Amós 7:4 - Li Santil hu

⁴ Mokon chic chanchan matqꞌuenbil quinba̱nu nak li Ka̱cuaꞌ quixcꞌutbesi chicuu jun chic li visión: Quixtakla chak li xam saꞌ xbe̱neb re nak teꞌxtoj rix lix ma̱queb li tenamit. Ut xban xtikcual li xam quichakic li nimla palau ut yo̱ chi cꞌatc li chꞌochꞌ nak quicuil.

Q'eqchi Bible

⁴ A'an a'in kixk'utb'esi chiwu li Qaawa' Yos. Kiwil naq li Qaawa' yo xtaqlankil chaq li xam, li kixchaqihob'resi li nimla palaw, ut yo ajwi' chi k'atk li ch'och'.

Amós 7:4 ပူးပေါင်းရင်းမြစ်များ

Amós 7:1

Quixye laj Amós: —Chanchan matqꞌuenbil quinba̱nu nak li Ka̱cuaꞌ Dios quixcꞌutbesi chicuu li visión aꞌin: Quicuil nak li Ka̱cuaꞌ yo̱ chixyoꞌobtesinquil nabal laj sa̱cꞌ re teꞌxsach chixjunil li acui̱mk li na-el mokon nak ac isinbil li re li rey.

Apocalipsis 4:1

Ut chirix aꞌan quicuil jun chic li visión. Quicuil jun li oqueba̱l teto saꞌ choxa. Ut quicuabi cuiꞌchic li xya̱b li cux li quicuabi xbe̱n cua, chanchan xya̱b jun li trompeta nak yo̱ chi a̱tinac, ut quixye cue: —Taken chak arin ut tincꞌutbesi cha̱cuu li cꞌaꞌak re ru ta̱cꞌulma̱nk mokon, chan.

Hebreos 1:7

Quixye cuiꞌchic li Dios chirixeb li ángel: Xinyi̱beb lin ángel chanchaneb li ikꞌ ut chanchaneb ajcuiꞌ li rakꞌ xam nak nequeꞌcꞌanjelac chicuu. (Sal. 104:4)

Nahum 1:6

¿Ani ta biꞌ ta̱ru̱k ta̱cuyuk re lix joskꞌil li Dios? Ut, ¿ani ta biꞌ ta̱ru̱k tixcol rib chiru li Dios nak ta̱joskꞌokꞌ? Aꞌan chanchan li xam nak naxcꞌut lix joskꞌil. Ut nak najoskꞌoꞌ li Dios nalajeꞌjacheꞌ li sako̱nac.

Miqueas 1:4

Ut nak ta̱be̱k saꞌ xbe̱neb li tzu̱l, telajeꞌhaꞌokꞌ li tzu̱l xban. Chanchan nak nahaꞌoꞌ li cera xban li xam. Nak teꞌhaꞌokꞌ li tzu̱l, teꞌhoyekꞌ. Chanchanak li haꞌ li na-el chak saꞌ tzu̱l.

Amós 7:7

Ut quixcꞌutbesi chicuu jun chic li visión li Ka̱cuaꞌ. Chanchan matqꞌuenbil quinba̱nu nak quicuil li Ka̱cuaꞌ xakxo chiru jun li tzꞌac bisbil riqꞌuin plomo. Cuan saꞌ rukꞌ jun li plomo li nequeꞌrocsi laj tzꞌac.

Amós 5:6

—Sicꞌomakin ban la̱in, chan li Ka̱cuaꞌ, ut ta̱cua̱nk le̱ yuꞌam chi tzꞌakal, xban nak cui incꞌaꞌ tine̱sicꞌ, tinrakok a̱tin saꞌ e̱be̱n. Chanchan xam tintakla chak nak tinrakok a̱tin saꞌ e̱be̱n la̱ex laj Israel. Chixjunileb teꞌcꞌatekꞌ xban li xam ut ma̱ ani junak saꞌ xya̱nkeb laj Bet-el ta̱ru̱k ta̱chupuk re li xam, chan li Dios.

Amós 4:11

La̱in xinsachoc e̱re joꞌ nak quinsacheb laj Sodoma ut eb laj Gomorra. Ut li joꞌ qꞌuialex quexcoleꞌ, chanchan li cheꞌ li qui-isi̱c saꞌ xam. Ut riqꞌuin chixjunil li raylal aꞌin, incꞌaꞌ ajcuiꞌ nequecꞌoxla sukꞌi̱c cuiqꞌuin.

