Amós 7:15 - Li Santil hu

¹⁵ Abanan li Ka̱cuaꞌ qui-isin chak cue saꞌ li cꞌanjel aꞌan, ut quixye cue: —Ayu, toxa̱ye chak li cꞌaꞌru tinye a̱cue. Saꞌ incꞌabaꞌ la̱in toxa̱ye chak li cꞌaꞌru teꞌxcꞌul lin tenamit Israel, chan.

Q'eqchi Bible

¹⁵ A' li Qaawa' x'isink chaq we chi xk'aak'alenkileb' li ketomq ut xye we: «Ayu ut aatinan sa' ink'ab'a' rik'ineb' laj Israel, lintenamit».

Amós 7:15 ပူးပေါင်းရင်းမြစ်များ

2 Samuel 7:8

Li Dios quixye re laj Natán: —Ta̱ye re laj David laj cꞌanjel chicuu, “Joꞌcaꞌin xye a̱cue li Ka̱cuaꞌ li nimajcual Dios: La̱in quinsicꞌoc a̱cuu nak yo̱cat chak chi iloc carner saꞌ cꞌaleba̱l, ut catinxakab chokꞌ xreyeb lin tenamit Israel.

San Mateo 9:9

Ut li Jesús qui-el aran Capernaum ut quinumeꞌ saꞌ li naꞌajej bar nequeꞌcꞌuluc cuiꞌ toj. Quiril jun li cui̱nk aj Mateo xcꞌabaꞌ. Cꞌojcꞌo aran xban nak aꞌan aj titzꞌol toj. Ut li Jesús quixye re: —China̱ta̱ke.— Ut laj Mateo quicuacli ut quixta̱ke.

Jeremías 1:7

Ut li Ka̱cuaꞌ Dios quixye cue: —Ma̱ye nak toj sa̱jat. Bar tatintakla la̱at tatxic ut ta̱ye chixjunil li cꞌaꞌru tinye a̱cue.

Hechos 5:20

—Ayukex saꞌ li templo ut te̱chꞌolob xya̱lal chiruheb li tenamit chirix li acꞌ yuꞌam, chan reheb.

Hechos 4:20

La̱o incꞌaꞌ naru takacanab xyebal resil li cꞌaꞌru xkil ut xkabi, chanqueb.

Hechos 1:8

La̱ex te̱cꞌul le̱ cuanquil nak ta̱cha̱lk li Santil Musikꞌej e̱riqꞌuin. La̱ex chic texchꞌoloba̱nk resilal chicuix la̱in arin Jerusalén, aran Judea ut Samaria. Joꞌ ajcuiꞌ yalak bar jun sut saꞌ ruchichꞌochꞌ te̱chꞌolob lix ya̱lal, chan.

1 Samuel 10:11

Eb li queꞌnaꞌoc ru laj Saúl nak toj ma̱jiꞌ naxcꞌul xcuanquil li Dios, queꞌril nak yo̱ chixlokꞌoninquil li Ka̱cuaꞌ rochbeneb li profeta. Queꞌxye chi ribileb rib: —¿Cꞌaꞌru xcꞌul laj Saúl li ralal laj Cis? Joꞌ li profeta chic, chanqueb.

Jeremías 26:12

Quia̱tinac laj Jeremías riqꞌuineb chixjunileb li cuanqueb xcuanquil ut riqꞌuineb ajcuiꞌ li tenamit ut quixye: —Aꞌ li Ka̱cuaꞌ xtaklan chak cue chixyebal resil li raylal li ta̱cha̱lk saꞌ xbe̱n li templo aꞌin joꞌ ajcuiꞌ saꞌ xbe̱neb li tenamit aꞌin. La̱ex xerabi li cꞌaꞌru xinye.

1 Reyes 19:19

Joꞌcan nak laj Elías qui-el saꞌ li naꞌajej aꞌan. Coxixtau laj Eliseo li ralal laj Safat. Yo̱ chi becoc chꞌochꞌ riqꞌuin cablaju sumal li bo̱yx. Laj Eliseo yo̱ chi beresi̱nc re li cuan chak chi ixbej. Laj Elías quirisi li tꞌicr cuan saꞌ xbe̱n li rakꞌ ut quixqꞌue chirix laj Eliseo.

Amós 3:8

¿Ani ta biꞌ incꞌaꞌ ta̱xucuak nak tixjap re li cakcoj? Cui nequeꞌxucuac xban li cakcoj nak naxjap re, ¿ma tojaꞌ ta chic incꞌaꞌ teꞌxucuak chiru li Dios? Cui junak ta̱a̱tina̱k xban li Ka̱cuaꞌ, ¿ma incꞌaꞌ ta biꞌ tixye resil li cꞌaꞌru quicꞌutbesi̱c chiru?