Amós 5:9 - Li Santil hu

⁹ Aꞌan tixsach xcuanquil li ni̱nkeb xcuanquil. Ut ta̱sachekꞌ ajcuiꞌ li rochocheb li teꞌxcol cuiꞌ raj ribeb laj Israel.

Amós 5:9 ပူးပေါင်းရင်းမြစ်များ

Hebreos 11:34

Xban lix pa̱ba̱leb incꞌaꞌ queꞌcꞌat nak queꞌcuteꞌ saꞌ xam. Cuan queꞌcamsi̱c raj chi chꞌi̱chꞌ, aban incꞌaꞌ queꞌyoqꞌueꞌ. Riqꞌuin lix pa̱ba̱leb, queꞌqꞌueheꞌ xcacuilal li ma̱cꞌaꞌeb xmetzꞌe̱u. Nak queꞌpletic riqꞌuineb li jalanil tenamit, queꞌnumta xcuanquil saꞌ xbe̱neb xban li Dios toj retal queꞌre̱chani li tenamit.

Miqueas 5:11

Ut tinjucꞌ chixjunileb li tenamit saꞌ le̱ naꞌaj ut tinjucꞌ ajcuiꞌ chixjunil li cab li nequecol cuiꞌ e̱rib.

Jeremías 37:10

Usta la̱ex texnumta̱k saꞌ xbe̱neb ut junes li tochꞌoleb saꞌ li ple̱t teꞌcana̱k saꞌ lix muheba̱l, abanan eb aꞌan teꞌcha̱lk ut teꞌxqꞌue xxamlel li tenamit, chan li Dios.

2 Reyes 13:25

Ut laj Joás li ralal laj Hazael, quixmakꞌ chiru laj Ben-adad chixjunil li tenamit li quixmakꞌ laj Ben-adad chiru laj Hazael lix yucuaꞌ laj Joás. Oxib sut quinumta laj Joás saꞌ xbe̱n laj Ben-adad.

2 Reyes 13:17

Laj Eliseo quixye re li rey: —Te li ventana li cuan saꞌ li este, chan. Nak quixte li ventana, laj Eliseo quixye re: —Cutun riqꞌuin la̱ tzimaj, chan. Ut li rey quicutuc riqꞌuin lix tzimaj. Ut li profeta quixye re: —Li tzimaj aꞌin, aꞌan retalil nak li Ka̱cuaꞌ ta̱colok e̱re. Li tzimaj aꞌin, aꞌan retalil nak la̱ex aj Israel texnumta̱k saꞌ xbe̱neb laj Siria. La̱ex texpletik riqꞌuineb laj Siria saꞌ li naꞌajej Afec toj retal te̱sach ruheb, chan.

Isaías 29:5

Abanan li Ka̱cuaꞌ saꞌ junpa̱t tixqꞌue chixtojbal lix ma̱queb li xicꞌ nequeꞌiloc reheb laj Jerusalén. Chanchanakeb li poks malaj ut lix mokoj ixim li nacꞌameꞌ chi junpa̱t xban li ikꞌ.

Amós 2:14

Ma̱ ani ta̱ru̱k ta̱e̱lelik chicuu. Li kꞌaxal cau naa̱linac incꞌaꞌ ta̱ru̱k ta̱e̱lelik chicuu. Li kꞌaxal cau rib tixsach lix cacuilal ut li cau xchꞌo̱l chi pletic incꞌaꞌ ta̱ru̱k tixcol rib.