Amós 7:17 - Li Santil hu

¹⁷ La̱ cuixakil ta̱yumbe̱tak saꞌ li tenamit ut eb la̱ cualal a̱cꞌajol teꞌcamsi̱k saꞌ li ple̱t. La̱ chꞌochꞌ ta̱jeqꞌui̱k reheb jalan. Ut la̱at toxatca̱mk saꞌ jalan tenamit saꞌ xya̱nkeb li incꞌaꞌ nequeꞌxcꞌoxla li Dios. Ut la̱ex aj Israel texchapekꞌ ut texcꞌamekꞌ chi najt saꞌ jalan tenamit, chan.

Q'eqchi Bible

¹⁷ A'ut xyehom li Qaawa': «Laawixaqil taayumb'eetaq sa' li tenamit, eb' laawalal aak'ajol te'kamsiiq chi q'esnal ch'iich' ut laach'och' taajachimanq chi b'uulinb'il. Laa'at ajwi' toxatkamq sa' xyanqeb' li ink'a' neke'xpaab' li Qaawa', ut eb' laj Israel te'k'ame'q chi b'ak'b'o, najt rik'in li xna'ajeb'»”.

Amós 7:17 ပူးပေါင်းရင်းမြစ်များ

Oseas 9:3

La̱ex incꞌaꞌ texcana̱k arin saꞌ li naꞌajej li qꞌuebil e̱re xban li Dios. La̱ex ralal xcꞌajol laj Efraín, texcana̱k rubel xtakl laj Asiria. Chanchan nak quexcuan chak Egipto. Ut te̱tzaca li tzacae̱mk li yebil e̱re nak incꞌaꞌ us te̱tzaca.

2 Reyes 17:6

Yo̱ chic xbele chihab roquic laj Oseas chokꞌ xreyeb laj Israel nak lix reyeb laj Asiria quire̱chani li tenamit Samaria ut quixcꞌameb chi pre̱xil laj Israel aran Asiria. Cuan li quixcanabeb saꞌ li naꞌajej Halah. Cuan li quixcanabeb saꞌ li naꞌajej Habor li cuan nachꞌ riqꞌuin li nimaꞌ Gozán. Ut cuan ajcuiꞌ li quixcanabeb saꞌ eb li tenamit li cuanqueb saꞌ xcue̱nt li tenamit Medo.

Ezequiel 4:13

Ut li Ka̱cuaꞌ quixye ajcuiꞌ: —Joꞌcaꞌin teꞌtzaca̱nk eb laj Israel nak cua̱nkeb saꞌ xya̱nkeb li jalan tenamit li xebintakla cuiꞌ chi pre̱xil. Muxbilak lix tzacae̱mkeb.—

Jeremías 28:16

Joꞌcan nak li Ka̱cuaꞌ xye nak tatrisi saꞌ ruchichꞌochꞌ. Chiru ajcuiꞌ li chihab aꞌin tatca̱mk xban nak xacꞌam xbeheb li tenamit chixkꞌetkꞌetinquil ribeb chiru li Ka̱cuaꞌ, chan.

Amós 7:11

Joꞌcaꞌin yo̱ chixyebal laj Amós: —Laj Jeroboam chi chꞌi̱chꞌ ta̱camsi̱k ut eb laj Israel teꞌchapekꞌ ut teꞌisi̱k saꞌ lix tenamiteb, chan.

Jeremías 29:21

Li Ka̱cuaꞌ lix Dioseb laj Israel naxye chi joꞌcaꞌin chirix laj Acab li ralal laj Colaías ut chirix ajcuiꞌ laj Sedequías li ralal laj Maasías li queꞌxye ticꞌtiꞌ saꞌ xcꞌabaꞌ li Dios, “La̱in tinkꞌaxtesiheb saꞌ rukꞌ laj Nabucodonosor lix reyeb laj Babilonia. Laj Nabucodonosor tixtakla xcamsinquileb che̱ru la̱ex,” chan li Dios.

Zacarías 14:2

Li Ka̱cuaꞌ tixchꞌutubeb ru chixjunileb li xni̱nkal ru tenamit ut teꞌxic chi pletic e̱riqꞌuin la̱ex li cuanquex Jerusalén. Teꞌnumta̱k saꞌ e̱be̱n ut ta̱cꞌamekꞌ li cꞌaꞌru cuan e̱re. Eb li ixk telajeꞌchapekꞌ xbaneb li cui̱nk li teꞌcha̱lk chi pletic. Yijach le̱ tenamit teꞌcꞌamekꞌ saꞌ jalan naꞌajej. Ut li joꞌ qꞌuial chic teꞌcana̱k incꞌaꞌ teꞌisi̱k saꞌ le̱ tenamit.

Lamentaciones 5:11

Queꞌxmux ruheb li kixakil nak queꞌxchꞌic rib riqꞌuineb aran Sión. Ut queꞌxmux ajcuiꞌ ruheb li tukꞌ ixk aran Judá.

