Amós 5:7 - Li Santil hu

⁷ Raylal ta̱cha̱lk saꞌ e̱be̱n la̱ex li nequesukꞌisi li ti̱quilal chokꞌ ma̱usilal ut nequesach xcuanquil li us.

Q'eqchi Bible

⁷ Ra chaalel sa' eeb'een laa'ex li nekepo' ru li tiikilal ut nekesach xwankil li k'ulub'ej.

Amós 5:7 ပူးပေါင်းရင်းမြစ်များ

Amós 6:12

¿Ma ta̱ru̱k ta biꞌ teꞌa̱linak li cacua̱y saꞌ xbe̱n ni̱nki pec? ¿Ma naru ta biꞌ xbecbal li palau riqꞌuin chꞌi̱chꞌ joꞌ nabecman li chꞌochꞌ? ¿Cꞌaꞌut nak la̱ex xesukꞌisi li us chokꞌ re camsi̱nc? Ut, ¿cꞌaꞌut nak xesukꞌisi li ti̱quilal chokꞌ ma̱usilal?

Sofonías 1:6

Eb li queꞌxcanab inlokꞌoninquil tinsacheb ru joꞌqueb ajcuiꞌ li ma̱ jun cua niquineꞌxlokꞌoni chi moco niquineꞌxcꞌoxla, chan li Dios.

Oseas 10:4

Ma̱cꞌaꞌ rajbal li cꞌaꞌru nequeꞌxye nak nequeꞌxba̱nu li contrato xban nak incꞌaꞌ nequeꞌxba̱nu li cꞌaꞌru nequeꞌxye. Incꞌaꞌ nequeꞌrakoc a̱tin saꞌ xya̱lal. Li ma̱usilal li nequeꞌxba̱nu nak nequeꞌrakoc a̱tin, chanchan li yibru pim nak naqꞌuian saꞌ xya̱nkeb li acui̱mk.

Ezequiel 3:20

Cui cuan junak ti̱c xchꞌo̱l ta̱oc chixba̱nunquil li ma̱usilal ut la̱in tincanab chi tꞌanecꞌ, aꞌan ta̱ca̱mk cui la̱at incꞌaꞌ ta̱chꞌolob xya̱lal chiru. Ta̱ca̱mk xban lix ma̱usilal ut incꞌaꞌ ta̱julticokꞌ cue li us li quixba̱nu. Ut saꞌ a̱be̱n la̱at ta̱cana̱k lix camic.

Deuteronomio 29:18

Cheqꞌue retal nak ma̱ jun saꞌ e̱ya̱nk tixtzꞌekta̱na li Ka̱cuaꞌ le̱ Dios re tixlokꞌoniheb lix jalanil dios li jalaneb xtenamit. Ma̱ jun taxak saꞌ e̱ya̱nk tixba̱nu aꞌan, chi moco li cui̱nk, chi moco li ixk, chi moco jun cabalak, chi moco jun xte̱paleb. Incꞌaꞌ te̱ba̱nu chi joꞌcan re nak ma̱cuaꞌakex joꞌ li cꞌahil kꞌe̱n li nacamsin.

Ezequiel 33:18

Nak junak li ti̱c xchꞌo̱l tixjal xcꞌaꞌux ut tixcanab xba̱nunquil li ti̱quilal ut tixba̱nu li incꞌaꞌ us, aꞌan ta̱ca̱mk xban li ma̱c li tixba̱nu.

Ezequiel 18:24

Abanan cui junak ti̱c xchꞌo̱l tixjal xnaꞌleb ut tixba̱nu li ma̱usilal li nequeꞌxba̱nu li incꞌaꞌ useb xnaꞌleb, li jun aꞌan ta̱ca̱mk. Ut incꞌaꞌ tixcꞌul xkꞌajca̱munquil li us li quixba̱nu junxil. Ta̱ca̱mk xban li ma̱c li quixba̱nu ut xban nak quixkꞌetkꞌeti rib.

Isaías 10:1

Raylal ta̱cha̱lk saꞌ e̱be̱n la̱ex li nequeqꞌue li chakꞌrab li moco ti̱c ta re xrahobtesinquileb li tenamit.

