Amós 5:6 - Li Santil hu

⁶ —Sicꞌomakin ban la̱in, chan li Ka̱cuaꞌ, ut ta̱cua̱nk le̱ yuꞌam chi tzꞌakal, xban nak cui incꞌaꞌ tine̱sicꞌ, tinrakok a̱tin saꞌ e̱be̱n. Chanchan xam tintakla chak nak tinrakok a̱tin saꞌ e̱be̱n la̱ex laj Israel. Chixjunileb teꞌcꞌatekꞌ xban li xam ut ma̱ ani junak saꞌ xya̱nkeb laj Bet-el ta̱ru̱k ta̱chupuk re li xam, chan li Dios.

Q'eqchi Bible

⁶ Sik'omaq li Qaawa' ut taawanq eeyu'am; mare anchal jo' li xam naq taachalq sa' xb'eeneb' laj José ut maajun sa' xyanqeb' laj Betel taaruuq taachupuq re.

Amós 5:6 ပူးပေါင်းရင်းမြစ်များ

Isaías 55:6

Sicꞌomak li Ka̱cuaꞌ nak toj naru xtaubal. Cheya̱ba lix cꞌabaꞌ nak toj naru texrabi.

Amós 5:14

Joꞌcan nak qꞌuehomak e̱chꞌo̱l chixba̱nunquil li ti̱quilal ut me̱ba̱nu chic li ma̱usilal re nak ta̱cua̱nk e̱yuꞌam chi tzꞌakal. La̱ex nequeye nak li Ka̱cuaꞌ cuan e̱riqꞌuin. Cui te̱ba̱nu li ti̱quilal relic chi ya̱l li Ka̱cuaꞌ, li nimajcual Dios ta̱cua̱nk e̱riqꞌuin joꞌ nequeye.

Amós 5:4

Ut quixye ajcuiꞌ li Ka̱cuaꞌ reheb laj Israel: —Sicꞌomakin la̱in ut ta̱cua̱nk e̱yuꞌam chi tzꞌakal.

Ezequiel 33:11

Ta̱ye reheb nak li Ka̱cuaꞌ xye chi joꞌcaꞌin: Yoꞌyo̱quin la̱in li nimajcual Dios. La̱in incꞌaꞌ nacuaj nak texca̱mk saꞌ le̱ ma̱c. Nacuaj ban nak te̱jal e̱naꞌleb ut te̱canab xba̱nunquil li ma̱usilal ut ta̱cua̱nk e̱yuꞌam. Ex aj Israel, canabomak xba̱nunquil li ma̱usilal. ¿Cꞌaꞌut nak te̱qꞌue e̱rib chi ca̱mc xban le̱ ma̱c?

Zacarías 10:6

La̱in tinqꞌue xcacuil xchꞌo̱leb li ralal xcꞌajol laj Judá. Ut tincoleb ajcuiꞌ li ralal xcꞌajol laj José. Tebinqꞌue cuiꞌchic chi sukꞌi̱c saꞌ lix naꞌajeb. La̱in tincuuxta̱na ruheb. Chanchan nak ma̱ jun sut xintzꞌekta̱naheb xban nak la̱in li Ka̱cuaꞌ lix Dioseb. Ut tincuabi li cꞌaꞌru teꞌxtzꞌa̱ma chicuu.

Amós 6:6

Ni̱nki secꞌ nequerucꞌ cuiꞌ le̱ vino. Ut nequerocsi li sununquil ban li kꞌaxal terto xtzꞌak. Abanan incꞌaꞌ nayotꞌeꞌ e̱chꞌo̱l xban li raylal li yo̱queb chixcꞌulbal le̱ ras e̱ri̱tzꞌin la̱ex laj Israel.

Ezequiel 37:19

Ut La̱at ta̱ye reheb: Joꞌcaꞌin xye li nimajcual Dios: La̱in tinchap lix cheꞌ laj José li cuan riqꞌuin laj Efraín. Li cheꞌ aꞌan retalileb li ralal xcꞌajol laj Israel. Tinchap ajcuiꞌ li cheꞌ retalileb li ralal xcꞌajol laj Judá. Tinletz chi ribil rib li cheꞌ. Ut junak aj chic chi cheꞌ ta̱cana̱k saꞌ cuukꞌ.

Jeremías 7:20

Joꞌcan nak la̱in li Ka̱cuaꞌ Dios tincuisi lin joskꞌil saꞌ xbe̱n li naꞌajej aꞌin. Tincuisi lin joskꞌil saꞌ xbe̱neb li cristian ut eb li xul joꞌ ajcuiꞌ saꞌ xbe̱neb li cheꞌ ut li acui̱mk. Lin joskꞌil chanchanak jun li xam li incꞌaꞌ naru xchupbal.—

Jeremías 4:4

La̱ex aj Judá ut la̱ex aj Jerusalén, isihomak li yibru naꞌleb li cuan saꞌ le̱ chꞌo̱l ut kꞌaxtesihomak e̱rib chi tzꞌakal saꞌ cuukꞌ la̱in li Ka̱cuaꞌ le̱ Dios. Chanchan nak na-uxman li circuncisión. Cui incꞌaꞌ te̱ba̱nu li cꞌaꞌru ninye, la̱in tinjoskꞌokꞌ e̱riqꞌuin xban li ma̱usilal li nequeba̱nu. Ut incꞌaꞌ ta̱numekꞌ lin joskꞌil saꞌ e̱be̱n. Chanchanak li xam li incꞌaꞌ nachup, chan li Ka̱cuaꞌ.

