Amós 7:10 - Li Santil hu

¹⁰ Ut laj Amasías laj tij li nacuan aran Bet-el, quixtakla resil riqꞌuin laj Jeroboam lix reyeb laj Israel ut quixye re li rey Jeroboam chi joꞌcaꞌin: —Cꞌajoꞌ yo̱ chixyebal cha̱cuix laj Amós reheb li tenamit Israel. Li tenamit incꞌaꞌ chic nequeꞌxcuy rabinquil li naxye.

Q'eqchi Bible

¹⁰ Laj Amasías, aj tij aran Betel, kixtaqla xyeeb'al re laj Jerobohán, awab'ej re Israel: “Laj Amós yo xpo'b'al xch'ooleb' li tenamit Israel chawix; ut li tenamit ink'a' chik neke'xkuy rab'inkil li raatin.

Amós 7:10 ပူးပေါင်းရင်းမြစ်များ

Jeremías 38:4

Ut eb li cuanqueb xcuanquil queꞌxye re li rey: —Tento ta̱ca̱mk li cui̱nk aꞌin xban li ra̱tin naxye. Yo̱ chi chꞌina̱nc xchꞌo̱leb li soldado li joꞌ qꞌuial toj cuanqueb saꞌ li tenamit. Ut yo̱ ajcuiꞌ chi chꞌina̱nc xchꞌo̱leb li tenamit xban. Li cui̱nk aꞌin incꞌaꞌ naxsicꞌ li us chokꞌ re li tenamit. Naxsicꞌ ban li incꞌaꞌ us chokꞌ reheb.—

San Mateo 21:23

Ut qui-oc cuiꞌchic li Jesús saꞌ rochoch li Dios. Ut nak yo̱ chixchꞌolobanquil lix ya̱lal chiruheb li tenamit, queꞌcuulac riqꞌuineb li xbe̱nil aj tij ut queꞌcuulac ajcuiꞌ eb li xakabanbileb chi cꞌanjelac saꞌ li rochoch li Dios. Ut queꞌxye re: —¿Ani xtaklan chak a̱cue chixba̱nunquil li cꞌaꞌru yo̱cat chixba̱nunquil? Ut, ¿ani xqꞌuehoc a̱cuanquil?—

1 Reyes 13:33

Usta ac xqꞌue retal chixjunil li cꞌaꞌru quicꞌulman li rey Jeroboam, incꞌaꞌ quixcanab xba̱nunquil li incꞌaꞌ us. Quixxakabeb ban chic saꞌ xya̱nkeb li tenamit aj tij re teꞌcꞌanjelak saꞌ eb li naꞌajej li najt xteram li nequeꞌxlokꞌoni cuiꞌ li jalanil dios. Li ani naraj aꞌan naxxakab chokꞌ aj tij.

Hechos 24:5

La̱o xkaqꞌue retal nak li cui̱nk aꞌin kꞌaxal yibru xnaꞌleb. Naxtiquib ra xi̱cꞌ saꞌ xya̱nkeb chixjunileb laj judío saꞌ chixjunil li ruchichꞌochꞌ. Ut aꞌan najolomin re li jun chꞌu̱tal aj Nazareno nequeꞌxye re.

Hechos 7:54

Nak queꞌrabi li cꞌaꞌru yo̱ chixyebal laj Esteban, cꞌajoꞌ nak queꞌjoskꞌoꞌ. Queꞌxcꞌuxuxi li ruch re xbaneb xjoskꞌil.

Hechos 5:28

—¿Ma incꞌaꞌ ta biꞌ xkaye e̱re nak incꞌaꞌ chic te̱tzoleb li tenamit saꞌ xcꞌabaꞌ li cui̱nk aꞌan? La̱ex yo̱quex chixcꞌutbal li tijleb aꞌan saꞌ chixjunil Jerusalén ut te̱raj xqꞌuebal saꞌ kabe̱n lix camic li cui̱nk aꞌan, chanqueb.

