Amós 6:13 - Li Santil hu

¹³ La̱ex nasahoꞌ saꞌ e̱chꞌo̱l riqꞌuin li ma̱cꞌaꞌ na-oc cuiꞌ ut nequeye: ¿Ma incꞌaꞌ ta biꞌ cau kib kajunes? chanquex.

Q'eqchi Bible

¹³ Nasaho'k leech'ool chi maak'a' rajb'al, ut nekeye: “Ma ink'a' tab'i' xqeechani Karnáhin yal qajunes qib'?”, chankex.

Amós 6:13 ပူးပေါင်းရင်းမြစ်များ

Santiago 4:16

Aꞌut la̱ex nequenimobresi e̱rib chixyebal li cꞌaꞌru nequecꞌoxla xba̱nunquil. Incꞌaꞌ us nequeba̱nu nak nequenimobresi e̱rib.

2 Reyes 14:25

Laj Jeroboam quixyi̱b cuiꞌchic lix nuba̱l lix chꞌochꞌeb laj Israel joꞌ nak quicuan junxil. Naticla saꞌ li oqueba̱l re Hamat saꞌ li norte ut nacuulac toj saꞌ li palau li cuan Arabá. Quixba̱nu joꞌ quixye li Ka̱cuaꞌ lix Dioseb laj Israel re li profeta Jonás li ralal laj Amitai, li chalenak chak saꞌ li naꞌajej Gat-hefer.

Apocalipsis 11:10

Ut li cuanqueb saꞌ ruchichꞌochꞌ ta̱sahokꞌ saꞌ xchꞌo̱leb nak teꞌca̱mk li cuib chi cui̱nk ut ta̱cꞌojla̱k xchꞌo̱leb. Joꞌcan nak teꞌoc chixsihinquil cꞌaꞌru reheb chi ribileb rib. Ta̱sahokꞌ xchꞌo̱leb nak teꞌca̱mk li cuib chi cui̱nk xban nak chꞌaꞌaj queꞌrecꞌa nak queꞌyeheꞌ reheb nak ta̱cha̱lk raylal saꞌ xbe̱neb.

San Juan 16:20

Relic chi ya̱l ninye e̱re nak eb li incꞌaꞌ nequeꞌpa̱ban cue ta̱sahokꞌ saꞌ xchꞌo̱leb nak tincꞌul li raylal. La̱ex ta̱yotꞌekꞌ e̱chꞌo̱l ut texya̱bak nak tincꞌul chi joꞌcan. Ta̱rahokꞌ saꞌ e̱chꞌo̱l, abanan mokon ta̱sahokꞌ cuiꞌchic saꞌ e̱chꞌo̱l nak te̱ril cuiꞌchic cuu.

Sofonías 3:11

Saꞌ eb li cutan aꞌan incꞌaꞌ chic texxuta̱nobresi̱k xban li incꞌaꞌ us xeba̱nu nak xexma̱cob ut xekꞌetkꞌeti e̱rib chicuu. La̱in tincuisiheb saꞌ e̱ya̱nk li kꞌetkꞌeteb ut li nequeꞌxnimobresi ribeb. Ut incꞌaꞌ chic ta̱cua̱nk li kꞌetkꞌetil saꞌ lin santil naꞌaj.

Jonás 4:6

Ut li Dios quixqꞌue chi qꞌui̱c jun to̱n li cꞌum. Quichamoꞌ ut quixhel rib saꞌ xbe̱n xmuheba̱l laj Jonás re nak ta̱hila̱nk saꞌ mu ut re nak ta̱numekꞌ lix chꞌiꞌchꞌiꞌil. Ut laj Jonás cꞌajoꞌ nak quisahoꞌ saꞌ xchꞌo̱l riqꞌuin li jun to̱n chi cꞌum.