Amós 1:7

Tinqꞌue xxamlel li tzꞌac li sutsu cuiꞌ li tenamit Gaza ut tincꞌat ajcuiꞌ li palacio.

Amós 1:4

Tinqꞌue xxamlel li rochoch laj Hazael ut ta̱cꞌatk ajcuiꞌ lix palacio laj Ben-adad.

Joel 2:30

Ut sachba chꞌo̱lej tincꞌutbesi che̱ru chiru choxa joꞌ ajcuiꞌ saꞌ ruchichꞌochꞌ ut te̱ril li quicꞌ, li xam ut li sib chanchan li chok.

Jeremías 21:12

—La̱ex li nequex-oc chokꞌ xreyeb laj Judá, abihomak li oc re chixyebal li Ka̱cuaꞌ. Rajlal cutan textakla̱nk saꞌ ti̱quilal. Checolak li ani yo̱queb chi rahobtesi̱c xbaneb li incꞌaꞌ useb xnaꞌleb. Cui incꞌaꞌ te̱ba̱nu li us ta̱cha̱lk injoskꞌil saꞌ e̱be̱n. Chanchanak li xam li incꞌaꞌ naru xchupbal xban li ma̱usilal xeba̱nu.

Jeremías 4:4

La̱ex aj Judá ut la̱ex aj Jerusalén, isihomak li yibru naꞌleb li cuan saꞌ le̱ chꞌo̱l ut kꞌaxtesihomak e̱rib chi tzꞌakal saꞌ cuukꞌ la̱in li Ka̱cuaꞌ le̱ Dios. Chanchan nak na-uxman li circuncisión. Cui incꞌaꞌ te̱ba̱nu li cꞌaꞌru ninye, la̱in tinjoskꞌokꞌ e̱riqꞌuin xban li ma̱usilal li nequeba̱nu. Ut incꞌaꞌ ta̱numekꞌ lin joskꞌil saꞌ e̱be̱n. Chanchanak li xam li incꞌaꞌ nachup, chan li Ka̱cuaꞌ.

Isaías 27:4

Incꞌaꞌ chic yo̱ injoskꞌil saꞌ xbe̱neb lin tenamit. Cui ta cuan li teꞌraj xchꞌiꞌchꞌiꞌinquileb la̱in saꞌ junpa̱t tebinsach ruheb joꞌ nak nequeꞌcꞌat li qꞌuix ut li pim.

Deuteronomio 32:22

Cꞌajoꞌ nak queꞌxqꞌue injoskꞌil. Lin joskꞌil chanchan li xam yo̱ chixcꞌatbal chixjunil toj saꞌ xchamal li ruchichꞌochꞌ. Chanchan nak tixcꞌat li ruchichꞌochꞌ ut li acui̱mk li cuan chiru. Tixcꞌat lix to̱n li tzu̱l.

Números 16:35

Ut li Ka̱cuaꞌ quixtakla li xam ut quixcꞌateb li cuib ciento riqꞌuin laje̱b roxcꞌa̱l (250) chi cui̱nk li queꞌcꞌatoc re li pom.

Levítico 10:2

Joꞌcan nak li Ka̱cuaꞌ quixtakla jun li xam re teꞌcꞌatekꞌ. Ut aran queꞌcam chiru li Ka̱cuaꞌ.

Joel 1:19

At Ka̱cuaꞌ, a̱cuiqꞌuin yo̱quin chixtzꞌa̱manquil katenkꞌanquil. La̱at nacanau nak li xam xcꞌat chixjunil li pim ut xeꞌcꞌat ajcuiꞌ chixjunil li cheꞌ saꞌ eb li cꞌaleba̱l.

Amós 2:5

Tinqꞌue xxamlel li tenamit Judá ut tincꞌateb ajcuiꞌ lix palacio aran Jerusalén.

Ezequiel 21:3

Ta̱ye reheb chi joꞌcaꞌin: Aꞌan aꞌin li naxye li Ka̱cuaꞌ: La̱in xicꞌ chic nequexcuil. La̱in tincuisi lin chꞌi̱chꞌ saꞌ li rochoch ut tinsach ruheb li ti̱c xchꞌo̱leb joꞌ eb ajcuiꞌ li yibru xnaꞌlebeb.