Amós 7:16 - Li Santil hu

¹⁶ Joꞌcan nak chacuabi li ra̱tin li Ka̱cuaꞌ. La̱at incꞌaꞌ nacacuaj tinye li raylal li xchal saꞌ e̱be̱n la̱ex laj Israel, chi moco nacacuaj tinye li cꞌaꞌru xchal saꞌ e̱be̱n la̱ex li ralal xcꞌajol laj Isaac. Joꞌcan ut nak tinye a̱cue li cꞌaꞌru xye cha̱cuix li Ka̱cuaꞌ.

Q'eqchi Bible

¹⁶ Ut anaqwan ab'i li raatin li Qaawa'. Laa'at nakaye: «Mat-aatinak jo' propeet chirixeb' laj Israel; mik'a' aaye chi kaw chirixeb' li ralal xk'ajol laj Isahak».

Amós 7:16 ပူးပေါင်းရင်းမြစ်များ

Ezequiel 20:46

—At ralal cui̱nk, ilon saꞌ li sur. Ut saꞌ incꞌabaꞌ la̱in ta̱ye resil li raylal li ta̱cha̱lk saꞌ xbe̱neb li qꞌuicheꞌ li cuan aran.

Miqueas 2:6

Eb li tenamit nequeꞌxye cue: —Mat-a̱tinac chi joꞌcan. Ma̱ye ke ra̱tin profeta. Li Dios incꞌaꞌ tixcꞌut kaxuta̱n.

Ezequiel 21:2

—At ralal cui̱nk, ilon cuan cuiꞌ li tenamit Jerusalén ut ta̱ye resil reheb li raylal li ta̱cha̱lk saꞌ xbe̱n lin templo ut saꞌ xbe̱neb ajcuiꞌ laj Israel.

Amós 7:13

Ut matchal chic arin Bet-el chixyebal ra̱tin profeta xban nak li naꞌajej aꞌin, aꞌan li nalokꞌonin cuiꞌ li rey ut arin ajcuiꞌ cuan li rochoch, chan.

Deuteronomio 32:2

Li tijleb li tinye chanchanak li hab. Li cua̱tin li tinye chanchanak li xchuꞌque. Chanchanak li hab cocꞌ ru li naxtꞌakresi li rax pim. Chanchanak li hab li naxtꞌakresi li acui̱mk.

Isaías 30:10

Nequeꞌxye reheb li profeta: —Micꞌuteꞌ chic li visión che̱ru. Me̱ye chic ke cꞌaꞌru us takaba̱nu. Ye ban ke li chꞌinaꞌus rabinquil, usta moco ya̱l ta.

1 Reyes 22:19

Li profeta Micaías quixye ajcuiꞌ: —Qꞌuehomak retal li cꞌaꞌru quixcꞌutbesi chicuu li Ka̱cuaꞌ. Xcuil li Ka̱cuaꞌ cꞌojcꞌo saꞌ lix cꞌojariba̱l saꞌ choxa. Ut chixjunileb lix ángel xakxo̱queb chixcꞌatk. Cuanqueb saꞌ lix nim ukꞌ ut cuanqueb saꞌ lix tzꞌe.

1 Samuel 15:16

Quixye laj Samuel re laj Saúl: —Canab a̱tinac. Abi li cꞌaꞌru quixye cue li Ka̱cuaꞌ ecue̱r chi kꞌek, chan. Ut laj Saúl quixye re: —Us. Ye, chan.

Ezequiel 13:2

—At ralal cui̱nk, ta̱kꞌuseb lix profeteb laj Israel li yo̱queb chi balakꞌic riqꞌuin li cꞌaꞌru nequeꞌxye yal xjuneseb rib. Ta̱ye reheb nak cheꞌrabihak li oc cue chixyebal.

Amós 2:12

Ut quixye ajcuiꞌ: —Abanan la̱ex quemin ruheb laj nazareo chi ucꞌac vino, ut quetacchiꞌiheb li profeta nak incꞌaꞌ teꞌxye li cua̱tin reheb li tenamit.

1 Reyes 13:1

Nak laj Jeroboam yo̱ chixcꞌatbal lix incienso saꞌ li artal li quixyi̱b aran Bet-el, jun li profeta quichal chak Judá taklanbil xban li Dios.

2 Reyes 14:24

Laj Jeroboam quixba̱nu li incꞌaꞌ us chiru li Ka̱cuaꞌ. Junelic quixba̱nu li ma̱usilal joꞌ quixba̱nu laj Jeroboam li ralal laj Nabat li quicꞌamoc xbeheb laj Israel chi ma̱cobc.

Ezequiel 16:35

Joꞌcan ut la̱at ixakilbej li nacamux ru la̱ sumlajic, chacuabi li cꞌaꞌru naxye a̱cue li Ka̱cuaꞌ.