Jeremías 29:25

Li Ka̱cuaꞌ lix Dioseb laj Israel naxye chi joꞌcaꞌin: —La̱at xataklaheb li hu saꞌ a̱cꞌabaꞌ la̱at reheb li cuanqueb Jerusalén ut re laj Sofonías laj tij li ralal laj Maasías ut reheb ajcuiꞌ chixjunileb laj tij. Ut xaye re laj Sofonías chi joꞌcaꞌin:

Jeremías 28:12

Nak laj Hananías ac xtok li yugo li cuan chirix xcux laj Jeremías, li Ka̱cuaꞌ quia̱tinac riqꞌuin laj Jeremías.

Jeremías 20:6

At Pasur, la̱at ut chixjunileb li cuanqueb saꞌ la̱ cuochoch texchapekꞌ ut texcꞌamekꞌ Babilonia. Texca̱mk ut texmukekꞌ aran, la̱at ut chixjunileb li nequeꞌrahoc a̱cue, li xabalakꞌiheb riqꞌuin li ticꞌtiꞌ li xaye reheb.

Isaías 13:16

Eb li cocꞌal sacꞌbileb chiru pec nak teꞌcamsi̱k chiruheb li naꞌbej yucuaꞌbej. Telajeꞌcꞌamekꞌ chixjunil li cꞌaꞌru cuan reheb saꞌ rochocheb. Ut eb li rixakileb telajeꞌchapekꞌ xbaneb li cui̱nk.

Salmos 78:55

Quirisiheb li tenamit li cuanqueb aran ut quixjeqꞌui li chꞌochꞌ reheb li ralal xcꞌajol laj Israel re teꞌcua̱nk cuiꞌ.

Jeremías 14:16

Ut eb li tenamit li yo̱queb chi abi̱nc re li cꞌaꞌru nequeꞌxye li profeta aꞌin, teꞌcutekꞌ saꞌ eb li be re Jerusalén xban li ple̱t ut xban cueꞌej. Ut ma̱ ani ta̱ru̱k ta̱mukuk reheb. Incꞌaꞌ teꞌmukekꞌ li rixakileb chi moco li ralal xcꞌajoleb. La̱in tintakla li raylal saꞌ xbe̱neb joꞌ xcꞌulubeb xcꞌulbal.

Amós 6:7

Joꞌcan nak anakcuan la̱ex xbe̱n cua texcꞌamekꞌ nak teꞌnumta̱k saꞌ e̱be̱n li xicꞌ nequeꞌiloc e̱re. Incꞌaꞌ chic ta̱cua̱nk le̱ ninkꞌe li naqꞌuehoc xsahil e̱chꞌo̱l.

Amós 8:1

Chanchan matqꞌuenbil quinba̱nu nak li Ka̱cuaꞌ quixcꞌutbesi cuiꞌchic chicuu jun li visión. Quicuil jun li chacach nujenak riqꞌuin quiꞌil kꞌe̱n ac xkꞌanoꞌ.

Amós 9:1

Laj Amós quixye: —Chanchan matqꞌuenbil quinba̱nu nak quicuil li Ka̱cuaꞌ xakxo chiru li artal. Quixye cue: —Ta̱jucꞌ li templo. Ta̱cuecꞌasi li rokechal toj retal ta̱tꞌanekꞌ saꞌ xbe̱neb li tenamit. Ut eb li incꞌaꞌ teꞌca̱mk, la̱in tinqꞌuehok reheb chi camsi̱c riqꞌuin chꞌi̱chꞌ saꞌ li ple̱t re nak ma̱ ani chic ta̱colekꞌ.

Amós 9:8

La̱in yo̱quin chirilbal li ma̱usilal li yo̱queb chixba̱nunquil lin tenamit. La̱in tinsach ruheb saꞌ li ruchichꞌochꞌ. Abanan incꞌaꞌ tinsacheb chixjunileb li ralal xcꞌajol laj Jacob.

Miqueas 1:16

La̱ex li cuanquex Judá nak te̱bes le̱ rismal jobil te̱ba̱nu. Tꞌuruꞌ ta̱cana̱k joꞌ xjolom li tꞌiu. Te̱ba̱nu aꞌan chokꞌ retalil xrahil e̱chꞌo̱l xban nak le̱ cocꞌal li raro̱queb e̱ban teꞌchapekꞌ ut teꞌcꞌamekꞌ saꞌ jalan tenamit.

Isaías 22:18

Tatxqꞌue saꞌ jalan tenamit kꞌaxal nim. Chanchan nak tixcut jun li pelota. Aran tatca̱mk ut eb la̱ carruaje li cꞌajoꞌ xchꞌinaꞌusaleb teꞌcana̱k aran. Riqꞌuin aꞌan ta̱cꞌutekꞌ xxuta̱n li ani nataklan saꞌ a̱be̱n.