Amós 7:7 - Li Santil hu

⁷ Ut quixcꞌutbesi chicuu jun chic li visión li Ka̱cuaꞌ. Chanchan matqꞌuenbil quinba̱nu nak quicuil li Ka̱cuaꞌ xakxo chiru jun li tzꞌac bisbil riqꞌuin plomo. Cuan saꞌ rukꞌ jun li plomo li nequeꞌrocsi laj tzꞌac.

Q'eqchi Bible

⁷ Li Qaawa' kixk'utb'esi ajwi' li moy u a'in. Kiwil li Qaawa' xaqxo sa' xb'een li tz'ak tz'aqal tuqtu ru, ut wank sa' ruq' jun xploom laj tz'ak.

Amós 7:7 ပူးပေါင်းရင်းမြစ်များ

2 Reyes 21:13

La̱in tinqꞌueheb chixtojbal xma̱queb laj Jerusalén joꞌ xinba̱nu reheb laj Samaria ut eb li ralal xcꞌajol laj Acab. La̱in tincuisi li ma̱usilal aran Jerusalén. Chanchan chꞌajbil tinba̱nu reheb joꞌ nak nachꞌajeꞌ junak li secꞌ tzꞌaj ru ut nahupuba̱c.

Apocalipsis 21:15

Li ángel li quia̱tinac cuiqꞌuin cuan jun lix bisleb riqꞌuin yi̱banbil riqꞌuin oro re xbisbal li tenamit ut li oqueba̱l joꞌ ajcuiꞌ li tzꞌac.

Apocalipsis 11:1

Ut quiqꞌueheꞌ cue jun li cheꞌ re bisoc ut quiyeheꞌ cue: —Ayu, bis chak lix templo li Dios joꞌ ajcuiꞌ li artal ut ta̱cuajlaheb jarubeb li cristian li nequeꞌlokꞌonin aran.

Ezequiel 40:3

Li Ka̱cuaꞌ quinixcꞌam chi nachꞌ ut quicuil jun li cui̱nk nalemtzꞌun joꞌ li kꞌan chꞌi̱chꞌ bronce. Xakxo chire li oqueba̱l. Cuan saꞌ rukꞌ jun li cheꞌ re bisoc ut jun li cꞌa̱m lino re bisoc.

Lamentaciones 2:8

Li Ka̱cuaꞌ quixye nak ta̱sachekꞌ ru li tzꞌac li sutsu cuiꞌ Jerusalén ut incꞌaꞌ quixjal xcꞌaꞌux. Quixqꞌue ban chi sachecꞌ chixjunil. Li tzꞌac joꞌ ajcuiꞌ li cab najt xteram li nequeꞌxcol cuiꞌ ribeb ac juqꞌuinbil chic.

Isaías 34:11

Ut aran teꞌxyi̱b lix naꞌajeb li soꞌsol, laj qꞌuix u̱ch, li tzꞌok joꞌ eb ajcuiꞌ li cuarom. Li naꞌajej Edom ta̱sukꞌi̱k chaki chꞌochꞌ ut ma̱ ani chic ta̱cua̱nk aran.

Isaías 28:17

Li ti̱quilal ta̱cꞌanjelak cue joꞌ li bisleb nak tinrakok a̱tin saꞌ e̱be̱n. Ut li cha̱bilal ta̱cꞌanjelak joꞌ li plomo.— Chanchan li sakbach nak tixsach ru chixjunil li ticꞌtiꞌ li nequecꞌojob cuiꞌ e̱chꞌo̱l ut chanchan li butꞌ nak tixsach ru li nequecol cuiꞌ e̱rib.

2 Samuel 8:2

Chirix chic aꞌan laj David quinumta saꞌ xbe̱neb laj Moab. Quixtusubeb chi yocyo saꞌ chꞌochꞌ ut quixbiseb riqꞌuin cꞌa̱m. Li caꞌcab tusul quixcamsiheb ut li cuanqueb saꞌ li rox tusul incꞌaꞌ quixcamsiheb. Eb li incꞌaꞌ queꞌcamsi̱c queꞌcana rubel xcuanquil laj David ut queꞌxtoj rix lix naꞌajeb.

Génesis 28:13

Li Ka̱cuaꞌ Dios cuan chak toj saꞌ xbe̱n li escalera ut aꞌan quixye re laj Jacob: —La̱in li Ka̱cuaꞌ Dios. La̱in li quinixlokꞌoni chak laj Abraham la̱ xeꞌto̱nil yucuaꞌ. La̱in ajcuiꞌ li quinixlokꞌoni laj Isaac la̱ yucuaꞌ. La̱in tinqꞌue a̱cue li chꞌochꞌ li yo̱cat cuiꞌ chi hila̱nc anakcuan. Tinqꞌue ajcuiꞌ reheb la̱ cualal a̱cꞌajol.

Amós 7:6

Ut quixjal cuiꞌchic xcꞌaꞌux li Ka̱cuaꞌ ut quixye chi joꞌcaꞌin: —Chi moco aꞌin tinba̱nu. Incꞌaꞌ tinsacheb, chan li Ka̱cuaꞌ Dios.

Amós 7:8

Ut li Ka̱cuaꞌ quixye cue: —¿Cꞌaꞌru li yo̱cat chirilbal, at Amós?— Ut la̱in quinye: —Yo̱quin chirilbal jun li plomo cuan saꞌ a̱cuukꞌ. Ut li Ka̱cuaꞌ quixye cue: —Riqꞌuin li bisleb plomo, ta̱cꞌutu̱nk nak eb lin tenamit incꞌaꞌ nequeꞌcuan saꞌ ti̱quilal. Ut la̱in incꞌaꞌ chic tebincuy xma̱c riqꞌuin li ma̱usilal nequeꞌxba̱nu.

Zacarías 4:10

Li queꞌtzꞌekta̱nan re li cꞌanjel saꞌ xticlajic ta̱sahokꞌ saꞌ xchꞌo̱leb chirilbal nak yo̱k chi ya̱locꞌ li cꞌanjel xban laj Zorobabel.— Nak xrakeꞌ xyebal aꞌan, li ángel quixye ajcuiꞌ: —Li cuukub chi candil li xacuil, aꞌan retalil nak li Ka̱cuaꞌ naril chixjunil li ruchichꞌochꞌ, chan li ángel.