Amós 5:25 - Li Santil hu

²⁵ Ex aj Israel, ¿ma xexmayejac ta biꞌ cꞌatbil xul nak cuanquex chak saꞌ li chaki chꞌochꞌ caꞌcꞌa̱l chihab? ¿Ma xeqꞌue ta biꞌ le̱ mayej re xqꞌuebal inlokꞌal?

Q'eqchi Bible

²⁵ Ex aj Israel, ma kexmayejak tab'i' chaq chiwu sa' li chaqich'och' chiru ka'k'aal chihab'?

Amós 5:25 ပူးပေါင်းရင်းမြစ်များ

Ezequiel 20:8

Abanan queꞌxkꞌetkꞌeti ribeb ut incꞌaꞌ queꞌabin chicuu. Incꞌaꞌ queꞌrisi saꞌ xya̱nkeb li jalanil dios li queꞌcuulac chiruheb xlokꞌoninquil, chi moco queꞌxtzꞌekta̱na lix jalanil dioseb laj Egipto. Joꞌcan nak quinye nak tinqꞌueheb chixtojbal lix ma̱queb aran Egipto toj retal nak tincuisi lin joskꞌil saꞌ xbe̱neb.

Nehemías 9:18

Ut queꞌxyi̱b jun li cuacax oro ut queꞌxqꞌue chokꞌ xdioseb. Queꞌxye nak aꞌan lix dioseb li qui-isin chak reheb Egipto ut cꞌajoꞌ li ma̱usilal queꞌxba̱nu. Chi moco riqꞌuin aꞌan catzꞌekta̱naheb.

Nehemías 9:21

Caꞌcꞌa̱l chihab cachꞌolaniheb nak yo̱queb chak chi numecꞌ saꞌ li chaki chꞌochꞌ ut ma̱cꞌaꞌ quipaltoꞌ reheb. Li rakꞌeb incꞌaꞌ quikꞌeloꞌ chi moco li rokeb quisi̱poꞌ chi be̱c.

Josué 24:14

Laj Josué quixye ajcuiꞌ reheb laj Israel: —Anakcuan ut chexucua ru li Ka̱cuaꞌ ut chexcꞌanjelak chiru chi anchal le̱ chꞌo̱l ut chi tzꞌakal re ru. Isihomakeb saꞌ e̱ya̱nk li yi̱banbil dios li queꞌxlokꞌoni le̱ xeꞌto̱nil yucuaꞌ nak cuanqueb aran jun pacꞌal li nimaꞌ Éufrates ut nak cuanqueb aran Egipto. Chexcꞌanjelak ban chiru li Ka̱cuaꞌ chi anchal e̱chꞌo̱l.

Levítico 17:7

Incꞌaꞌ chic teꞌxmayeja li xul yalak bar chiruheb li ma̱us aj musikꞌej li queꞌxlokꞌoni chak. Aꞌin jun li chakꞌrab cua̱nk chi junelic. Tento nak te̱ba̱nu la̱ex aj Israel ut tento ajcuiꞌ nak teꞌxba̱nu eb le̱ ralal e̱cꞌajol li teꞌcua̱nk mokon.

Zacarías 7:5

—Ye reheb chixjunileb li tenamit ut reheb ajcuiꞌ laj tij chi joꞌcaꞌin: Ya̱l nak la̱ex xeba̱nu le̱ ayu̱n ut xexya̱bac saꞌ li roꞌ po ut saꞌ li xcuuk po. Xeba̱nu aꞌan rajlal chihab chiru laje̱b xca̱cꞌa̱l (70) chihab. ¿Ma re xqꞌuebal ta biꞌ inlokꞌal la̱in nak xeba̱nu aꞌan?

Ezequiel 20:24

Quinye chi joꞌcan xban nak incꞌaꞌ queꞌxba̱nu li cꞌaꞌru quinye reheb. Queꞌxkꞌet lin chakꞌrab ut queꞌxmux ru li hiloba̱l cutan. Ut queꞌxlokꞌoniheb li jalanil dios li queꞌxlokꞌoni lix yucuaꞌeb.

Ezequiel 20:16

Quinba̱nu li juramento aꞌan xban nak queꞌxtzꞌekta̱na lin chakꞌrab. Incꞌaꞌ queꞌxba̱nu li cꞌaꞌru quinye. Queꞌxmux ban ru li hiloba̱l cutan. Ut queꞌxqꞌue xchꞌo̱leb chixlokꞌoninquil li jalanil dios.