Amós 5:1 - Li Santil hu

¹ Abihomak li a̱tin aꞌin li oc cue xyebal anakcuan. Tinbicha jun li bich re rahil chꞌo̱lej xban li raylal li cha̱lc re saꞌ e̱be̱n, la̱ex laj Israel.

Q'eqchi Bible

¹ Ex aj Israel, ab'ihomaq li waatin a'in; ok we chi xb'ichankil jun rahil b'ich cho'q eere:

Amós 5:1 ပူးပေါင်းရင်းမြစ်များ

Ezequiel 19:1

Li Dios quixye cue nak tinbicha li bich aꞌin re rahil chꞌo̱lejil chirixeb li nequeꞌtaklan aran Israel:

Jeremías 9:17

Ut li Ka̱cuaꞌ li nimajcual Dios quixye ajcuiꞌ: —Abihomak. Taklahomak xcꞌambaleb chak li ixk li nequeꞌxnau ya̱bac, eb li ixk li ac aꞌan ajcuiꞌ xcꞌanjeleb.—

Jeremías 9:10

Laj Jeremías quixye: —La̱in tinya̱bak chirix li cꞌaꞌru quixcꞌul li tzu̱l ut li pachꞌayaꞌ. Xeꞌcana chi ma̱cꞌaꞌ chic cuan chiru ut ma̱ ani chic nanumeꞌ aran. Incꞌaꞌ chic nequeꞌabi̱c chi ya̱bac li cuacax. Queꞌe̱lelic li xul li nequeꞌrupupic chiru choxa. Ut queꞌe̱lelic ajcuiꞌ chixjunileb li joskꞌ aj xul, chan.

Jeremías 7:29

La̱ex aj Jerusalén, besomak li rismal le̱ jolom ut cutumak chi najt. Ut ocankex chi ya̱bac saꞌ xbe̱neb li tzu̱l. Li Ka̱cuaꞌ xextzꞌekta̱na xban nak yo̱ xjoskꞌil saꞌ e̱be̱n la̱ex lix tenamit.

Miqueas 2:4

Ut saꞌ eb li cutan aꞌan, eb li xicꞌ nequeꞌiloc e̱re texhob ut texretzꞌu ut teꞌxbicha li bich li nequebicha la̱ex yal re e̱hobbal: La̱o xo-osoꞌ. Xkasach chixjunil. Li Ka̱cuaꞌ quixmakꞌ chiku li kachꞌochꞌ ut quixjeqꞌui reheb li queꞌchapoc ke, chaꞌkeb e̱re.

Amós 5:16

Joꞌcaꞌin quixye li Ka̱cuaꞌ, li nimajcual Dios: —Saꞌ eb li be japjo̱k e̱re chi ya̱bac xban li raylal li yo̱kex chixcꞌulbal. Te̱bokeb li cuanqueb saꞌ cꞌaleba̱l chi ya̱bac e̱riqꞌuin ut te̱bokeb ajcuiꞌ li tojbileb chi ya̱bac.

Amós 4:1

Abihomak ex ixk aj Samaria. Chanchanex li cuacax aran Basán, li ni̱nkeb ut chꞌolaninbil chi us. La̱ex nequerahobtesi li ma̱cꞌaꞌeb xcuanquil ut eb li nebaꞌ. Ut nequetaklaheb le̱ be̱lom chixcꞌambal e̱vino re te̱rucꞌ.

Amós 3:1

La̱ex laj Israel, cherabihak li naxye li Ka̱cuaꞌ che̱rix che̱junilex la̱ex li quexrisi chak saꞌ li tenamit Egipto nak quixye chi joꞌcaꞌin:

Ezequiel 32:16

Aꞌan aꞌin li bich re rahil chꞌo̱lej li teꞌxbicha li ixk li cuanqueb saꞌ eb li xni̱nkal ru tenamit. Teꞌxbicha li bich aꞌin xban xrahil xchꞌo̱leb chirix li tenamit Egipto ut chirixeb li queꞌcuan aran, chan li nimajcual Dios.