Isaías 1:31

Li cui̱nk li kꞌaxal cau xmetzꞌe̱u chanchanak chic li qꞌuim. Lix cꞌanjel li quixba̱nu chanchanak li rakꞌ xam. Chi xcabichaleb teꞌosokꞌ saꞌ xam ut ma̱ ani ta̱chupuk lix xamlel.—

1 Reyes 11:28

Li rey Salomón quixqꞌue retal nak laj Jeroboam, aꞌan jun sa̱j cui̱nk cuan xnaꞌleb ut cau natrabajic. Joꞌcan nak quixxakab laj Jeroboam chi takla̱nc saꞌ xbe̱neb li mo̱s li yo̱queb chi cꞌanjelac saꞌ xya̱nkeb li ralal xcꞌajol laj José.

2 Samuel 19:20

La̱in ninnau nak quinma̱cob cha̱cuu. Joꞌcan nak la̱in li xbe̱n li xincꞌulun anakcuan cha̱cꞌulbal, at rey. La̱in xbe̱n cua xincꞌulun chiruheb chixjunileb li ralal xcꞌajol laj José, chan.

Josué 18:5

Cuukub jachal teꞌrisi nak teꞌxjeqꞌui. Ut li naꞌajej li ta̱qꞌuehekꞌ reheb li ralal xcꞌajol laj Judá, aꞌan li cuan saꞌ li sur. Ut li naꞌajej li ta̱qꞌuehekꞌ reheb li ralal xcꞌajol laj José, aꞌan li cuan saꞌ li norte.

Deuteronomio 4:24

xban nak li Ka̱cuaꞌ le̱ Dios najoskꞌoꞌ nak nequelokꞌoni li jalanil dios. Chanchan jun li xam li naxsach chixjunil li incꞌaꞌ us.

Éxodo 22:6

Cui junak yo̱ chi cꞌatoc ut saꞌ xcꞌatbal li qꞌuix naxhel rib li xam ut naxtau li acui̱mk jalan aj e li ac sicꞌbil malaj chixjunil li aubil aran, li ani ta̱qꞌuehok re li xam tento tixtoj re laj e̱chal re li acui̱mk li joꞌ qꞌuial xcꞌat.

Salmos 27:8

La̱in xcuecꞌa saꞌ li cua̱m nak tento tatinsicꞌ. Joꞌcan nak xatinsicꞌ, at Ka̱cuaꞌ.

Isaías 55:3

Cha̱lkex cuiqꞌuin. Cherabihak li cꞌaꞌru ninye. Cheba̱nuhak li cꞌaꞌru ninye ut ta̱cua̱nk e̱yuꞌam chi junelic. La̱in tinba̱nu jun li contrato e̱riqꞌuin. Texcuosobtesi chi junelic joꞌ xinyechiꞌi re laj David junxil.

Amós 3:14

Nak ta̱cuulak xkꞌehil la̱in tebinqꞌue laj Israel chixtojbal rix lix ma̱queb. Ut tinsacheb ajcuiꞌ lix artal aran Bet-el. Tinjor lix xucub li cuanqueb saꞌ li artal ut teꞌtꞌanekꞌ chi chꞌochꞌ.

Sofonías 2:3

Sicꞌomak li Ka̱cuaꞌ che̱junilex la̱ex li tu̱lanex saꞌ ruchichꞌochꞌ. Sicꞌomak li Ka̱cuaꞌ la̱ex li nequeba̱nu li cꞌaꞌru naraj li Ka̱cuaꞌ. Ti̱cak le̱ chꞌo̱l ut cheba̱nu li cha̱bilal. Ma̱re chan nak texcolekꞌ chiru lix joskꞌil li Dios saꞌ eb li cutan aꞌan.

Deuteronomio 32:22

Cꞌajoꞌ nak queꞌxqꞌue injoskꞌil. Lin joskꞌil chanchan li xam yo̱ chixcꞌatbal chixjunil toj saꞌ xchamal li ruchichꞌochꞌ. Chanchan nak tixcꞌat li ruchichꞌochꞌ ut li acui̱mk li cuan chiru. Tixcꞌat lix to̱n li tzu̱l.

2 Crónicas 34:25

Eb aꞌan quineꞌxtzꞌekta̱na nak queꞌxcꞌat xmayejeb chiru li jalanil dios. Queꞌxchikꞌ injoskꞌil riqꞌuin li incꞌaꞌ us queꞌxba̱nu. Incꞌaꞌ tincanabeb chi joꞌcan. Toj tincuisi injoskꞌil saꞌ xbe̱neb li tenamit aꞌin.

Salmos 69:33

Li Ka̱cuaꞌ narabi lix tijeb li nebaꞌ ut aꞌan incꞌaꞌ naxtzꞌekta̱naheb li cuanqueb chi pre̱xil.

Jeremías 38:20

Laj Jeremías quixye re laj Sedequías: —Incꞌaꞌ tateꞌxkꞌaxtesi saꞌ rukꞌeb laj judío. Ba̱nu li cꞌaꞌru xye li Ka̱cuaꞌ. Cui ta̱ba̱nu li cꞌaꞌru yo̱quin chixyebal a̱cue, us tat-e̱lk. Ut incꞌaꞌ tatcamsi̱k.

Ezequiel 21:3

Ta̱ye reheb chi joꞌcaꞌin: Aꞌan aꞌin li naxye li Ka̱cuaꞌ: La̱in xicꞌ chic nequexcuil. La̱in tincuisi lin chꞌi̱chꞌ saꞌ li rochoch ut tinsach ruheb li ti̱c xchꞌo̱leb joꞌ eb ajcuiꞌ li yibru xnaꞌlebeb.