Amós 6:10 - Li Santil hu

¹⁰ Ut nak ta̱oc junak li rechꞌalal chirisinquil li camenak saꞌ li cab re tixcꞌat, tixye: ¿Ma toj cuan junak yoꞌyo xcana? Ut li jun li cuan chak toj saꞌ cab ta̱chakꞌok ut tixye: Ma̱cꞌaꞌ. Caꞌaj chic la̱in xincana. Ut ma̱patzꞌ xcꞌabaꞌ li Ka̱cuaꞌ, chaꞌak.

Q'eqchi Bible

¹⁰ Yal wiib' oxib' ajwi' li te'kole'q re risinkileb' li kamenaq sa' li kab'l; ut wi taapatz'manq re li toj wanq chaq sa' li kab'l: “Ma maajun chik wan chaq aawochb'een?”, a'an tixsume chaq: “Maajun chik”. Ut tixye li xpatz'ok: “Mat-aatinak, mare anchal taapatz' xk'ab'a' li Qaawa'”, cha'aq.

Amós 6:10 ပူးပေါင်းရင်းမြစ်များ

Amós 8:3

Saꞌ li cutan aꞌan, li bicha̱nc saꞌ li palacio ta̱sukꞌisi̱k chokꞌ ya̱bac. Nabaleb li teꞌca̱mk yalak bar. Ut mem teꞌcana̱k li tenamit chirilbal lix qꞌuialeb li camenak nak yo̱queb chirisinquil, chan.

1 Samuel 31:12

Queꞌxchꞌutub rib chixjunileb li cui̱nk li cauheb xchꞌo̱l chi pletic ut queꞌco̱eb. Chixjunil li kꞌojyi̱n queꞌbe̱c. Nak queꞌcuulac aran Bet-sán, queꞌrisiheb li camenak chiru li tzꞌac, laj Saúl joꞌ eb ajcuiꞌ li oxib chi ralal. Queꞌxcꞌameb li camenak toj Jabes ut aran queꞌxcꞌat.

Amós 5:13

Joꞌcan nak li ani cuan xnaꞌleb, cui x-ux raylal re, incꞌaꞌ ta̱xic chi jitoc xban nak saꞌ eb li cutan aꞌin incꞌaꞌ nequeꞌrakoc a̱tin saꞌ xya̱lal.

Ezequiel 24:21

Joꞌcaꞌin naxye li Ka̱cuaꞌ li nimajcual Dios e̱re la̱ex aj Israel: La̱in li Ka̱cuaꞌ tincanab chi muxecꞌ ru lin templo li kꞌaxal nequera, li cꞌojcꞌo cuiꞌ e̱chꞌo̱l ut nacuulac che̱ru rilbal. Ut eb le̱ ralal e̱cꞌajol li toj cuanqueb Jerusalén teꞌcamsi̱k saꞌ li ple̱t, chan li Ka̱cuaꞌ e̱re.

Ezequiel 20:39

Li Ka̱cuaꞌ li nimajcual Dios naxye chi joꞌcaꞌin e̱re la̱ex aj Israel: Ayukex che̱junilex ut cꞌanjelankex chiruheb le̱ jalanil dios. Abanan ta̱cuulak xkꞌehil nak la̱ex te̱ba̱nu li cꞌaꞌru tinye e̱re ut incꞌaꞌ chic te̱mux ru lin santil cꞌabaꞌ riqꞌuin le̱ mayej li nequeqꞌue chiruheb li jalanil dios.

Jeremías 44:26

Abanan la̱ex aj judío li cuanquex arin Egipto, cherabi li cꞌaꞌru naxye li Ka̱cuaꞌ. Li Ka̱cuaꞌ naxye: —La̱in li yoꞌyo̱quil Dios riqꞌuin juramento ninye nak ma̱ jun aj judío li cuan Egipto tixpatzꞌ incꞌabaꞌ nak ta̱tijok, chi moco tixba̱nu chic li juramento saꞌ incꞌabaꞌ.

Jeremías 16:6

Chixjunileb li cuanqueb saꞌ li naꞌajej aꞌin teꞌca̱mk, joꞌ li cuanqueb xcuanquil, joꞌ li ma̱cꞌaꞌeb xcuanquil. Ma̱ ani ta̱mukuk reheb, ut ma̱ ani ta̱rahokꞌ xchꞌo̱l chirixeb. Incꞌaꞌ teꞌxjo li rismal xjolomeb, chi moco teꞌxset xtibeleb xban xrahil xchꞌo̱leb.

Números 17:12

Abanan eb laj Israel queꞌxye re laj Moisés: —La̱o toca̱mk. Osocꞌ ke. Ta̱sachekꞌ ku.

2 Reyes 23:16

Li rey Josías qui-iloc chi xjun sutam li naꞌajej aꞌan. Quiril li mukleba̱l cuan saꞌ li tzu̱l. Quixtakla risinquileb lix bakel li camenak. Queꞌrisiheb chak lix bakeleb ut queꞌxcꞌat saꞌ xbe̱n li artal aꞌan re xmuxbal ru, joꞌ quiyeheꞌ reheb xban lix profeta li Dios li quiyehoc resil li cꞌaꞌru ta̱cꞌulma̱nk.

2 Reyes 6:33

Toj yo̱ ajcuiꞌ chi a̱tinac li profeta Eliseo nak lix takl li rey quicuulac riqꞌuin ut quixye re: —Relic chi ya̱l li Ka̱cuaꞌ Dios xtakla li raylal aꞌin saꞌ kabe̱n. ¿Cꞌaꞌ aj e nak tincuoybeni re nak li Ka̱cuaꞌ toxtenkꞌa? chan.

Jeremías 9:21

Li ca̱mc xchal saꞌ kabe̱n. Chanchan nak x-oc saꞌ li kaventana. Chanchan nak x-oc saꞌ eb li cab li cauresinbil chi us re takacol cuiꞌ kib. Queꞌcamsi̱c li cocꞌal saꞌ be ut queꞌcamsi̱c li cui̱nk li toj sa̱jeb saꞌ eb li cꞌayiba̱l.