Amós 5:12 - Li Santil hu

¹² La̱in ninnau nak nequekꞌetkꞌeti e̱rib. Ninnau nak numtajenak le̱ ma̱usilal. Nequerahobtesi li ti̱queb xchꞌo̱l. Nacuulac che̱ru nak natumina̱c e̱ru ut incꞌaꞌ nequexrakoc a̱tin chi tzꞌakal saꞌ xbe̱neb li nebaꞌ.

Q'eqchi Bible

¹² Laa'in ninnaw naq k'ajo' xk'ihal leemaa'usilal, ninnaw naq numtajenaq leemaak: nekerahob'tesi li tiik xch'ool, natuminaak eeru ut nekesach xwankileb' li neb'a' sa'eb' li raqleb'aal aatin.

Amós 5:12 ပူးပေါင်းရင်းမြစ်များ

Amós 5:10

La̱ex aj Israel xicꞌ nequeril li ani naxcol rix li ti̱quilal. Ut xicꞌ nequeril li ani nayehoc re li ya̱l nak cuanqueb chiru laj rakol a̱tin.

Isaías 1:23

Eb li nequeꞌcꞌamoc be che̱ru aj kꞌetoleb a̱tin ut nequeꞌxjunaji rib riqꞌuineb laj e̱lkꞌ. Nequeꞌxra ru li tumin ut nequeꞌxqꞌue rib chi tumina̱c. Incꞌaꞌ nequeꞌxba̱nu usilal reheb li ma̱cꞌaꞌeb xnaꞌ xyucuaꞌ chi moco nequeꞌxtenkꞌaheb li xma̱lcaꞌan.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

1 Samuel 8:3

Abanan eb li alalbej incꞌaꞌ queꞌrakoc a̱tin saꞌ xya̱lal joꞌ quixba̱nu li yucuaꞌbej. Yo̱queb chixrahinquil ru li tumin. Nequeꞌtumina̱c ru. Ut incꞌaꞌ nequeꞌrakoc a̱tin saꞌ ti̱quilal.

Santiago 5:6

La̱ex quexrakoc a̱tin saꞌ xbe̱neb li ti̱queb xchꞌo̱l ut quecamsiheb. Ut eb aꞌan ma̱cꞌaꞌ queꞌxba̱nu e̱re.

Santiago 5:4

La̱ex yo̱quex chixxocbal e̱tumin ut incꞌaꞌ nequeqꞌue xtojbaleb li queꞌkꞌoloc e̱riqꞌuin. Eb aꞌan yo̱queb chi kꞌoko̱nc ut li nimajcual Dios yo̱ chirilbal xtokꞌoba̱l ruheb nak yo̱queb chi kꞌoko̱nc li queꞌcꞌanjelac e̱riqꞌuin.

Hechos 7:52

¿Ma cuan ta biꞌ junak profeta incꞌaꞌ quirahobtesi̱c xbaneb le̱ xeꞌto̱nil yucuaꞌ? ¿Ma incꞌaꞌ ta biꞌ queꞌxcamsiheb li queꞌchꞌoloban chak resil lix cꞌulunic li jun li Ti̱c Xchꞌo̱l, li quekꞌaxtesi la̱ex chi camsi̱c?

Miqueas 7:3

Se̱beb xchꞌo̱l chixba̱nunquil li incꞌaꞌ us. Li nataklan saꞌ xbe̱neb li tenamit naraj nak ta̱qꞌuehekꞌ xtumin. Ut laj rakol a̱tin natumina̱c ru nak narakoc a̱tin. Li ani cuan xcuanquil naxye reheb cꞌaꞌru naraj ut chixjunileb nequeꞌxcꞌu̱b ru chanru nak teꞌxba̱nu li incꞌaꞌ us.

Miqueas 3:11

Eb laj rakol a̱tin nequeꞌtumina̱c ruheb nak nequeꞌrakoc a̱tin. Ut eb laj tij tojbileb nak nequeꞌxcꞌut li chakꞌrab chiruheb li tenamit. Ut eb li profeta nequeꞌyehoc ra̱tin profeta re nak teꞌxcꞌul lix tumineb. Ut chixjunileb nequeꞌxcꞌojob xchꞌo̱l chixyebal: —Li Ka̱cuaꞌ cuan kiqꞌuin. La̱o ma̱cꞌaꞌ raylal takacꞌul, chanqueb.

