Amós 5:27 - Li Santil hu

²⁷ Xban le̱ ma̱usilal, la̱in texincanab chi chapecꞌ ut te̱pako le̱ yi̱banbil dios nak texcꞌamekꞌ toj jun pacꞌal li tenamit Damasco, chan li Ka̱cuaꞌ, li nimajcual Dios.

Q'eqchi Bible

²⁷ Jo'kan naq anaqwan texink'am toj junpak'al Damaask”, chan li Qaawa', li Nimajwal Yos.

Amós 5:27 ပူးပေါင်းရင်းမြစ်များ

Hechos 7:43

¿Ma ma̱cuaꞌ ta biꞌ le̱ yi̱banbil dios Moloc ut Renfán quelokꞌoni? La̱ex queyi̱b li jalam u̱ch aꞌin re te̱lokꞌoni. Joꞌcan nak texincanab re nak jalan tenamit ta̱numta̱k saꞌ e̱be̱n ut texcꞌamekꞌ chi najt saꞌ jun li naꞌajej li cuan jun pacꞌal li tenamit Babilonia, chan li Ka̱cuaꞌ. (Amós 5:25-27)

2 Reyes 17:6

Yo̱ chic xbele chihab roquic laj Oseas chokꞌ xreyeb laj Israel nak lix reyeb laj Asiria quire̱chani li tenamit Samaria ut quixcꞌameb chi pre̱xil laj Israel aran Asiria. Cuan li quixcanabeb saꞌ li naꞌajej Halah. Cuan li quixcanabeb saꞌ li naꞌajej Habor li cuan nachꞌ riqꞌuin li nimaꞌ Gozán. Ut cuan ajcuiꞌ li quixcanabeb saꞌ eb li tenamit li cuanqueb saꞌ xcue̱nt li tenamit Medo.

Amós 4:13

Li Ka̱cuaꞌ, aꞌan li quiyi̱ban re li tzu̱l ut aꞌan li quiyi̱ban re li ikꞌ. Aꞌan nacꞌutuc re chiruheb li cui̱nk cꞌaꞌru naxcꞌoxla xba̱nunquil. Aꞌan nasukꞌisin re li kꞌojyi̱n chokꞌ cutan. Aꞌan nacuan yalak bar saꞌ chixjunil li ruchichꞌochꞌ. Lix cꞌabaꞌ li Ka̱cuaꞌ, aꞌan lix Dioseb li qꞌuila okꞌob chi ángel.

2 Reyes 15:29

Saꞌ eb li cutan nak laj Peka cuan chokꞌ rey aran Israel, laj Tiglat-pileser lix reyeb laj Asiria quichal chi pletic riqꞌuineb laj Israel. Quinumta saꞌ xbe̱neb li tenamit Ijón, Abel-bet-maaca, Janoa, Cedes, Hazor, Galaad, Galilea ut chixjunil lix naꞌajeb li ralal xcꞌajol laj Neftalí. Quixchapeb li cristian ut quixcꞌameb chi pre̱xil aran Asiria.

Jeremías 38:17

Ut laj Jeremías quixye re laj Sedequías: —Joꞌcaꞌin quixye li Ka̱cuaꞌ li nimajcual Dios, lix Dioseb laj Israel. “Cui ta̱kꞌaxtesi a̱cuib saꞌ rukꞌeb li nequeꞌtenkꞌan re lix reyeb laj Babilonia, la̱at incꞌaꞌ tatcamsi̱k, ut li tenamit aꞌin incꞌaꞌ ta̱cꞌatekꞌ. La̱at joꞌ eb ajcuiꞌ la̱ cualal a̱cꞌajol incꞌaꞌ texcamsi̱k.

Amós 5:26

¿Ma ma̱cuaꞌ ta biꞌ le̱ yi̱banbil dios Moloc ut Quiún li xeqꞌue xlokꞌal?

Amós 6:1

Raylal ta̱cha̱lk saꞌ xbe̱neb li sa cuanqueb aran Sión. Raylal ta̱cha̱lk saꞌ xbe̱neb li cꞌojcꞌo̱queb xchꞌo̱l chi cua̱nc saꞌ li tzu̱l Samaria. Aꞌaneb li cuib chi tenamit li kꞌaxal nim xcuanquil saꞌ xya̱nkeb chixjunileb. Ut junes riqꞌuineb aꞌan cauheb xchꞌo̱l chixjunileb laj Israel.

1 Reyes 14:15

Li Ka̱cuaꞌ tixqꞌueheb chi rahobtesi̱c laj Israel. Chanchan nak na-ecꞌasi̱c li caxlan ajl xban li haꞌ nak teꞌisi̱k saꞌ li cha̱bil naꞌajej li quixqꞌue li Dios reheb lix xeꞌto̱nil xyucuaꞌeb. Tixchaꞌchaꞌi ruheb ut tixtaklaheb jun pacꞌal li nimaꞌ Éufrates xban nak queꞌxchikꞌ xjoskꞌil li Dios nak queꞌxyi̱b lix dios Asera ut queꞌxlokꞌoni.

2 Reyes 17:23

toj retal nak li Dios quixcanabeb re nak teꞌchapekꞌ xbaneb jalan tenamit joꞌ quiyeheꞌ reheb xbaneb lix profeta li Dios. Joꞌcan nak queꞌchapeꞌ ut queꞌcꞌameꞌ Asiria. Ut aran cuanqueb toj chalen anakcuan.

Amós 6:7

Joꞌcan nak anakcuan la̱ex xbe̱n cua texcꞌamekꞌ nak teꞌnumta̱k saꞌ e̱be̱n li xicꞌ nequeꞌiloc e̱re. Incꞌaꞌ chic ta̱cua̱nk le̱ ninkꞌe li naqꞌuehoc xsahil e̱chꞌo̱l.