Isaías 5:7

Li xya̱lal li bich, aꞌan aꞌin: Li racui̱mk li Ka̱cuaꞌ li nimajcual Dios, aꞌan li tenamit Israel. Li racui̱mk, aꞌan li ralal xcꞌajol laj Judá. Aꞌaneb li sicꞌbileb ru xban li Ka̱cuaꞌ. Aꞌan quiroybeni nak teꞌcua̱nk saꞌ ti̱quilal. Abanan, aꞌ chic li xcamsinquileb ribeb queꞌxba̱nu. Ut quiroybeni nak cha̱bilakeb. Aꞌ ban chic lix ya̱b xcꞌuxeb li nequeꞌxrahobtesi quirabi.

Isaías 1:23

Eb li nequeꞌcꞌamoc be che̱ru aj kꞌetoleb a̱tin ut nequeꞌxjunaji rib riqꞌuineb laj e̱lkꞌ. Nequeꞌxra ru li tumin ut nequeꞌxqꞌue rib chi tumina̱c. Incꞌaꞌ nequeꞌxba̱nu usilal reheb li ma̱cꞌaꞌeb xnaꞌ xyucuaꞌ chi moco nequeꞌxtenkꞌaheb li xma̱lcaꞌan.

Salmos 125:5

Abanan eb li nequeꞌba̱nun ma̱usilal, la̱at ta̱tzꞌekta̱naheb rochbeneb li incꞌaꞌ useb xnaꞌleb. Chicua̱nk taxak li tuktu̱quil usilal riqꞌuineb laj Israel.

Salmos 36:3

Junes saꞌ yibru a̱tin nequeꞌa̱tinac ut aj ticꞌtiꞌeb. Incꞌaꞌ chic us lix naꞌlebeb. Junes ma̱usilal chic nequeꞌxba̱nu.

Proverbios 21:7

Li ma̱usilal nequeꞌxba̱nu li incꞌaꞌ useb xnaꞌleb, aꞌan ajcuiꞌ ta̱sachok reheb xban nak incꞌaꞌ nequeꞌraj cua̱nc saꞌ ti̱quilal.

Isaías 5:20

Raylal ta̱cha̱lk saꞌ e̱be̱n la̱ex li nequexyehoc us re li incꞌaꞌ us, ut li us, incꞌaꞌ us nequeye re. Li cutan nequeqꞌue chokꞌ kꞌojyi̱n, ut li kꞌojyi̱n nequeqꞌue chokꞌ cutan. Li quiꞌ nequeye cꞌa re, ut li cꞌa, aꞌan quiꞌ nequeye re.

Amós 2:3

Tincuisi chiruheb li tenamit lix reyeb ut tincamsi rochbeneb li nequeꞌcꞌanjelac chiru, chan li Ka̱cuaꞌ.

Amós 3:10

Joꞌcaꞌin quixye li Ka̱cuaꞌ: —Incꞌaꞌ nequeꞌxnau xba̱nunquil li ti̱quilal. Nujenak lix palacio riqꞌuin li cꞌaꞌak re ru nequeꞌrelkꞌa riqꞌuin pletic ut numtajenak li ma̱usilal nequeꞌxba̱nu.

Isaías 46:12

Cherabihak li yo̱quin chixyebal la̱ex li cau e̱chꞌo̱l, la̱ex li nequecꞌoxla nak incꞌaꞌ texcolekꞌ.

Miqueas 3:9

Abihomak li oc cue xyebal e̱re la̱ex li nequexcꞌamoc be chiruheb laj Israel li ralal xcꞌajol laj Jacob. Abihomak la̱ex li cuan e̱cuanquil saꞌ xya̱nkeb. La̱ex xicꞌ nequeril li ti̱quilal ut nequesukꞌisi li us chokꞌ ma̱usilal.

Habacuc 1:4

Li chakꞌrab nacana chi ma̱cꞌaꞌ chic xcuanquil. Nak nequeꞌrakoc a̱tin, incꞌaꞌ nequeꞌxba̱nu saꞌ xya̱lal. Li nequeꞌba̱nun ma̱usilal, nequeꞌnumta saꞌ xbe̱neb li ti̱queb xchꞌo̱l ut incꞌaꞌ nequeꞌrakoc a̱tin saꞌ ti̱quilal, chan laj Habacuc.