Amós 5:15 - Li Santil hu

¹⁵ Chetzꞌekta̱na li ma̱usilal ut chera li ti̱quilal. Ut qꞌuehomak e̱chꞌo̱l chi rakoc a̱tin saꞌ xya̱lal. Ma̱re chi joꞌcan li Ka̱cuaꞌ, li nimajcual Dios ta̱ruxta̱na e̱ru la̱ex laj Israel, li joꞌ qꞌuialex chic texcolekꞌ.

Q'eqchi Bible

¹⁵ Tz'eqtaanahomaq li ink'a' us, rahomaq ru li us ut k'ehomaq xwankil li tiikilal sa' li raqok aatin. Mare anchal li Nimajwal Yos taaruxtaana ruheb' laj José, li jo'k'ihaleb' chik te'kole'q.

Amós 5:15 ပူးပေါင်းရင်းမြစ်များ

Romanos 12:9

Mexrahoc chi yal xcab rix e̱chꞌo̱l. Chera ban e̱rib chi ribil e̱rib chi anchal e̱chꞌo̱l. Chetzꞌekta̱na chi junaj cua li incꞌaꞌ us ut cheqꞌuehak e̱chꞌo̱l chixba̱nunquil li us.

3 Juan 1:11

At inherma̱n, ma̱tzol a̱cuib riqꞌuin li incꞌaꞌ us. Aꞌ ban li us ta̱ba̱nu. Li ani naba̱nun re li us, aꞌan ralal xcꞌajol li Dios. Ut li ani naxba̱nu li incꞌaꞌ us, toj ma̱jiꞌ naxpa̱b li Dios.

Joel 2:14

¿Ani ta biꞌ ta̱naꞌok re cꞌaꞌru tixba̱nu li Dios? Cui te̱yotꞌ e̱chꞌo̱l, ma̱re tixjal xcꞌaꞌux ut incꞌaꞌ chic tixqꞌue li raylal saꞌ e̱be̱n. Ma̱re texrosobtesi ut tixqꞌue cuiꞌchic e̱re le̱ trigo ut le̱ uvas. Ut texmayejak cuiꞌchic chiru li Ka̱cuaꞌ le̱ Dios.

Salmos 97:10

Che̱junilex la̱ex li nequexrahoc re li Ka̱cuaꞌ, chetzꞌekta̱na chi junaj cua li ma̱usilal xban nak li Ka̱cuaꞌ ta̱ilok e̱re la̱ex li ti̱c e̱chꞌo̱l. Aꞌan ta̱colok e̱re chiruheb li incꞌaꞌ useb xnaꞌleb.

Romanos 8:7

Li toj yo̱queb chixba̱nunquil li naxrahi ru lix chꞌo̱leb, cuanqueb saꞌ xi̱qꞌuilal riqꞌuin li Dios ut incꞌaꞌ nequeꞌraj xcubsinquil rib rubel xcuanquil lix chakꞌrab li Dios chi moco nequeꞌru chixba̱nunquil.

Miqueas 5:3

Joꞌcan utan li Dios tixcanabeb xjuneseb lix tenamit toj ta̱cuulak xkꞌehil nak ta̱yoꞌla̱k li Acuabej arin saꞌ ruchichꞌochꞌ. Ut ta̱cuulak xkꞌehil nak teꞌsukꞌi̱k cuiꞌchic saꞌ lix tenamiteb laj Israel li joꞌ qꞌuial chic queꞌcana.

Éxodo 32:30

Joꞌ cuulajak chic laj Moisés quixye reheb li tenamit: —La̱ex xexma̱cob. Anakcuan tintakekꞌ saꞌ li tzu̱l bar cuan cuiꞌ li Ka̱cuaꞌ Dios. Tintzꞌa̱ma chak e̱cuybal chiru li Dios ut ma̱re ta̱cuyekꞌ e̱ma̱c, chan.

Jonás 3:9

Cui takaba̱nu aꞌin, ma̱re anchal tixjal xcꞌaꞌux li Dios saꞌ kabe̱n. Ma̱re ta̱numekꞌ xjoskꞌil ut incꞌaꞌ chic tixsach ku, chanqueb.

Amós 5:24

Cheba̱nuhak ban li ti̱quilal ut li cha̱bilal chi ma̱cꞌaꞌak rosoꞌjic. Chanchanak li rok haꞌ ut li yuꞌam haꞌ li incꞌaꞌ nachakic.

Salmos 36:4

Nak yo̱queb chi hila̱nc yo̱queb ajcuiꞌ xcꞌoxlanquil cꞌaꞌru chi ma̱usilalil teꞌxba̱nu. Ma̱cꞌaꞌ usilal riqꞌuineb. Ti̱c incꞌaꞌ nequeꞌxcanab xba̱nunquil li ma̱usilal.

1 Reyes 20:31

Eb li nequeꞌtenkꞌan re li rey queꞌxye: —Kabiom resil nak eb lix reyeb laj Israel nequeꞌuxta̱nan u. Kabacꞌak li cꞌa̱m saꞌ li kacux ut kaqꞌuehak kꞌes ru tꞌicr chikix ut toxic riqꞌuin laj Acab. Ma̱re tixcuy kama̱c ut incꞌaꞌ toxcamsi, chanqueb.