San Lucas 23:2

Queꞌoc chixjitbal ut queꞌxye: —Xkaqꞌue retal nak li cui̱nk aꞌin yo̱ chixpoꞌbal xchꞌo̱leb li katenamit. Nocoxkꞌus riqꞌuin xqꞌuebal li katoj re li acuabej. Ut naxye nak aꞌan li Cristo laj Colonel li yechiꞌinbil xban li Dios. Naxye nak aꞌan rey, chanqueb.

Jeremías 18:18

Ut eb li tenamit queꞌxye: —Takacꞌu̱b ru cꞌaꞌru takaba̱nu riqꞌuin laj Jeremías. Moco palta tixba̱nu chiku. Eb laj tij junelic teꞌxcꞌut chiku li cꞌaꞌru naxye li chakꞌrab. Eb li cuanqueb xnaꞌleb junelic teꞌxqꞌue kanaꞌleb ut eb li profeta junelic teꞌxye ke li ra̱tin li Dios. Takajit laj Jeremías ut incꞌaꞌ takabi li cꞌaꞌru tixye, chanqueb.

1 Reyes 18:17

Nak laj Acab quiril ru laj Elías quixye re: —Arin peꞌ cuancat la̱at li yo̱cat chi qꞌuehoc raylal saꞌ xbe̱n li tenamit Israel, chan laj Acab.

Génesis 37:8

Eb li ras queꞌxye re: —¿Ma nacacꞌoxla nak la̱at tat-oc chi takla̱nc saꞌ kabe̱n? Ut, ¿ma nacacꞌoxla nak la̱o takaqꞌue kib rubel a̱takl? chanqueb re. Ut kꞌaxal cuiꞌchic xicꞌ queꞌril laj José xban li cꞌaꞌru quixye ut xban li cꞌaꞌru quixmatqꞌue.

Jeremías 36:16

Nak queꞌrabi li cꞌaꞌru naxye saꞌ li hu, cꞌajoꞌ nak queꞌxucuac. Queꞌxcaꞌya ribeb ut queꞌxye re laj Baruc: —Tento takaye re li rey chixjunil aꞌin, chanqueb.

Amós 1:1

Quicuan jun li cui̱nk aj Amós xcꞌabaꞌ saꞌ li naꞌajej Tecoa. Aꞌan jun reheb laj ilol xul. Quia̱tina̱c xban li Dios saꞌ eb li cutan nak cua̱nk chokꞌ rey aran Judá laj Uzías ut cua̱nk chokꞌ rey aran Israel laj Jeroboam ralal laj Joás. Cuib chihab chic ma̱ nanumeꞌ li hi̱c nak laj Amós quixtiquib xyebal resil li quicꞌutbesi̱c chiru xban li Dios chirixeb laj Israel.

Amós 3:14

Nak ta̱cuulak xkꞌehil la̱in tebinqꞌue laj Israel chixtojbal rix lix ma̱queb. Ut tinsacheb ajcuiꞌ lix artal aran Bet-el. Tinjor lix xucub li cuanqueb saꞌ li artal ut teꞌtꞌanekꞌ chi chꞌochꞌ.

Amós 5:5

Mexxic chic aran Bet-el chi lokꞌoni̱nc chi moco texxic chic Gilgal. Ut mexnumeꞌ chic aran Beerseba xban nak eb laj Gilgal teꞌchapekꞌ ut eb laj Bet-el teꞌosokꞌ, chan li Ka̱cuaꞌ.

Amós 7:11

Joꞌcaꞌin yo̱ chixyebal laj Amós: —Laj Jeroboam chi chꞌi̱chꞌ ta̱camsi̱k ut eb laj Israel teꞌchapekꞌ ut teꞌisi̱k saꞌ lix tenamiteb, chan.

Amós 5:10

La̱ex aj Israel xicꞌ nequeril li ani naxcol rix li ti̱quilal. Ut xicꞌ nequeril li ani nayehoc re li ya̱l nak cuanqueb chiru laj rakol a̱tin.