Daniel 4:30

Quixye li rey: —¿Ma ma̱cuaꞌ ta biꞌ aꞌin lix nimal ru tenamit Babilonia li quinyi̱b? ¿Ma ma̱cuaꞌ ta biꞌ saꞌ incꞌabaꞌ la̱in nak xniman li tenamit xban nak cuan incuanquil la̱in? Aꞌan nacꞌutuc re lin cuanquil ut lin lokꞌal, chan.

Jeremías 50:11

Li Ka̱cuaꞌ quixye: —La̱ex aj Babilonia, la̱ex xerecꞌa xsahil nak xexnumta saꞌ xbe̱neb lin tenamit ut xemakꞌ chiruheb li cꞌaꞌru reheb ut sa saꞌ e̱chꞌo̱l. Chanchanex li cuacax li napiscꞌoc saꞌ pachꞌayaꞌ, malaj ut chanchanex li cacua̱y li naxjap re xban xsahil xchꞌo̱l.

Jeremías 9:23

Li Ka̱cuaꞌ quixye: —Li ani cuan xnaꞌleb mixnimobresi rib xban nak cuan xnaꞌleb, chi moco li cau rib tixnimobresi rib xban nak cau rib. Ut li biom incꞌaꞌ tixnimobresi rib xban nak cuan xbiomal.

Isaías 8:6

—Eb li tenamit aꞌin queꞌxtzꞌekta̱na li nimaꞌ Siloé, li tuktu ru ut queꞌxcꞌojob xchꞌo̱leb riqꞌuin laj Rezín ut riqꞌuin laj Peka li ralal laj Remalías.

Isaías 7:4

Ut ta̱ye re, “Michꞌinan a̱chꞌo̱l. Cacuubresi ban a̱chꞌo̱l. Matxucuac chiruheb laj Rezín lix reyeb laj Siria ut li ralal laj Remalías, li yo̱ xjoskꞌileb saꞌ e̱be̱n xban nak eb aꞌan chanchaneb li ruꞌuj siꞌ li yo̱ xsibel,” chaꞌakat.—

Isaías 7:1

Laj Acaz, lix reyeb laj Judá, aꞌan li ralal laj Jotam. Laj Jotam, aꞌan li ralal laj Uzías. Saꞌ eb li cutan nak cuan laj Acaz chokꞌ xreyeb laj Judá, laj Rezín lix reyeb laj Siria ut laj Peka li ralal laj Remalías lix reyeb laj Israel queꞌco̱eb chi pletic riqꞌuineb laj Jerusalén. Abanan incꞌaꞌ quiru queꞌoc saꞌ li tenamit.

Eclesiastés 11:9

La̱ex, li toj sa̱jex, cheyalak xsahil le̱ sa̱jilal. Cheba̱nuhak li cꞌaꞌru te̱ra ru ut li cꞌaꞌru nacuulac che̱ru. Abanan, tento nak te̱qꞌue retal nak saꞌ jun cutan ta̱rakok a̱tin li Dios saꞌ e̱be̱n.

Li xHu LAJ JOB 31:29

La̱in ma̱ jun sut xsahoꞌ saꞌ inchꞌo̱l nak yo̱queb chixcꞌulbal raylal li xicꞌ nequeꞌiloc cue, chi moco xsahoꞌ saꞌ inchꞌo̱l nak cuanqueb saꞌ chꞌaꞌajquilal.

Li xHu LAJ JOB 31:25

La̱in incꞌaꞌ quisahoꞌ inchꞌo̱l nak nabal lin biomal cuan. Chi moco quisahoꞌ inchꞌo̱l nak nabal li cꞌaꞌru cue nintau.

Li xHu LAJ JOB 8:15

Nak teꞌraj xchapbal ribeb riqꞌuin lix quem aj am, moco tixcuy ta xban nak moco cau ta.

2 Reyes 13:25

Ut laj Joás li ralal laj Hazael, quixmakꞌ chiru laj Ben-adad chixjunil li tenamit li quixmakꞌ laj Ben-adad chiru laj Hazael lix yucuaꞌ laj Joás. Oxib sut quinumta laj Joás saꞌ xbe̱n laj Ben-adad.