Amós 2:16

Saꞌ eb li cutan aꞌan li soldado li kꞌaxal cau rib tixcanab lix chꞌi̱chꞌ re pletic re nak ta̱ru̱k ta̱e̱lelik, chan li Ka̱cuaꞌ.

Lamentaciones 3:34

Li Ka̱cuaꞌ incꞌaꞌ nacuulac chiru nak teꞌrahobtesi̱k li cuanqueb rubel xcuanquil jalan tenamit.

Jeremías 29:23

Cꞌajoꞌ li ma̱usilal queꞌxba̱nu aran Israel. Queꞌxmux ru lix sumlajiqueb nak queꞌxchꞌic ribeb riqꞌuineb li rixakileb li ras ri̱tzꞌin. Xeꞌxye ticꞌtiꞌ saꞌ incꞌabaꞌ. Ma̱cuaꞌ la̱in xintaklan reheb. La̱in ninnau nak incꞌaꞌ us yo̱queb. Incꞌaꞌ us lix naꞌlebeb, chan li Ka̱cuaꞌ.

Isaías 66:18

La̱in ninnau cꞌaꞌru nequeꞌxcꞌoxla. La̱in ninqꞌue retal cꞌaꞌru nequeꞌxba̱nu. Ta̱cuulak xkꞌehil nak la̱in tinchꞌutubeb chixjunileb li xni̱nkal ru tenamit li jalan jala̱nk ra̱tinoba̱leb. Nak teꞌcuulak Jerusalén, teꞌril lin lokꞌal.

Isaías 47:9

Abanan kꞌaxal ra te̱cꞌul. Saꞌ junpa̱t ta̱cha̱lk li raylal saꞌ e̱be̱n. Chiru jun cutan ta̱sachekꞌ le̱ cuanquil. Chanchanakex chic junak li ixk li xcam xbe̱lom malaj ut joꞌ junak li xcam ralal xcꞌajol. Usta la̱ex aj kꞌe ut usta nequenau tu̱lac, abanan incꞌaꞌ ta̱ru̱k te̱col e̱rib.

Isaías 33:15

Naru texcolekꞌ cui nequex-a̱tinac saꞌ xya̱lal ut nequeba̱nu li ti̱quilal. Me̱relkꞌa li cꞌaꞌru reheb li nebaꞌ ut me̱qꞌue e̱rib chi tumina̱c. Me̱junaji e̱rib riqꞌuineb li nequeꞌxcꞌu̱b ru xba̱nunquil li ma̱usilal ut li camsi̱nc.

Isaías 29:21

Li Dios tixsach ruheb li nequeꞌkꞌaban ut tixsach ajcuiꞌ ruheb li nequeꞌbalakꞌin re laj rakol a̱tin. Ut tixsach ajcuiꞌ ruheb li nequeꞌxsicꞌ xya̱lal re nak incꞌaꞌ ta̱rakekꞌ a̱tin saꞌ ti̱quilal saꞌ xbe̱neb li ma̱cꞌaꞌeb xma̱c.

Isaías 10:2

Xban li chakꞌrab li xeqꞌue incꞌaꞌ nequexrakoc a̱tin saꞌ xya̱lal saꞌ xbe̱neb li nebaꞌ ut eb li rahobtesinbileb. Ut nequemakꞌ li cꞌaꞌru reheb chiruheb li xma̱lcaꞌan joꞌ eb ajcuiꞌ li ma̱cꞌaꞌ xnaꞌ xyucuaꞌeb.

Isaías 5:23

Nequecol rix li cuanqueb xma̱c xban nak nequeꞌxtumina e̱ru, ut aꞌ chic li ti̱queb xchꞌo̱l nequeye nak cuanqueb xma̱c.

Proverbios 22:22

Li xbe̱n naꞌleb, aꞌan aꞌin: Me̱relkꞌa li cꞌaꞌru reheb li nebaꞌ yal xban nak nebaꞌeb. Chi moco te̱rahobtesiheb nak yo̱k chi rakecꞌ a̱tin saꞌ xbe̱neb yal xban nak incꞌaꞌ naru teꞌxcol ribeb.

Li xHu LAJ JOB 31:21

Ma̱ jun sut xinba̱nu raylal reheb li ma̱cꞌaꞌeb xnaꞌ xyucuaꞌ, usta ninnau nak naru nincol cuib chiruheb laj rakol a̱tin.

