Amós 6:11 - Li Santil hu

¹¹ Quixye chi joꞌcan xban nak li Ka̱cuaꞌ quixye nak teꞌosokꞌ li ni̱nkeb xcuanquil joꞌqueb ajcuiꞌ li ma̱cꞌaꞌeb xcuanquil. Jun xiquic nak teꞌosokꞌ chixjunileb.

Q'eqchi Bible

¹¹ Xb'aan naq li Qaawa' xyehok naq taajuk'manq eb' li xninqal ru ochoch ut po'lem te'kanab'aaq wi' eb' li kok' kab'l.

Amós 6:11 ပူးပေါင်းရင်းမြစ်များ

Amós 3:15

La̱in tinsach lix naꞌajeb bar nequeꞌcuan cuiꞌ saꞌ li sakꞌehil. Ut tinsach ajcuiꞌ li nequeꞌcuan cuiꞌ saꞌ li habalkꞌe. Teꞌosokꞌ li rochocheb yi̱banbil riqꞌuin marfil. Tinsacheb chixjunileb lix palacio, chan li Ka̱cuaꞌ.

Isaías 55:11

Joꞌcan ajcuiꞌ li cua̱tin. Incꞌaꞌ nacana yal chi joꞌcan. Naxba̱nu ban xcꞌanjel joꞌ nacuaj la̱in. Naxba̱nu chi tzꞌakal li cꞌaꞌru nintakla cuiꞌ, chan li Ka̱cuaꞌ.

2 Reyes 25:9

Nak quicuulac laj Nabuzaradán Jerusalén quixcꞌat lix templo li Ka̱cuaꞌ ut quixcꞌat ajcuiꞌ li rochoch li rey. Ut quixcꞌat ajcuiꞌ li rochocheb chixjunileb li cuanqueb xcuanquil. Chixjunileb li cab li cuanqueb Jerusalén quilajxcꞌat.

San Lucas 19:44

Teꞌxjuqꞌui le̱ tenamit ut teꞌxtꞌan, joꞌqueb ajcuiꞌ chixjunileb li cuanqueb aran. Ma̱ jun chic li pec ta̱cana̱k saꞌ xnaꞌaj. Te̱cꞌul chi joꞌcan xban nak la̱ex incꞌaꞌ xeqꞌue retal nak li Dios xcꞌulun e̱riqꞌuin che̱colbal, chan li Jesús.

Zacarías 14:2

Li Ka̱cuaꞌ tixchꞌutubeb ru chixjunileb li xni̱nkal ru tenamit ut teꞌxic chi pletic e̱riqꞌuin la̱ex li cuanquex Jerusalén. Teꞌnumta̱k saꞌ e̱be̱n ut ta̱cꞌamekꞌ li cꞌaꞌru cuan e̱re. Eb li ixk telajeꞌchapekꞌ xbaneb li cui̱nk li teꞌcha̱lk chi pletic. Yijach le̱ tenamit teꞌcꞌamekꞌ saꞌ jalan naꞌajej. Ut li joꞌ qꞌuial chic teꞌcana̱k incꞌaꞌ teꞌisi̱k saꞌ le̱ tenamit.

Nahum 1:14

Joꞌcaꞌin quixye li Ka̱cuaꞌ cha̱cuix la̱at lix reyeb li tenamit Nínive. Ma̱ jun a̱cualal a̱cꞌajol teꞌcana̱k re teꞌoc chokꞌ rey saꞌ la̱ naꞌaj. Tinsach ruheb chixjunileb le̱ yi̱banbil dios ut le̱ pechꞌbil dios li cuanqueb saꞌ li naꞌajej li bar nequelokꞌoniheb cuiꞌ. Ut aran ajcuiꞌ tatmukekꞌ xban nak kꞌaxal yibru a̱naꞌleb, chan li Dios.

Amós 9:9

Tincanabeb laj Israel chi chapecꞌ xbaneb li jalan xtenamit. Chanchan nak nachikꞌeꞌ li ru li trigo saꞌ li naꞌajej li natzꞌilman cuiꞌ ut ma̱ jun li ru cha̱bil natzꞌekeꞌ saꞌ chꞌochꞌ.