Ezequiel 32:2

—At ralal cui̱nk, ta̱bicha jun li bich re rahil chꞌo̱lej chirix laj faraón lix reyeb laj Egipto. Ta̱ye: Chanchanat jun li cakcoj saꞌ xya̱nkeb li xni̱nkal ru tenamit. Chanchanat jun li joskꞌ aj xul dragón xcꞌabaꞌ nacuan saꞌ li palau. Nak narecꞌasi rib saꞌ li haꞌ natzꞌajnoꞌ li haꞌ ut nak nabe̱c nasululoꞌ ru.

Ezequiel 28:12

—At ralal cui̱nk, bicha li bich aꞌin re rahil chꞌo̱lej chirix lix reyeb laj Tiro ut ta̱ye: Li nimajcual Dios xye chi joꞌcaꞌin: Junxil la̱at tzꞌakal a̱cue a̱cuu. Cꞌajoꞌ la̱ naꞌleb ut cꞌajoꞌ la̱ chꞌinaꞌusal.

Ezequiel 27:2

—At ralal cui̱nk, bicha li bich re rahil chꞌo̱lej chirixeb laj Tiro.

Ezequiel 26:17

Ut teꞌxbicha li bich aꞌin re rahil chꞌo̱lejil che̱rix la̱ex: Quisacheꞌ ru li tenamit li kꞌaxal naꞌno ru nak quicuan. Aran queꞌcuan li nequeꞌxic saꞌ eb li jucub. Junxil eb li cuanqueb saꞌ li tenamit aꞌin queꞌtaklan saꞌ xbe̱neb li nequeꞌxic saꞌ li palau ut queꞌxqꞌue xxiuheb li cuanqueb chire li palau.

Ezequiel 19:14

Quiloch xxamlel li xto̱nal ut quixcꞌat li rukꞌ joꞌ ajcuiꞌ li ru. Incꞌaꞌ chic ta̱cua̱nk li rukꞌ cha̱bil chokꞌ xxukꞌeb li rey. Aꞌan aꞌin jun li bich re rahil chꞌo̱lej ut qꞌuila sut ta̱bichama̱nk re rahil chꞌo̱lej.

Jeremías 9:20

Laj Jeremías quixye: —La̱in quinye reheb, “La̱ex ixk, abihomak li cꞌaꞌru naxye li Ka̱cuaꞌ. Qꞌuehomak retal li naxye. Cꞌutumak chiruheb le̱ coꞌ chanru teꞌya̱bak. Ut cꞌutumak ajcuiꞌ li bich re rahil chꞌo̱lej chiruheb le̱ rami̱g.

Jeremías 9:9

¿Ma incꞌaꞌ ta biꞌ tinqꞌueheb chixtojbal lix ma̱queb li tenamit aꞌin? ¿Ma incꞌaꞌ ta biꞌ tinqꞌue re̱kaj reheb li ma̱usilal nequeꞌxba̱nu? La̱in li Ka̱cuaꞌ ninyehoc re aꞌin.—

Jeremías 18:13

Joꞌcan nak li Ka̱cuaꞌ naxye: —Patzꞌomak saꞌ eb li xni̱nkal ru tenamit ma quicꞌulman na jun sutak chi joꞌcaꞌin. Abanan eb laj Israel queꞌxba̱nu chi joꞌcan. Kꞌaxal yibru queꞌxba̱nu.

Amós 8:14

Eb li nequeꞌxba̱nu xjuramento saꞌ xcꞌabaꞌ li yi̱banbil dios li cuan Samaria, eb aꞌan teꞌosokꞌ. Cuanqueb li teꞌxpatzꞌ xcꞌabaꞌ lix yi̱banbil dios li cuanqueb saꞌ li naꞌajej Dan ut teꞌxpatzꞌ xcꞌabaꞌeb lix dioseb li cuanqueb aran Beerseba. Eb li tenamit aꞌan teꞌsachekꞌ chi junaj cua, chan li Dios.