞌekta̱na li chꞌochꞌ aꞌan. Tincanab chi pimocꞌ ut tincanab chi ta̱mc li qꞌuix saꞌ xya̱nk. Incꞌaꞌ chic tinsabesi ru, chi moco kꞌunobresinbilak chic ru. Ut incꞌaꞌ chic tintakla li chok re tixqꞌue li hab saꞌ xbe̱n, chan li raro inban.

Proverbios 29:18

Cui incꞌaꞌ nayeheꞌ re li tenamit cꞌaꞌru naraj li Dios, incꞌaꞌ nequeꞌcuan saꞌ tuktu̱quilal. Us xak reheb li tenamit li nequeꞌxba̱nu li cꞌaꞌru naxye saꞌ lix chakꞌrab li Dios.

Oseas 2:3

Cui incꞌaꞌ tixcanab, la̱in tinmakꞌ chiru chixjunil li cꞌaꞌru cuan re. Chanchan tꞌustꞌu tincanab joꞌ nak quiyoꞌla. Chanchanak chic jun li chaki chꞌochꞌ ma̱cꞌaꞌ na-el chiru ut ta̱ca̱mk xban chaki el.