Amós 9:1

Laj Amós quixye: —Chanchan matqꞌuenbil quinba̱nu nak quicuil li Ka̱cuaꞌ xakxo chiru li artal. Quixye cue: —Ta̱jucꞌ li templo. Ta̱cuecꞌasi li rokechal toj retal ta̱tꞌanekꞌ saꞌ xbe̱neb li tenamit. Ut eb li incꞌaꞌ teꞌca̱mk, la̱in tinqꞌuehok reheb chi camsi̱c riqꞌuin chꞌi̱chꞌ saꞌ li ple̱t re nak ma̱ ani chic ta̱colekꞌ.

Amós 6:8

Li Ka̱cuaꞌ Dios quixba̱nu li juramento saꞌ xcꞌabaꞌ ajcuiꞌ aꞌan ut quixye: —La̱in li Ka̱cuaꞌ li nimajcual Dios. Xicꞌ nequeꞌcuil li ralal xcꞌajol laj Jacob xban nak nequeꞌxnimobresi ribeb. Nintzꞌekta̱naheb lix ni̱nkal ru cab. Joꞌcan nak tincanabeb li xicꞌ nequeꞌiloc reheb chi numta̱c saꞌ xbe̱neb lix tenamiteb laj Israel jun xiquic chixjunil li cꞌaꞌru cuan reheb.

Oseas 13:16

La̱in tebinqꞌue chixtojbal rix lix ma̱queb laj Samaria xban nak xineꞌxtzꞌekta̱na. Ta̱cha̱lk li ple̱t saꞌ xbe̱neb ut telajeꞌcamsi̱k riqꞌuin chꞌi̱chꞌ. Tenbileb chiru pec li cocꞌal nak teꞌcamsi̱k. Ut eb li yaj aj ixk jachbileb chi chꞌi̱chꞌ nak teꞌcamsi̱k.

Isaías 13:3

Li Ka̱cuaꞌ quixsicꞌ ruheb li cha̱bil soldado li cauheb rib re nak teꞌxic chi pletic re xqꞌuebal chixtojbal xma̱queb li tenamit li yo̱ xjoskꞌil saꞌ xbe̱neb. Quixsicꞌ ruheb li teꞌsahokꞌ xchꞌo̱l chixqꞌuebal xlokꞌal.

Eclesiastés 10:18

Li ani incꞌaꞌ nacuulac chiru cꞌanjelac, natꞌaneꞌ li rochoch saꞌ xbe̱n. Ut xban nak incꞌaꞌ naraj cꞌanjelac, na-oquesin li rochoch.

Salmos 105:34

Yal riqꞌuin ra̱tin, li Dios quixtaklaheb laj sa̱cꞌ. Incꞌaꞌ quiru rajlanquileb xban xqꞌuialeb.

Salmos 105:31

Yal riqꞌuin li ra̱tin, li Dios quixtakla nabal li ni̱nki raxya̱t ut li suk ut quinujac li tenamit xbaneb li xul.

Salmos 105:16

Li Ka̱cuaꞌ quixqꞌue jun li cueꞌej saꞌ lix tenamiteb laj Israel ut queꞌcana chi ma̱cꞌaꞌ chic xcuaheb.

Amós 5:11

Querahobtesiheb li nebaꞌ ut querelkꞌa li ruheb lix trigo. Joꞌcan nak incꞌaꞌ texcua̱nk saꞌ le̱ rochoch li xeyi̱b chi cha̱bil riqꞌuin pec. Ut incꞌaꞌ chic te̱rucꞌ li vino yi̱banbil riqꞌuin li ru li cha̱bil uvas li xerau.

Malaquías 1:4

Ut cui ta teꞌxye li ralal xcꞌajol laj Esaú li cuanqueb saꞌ li tenamit Edom, “Xeꞌxsach ru li katenamit, abanan takacuaclesi cuiꞌchic li katenamit,” chaꞌkeb, abanan li Ka̱cuaꞌ li kꞌaxal nim xcuanquil tixye: —Eb aꞌan teꞌxcuaclesi cuiꞌchic lix tenamiteb ut la̱in tinsach cuiꞌchic ru. “Numtajenak chi ma̱usilal lix tenamiteb” chaꞌkeb re. Ut ta̱yehekꞌ ajcuiꞌ re, “Li tenamit aꞌan junelic yo̱ xjoskꞌil li Dios saꞌ xbe̱n.”