Amós 7:8 - Li Santil hu

⁸ Ut li Ka̱cuaꞌ quixye cue: —¿Cꞌaꞌru li yo̱cat chirilbal, at Amós?— Ut la̱in quinye: —Yo̱quin chirilbal jun li plomo cuan saꞌ a̱cuukꞌ. Ut li Ka̱cuaꞌ quixye cue: —Riqꞌuin li bisleb plomo, ta̱cꞌutu̱nk nak eb lin tenamit incꞌaꞌ nequeꞌcuan saꞌ ti̱quilal. Ut la̱in incꞌaꞌ chic tebincuy xma̱c riqꞌuin li ma̱usilal nequeꞌxba̱nu.

Q'eqchi Bible

⁸ Ut kixpatz' we: “K'aru nakawil, a Amós?”, chan. Kinchaq'ok ut kinye: “A'an jun xb'isleb' aj tz'ak”, chankin. Toja' naq kixye we: “Rik'in li b'isleb' a'in tinnaw jo' tiikal li xyu'ameb' lintenamit Israel; ut ink'a' chik tinkuy xmaakeb'.

Amós 7:8 ပူးပေါင်းရင်းမြစ်များ

Amós 8:2

Li Ka̱cuaꞌ quixpatzꞌ cue: —¿Cꞌaꞌru yo̱cat chirilbal, at Amós?— La̱in quinchakꞌoc ut quinye re: —Yo̱quin chirilbal jun chacach quiꞌil kꞌe̱n kꞌan. Ut li Ka̱cuaꞌ quixye cue: —Xcuulac xkꞌehil li rakba a̱tin saꞌ xbe̱neb lin tenamit Israel. Ac nequeꞌxnau xya̱lal. Joꞌcan nak incꞌaꞌ chic tincuyeb xma̱c.

Lamentaciones 2:8

Li Ka̱cuaꞌ quixye nak ta̱sachekꞌ ru li tzꞌac li sutsu cuiꞌ Jerusalén ut incꞌaꞌ quixjal xcꞌaꞌux. Quixqꞌue ban chi sachecꞌ chixjunil. Li tzꞌac joꞌ ajcuiꞌ li cab najt xteram li nequeꞌxcol cuiꞌ ribeb ac juqꞌuinbil chic.

Jeremías 15:6

La̱ex xine̱canab, chan li Ka̱cuaꞌ. Ut junelic nequeba̱nu li incꞌaꞌ us. Joꞌcan nak la̱in texinqꞌue chixtojbal e̱ma̱c. Incꞌaꞌ chic tincuil xtokꞌoba̱l e̱ru.

Miqueas 7:18

Ma̱ jun chic li Dios cuan. Caꞌaj cuiꞌ la̱at. La̱at nacatcuyuc ma̱c ut nasach saꞌ a̱chꞌo̱l lix ma̱queb la̱ tenamit Israel, li joꞌ qꞌuial chic li incꞌaꞌ queꞌsacheꞌ. La̱at incꞌaꞌ nacatjoskꞌoꞌ chi junaj cua. Nasahoꞌ ban saꞌ a̱chꞌo̱l chi uxta̱na̱nc u.

Isaías 28:17

Li ti̱quilal ta̱cꞌanjelak cue joꞌ li bisleb nak tinrakok a̱tin saꞌ e̱be̱n. Ut li cha̱bilal ta̱cꞌanjelak joꞌ li plomo.— Chanchan li sakbach nak tixsach ru chixjunil li ticꞌtiꞌ li nequecꞌojob cuiꞌ e̱chꞌo̱l ut chanchan li butꞌ nak tixsach ru li nequecol cuiꞌ e̱rib.

2 Reyes 21:13

La̱in tinqꞌueheb chixtojbal xma̱queb laj Jerusalén joꞌ xinba̱nu reheb laj Samaria ut eb li ralal xcꞌajol laj Acab. La̱in tincuisi li ma̱usilal aran Jerusalén. Chanchan chꞌajbil tinba̱nu reheb joꞌ nak nachꞌajeꞌ junak li secꞌ tzꞌaj ru ut nahupuba̱c.

Zacarías 5:2

Ut li ángel quixye cue: —¿Cꞌaꞌru yo̱cat chirilbal?— La̱in quinchakꞌoc ut quinye re: —Yo̱quin chirilbal jun li botbil hu yo̱ chi xic saꞌ ikꞌ. Laje̱b metro rok ut o̱b metro ru.—

Isaías 34:11

Ut aran teꞌxyi̱b lix naꞌajeb li soꞌsol, laj qꞌuix u̱ch, li tzꞌok joꞌ eb ajcuiꞌ li cuarom. Li naꞌajej Edom ta̱sukꞌi̱k chaki chꞌochꞌ ut ma̱ ani chic ta̱cua̱nk aran.

Amós 7:7

Ut quixcꞌutbesi chicuu jun chic li visión li Ka̱cuaꞌ. Chanchan matqꞌuenbil quinba̱nu nak quicuil li Ka̱cuaꞌ xakxo chiru jun li tzꞌac bisbil riqꞌuin plomo. Cuan saꞌ rukꞌ jun li plomo li nequeꞌrocsi laj tzꞌac.

Zacarías 4:10

Li queꞌtzꞌekta̱nan re li cꞌanjel saꞌ xticlajic ta̱sahokꞌ saꞌ xchꞌo̱leb chirilbal nak yo̱k chi ya̱locꞌ li cꞌanjel xban laj Zorobabel.— Nak xrakeꞌ xyebal aꞌan, li ángel quixye ajcuiꞌ: —Li cuukub chi candil li xacuil, aꞌan retalil nak li Ka̱cuaꞌ naril chixjunil li ruchichꞌochꞌ, chan li ángel.

Oseas 1:6

Ut lix Gomer quicuan jun chic lix cꞌulaꞌal, chꞌina xkaꞌal. Ut li Ka̱cuaꞌ quixye re laj Oseas: —Qꞌue Lo-ruhama chokꞌ xcꞌabaꞌ. (Li cꞌabaꞌej aꞌan naraj naxye: Incꞌaꞌ naraheꞌ.) Qꞌue aꞌan chokꞌ xcꞌabaꞌ xban nak la̱in incꞌaꞌ chic teꞌcuil xtokꞌoba̱l ruheb laj Israel ut incꞌaꞌ chic tebincꞌoxla chi junaj cua.

Zacarías 4:2

Ut quixye cue: —¿Cꞌaꞌru yo̱cat chirilbal?— Ut la̱in quinchakꞌoc ut quinye re: —Yo̱quin chirilbal jun li candelero yi̱banbil riqꞌuin oro. Ut saꞌ xbe̱n cuan xnaꞌaj li aceite ut cuan xnaꞌaj cuukub candil ut cuan ajcuiꞌ cuukub li nanumeꞌ cuiꞌ li aceite.