1 Samuel 4:5

Cꞌajoꞌ nak queꞌsahoꞌ saꞌ xchꞌo̱leb laj Israel nak quicuulac li Lokꞌlaj Ca̱x riqꞌuineb. Qui-ecꞌan li chꞌochꞌ nak queꞌxjap reheb xban xsahil xchꞌo̱leb.

Jueces 9:27

Queꞌco̱eb chixsicꞌbal ru li uvas ut queꞌxyatzꞌ re risinquil lix yaꞌal. Chirix aꞌan queꞌxba̱nu jun li ninkꞌe saꞌ rochoch lix dioseb. Nak yo̱queb chi cuaꞌac ut chi ucꞌac, yo̱queb chixmajecuanquil laj Abimelec.

Li xHu LAJ JOB 8:14

Ma̱cꞌaꞌ chic cꞌaꞌru nequeꞌxcꞌojob cuiꞌ xchꞌo̱leb. Chanchan nak teꞌraj xchapbal ribeb riqꞌuin lix quem aj am.

Salmos 2:2

Eb li rey queꞌjoskꞌoꞌ riqꞌuin li cꞌaꞌru quixba̱nu li Ka̱cuaꞌ. Ut queꞌxchꞌutub rib chixcꞌu̱banquil chanru nak teꞌrisi saꞌ xcuanquil li Rey xakabanbil chak xban li Dios.

Salmos 75:4

Ut ninye ajcuiꞌ reheb li incꞌaꞌ useb xnaꞌleb nak teꞌxcanab xnimobresinquil ribeb ut teꞌxcanab xkꞌetkꞌetinquil ribeb.

Salmos 75:5

Me̱nimobresi chic e̱cuanquil e̱junes ut canabomak inhobbal, chanquin reheb, chan li Dios.

Zacarías 1:19

Ut quinpatzꞌ re li ángel cꞌaꞌru xya̱lal li ca̱hib chi xucub li yo̱quin chirilbal. Li ángel quichakꞌoc ut quixye cue: —Li ca̱hib chi xucub aꞌin, aꞌan retalil li ca̱hib chi xni̱nkal ru tenamit li queꞌnumta saꞌ xbe̱neb ut queꞌxchaꞌchaꞌi ruheb lin tenamit Judá, Israel ut Jerusalén, chan.

Ezequiel 29:3

Ta̱ye reheb: joꞌcaꞌin xye li Ka̱cuaꞌ li nimajcual Dios. Yo̱ injoskꞌil saꞌ a̱be̱n la̱at, at faraón, lix reyeb laj Egipto. La̱at chanchanat jun li nimla xul dragón xcꞌabaꞌ li nacuan saꞌ nimaꞌ. Nacaye, “Li nimaꞌ Nilo cue la̱in. La̱in quinyi̱ban re,” chancat.

Ezequiel 29:9

La̱in tinsukꞌisi li naꞌajej Egipto chokꞌ chaki chꞌochꞌ. Ma̱cꞌaꞌ chic cua̱nk chi saꞌ. Ut eb li tenamit teꞌxqꞌue retal nak la̱in li Ka̱cuaꞌ li nimajcual Dios. La̱at caye, “Li nimaꞌ Nilo cue la̱in. La̱in quinyi̱ban re,” chancat.

Daniel 4:27

At rey Nabucodonosor, chacꞌul taxak li cua̱tin. Chacanabak xba̱nunquil li ma̱c ut chaba̱nu li ti̱quilal. Ma̱ba̱nu chic li ma̱usilal. Chacuuxta̱na taxak ruheb li nebaꞌ. Cui ta̱ba̱nu aꞌan, ma̱re chan nak toj tatcana̱k saꞌ la̱ cuanquil, chan laj Daniel.