Li xHu LIX RUT 4:1

Ut laj Booz co̱ ut quicꞌojla saꞌ li oqueba̱l re li tenamit bar cꞌaynakeb cuiꞌ chixchꞌutubanquil ribeb li cristian. Saꞌ ajcuiꞌ li ho̱nal aꞌan quinumeꞌ li rechꞌalal, ut laj Booz quixbok riqꞌuin ut quixye re: —Quim arin. Chunlan chincꞌatk, chan. Ut li rechꞌalal quicꞌojla chixcꞌatk.

Deuteronomio 31:21

Nabal li raylal ut li chꞌaꞌajquilal ta̱cha̱lk saꞌ xbe̱neb. Abanan ta̱bicha̱k li bich aꞌin chokꞌ retalil li ma̱usilal queꞌxba̱nu. La̱in ninnau cꞌaꞌru cuan saꞌ xchꞌo̱leb usta toj ma̱jiꞌ xincꞌameb saꞌ li naꞌajej li quinyechiꞌi reheb, chan li Dios.

Deuteronomio 16:18

Te̱xakab laj rakol a̱tin ut eb li teꞌtakla̱nk saꞌ xbe̱neb li junju̱nk xte̱paleb saꞌ eb le̱ tenamit li tixqꞌue e̱re li Ka̱cuaꞌ le̱ Dios. Ut eb aꞌan teꞌrakok a̱tin saꞌ xbe̱neb le̱ tenamit saꞌ ti̱quilal.

Salmos 127:5

Us xak reheb li cuan nabal ralal xcꞌajoleb. Moco xuta̱nal ta teꞌe̱lk nak teꞌxcꞌul li xicꞌ nequeꞌiloc reheb xban nak li ralal xcꞌajoleb teꞌoque̱nk chirixeb.

Proverbios 17:8

Li tumina̱nc u kꞌaxal terto xtzꞌak chiruheb li cꞌaynakeb chi tuminac u xban nak riqꞌuin aꞌan us nequeꞌel riqꞌuin chixjunil li nequeꞌxba̱nu.

Ezequiel 13:22

La̱ex xeqꞌue xrahil xchꞌo̱leb li ti̱queb xchꞌo̱l riqꞌuin li ticꞌtiꞌ xeye. La̱in incꞌaꞌ nacuaj nak teꞌxcꞌul li raylal. La̱ex xeqꞌueheb chi cacuu̱c xchꞌo̱leb li incꞌaꞌ useb xnaꞌleb. Ut incꞌaꞌ xeꞌxcanab xba̱nunquil li ma̱usilal e̱ma̱c la̱ex.

Oseas 5:3

La̱in ninnau chanru le̱ naꞌleb la̱ex ralal xcꞌajol laj Efraín. Incꞌaꞌ naru te̱muk e̱rib chicuu ex aj Israel. Li ralal xcꞌajol laj Efraín xineꞌxtzꞌekta̱na ut yo̱queb chixlokꞌoninquil li jalanil dios. Ut lix ma̱usilaleb aꞌan xbon rib saꞌ e̱ya̱nk che̱junilex la̱ex aj Israel.

Amós 2:3

Tincuisi chiruheb li tenamit lix reyeb ut tincamsi rochbeneb li nequeꞌcꞌanjelac chiru, chan li Ka̱cuaꞌ.

Amós 5:7

Raylal ta̱cha̱lk saꞌ e̱be̱n la̱ex li nequesukꞌisi li ti̱quilal chokꞌ ma̱usilal ut nequesach xcuanquil li us.

Amós 8:4

Abihomak li oc cue xyebal e̱re la̱ex li nequexrahobtesin reheb li ma̱cꞌaꞌ cuan reheb, la̱ex li nequexsachoc reheb li nebaꞌ li cuanqueb saꞌ le̱ tenamit.

Éxodo 23:3

Chi moco junak nebaꞌ checol rix cui incꞌaꞌ us li yo̱ chixba̱nunquil.

Éxodo 23:6

Chetenkꞌaheb li nebaꞌ re nak us teꞌe̱lk nak ta̱rakekꞌ a̱tin saꞌ xbe̱neb, ut me̱canab xjuneseb.

Li xHu LAJ JOB 20:19

Quixrahobtesiheb li nebaꞌ ut quixmakꞌ chiruheb li cꞌaꞌru cuan reheb. Quixmakꞌ chiruheb li rochocheb incꞌaꞌ quixcꞌanjela.