Romanos 7:22

Nasahoꞌ saꞌ lin chꞌo̱l riqꞌuin lix chakꞌrab li Dios ut aꞌan li nacuaj xba̱nunquil.

Miqueas 2:12

Chi ya̱l la̱in texinxoc cuiꞌchic la̱ex aj Israel ut tinchꞌutub cuiꞌchic e̱ru li joꞌ qꞌuialex chic li xexcoleꞌ. Chanchanakex li carner li cuanqueb aran Bosra nak texinqꞌue cuiꞌchic saꞌ li naꞌajej li quinqꞌue e̱re junxil. Ut texqꞌuia̱nk toj retal ta̱nujak cuiꞌchic li naꞌajej, chan li Ka̱cuaꞌ.

Amós 6:12

¿Ma ta̱ru̱k ta biꞌ teꞌa̱linak li cacua̱y saꞌ xbe̱n ni̱nki pec? ¿Ma naru ta biꞌ xbecbal li palau riqꞌuin chꞌi̱chꞌ joꞌ nabecman li chꞌochꞌ? ¿Cꞌaꞌut nak la̱ex xesukꞌisi li us chokꞌ re camsi̱nc? Ut, ¿cꞌaꞌut nak xesukꞌisi li ti̱quilal chokꞌ ma̱usilal?

Amós 5:10

La̱ex aj Israel xicꞌ nequeril li ani naxcol rix li ti̱quilal. Ut xicꞌ nequeril li ani nayehoc re li ya̱l nak cuanqueb chiru laj rakol a̱tin.

Amós 5:6

—Sicꞌomakin ban la̱in, chan li Ka̱cuaꞌ, ut ta̱cua̱nk le̱ yuꞌam chi tzꞌakal, xban nak cui incꞌaꞌ tine̱sicꞌ, tinrakok a̱tin saꞌ e̱be̱n. Chanchan xam tintakla chak nak tinrakok a̱tin saꞌ e̱be̱n la̱ex laj Israel. Chixjunileb teꞌcꞌatekꞌ xban li xam ut ma̱ ani junak saꞌ xya̱nkeb laj Bet-el ta̱ru̱k ta̱chupuk re li xam, chan li Dios.

Jeremías 31:7

Li Ka̱cuaꞌ quixye: —¡Bichankex xban xsahil e̱chꞌo̱l saꞌ xcꞌabaꞌeb li ralal xcꞌajol laj Jacob, li nim xcuanquil saꞌ xya̱nkeb chixjunileb li tenamit! Chi-abi̱k xya̱b le̱ cux nak te̱lokꞌoni li Ka̱cuaꞌ ut te̱ye, “Li Ka̱cuaꞌ xcoloc reheb lix tenamit. Aꞌan xcoloc ke la̱o aj Israel li joꞌ qꞌuial chic xocana.”

Salmos 119:104

Riqꞌuin xtzolbal la̱ cua̱tin nintau innaꞌleb ut xicꞌ nacuil li ma̱usilal.

Salmos 37:27

Canabomak xba̱nunquil li incꞌaꞌ us. Cheba̱nuhak ban li us. Ut ta̱cua̱nk jun e̱naꞌaj re texcua̱nk cuiꞌ chi junelic.

Salmos 34:14

Me̱ba̱nu chic li ma̱usilal. Cheba̱nuhak ban li us ut cheqꞌuehak e̱chꞌo̱l chi cua̱nc saꞌ tuktu̱quil usilal.

2 Reyes 19:4

Lix reyeb laj Asiria quixtakla laj Rabsaces li nim xcuanquil chixhobbal li yoꞌyo̱quil Dios. Ma̱re xrabi ajcuiꞌ li Ka̱cuaꞌ la̱ Dios li hoboc ut tixqꞌue taxak chixtojbal xma̱c li ani xhoboc re. Chattijok chirixeb li katenamit li joꞌ qꞌuial chic xeꞌcana.—

2 Reyes 15:29

Saꞌ eb li cutan nak laj Peka cuan chokꞌ rey aran Israel, laj Tiglat-pileser lix reyeb laj Asiria quichal chi pletic riqꞌuineb laj Israel. Quinumta saꞌ xbe̱neb li tenamit Ijón, Abel-bet-maaca, Janoa, Cedes, Hazor, Galaad, Galilea ut chixjunil lix naꞌajeb li ralal xcꞌajol laj Neftalí. Quixchapeb li cristian ut quixcꞌameb chi pre̱xil aran Asiria.

2 Reyes 13:7

Ma̱cꞌaꞌ chic xsoldado laj Joacaz queꞌcana. Mero ciento aj chic lix soldado li nequeꞌxic chirix cacua̱y, laje̱b aj chic lix carruaje ut laje̱b mil aj chic li soldado li nequeꞌxic chi rokeb. Ut eb li jun chꞌol chic queꞌsacheꞌ ruheb xbaneb laj Asiria. Chanchan nak nayekꞌi̱c li poks saꞌ chꞌochꞌ nak queꞌsacheꞌ ruheb.

2 Samuel 16:12

Ma̱re li Ka̱cuaꞌ Dios ta̱ril li raylal li yo̱quin chixcꞌulbal ut ma̱re ta̱ril xtokꞌoba̱l cuu ut tinrosobtesi chokꞌ re̱kaj li raylal li yo̱quin chixcꞌulbal anakcuan, chan.

Salmos 80:1

At Ka̱cuaꞌ, la̱at laj ilol reheb laj Israel. La̱at nacatcꞌamoc be chiruheb li ralal xcꞌajol laj José joꞌ jun cha̱bil pastor naxberesiheb lix carner. La̱at li nacathilan saꞌ xyiheb li querubines ut nacacꞌut la̱ lokꞌal.

Daniel 2:49

Laj Daniel quixtzꞌa̱ma chiru li rey nak teꞌqꞌuehekꞌ chi cꞌanjelac saꞌ li tenamit Babilonia laj Sadrac, laj Mesac, ut laj Abed-nego. Yal xban nak joꞌcan quixtzꞌa̱ma laj Daniel, joꞌcan nak queꞌqꞌueheꞌ saꞌ xcuanquileb. Ut laj Daniel aꞌan li kꞌaxal nim xcuanquil saꞌ xya̱nkeb li nequeꞌtaklan saꞌ xbe̱n li tenamit.

Amós 7:3

Ut li Ka̱cuaꞌ quixjal xcꞌaꞌux. —Incꞌaꞌ texinsach, chan.

Jonás 1:6

Ut li nataklan saꞌ li jucub co̱ cuan cuiꞌ laj Jonás ut quixye re: —Ut la̱at, ¿cꞌaꞌut nak yo̱cat chi cua̱rc? Cuaclin ut ya̱ba xcꞌabaꞌ la̱ Dios. Ma̱re chan nak aꞌan ta̱ril xtokꞌoba̱l ku ut toxtenkꞌa re nak incꞌaꞌ to-osokꞌ, chan.

Sofonías 2:3

Sicꞌomak li Ka̱cuaꞌ che̱junilex la̱ex li tu̱lanex saꞌ ruchichꞌochꞌ. Sicꞌomak li Ka̱cuaꞌ la̱ex li nequeba̱nu li cꞌaꞌru naraj li Ka̱cuaꞌ. Ti̱cak le̱ chꞌo̱l ut cheba̱nu li cha̱bilal. Ma̱re chan nak texcolekꞌ chiru lix joskꞌil li Dios saꞌ eb li cutan aꞌan.

Malaquías 3:18

Toj aran te̱qꞌue retal li ani quixba̱nu li us ut li ani incꞌaꞌ quixba̱nu li us. Te̱qꞌue retal lix jalanil riqꞌuineb li ani queꞌcꞌanjelac chicuu ut li ani incꞌaꞌ queꞌcꞌanjelac chicuu, chan li Ka̱cuaꞌ.

Jeremías 18:8

Abanan cui eb li tenamit aꞌin teꞌxjal xcꞌaꞌux ut teꞌxcanab xba̱nunquil li ma̱usilal, la̱in tincuil xtokꞌoba̱l ruheb ut incꞌaꞌ chic tinrahobtesiheb joꞌ xincꞌoxla xba̱nunquil reheb.

Jeremías 22:3

La̱in li Ka̱cuaꞌ yo̱quin chi a̱tinac a̱cuiqꞌuin. Cheba̱nuhak li us ut texcua̱nk saꞌ ti̱quilal. Checoleb li rahobtesinbileb chiruheb li nequeꞌrahobtesin reheb. Me̱balakꞌiheb ut me̱relkꞌa cꞌaꞌru reheb li jalaneb xtenamit. Ut me̱ba̱nu raylal reheb li ma̱cꞌaꞌeb xnaꞌ xyucuaꞌ, chi moco reheb li xma̱lcaꞌan. Me̱camsiheb saꞌ li naꞌajej aꞌin li ma̱cꞌaꞌeb xma̱c.

Ezequiel 45:9

Li nimajcual Dios quixye: —La̱ex li nequextaklan saꞌ xbe̱neb lin tenamit Israel, tzꞌakal li rahobtesi̱nc li xeba̱nu. Canabomak xba̱nunquil li ma̱usilal. Cheba̱nu ban li us ut chexcua̱nk saꞌ ti̱quilal. Canabomak xmakꞌbal lix chꞌochꞌeb lin tenamit, chan.

Miqueas 3:2

La̱ex nequera li incꞌaꞌ us ut nequetzꞌekta̱na li us. La̱ex nequexrahobtesin reheb lin tenamit. Chanchan nak nequerisi lix tzꞌu̱maleb chiru lix tibeleb ut nequerisi lix tibeleb chiru lix bakeleb nak nequerahobtesiheb.